#Adliya_va_yoshlar

Adliya vaziri Buxoroda yoshlar bilan ochiq muloqot o‘tkazdi

Adliya vaziri Akbar Toshqulovning Buxoro davlat universiteti talabalari va viloyat yuridik texnikumi o‘quvchilari bilan bugungi uchrashuvi adliya organlari ochiqligi va yosh avlod bilan hamkorlikka tayyorligining yorqin namunasidir.

Tadbir davomida vazir huquq sohasida amalga oshirilgan islohotlar, bu borada kelgusi rejalar bilan o‘rtoqlashib, yoshlarning kasbiy o‘sishi va ularning mamlakatimiz va adliya tizimini rivojlantirishda ishtirok etish imkoniyatlari haqida to‘xtalib o‘tdi.

Vazir bugungi kunda yoshlar uchun barcha eshiklar ochiq ekanligini, O‘zbekistonning kelajagi ko‘p jihatdan ularning ishtiroki va o‘zgarishlarga tayyorligiga bog‘liqligini ta’kidladi. “Sizlarning g‘oya va takliflaringiz biz uchun g‘oyat muhimdir. Biz shunday sharoit yaratishga intilamizki, siz nafaqat ta’lim olishingiz, balki o‘z bilimlaringizni amalda faol qo‘llashingiz, atrofingizdagi voqelikni yaxshi tomonga o‘zgartirishingiz mumkin bo‘lsin”, — dedi vazir.

Muloqot davomida talabalar kasbiy istiqbollari, amaliyot o‘tash va jamoatchilik tashabbuslarida ishtirok etish imkoniyatlari haqida savollar berishdi.

Uchrashuv ilhomlantiruvchi ohangda yakunlandi: vazir talabalarni ijtimoiy hayotda faol ishtirok etishga va tashabbuslar bilan chiqishdan cho‘chimaslikka undadi. Ta’kidlanishicha, O‘zbekiston huquq tizimining kelajagi aynan yoshlarning g‘ayrati, shijoati va innovatsion yondashuvlariga asoslanadi.

📌 Kanalga ulanish

#Adliya_va_yoshlar

Samarqand viloyat adliya boshqarmasi va viloyatdagi adliya organlari tomonidan 30 ming nafardan ortiq yoshlarning muammolari xatlovdan o‘tkazilib, ayni paytda ularga ijtimoiy, huquqiy ko‘mak ko‘rsatilishi davom etmoqda.

👉Batafsil

📌 Kanalga ulanish

#Adliya_va_yoshlar

Adliya vaziri Namangan yoshlari bilan ochiq muloqot oʻtkazdi

Adliya vaziri Akbar Toshqulov Namangan davlat universiteti talabalari va viloyat yuridik texnikumi hamda akademik litsey oʻquvchilari bilan ochiq muloqot oʻtkazdi.

Vaziri huquq sohasida amalga oshirilgan islohotlar, bu borada kelgusi rejalar bilan oʻrtoqlashib, yoshlarning kasbiy oʻsishi va ularning mamlakatimiz va adliya tizimini rivojlantirishda ishtirok etish imkoniyatlari haqida toʻxtalib oʻtdi.

Muloqot davomida yoshlar oʻzlarini qiziqtirgan savollar bilan yuzlanib, atroflicha javob oldilar.

📌 Kanalga ulanish

#Adliya_va_yoshlar

Toshkent davlat yuridik universitetida yoshlar uchun “Ochiq eshiklar kuni” tashkil etildi

Toshkent shahri va Toshkent viloyati adliya boshqarmalariga biriktirilgan 120 nafar otaliqqa olingan yoshlar hamda Toshkent shahridagi 24-ixtisoslashtirilgan maktabining 50 nafar talabalari jalb qilingan holda Toshkent davlat yuridik universitetida “Mamlakat kelajagi – qonunga itoatkor va huquqbuzarlikka toqatsiz yoshlar bilan” shiori ostida "Rektor va yoshlar" uchrashuvi, "Ochiq eshiklar kuni" va “Men qanday talaba bo‘ldim” tadbirlari tashkil qilindi.

Tashrif buyurgan yoshlar avvalo universitetda yoshlar uchun yaratilgan sharoitlar va imkoniyatlar bilan tanishdilar va ta’lim olayotgan talabalar bilan yaqindan fikr almashdilar.

Yoshlar bevosita universitetda tashkil qilinayotgan yirik loyiha — BMT modeli loyihasida ishtirok etib, o‘z bilimlarini yanada oshirdilar.

Bundan tashqari, ta’lim dargohi rektori bilan motivatsion uchrashuv hamda interaktiv o‘yinlar yoshlar uchun juda sermazmun bo‘ldi.
Yoshlar o‘zlarining fikrlari bilan o‘zaro o‘rtoqlashdi.

Tadbir so‘ngida talabalar tomonidan sahnalashtirilgan spektakl namoyish qilindi.

📌 Kanalga ulanish

#Adliya_va_yoshlar

Qoraqalpogʻiston Respublikasi Adliya vazirligida “Rahbar va yoshlar” uchrashuvi boʻlib oʻtdi

Unda Qoraqalpogʻiston Respublikasi adliya vaziri E.Tursunov vazirlikka otaliqqa biriktirilgan yoshlar, shuningdek, huquqshunoslik sohasida taʼlim olayotgan va kelajakda adliya sohasida ishlashga ishtiyoqi bor boʻlgan 150 nafardan ortiq yoshlar bilan ochiq muloqot oʻtkazdi.

Tadbir davomida yoshlar uchun “Ochiq eshiklar kuni” ham tashkillashtirilib, adliya faoliyati bilan yaqindan tanishtirildi. Yoshlar oʻrtasida jinoyatchilik va huquqbuzarliklarning oldini olishga qaratilgan “Azart oqibati” nomli film namoyish qilindi.

Tadbir soʻngida yoshlar oʻzlarini qiziqtirgan savollar, takliflar va muammolarini toʻgʻridan-toʻgʻri vazirga yoʻlladilar.

📌 Kanalga ulanish

#Adliya_va_yoshlar

Adliya vaziri oʻrinbosari Andijonda yoshlar bilan uchrashdi

Adliya vaziri oʻrinbosari Sh.Rabiyev Andijon qishloq xoʻjaligi va agrotexnologiyalar instituti talabalari bilan uchrashdi. Muloqot davomida vazir oʻrinbosari bugungi kunda yurtimizda yoshlarga yaratilgan imkoniyatlar, shaxsiy huquq va erkinliklari hamda ularning jamiyat va davlat hayotida faol ishtirok etishini ragʻbatlantirish masalalariga toʻxtalib oʻtdi.

Shuningdek, adliya organlarining ish faoliyati, tizimga ishga kirish uchun taʼlim yoʻnalishlari hamda bitiruvchi yoshlarga berilgan imtiyozlar haqida asosli tushuntirishlar berildi.

Ochiq muloqot formatida boʻlib oʻtgan uchrashuvda yoshlar bir qator takliflarni ilgari surdilar hamda oʻzlarini qiziqtirgan savollarini toʻgʻridan-toʻgʻri vazir oʻrinbosariga yoʻllashdi.

Uchrashuv yakunida universitet rahbariyati bilan kelgusidagi ishlar muhokama qilinib, vazifa va rejalar belgilab olindi.

📌 Kanalga ulanish