#Бўстонлиқ #стол_тенниси

📢📢📢Бўстонлиқдан гапирамиз!:

🏓Ракетка усталари муросасиз жангларни бошлаб юборишди.

Каналга уланиш:
https://t.iss.one/+tcc8Accr_k80OGNi

#кун_сурати #Бўстонлиқ

- Алло, дадаси, суюнчи беринг, энди маҳалламизга спорт майдончаси қурилади, мен финалда ўрин олдим....

Р.S: Стол тенниси мусобақасининг Республика босқичига ташриф буюрган Спортни ривожлантириш вазири Адҳам Икромов бугун ёш ракеткачилар билан суҳбатлашиб, ғолибларнинг маҳалласига рағбат тариқасида спорт майдончаси қуриб берилишини таъкидлаганди.

Суратда: сурхондарёлик спортчи Улуғой Жумаева.

Фото: Абдулазиз Абдурашидов.

Каналга уланиш:
https://t.iss.one/+tcc8Accr_k80OGNi

#Бўстонлиқ #стол_тенниси #финал

🏓Наманганми ё Навоий?

22-26 ёш тоифасида икки вилоят спортчи қизлари ўртасида муросасиз кечган финал баҳси 3 сет давом этди ва.....

😉Қолгани видеода.

Каналга уланиш:
https://t.iss.one/+tcc8Accr_k80OGNi

#Бўстонлиқ

Бўстонлиқ туманида ёмғир ёғишни бошлади.

Эслатиб ўтамиз, Ўзгидромет маълумотига кўра, 18-21 июнь кунлари Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманлари, Ангрен ва Олмалиқ шаҳарларида кучли шамол ҳамда чанг тўзони кузатилади.

Каналга уланиш:
https://t.iss.one/+tcc8Accr_k80OGNi

​​#Бўстонлиқ #Ташаббус

Бўстонлиқ тумани ҳокими Жўрабек Аҳмедов ҳудуддаги 59 та маҳаллада кичик кутубхона ташкил этишни бошлади. Бошланишига ҳар бир маҳаллага шу мақсадда 112 турда жами 6 минг 608 та бадиий ва илмий-оммабоп китоблар берилди.

〰️〰️〰️〰️〰️〰️〰️

Мавзуга доир:

Вилоят ҳокими ўз хонадони ёки маҳалласида кутубхона ташкил қилган ёшларга 10 миллион сўм пул ажратишга ваъда берган эди (бу таклиф ҳозир ҳам амалда, ҳаракат қилинг, ёшлар✊).

Маълумотларга кўра, бугунги кунда бевосита вилоят ҳокими томонидан маблағ олиб, кутубхона қурган ёшлар 68 нафарга етган.

Бу борада Чиноз, Янгийўл ва Тошкент тумани яққол пешқадам. Хусусан, Тошкент тумани ҳокими Одилхон Рустамов барча маҳаллаларда QR код билан ўқиладиган бой китоб фондига эга электрон кутубхона ташкил этишни бошлаб юборган.

Ўз навбатида, бошқа шаҳар ва туманларнинг ҳокимлари, сектор раҳбарлари ҳам бу ташаббусга ҳисса қўшиб келишмоқда. Натижада, бугун 1020 та МФЙ нинг қарийб 300 тасида шинам кутубхона ёки китобхон бурчаги ташкил қилинган.

Каналга уланиш:
https://t.iss.one/+tcc8Accr_k80OGNi

#Мўйноқ #Нукус #Бўстонлиқ

☝️ Аввал хабар берганимиздек, Мўйноқ ва Нукус ёшлари сўлим Бўстонлиқдаги оромгоҳда ҳордиқ чиқаришмоқда.

⚡ Ёшлар ишлари агентлиги Тошкент вилояти бошқармасининг ташаббуси билан болажонларни кўргани вилоятимизда халқ хўжалигинг турли соҳаларида меҳнат қилаётган этник қорақалпоқлар ташриф буюришди.

📚 Ташкилотчилар томонидан болажонларга китоблар, болалар ўйинчоқлари ҳадя қилинди.

Каналга уланиш:
https://t.iss.one/+tcc8Accr_k80OGNi

#Хушхабар #Бўстонлиқ

Айни пайтда Туркияда Ислом бирдамлиги ўйинлари бўлиб ўтаяпти.

🏋️‍♂️ Мусобақаларда иштирок этаётган Бўстонлиқ фарзанди, олимпиада чемпиони Aкбар Жўраев 3 та олтин медаль олди ва рекорд натижа қайд этди!

📊 Ўзбекистон умумжамоа ҳисобига кўра 3-ўринда бормоқда ва бугунги олтин медаллар эвазига 2-ўриндаги Эронга жуда яқин келди.

Каналга уланиш:
https://t.iss.one/+tcc8Accr_k80OGNi

​#Қишлоқларимиз_тарихидан #Бўстонлиқ

АЙГЕРИМНИНГ АСАЛ ҚИШЛОҒИ

🤼‍♂️Юнон-рум кураши бўйича беш карра Осиё чемпиони, уч карра жаҳон чемпионати совриндори, "Рио-2016" Олимпия ўйинлари бронза медали соҳиби Эльмурат Тасмуродов ҳақида эшитмаган, унинг халқаро ареналардаги муваффақиятидан ғурурланмаган ўзбек бўлмаса керак. Чемпионнинг кўнглида қайси қишлоқ кўчаларида спортга муҳаббат уйғонгани кўпчиликка қизиқ бўлса керак. Бугун шу ҳудуд ҳақида ҳикоя қиламиз.

⛰Бўстонлиқ тумани марказидан 18 км узоқликда жойлашган бу қишлоқ Уйенкулсай деб номланади. Асосан қозоқ миллатига мансуб аҳоли истиқомат қиладиган бу ҳудуд номи ривоятларга кўра қишлоқ ўртасидан оқиб ўтган Уйенкулсой ва унинг ўртасида барқ урган бир тўп дарахт номи билан боғлиқ экан. Бироқ йиллар шамоли сойнинг қуриб кетишига сабаб бўлган.

🔘"Уйенкулсай" 1997 йилгача "Янгиовул" ҚФЙ таркибида бўлган. Ўтган даврда қишлоқ фуқаролар йиғинига Турсунбой Алменов, Абдусамад Хаштаев, Ҳурматилла Ушерқулов, Даулбай Эгембердиев, Нурсалима Байназарова ҳамда Мустафо Мусакулов раислик қилишган. 1997 йил 1 февралда "Уйенкулсай" га маҳалла фуқаролар йиғини мақоми берилган.

🔺 Маҳалладаги Қоратепа номли тепаликдан топилган археология ёдгорликлари бу ернинг кўп йиллик тарихга эгалигидан далолат беради.

🐝Асаларичилик маҳалланинг асосий драйвери ҳисобланади. Бугун бу ердаги 40 дан ошиқ хонадонда асал етиштирилади. Алоҳида меҳр ва эътибор талаб қиладиган бу соҳадан бир хонадон йилига (300 асалари оиласидан 4 тонна асал) соф 60-70 млн. сўм даромад олади. Маҳсулот Республикамиз ҳудудидан ташқари Россия Федерациясига ҳам жўнатилади.

🔺Бундан ташқари ҳудуддаги "Агропром" МЧЖ томонидан тайёрланган ярим тайёр ош маҳсулоти (полуфабрикат) хорижда ўзбек ошининг донғини таратишга хизмат қилмоқда,

🌳Қишлоқдаги ҳар бир хонадонда боғ, аксарият оилада иссиқхона мавжуд. Бу маҳалла аҳлининг даромадини оширибгина қолмай, ишсизлигининг олдини ҳам олмоқда.

🎵Шу ерлик Айгерим Қаюмованинг Италияда ўтказилган фестивалда эстрада йўналишида 3-ўринни қўлга киритиши маҳалла ёшларининг санъатга меҳри бўлакчалигининг исботидир.

👨‍👩‍👧‍👦Айни пайтда "Уйенкулсай"да 10 та кўча бўлиб, 2993 нафар аҳоли истиқомат қилади. Уларнинг 623 нафарини 16-30 ёшгача бўлганлар ташкил этади.

🔍Қишлоқ ер майдони - 4431 гектар. 1 та мактаб, 2 та оилаий боғча, 1 та оилавий поликлиника аҳоли хизматида. Мактаб ва ички йўлларнинг таъмирталаблиги уйенкулсайликларнинг асосий муаммоларидан саналади.

Ҳозирда:

🔹 Маҳалла раиси – Мирзагул Шерматова

🔹 Ҳоким ёрдамчиси – Аббосхўжа Асқаров

🔹 Ёшлар етакчиси – Анвар Туреев

🔹 Хотин-қизлар фаоли – Қолдигул Кудайбергенова

Каналга уланиш:
https://t.iss.one/+tcc8Accr_k80OGNi

#Таққосланг #Бўстонлиқ

ЯХШИ ЯШАШ УЧУН ОҒЗИНИ ТИКИБ ОЛИШ ШАРТМАС...

Бу ёшгина аёл ҳам уйда ўтирволиб, оғзини тикиб, интернетга жар солиши мумкин эди, масалан.

Йўқ, у ундай қилмади. Ҳаёт учун курашди. Жулдизой Пернибоеванинг ҳикоясини тингланг. Аслида мана шундай опа-сингилларимиз замон қаҳрамони, ишонаверинг.

Каналга уланиш:
https://t.iss.one/+tcc8Accr_k80OGNi

#Биз_ҳаммамиз_Ўзбекистонмиз #Бўстонлиқ

Суратда бўстонлиқлик Гулжамила ая, Алихан ва унинг фарзанди Аселя

P.S: Челленж шартида иштирокчиларнинг байроқ билан суратга тушишларини сўрагандик. Буни қарангки, каналимиз ўқувчиси фотошоп орқали бунинг йўлини топибди.😄Шу тиниб-тинчимас йигитни қўллаб-қувватлаш мақсадида истисно тариқасида суратни жойладик.

Энг қизиғи, буви, ўғил ва набирадаги ўхшашликни қаранг😊👍👍👍

Каналга уланиш:
https://t.iss.one/+tcc8Accr_k80OGNi

​#Қишлоқларимиз_тарихидан #Бўстонлиқ

Сижжакнинг ойдан тушмаган Ойтепаси

📍Бўстонлиқ туманининг қадимий қишлоқлари ва қадамжолари кўп. Пском дарёсининг ўнг қирғоғида жойлашган Сижжак қишлоғи кўпчиликка маълум ва машҳур.

🔰Сижжак— уч сой маъносини билдиради. Улар Жарбошисой,Қайнарсой, Навалисойдан иборат. Маҳаллий аҳолининг таъкидлашича, қишлоқ минг йиллар аввал ташкил топган. У ерда учта тепалик мавжуд бўлиб, иккитаси сув остида қолиб кетган. Биттаси эса Жарбоши авлиё муқаддас қадамжосида сақланиб қолган. Мазкур қадамжо Ойтепа деб ҳам аталади.

🔍Фанлар академиясининг Чорвоқ археология отряди 1963 йилда ёдгорликларни ўрганганда тепанинг энг баланд жойида қадимий қалъа қолдиқлари борлиги маълум бўлган.
Ҳикоя қилишларича, ой тўлган пайтларда ҳудуд ўзгача ёришиб, атрофга нур таратган.

📜Сижжаклик Эргаш Нуртоевнинг ҳикоя қилишича, бу ернинг ўтмиши билан боғлиқ афсона юради. Қадим-қадимда бу ерларда меҳнаткаш одамлар яшаган. Улар камтарона ҳаёт кечириб, кулолчилик, темирчилик, мато тўқиш билан машғул бўлган. Кутилмаганда қўшни шаҳар ва қишлоқларни ёв босган. Аҳолини ғоят
меҳнаткаш эканини кўрган босқинчилар шарт қўяди: бир кечада минг кишилик мато тўқиш, мингта қилич, минг кишига етадиган мусалласни сақлаш учун хурмача ясаш лозим. Қўйилган шартларнинг бирортаси бажарилмай қолса, аҳолини ўлим жазоси кутарди.
Атрофни зимистон қоплади. На бир милт этган чироғ, на ёруғлик кўринади. Аммо шу пайт осмонда бирин-кетин юлдузлар порлаб, бутун самони қоплади. Обдон тўлишган ой ҳам фалакда бўй кўрсатди. У шаҳар устида муаллақ балқиб, ҳар қачонгидан ҳам мўл-кўл нур соча бошлади. Ой нури шу даражада қайноқ эдики, у темирчилик устахоналари ўчоғидаги чўғни алангалатиб юборди. Кулолчилик ва тўқувчилар дастгоҳларини худди кундузгидек ёритди.

✨Юлдузлар сўнса-да ой муаллақ қотганча заминга нур сочиб тураверади. Душманлар ҳайратдан лол қолади. “Бу қандай халқки, Ой ҳам ёрдамга келса?!" Қўрқувдан даҳшатга тушган босқинчилар бу ернинг одамлари ярим авлиё бўлсалар керак”, деб тумтарақай қочишади. Ана шу меҳнаткаш халқнинг авлодлари бугун Сижжак қишлоғида истиқомат қилишади.

🔰Сижжак қишлоғи 2015 йили "Сарбоғ" маҳалла фуқаролар йиғини, жорий йилдан эса "Сижжак" маҳалла фуқаролар йиғини деб аталмоқда.

❗️Профессорлар Анвар Нурхўжаев, Ўрмон Тошматов, фан номзодлари Озод Назаров, Эркин Ибраев, Умриддин Далабоев, Меҳриддин Нуриддинов, Гулиниса Нуриддинова, фан доктори Жавлон Жўраевлар шу қишлоқдан.

Айни пайтда аҳолининг асосий даромади деҳқончилик, чорвачилик, асаларичиликдан. Ҳозирда бу ерда аҳоли сони 3500 нафар, 0-30-ёшлилар 1598 нафарни ташкил этади. Қишлоқ ер майдони – 1724 гектар.

Айни дамда:
🔹Маҳалла раиси – Лутфулла Турсунбеков
🔹Ҳоким ёрдамчиси – Санжар Фазлиддинов
🔹Ёшлар етакчиси – Шаҳзод Рисқинбоев
🔹Хотин-қизлар фаоли – Нигора Маҳкамова

Каналга уланиш:
https://t.iss.one/+tcc8Accr_k80OGNi