#Adliya_xabari

Fargʻonada ham biologik ota-onalik faktini aniqlash imkoniyati yaratildi

X.Sulaymonova nomidagi Respublika sud ekspertizasi markazi Fargʻona viloyati boʻlimida Odam DNKsi sud biologik ekspertizasi laboratoriyasini hamda ushbu boʻlimning yangi binosini tantanali ochilish marosimi boʻlib oʻtdi. Shuningdek, OAV va keng jamoatchilik vakillari uchun yangi bino boʻylab press-tur tashkil etildi.

Tadbirda adliya vaziri oʻrinbosari Sh. Rabiyev, Fargʻona viloyati hokimligi, sudlar, huquqni muhofaza qiluvchi organlar, viloyat davlat hokimiyati boshqaruvi organlari vakillari ishtirok etdi.

Tadbir doirasida OAV va keng jamoatchilik vakillariga X.Sulaymonova nomidagi Respublika sud ekspertizasi markazi faoliyati, markazda amalga oshirilayotgan islohotlar samarasi, yangi joriy etilgan ekspertiza turlari, takomillashtirilgan zamonaviy moddiy-texnik baza hamda markazning Fargʻona viloyati boʻlimida yangi tashkil etilgan Odam DNKsi sud biologik ekspertizasi laboratoriyasi haqida batafsil maʼlumot berildi.

📌 Kanalga ulanish

#Adliya_xabari

Adliya vazirligi va Patent vakillari assotsiatsiyasi oʻrtasida hamkorlikni yanada kuchaytirish boʻyicha uchrashuv tashkil etildi.

Joriy yilning 4-noyabr kuni adliya vaziri oʻrinbosari M. Ikramov boshchiligida vazirlik masʼul xodimlari va Patent vakillari assotsiatsiyasi aʼzolari ishtirokida uchrashuv tashkil etildi.

Uchrashuv konstruktiv ruhda tashkil etilib, patent vakillarining intellektual mulk obyektlarini huquqiy muhofaza va himoya qilishdagi oʻrni, sohada mavjud muammolar hamda ularning yechimiga doir takliflar muhokama qilindi.

Jumladan, adliya vaziri oʻrinbosari M. Ikramov tomonidan soha rivojida patent vakilligi instituti muhim ahamiyat kasb etishi, bunga yorqin misol sifatida joriy yilda Adliya vazirligi Apellatsiya kengashi tomonidan 74 ta apellatsiyalar koʻrib chiqilgan boʻlsa, shulardan 63 tasi, yaʼni 85 foizi patent vakillari tomonidan kiritilganligi taʼkidlandi.

Shuningdek, Patent vakillari assotsiatsiyasi raisi M. Tursunova tomonidan “Sanoat mulki muhofazasi” portalini takomillashtirish hamda patent vakillarining kasbiy bilim va malakasini oshirish boʻyicha takliflar bildirildi.

Uchrashuv soʻngida vazirlik va Patent vakillari assotsiatsiyasi ekspertlari tarkibida boʻlgan ishchi guruh tashkil etish hamda mavjud muammolarni hal etishda hamkorlikda faoliyat olib borishga kelishib olindi.

📌 Kanalga ulanish

#Adliya_va_yoshlar

Samarqand viloyat adliya boshqarmasi va viloyatdagi adliya organlari tomonidan 30 ming nafardan ortiq yoshlarning muammolari xatlovdan o‘tkazilib, ayni paytda ularga ijtimoiy, huquqiy ko‘mak ko‘rsatilishi davom etmoqda.

👉Batafsil

📌 Kanalga ulanish