#муносабат

"Экология бошқармаси диққатига!" номли танқидий чиқишимизга Тошкент вилояти Экология бошқармаси расмий муносабат билдирди.

🌐 Жорий йилнинг 10 июль куни Пискент ва Бўка туманларида ўтказилган рейдда 16 та ғалладан бўшаган ер майдонлари ёқилгани аниқланган. Маълум қилинишича, мазкур ҳолатлар натижасида табиатга 102 млн. сўмдан зиёдроқ миқдорда зарар етказилган. Айни дамда ҳолат юзасидан қонуний чора кўрилмоқда.

🔖Ҳозирда бошқа ҳудудларда ҳам назорат тадбирлари олиб борилмоқда.

❗️ Шу ўринда, юртдошларимизга ғалладан бўшаган ер майдонларидаги сомонпояларни ёқиш қонунан тақиқланганлигини эслатиб ўтамиз.

Yoshlar kundaligi

#Танқид

Қуйи Чирчиққа ўт кетди...

📣 Бутун бошли далалар ёқиб юборилса-ю, бу ҳеч кимни ҳаракатга келтирмаса. Натижа бўлмас ишчи гуруҳлар, ўрганишлар, жарималар кимга керак ўзи?

❗️ Шу тутундан азият чекаётган одамлар соғлиғи, куйиб кул бўлаётган жонзотлар, зарар кўраётган дарахтлар кимгадир қизиқми? Кеча Пискент, Бўка, бугун Қуйи Чирчиқ... Эртага қаер ёнади яна? Наҳот вазиятни назоратга олиш шунчалар қийин бўлса?

❓ Бизда савол кўп, жавоб керак. Қисқа, лўнда ва аниқ жавоб, амалий ўзгариш кутяпмиз масъулларимиздан.

📹 Ҳолат бугун Қуйи Чирчиқ туманида тасвирга олинган.

Yoshlar kundaligi

#Танқид

НОБУД БЎЛАЁТГАН КЎЧАТЛАР: АЙБ КИМДА?

🌳Вилоятимизнинг М-39 Тошкент-Термиз йўлининг Зангиота, Янгийўл, Чиноз туманлари ҳудудидан ўтувчи қисмига бу йил эрта баҳорда 45 минг 500 туп мевали ва манзарали кўчат экилган.

🌐Бугун кўчатларнинг 18 минг тупи сувсизлик, эътиборсизлик натижасида қуриб қолган. Ҳудуд раҳбарларининг эса парвойи фалак. Йўл четидаги дарахт ва буталар аччиқ тутун ичида.

📹Батафсил видеолавҳада.

Yoshlar kundaligi

#Танқид

Боққа ким ўт қўйди?

🔥Ҳолат Қуйи Чирчиқ тумани Беруний ҳудудида юз берган. Юздан ортиқ дарахтлар шикастланган. Ер кулга айланган.

🌳Хўш, бу ҳолатга ким изоҳ беради? Меваси қовжираб қолган ёнғоқ, бир неча йиллик тут, ўрик, олма, беҳи аланга ичида қолган.

📹 Батафсил видеолавҳада.

Yoshlar kundaligi

#Танқид 18+

📍 Нурафшон шаҳри. Ўзи сувдан қарз, сўраб келса "кўчинский понятка" билан гаплашади.

👀 Бу "бирад"га ишчиларга қўл кўтариш оқибатларини яхшилаб тушунтириб қўйиш керак.

👉 Сен ўзинг бир бетарбия оғзи шалоқ экансан. Қарзингни тўлаш ўрнига шаллақилик қилишинг қайси "понятка"га тўғри келади?

Yoshlar kundaligi

#Танқид

БИР КЎЧАНИНГ ИККИ ЮЗИ

🌳 Кўраётганингиз Тошкент-Қўқон йўлининг Ўрта Чирчиқ ва Юқори Чирчиқдан ўтувчи қисмидаги манзаралар. Кўчанинг бир томони яшнаб турган боғ, нариги тарафи эса қақшаб ётибди. Битта иқлим, битта жой, бир маҳалланинг одамлари, фарқи нимада?

👎 Шунчаки нобуд бўлган кўчатлар-у қаровсиз боғ Ўрта Чирчиқ тумани ҳудуди, кўчанинг нариги бети эса Юқори Чирчиққа қарайди. Нега шундай, ҳурматли Ўрта Чирчиқ тумани масъуллари? Асосий масала: энди бу қуриган боғ нима бўлади?

❓ Ватан олдида ким жавоб беради?

Yoshlar kundaligi

#Танқид

Янгийўл шаҳрида 2 минг туп кўчат қуриб қолгани айтилмоқда

📣 "Яшил макон" тадбирлар доирасида экилган кўчатлар ва уларнинг қуриб қолганлиги ҳолатига шаҳарда танқидий йиғилиш ўтказган Зойир Мирзаев ҳуқуқий баҳо берилишини сўраган.

Yoshlar kundaligi

#Танқид

Оққўрғон мактабларида нима гап?

🫥 Сентябрь. Янги ўқув йили. Мактаблар ўқувчиларни шай ҳолда кутиб олиши керак. Ҳар ҳолда китобида шундай ёзилган. Аммо Оққўрғон туманидаги айрим таълим даргоҳларидаги аҳволни таърифлашга тил ожиз. Бир сўз билан айтганда, вазият шунчаки расво.

🪞 Республика ва вилоят махсус ишчи гуруҳининг ўрганишларига кўра, туманнинг иккинчи секторида жойлашган 6-мактабда ўқув йилига етарлича тайёргарлик кўрилмаган.

📌 Қизиқ, директор жаноби олийлари ва ўзини мана-ман деган валломатлардан деб биладиган хўжалик ишлари бўйича муовин ёз бўйи нималар билан шуғулланди экан?! Шу масъуллар уруғ-аймоғини ишга "опкириб қўйиш", "ўлик" ходимлар сонини кўпайтириш ҳақида бош қотирмай, шунчаки, ўз функционал вазифаларини бажарганда эди, бугун халқнинг боласи бу "бардак" да ўқимаётган бўларди.

❕ Ўрганишлар давом этмоқда. Сиз томонларда вазият қандай?

Yoshlar kundaligi

#Танқид #Санъат

РАЙҲОНМИСИЗ, ЖАМБУЛМИСИЗ, ДУМБУЛМИСИЗ?

➖ Нега айрим шоу-бизнес вакиллари аския қилмоқчи бўлаверади? Ё одамларни шу қадар кулдиргиси келадими? Кулдирсанг, тўғри кулдир, нима қиласан емаган гаплар билан ўзингнинг ва қолганларнинг асабини қитиқлаб?

😐 Эмишки, эндиликда Жамбулвой деган қўшиқчининг қўшиғини айтган санъаткорлар 70 млн.дан 300 млн сўмгача жаримага тортилар экан.

❗️ Ўзи бу Жамбулиддин то шу "Кабутар" қўшиғи чиққунича, бир неча йўналишда саксон саккизталаб муаллифлик қўшиқларини чиқарган. Шуларнинг бирортасиям емаган. Пайти келиб, битта қўшиғи озгина тортиб қолганига ота гўри қозихонами энди? Қаердан шунча кибр?

📌 Халқ билан ҳазиллашиб бўлмайди. Кўряпмиз, отасининг қўшиғига қоровуллик қилмоқчи бўлганларнинг эл ичра қанчалик сазойи бўлаётганини. Наҳот шулар ҳам Жамбулга дарс бўлмаган бўлса?

✅ Энг қизиғи, ўша маълум ва машҳур "Кабутар" қўшиғи ҳам Жамбулнинг ўзиники эмас. Тожикистонлик Набовар Чаноровнинг қўшиғини шунчаки, сўзлари ўзгартирилган шакли, холос. Аммо хонанданинг бу қўшиқни куйлаганлар устидан қилаётган дийдиёси оламни бузгудек. Ўзи бир ўғри ҳолида, яна тунларни бедор ўтказиб, шу қўшиқни чиқарган одам бўлиб гапирмаса-да энди.

📎 Видеода Жамбулнинг хархашалари ва қўшиқнинг оригиналини бирлаштирдик.

Yoshlar kundaligi

#Танқид

Чирчиқда 20 яшар йигит ўзини осди

🌐 Воқеа 27 сентябрь куни шаҳарнинг "Ҳумо" маҳалласида бўлган.

❗️ Бунга қандай ҳолат сабаб бўлгани ҳақида аниқ факт йўқ. Ҳолат юзасидан жиноий иш қўзғатилган.

📌 Эслатиб ўтамиз, ўз жонига қасд ва суиқасд қилиш бўйича очиқ статистика юритилмайди.

Yoshlar kundaligi

#Танқид

Давлат тизимида ишлайсан, раҳбар маслаҳатчиси мақомидаги амалдорсан. Бўш вақтларингда масхарабозлик қилиб турасан.

🤦‍♂️ Масхара қилганда ҳам, давлат ходимларини, ҳокимларни ёндириб танқид қиласан. Сен ўзинг кун тартибини билмайдиган лавозим эгасини дунёдаги энг жирканч одам сифатида гавдалантирасан. Буни бир марта эмас, ҳар доим такрорлайсан.

🤔 Мазами? Сен кимсан шунда? Юзсиз, масхарабоз ёки жиннимисан?

P.S. Видеода Кадастр агентлиги матбуот котиби Неъмат Атамуратов исмли масхарабоз.

Yoshlar kundaligi