#Халқаро_ҳаёт

🌎БАА  сув остида қолаётган бир пайтда бошқа давлатларда нима гап?

➖🇩🇰Дания пойтахти Копенгагенда XVII асрга оид эски фонд биржасида катта ёнғин содир бўлди.

➖🇵🇰Покистонда яшин уриши ва ёмғир оқибатида 40 дан ортиқ одам ҳалок бўлди.

➖🇯🇴Иорданияда Эрон ҳужуми пайтида уриб туширилган ракеталар интернетда сотувга қўйилди.

➖🇮🇷Эрон армияси куни муносабати билан мамлакатнинг йирик шаҳарларида ҳарбий парадлар ўтказилди. 

➖🇷🇺Россияда қаровсиз қолган 17 нафар вояга етмаган бола Ўзбекистонга қайтарилди.

➖🌊Афғонистонда сув тошқинлари туфайли камида 66 киши кўз юмди.

➖🇮🇩Индонезияда Руанг вулқони отилишни бошлади. Вулқон фаоллиги сабаб оролдан 838 нафар аҳоли эвакуация қилинган.

➖🇰🇿Қозоғистон телевидениесида қозоқ тилининг улуши 60 фоизгача оширилади.

Yoshlar kundaligi

#Ойдинда_юрган_одамлар

У олислардан кўз узмайди, киприкларини-да пирпиратмайди. Биз у тикилмиш тарафга қараймиз. Зангори уфқ. Шу! Ақалли булутлар-да йўқ. У бизни ҳайрон қолдириб-қолдириб яшайди!..

Тоғай Мурод, "Ойдинда юрган одамлар"

⚡️Ҳа, бизнинг қаҳрамонларимиз ҳам ўзгача одамлар. Улар нолиш нима билмайди, синовларга бўйин эгмайди. Ҳаёт дардлари билан қизиқ-да, деганча олдинга интилади. Шукр қилишни билади.

🔥Ҳадияхон турмуш ўртоғининг кўзи ожиз бўлиб қолганда, унинг кўрар кўзи бўлди. У ҳақиқатда Аброрга тақдирнинг ҳадяси эди.

Yoshlar kundaligi

#Даҳонинг_болалиги

Ўзбекистон Республикаси Президенти Шавкат Мирзиёев давлат ташрифи билан Тожикистонга жўнаб кетди. Бугун тожик тили ривожига салмоқли ҳисса қўшган буюк инсон ҳақида ҳикоя қилмоқчимиз.

ЭЛ УСТОЗИ

Буюк мутафаккир Алишер Навоийнинг ҳам турк, ҳам форс тилларидаги ижоди ҳар икки тилни истиқболга олиб чиққани билан баҳоланади. Айниқса туркнинг бош бўғини бўлишимизда ўрни беқиёс. Бу ижодкорнинг ҳам тожик ва ўзбек тиллари ривожланишида, нафақат тожик тили ҳамда тилшунослиги, балки бир халқ, бир миллат шаклланишида қилган хизматларининг шунчаки бир четда сарғайиб, чанг босиб ётган қоғоз-ҳужжатларда қолиб кетиши уят.

Бухоронинг Ғиждувонини биласиз, кабоблари билан машҳур. Айни шу туманнинг Соктаре қишлоғида туғилганди бу болакай. Ҳалол, ўзини сен, ерни сиз дейдиган деҳқон оиласида униб-ўсди. Отаси тегирмон устаси бўлган. 5-синфга ўтар-ўтмас 11 ёшли болакайнинг қишлоғида чечак тарқади. Кимдир уйидан чиқмай қамалиб олган, кимдир жон ҳолида кўчиб, қишлоқни тарк эта бошлаган бир пайтда касаллик болакайнинг отаси, онаси, тоғасига ёпишди: кетма-кет уч йўқотиш.

Акасининг пинжига кирганча бу қора дунёга ўз ранглари билан рангбаранглик бахш этишнинг иложи бор-йўқлиги ҳақида қайғура бошлади. Аввал эски мактаб, сўнг мадрасаларда ўқиб, илмини оширди. Араб тилини мукаммаллаштирди. Тарихни “сув қилиб ичди”. Адабиёт билан қалин дўст тутинди. "Онамнинг ўғрилик ва ёлғончилик қораланган эртаклари-ю қиссалари ҳақиқат, аслида, камолотга элтувчи энг тўғри йўл эканлигини тушунганман", деб ёзган эди ўз эсдаликларида.

Буюк маърифатпарвар олимлардан бири, тарихчи, рассом Аҳмад Дониш ҳамда озарбайжон ёзувчиси Ҳожа Мароғийни ўзининг маънавий устозлари деб билган. Бухорода маърифат зиёсини тарқатишда эса жадид маърифатпарварлари ичган булоқдан сув симириши туртки берган. Ўз-ўзига ҳеч ким фойдаланмаган "АЙН" сўзидан келиб чиққан тахаллус бериши ҳам бежиз эмас. Чунки у қиладиган иш аввалгиларига ўхшамаслиги зарур ва шарт эди.

У яшаган давр ижтимоий-сиёсий воқеалар шиддат билан кечган даврга тўғри келди. Бошбошдоқлик, феодаллик борган сари чўққига кўтарилишга шай эди.

Шундай бир таҳликали замонда илмга баралла тарғиб қила олган шахс бўлиб етишди у. Янги усулдаги мактаблар очиб, ундаги толиби илмлар учун ўқув-қўлланмалар, дарсликлар яратди. Бутун бир халқни саводга, илмга етакловчи "Ёшлар тарбияси" дарслигини тузди. Тўғридан-тўғри оммани ҳақиқат билан юзлаштириш иложсизлигини билгач, ўткир сатирик асарлар ёзишга киришди, ҳақиқатни ҳазил билан етказишга қарор қилди ва машҳур "Судхўрнинг ўлими" ҳажвий повестини ёзди.

Кейинчалик, замонавий шарқшуносликни ривожлантиришда нафақат адабиёт тарихи тадқиқотчиси-адабиётшунос, балки тарихчи-этнограф, фольклоршунос, луғатчи-лексикограф, тилшунос, тарбияшунос-услубчи ва моҳир мураббий сифатида ҳам муносиб ҳисса қўша олди. Эвазига эл томонидан устод дея эъзозланди. Ёдга олинди. Кўкка кўтарилди.

Адабий ҳаёт тарихида беқиёс маънавий озуқа қолдирган ва эстетик тафаккур шаклланишида УСТОД дея эътироф этилган бу болакайнинг исми...

Садриддин эди. Садриддин (Айний) Саид Муродзода эди.

Yoshlar kundaligi