✅O‘zbekiston Respublikasi Adliya vazirligi xodimlari uchun o‘ziga xos, ruhlantiruvchi uchrashuv tashkil etildi. Mehmon sifatida sportimiz faxri, uch marta sakrash bo‘yicha ixtisoslashgan mashhur yengil atletikachi, jahon chempioni Davronova Sharifa Jamsherovna tashrif buyurdi!

🏅Sharifa Davronova — ko‘p marta O‘zbekiston chempioni, O‘zbekiston Kubogi g‘olibi, U20 Jahon chempioni va U18 Osiyo chempioni sifatida Vatanimizni xalqaro miqyosda munosib himoya qilgan sportchimizdir.

✅Ushbu samimiy uchrashuv davomida sportchimiz o‘zining sportga bo‘lgan sadoqati, mashaqqatli mehnat orqali erishilgan muvaffaqiyatlari va shaxsiy tajribasi bilan o‘rtoqlashdi. Uning har bir so‘zi ishtirokchilarga motivatsiya va ishonch bag‘ishladi.

✅Bunday tadbirlar ilhomlanish, intilish va fidokorlik singari yuksak qadriyatlarni yurtimiz xizmatchilari qalbida mustahkamlashga xizmat qiladi.

Telegram | Instagram | Facebook | YouTube | Bot

✅Adliya vaziri o'rinbosari Sh.Rabiyev Navoiy viloyati adliya organlari yangi binosi bilan tanishdi.

🔹Yangi binoda viloyat notarial va FHDY arxivi, O'zbekiston Respublikasi notarial palatasi viloyat boshqarmasi, O'zbekiston Respublikasi Adliya vazirligi huzuridagi X.Sulaymonova nomidagi sud ekspertiza markazi Navoiy viloyat bo'limi faoliyat yuritmoqda. Jarayonda binoda yaratilgan sharoitlar, arxiv saqlov xonalari, sud ekspertizasini zamon talablari asosida o'tkazish imkonini beruvchi yangi turdagi jihozlar bilan yaqindan tanishildi.

🔹Shundan so'ng, huquqni muhofaza qiluvchi organlar, davlat tashkilotlari va jamoatchilik ishtirokida "Ochiq eshiklar kuni" o'tkazildi. Bunda sud ekspertizasi faoliyati, tizimda joriy etilayotgan yangiliklar va mavjud imkoniyatlar xususida so'z yuritildi. Tadbirda sud idoralari vakillari, viloyat prokuraturasi,viloyat IIB, advokatlar,davlat organlari va tashkilotlari mas'ullari va jamoatchilik ishtirok etishmoqda.

Telegram | Instagram | Facebook | YouTube | Bot

❗️ Intellektual mulk huquqini buzayotgan shaxslarga choralar ko‘rildi

✅ Adliya vazirlrigi tomonidan o‘tkazilgan tekshiruvlar natijasiga ko‘ra “CLAAS KGaA” (Germaniya) kompaniyasining “Class” tovar belgisidan avto ehtiyot qismlarida “K.A.P.” MChJ va “Farmak” (Ukraina) kompaniyasining “Эдем” tovar belgisidan dori mahsulotlarida “X.K.” MChJ noqonuniy foydalanayotganliklari aniqlanib, ularga nisbatan BHM 100 baravari miqdoridan (37 mln.dan) jarimalar tayinlandi.

✅ “Green Zone Of World” MChJga tegishli “flowers garden” tоvаr belgisi “A.G.” MChJ va YaTT “G.O.” bino peshlavhalarida hamda ijtimoiy tarmoqlarda ruxsatsiz foydalanayotganliklari aniqlanib, ularga nisbatan huquqbuzarlikni bartaraf etish bo‘yicha majburiy taqdimnomalar kiritildi va huquqbuzarlikni bartaraf etish choralari ko‘rildi.

✅ “Entrepreneurs Club” MChJga tegishli “Califfornia” tovar belgisi aks ettirilgan kosmetika vositalarin YaTT “D.D.” tomonidan “yandex market” onlayn platformasida savdoga taklif etilayotganligi aniqlanib, unga vazirlikning taqdimnomasi asosida tovar belgisini platformadan olib tashlash majburiyati qoyildi.

🔴Hurmatli tadbirkorlar! Brendingizdan noqonuniy foydalanish holatlari boʻyicha Adliya vazirligining “1008” ishonch telefoni orqali xabar berishingizni yoki [email protected] elektron pochta manzili orqali murojaat qilishingizni soʻraymiz!

Telegram | Instagram | Facebook | YouTube | Bot