#Tanlovga
#Muhammad_Yusuf_tavalludining_70_yilligi

NAZIRA(Muhammad Yusufning "Baxtli bo'lamiz"she'riga)

Maylida kimgadir yoqsa yoqmasa,
Ularga qo'shilib yig'lasharmidik.
Biz baxtli bo'lamiz Xudo xohlasa,
Xudo xohlamasa uchrasharmidik.

Baxt tonggi ufurgan o'sha kechada,
Izlab topganimsan mening yagonam.
Loladek qizargan bul yanoqlarga,
Umrim suratlarin chizdim hoyna hoy.

Buloqlar aytishdi mayin kulishing,
Davo bo'lgan emish xasta chinorga.
Ko'rsam suyunaman o'sha chinordek,
Nasib qilarmikan bu ko'zlar menga.

Faqat sen yig'lama,charaqlab kulgin,
Quvonching borliqqa baxt hadya qilsin.
Gar sog'inch vidosi ezsada meni,
Qalbimning bahori sen bilan qolsin.

Sezyapman,olisdan kulyapti shafaq,
Bu taqdir bo'lmasa ko'risharmidik?
Biz baxtli bo'lamiz Xudo xohlasa,
Xudo xohlamasa uchrasharmidik.

Abdulla Oripov nomidagi ijod maktabining 10-sinf o‘quvchisi Umrzoqova Gulsevar.

#Tanlovga
#Muhammad_Yusuf_tavalludining_70_yilligi

IYMON QO‘SHIG‘I


"Umrning har kuni bayrammas, to'ymas,
O'char oqshomi bor oldinda chiroq.
Ko'ylagingga qarab jannatga qo'ymas,
Ajrim bo'lar bir kun savob-u gunoh.
Cho'yan doshqozonga shayton o't qalar,
Qutqarsa bir kuni iymon qutqarar".

         Muhammad Yusuf

Dunyoda yashading, ayshingni surding,
Barcha lazzatlarni totib ham ko‘rding.
Nogoh sur chalindi - hayoting bitdi,
So‘ngra Mahshar tomon ko‘zyosh-la yurding.
Endi na ko‘zyosh-u armon qutqarar,
"Qutqarsa bir kuni iymon qutqarar".

Misqoldek bir soya izlaysan bugun,
Savobdan soyabon istaysan bugun.
Onang o‘tirardi kutgancha seni,
Bir torgina ayvon istaysan bugun.
Lek na soyabon-u ayvon qutqarar,
"Qutqarsa bir kuni iymon qutqarar".

Uyingda osilgan yap-yangi Qur'on,
Joynamoz turibdi: sajda ko‘rmagan.
Jilovni topshirding nafsinga butkul,
Yelkangda o‘tirar bahaybat shayton.
Endi na dunyo-yu zamon qutqarar,
"Qutqarsa bir kuni iymon qutqarar".

Gadoni tepding-u yalinding boyga,
O‘ynamoq ham bo‘lding o‘lim-la poyga.
Bugun na mol-dunyo, tillolaring bor,
Kelib qolding boylik o‘lchanmas joyga.
Endi na iltijo, afg‘on qutqarar,
"Qutqarsa bir kuni iymon qutqarar".

Abdulla Oripov nomidagi ijod maktabining 9-"A" sinf o‘quvchisi Hikmatbek Boyqobilov

#Kun_hikmati

📚Qadimlarda kam soʻylashardi, oʻz soʻzlarining ortidan yetolmay qolishdan qoʻrqishardi.

✍️Konfutsiy

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Tanlovga
#Muhammad_Yusuf_tavalludining_70_yilligi
#Yosh_tarjimon_tògaragi

🔰Abdulla Oripov nomidagi ijod maktabining 7 "B"-sinf o'quvchilari, "Yosh tarjimon" to'garagining a'zosi Najimova Nozima va Eshmurodova Sevinch O'zbekiston Xalq shoiri  Muhammad Yusufning "Iqror" she'rini o'zbek tilidan ingliz tiliga tarjima qildi

IQROR

O, ota makonim,
Onajon oʻlkam,
Oʻzbekiston, jonim toʻshay soyangga.
Senday mehribon yoʻq,
Seningdek koʻrkam.
Rimni alishmasman bedapoyangga.

Bir goʻsha suv boʻlsa, bir goʻsha qirlar,
Qancha yurtni koʻrdim, qancha taqdirlar.
Qayga borsam suyab, boshni tik tut deb,
Togʻlaring ortimdan ergashib yurar.

Koʻrdim suluvlarning eng faranglarin,
Yo xudbinman men yo bir sodda kasman men —
Parijning eng goʻzal restoranlarin,
Bitta tandiringga alishmasman men.

Na gapga koʻnayin,
Na til bilayin,
Koʻzdan uyqu qochdi, dildan halovat —
Uch kunda sogʻinsam nima qilayin,
Chala qolar boʻldi hamma sayohat.

Bildimki, baridan ulugʻim oʻzing,
Bildimki, yaqini shu tuproq menga.
Bahorda Baxmalda tugʻilgan qoʻzing,
Arab ohusidan azizroq menga.

Sen bilan oʻtgan har kun bayram — bazm,
Sensiz bir on qolsam vahmim keladi.
Seni bilganlarga qilaman taʼzim,
Seni bilmaslarga rahmim keladi.

CONFESSION

Oh, my father’s birthplace,
My lovely motherland.
Let me lay my soul on your shade,
Uzbekistan, you’re the kindest,
You’re so great.
For Rome – your clover-field -
I cannot trade.

There is water, there is a corner of hills,
How many countries have I seen, how many destinies.
I lean on it wherever I go, keeping my head up,
Your mountains follow me.


I met the most adorable white hands.
It seems I am trusting or self-lover
-Since for me the best Paris restaurants
Before your tandoor are out of favor.

I’m stubborn, I can’t speak a foreign language,
I don’t sleep and comfort leaves my mind
-What to do in three days if I miss you?
Will remain unfinished all ride.

I perceive that you are my most sublime,
I accept this soil the closest stop.
A lamb that’s born in Bakhmal in springtime
To me is better than the Arabian antelope.

Each day I spend with you is a big fete,
Without you I’m scared, I’m full of worry.
I welcome those who know you and respect.
For those who don’t know you I feel sorry.

15-aprel ''Madaniyat va san'at  xodimlari kuni " munosabati bilan Qashqadaryo viloyati Madaniyat boshqarmasi boshlig'i   I.To'raev tashabbusi bilan e'lon qilingan chellenjda Ixtisoslashtirilgan ta'lim muassasalari agentligi tizimidagi
Abdulla Oripov nomidagi ijod maktabining musiqa to'garagi rahbari  va o'quvchilari ''San'at butun  dunyoni ezgulikka chorlagay" chellenjda ishtirok etdilar.



Bayramingiz muborak bo'lsin !

#hududlardan_xabarlar
#kunlik_dayjest

⏺Guliston shahridagi Prezident maktabi, Guliston shahar 1-son ixtisoslashtirilgan maktab-internati, Kogon tuman ixtisoslashtirilgan maktabi bitiruvchilari xalqaro va milliy taʼlim grantlarini qoʻlga kiritdi.

⏺"Xon atlas” haftaligi doirasida Samarqand, Fargʻona shaharlari Prezident maktablari, Abdulla Oripov, Hamid Olimjon va Zulfiya, Abdulla Qodiriy nomidagi ijod maktablari, Navbahor, Kogon, Qoʻngʻirot, Uychi, Norin, Oltinsoy, Namangan, Angor, Qorakoʻl tumanlari, Urganch, Buxoro shaharlari ixtisoslashtirilgan maktab va maktab-internatlarida maʼnaviy-maʼrifiy tadbirlar tashkil etildi.

⏺Guliston shahridagi Prezident maktabida "Oʻrganamiz, oʻrgatamiz" loyihasi yoʻlga qoʻyildi.

⏺Andijon shahridagi Prezident maktabi oʻquvchilari uchun bank mutaxassislari ishtirokida “Moliyaviy savodxonlikni birgalikda oshiramiz” mavzusida amaliy trening tashkil etildi.

⏺Abdulla Oripov nomidagi ijod maktabi, Shovot tuman ixtisoslashtirilgan maktab-internatida "Farzandimga kitob sovgʻa qilaman" aksiyalari oʻtkazildi.

⏺Abdulla Qodiriy nomidagi ijod maktabida “Orasta qizlar” klubining navbatdagi yig’ilishi bo’lib o’tdi.

⏺Ibroyim Yusupov nomidagi ijod maktabi Ixtisoslashtirilgan ta’lim muassasalari agentligi tizimidagi ijod maktablari oʻquvchilari oʻrtasida "Poema – she’riyatning yuragi" nomli onlayn tanlov e’lon qildi.

⏺Hamid Olimjon va Zulfiya nomidagi ijod maktabi oʻquvchilari Abdulla Oripov nomidagi ijod maktabi faoliyati bilan yaqindan tanishdi.

⏺Halima Xudoyberdiyeva nomidagi ijod maktabi oʻquvchisi Aziza Rahmatullayevaning she'riy toʻplami nashr etildi.

⏺Sergeli tuman ixtisoslashtirilgan maktabining 10-sinf oʻquvchisi Sardor Mamutov IELTS imtihonidan 7.0 (C1) ballni qoʻlga kiritdi.

⏺Sardoba, Xatirchi tumanlari ixtisoslashtirilgan maktablarida bilimlar bellashuvi oʻtkazildi.

⏺Kosonsoy tuman ixtisoslashtirilgan maktabida hududdagi umumtaʼlim maktablari oʻquvchilari uchun "Ochiq eshiklar kuni" tashkil etildi.

Telegram | Facebook | Instagram | YouTube

#Tanlovga
#Muhammad_Yusuf_tavalludining_70_yilligi

🔰Quyida Abdulla Oripov nomidagi ijod maktabining 8-sinf o‘quvchisi Dilshod Mamatov tomonidan O'zbekiston xalq shoiri Muhammad Yusuf tavalludining 70 yilligiga bagʻishlab tayyorlangan videorolik bilan tanishishingiz mumkin.

📚D.Mamatov videorolikda shoir Muhammad Yusufning "Iftixor"she'rini ifodali tarzda oʻqigan.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Muhammad_Yusuf_tavalludining_70_yilligi

🔰Quyida Abdulla Oripov nomidagi ijod maktabining 10-sinf o‘quvchisi Sarvar Saʼdullayev, 7-sinf oʻquvchilari - Shahrizoda Obloqulova hamda Mushtariy Xolmamatovalar tomonidan O'zbekiston xalq shoiri Muhammad Yusuf tavalludining 70 yilligiga bagʻishlab tayyorlangan videorolik bilan tanishishingiz mumkin.

📚Oʻquvchilarimiz videorolikda shoir Muhammad Yusufning "Oʻzbegim"she'rini ifodali tarzda oʻqishgan.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Tanlovga
#Muhammad_Yusuf_tavalludining_70_yilligi

🔰Quyida Abdulla Oripov nomidagi ijod maktabining 7-sinf oʻquvchisi Zarnigor Avlaqulova tomonidan O'zbekiston xalq shoiri Muhammad Yusuf tavalludining 70 yilligiga bagʻishlab tayyorlangan videorolik bilan tanishishingiz mumkin.

📚Oʻquvchimiz videorolikda shoir Muhammad Yusufning "Inshaalloh" she'rini ifodali tarzda oʻqishgan.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram