#Кайфият #Ибрат

😂 Баъзиларнинг журъат ва жасорати шу аканинг қилиғига ўхшайди. Номарднинг журъати ҳам, қўрқуви ҳам кулгили, аянчли.

Yoshlar kundaligi

#Дунё

🗺 АЛЛОМАЛАР ДУНЁ НИГОҲИДА

⚡️Бугун Қозоғистон пойтахти Остона шаҳрида Алишер Навоий ҳайкалининг очилиш маросими бўлиб ўтди. Тадбирда иштирок этган Шавкат Мирзиёев Қосим-Жўмарт Тўқаевга мазкур ташаббус учун миннатдорлик билдирди.

❗️Мавзу доирасида дунё мамлакатларидаги буюк алломаларимиз шарафига ўрнатилган ёдгорликларга тўхталиб ўтамиз.

🇹🇯 2018 йил сентябрь. Душанбе шаҳрида (Тожикистон) Алишер Навоий ва Абдураҳмон Жомий сиймоси қад ростлади. Шавкат Мирзиёев ва Эмомали Раҳмон ёдгорликни тантанали равишда очиб берди.

🇫🇷 2019 йил апрель. Парижда AVICENNIA INTERNATIONAL PRIZE (Халқаро Авиценна – Ибн Сино мукофоти)  тантанали тақдирлаш маросими бўлиб ўтди. Шу муносабат билан Франция тиббиёт институти академиясидан Абу Али ибн Синонинг бронза бюсти жой олди.

🇹🇷 2021 йил март.Туркияда алгебра фанининг отаси Муҳаммад ал Хоразмий хотирасига ҳайкал қад ростлади. Ёдгорлик Анқара шаҳрининг Кечиўрен туманидаги машҳур боғлардан бири — "Жўка водийси" ҳудудида ўрнатилди.

🇰🇷 2021 йил декабрь. Корея пойтахти Сеулда таниқли шоир ва мутафаккир Алишер Навоийнинг 580 йиллиги муносабати билан бюст ўрнатилди. Бугунга қадар Шанхай, Токио, Вашингтон, Москва, Минск, Боку, Мозори-Шариф, Ўш шаҳарларида ҳам Алишер Навоий хотирасига ёдгорлик мавжуд.

🇫🇷 2023 йил март. Тулуза шаҳрида жойлашган Франция Фуқаролик миллий авиацияси институти ҳудудида буюк астроном олим, математик ва давлат арбоби Мирзо Улуғбек ҳайкали ўрнатилди. Мисдан барпо этилган ҳайкал муаллифи - самарқандлик Умирзоқ Шарипов. Ёдгорликнинг бўйи 240 сантиметрни ташкил этади.

🇷🇺 2023 йил сентябрь. Россия Федерацияси Кемерово вилоятининг Мариинск шаҳрида ўзбек халқининг оташин шоири Усмон Носир ҳайкалининг очилиш маросими бўлди. Ҳайкал муаллифи - Константин Зенич.

🇺🇸 2024 йил январь. АҚШ пойтахтида буюк олим Абу Райҳон Беруний сиймоси акc этган ёдгорлик қад ростлади. Бюст Ўзбекистон элчихонаси олдига ўрнатилди.

Анора Абдурашидова тайёрлади.

Yoshlar kundaligi

#суперромантика

❤️ Кетдик дея узатилган қўлларни ўз вақтида тутиб қолмоқлик чинакам бахт аслида.

Йиллар ўтиб кетгани учун эмас, кетмаганинг учун афсус дейиш ўлимдан оғир...

🎨 Рассом: Фаррух Авелов

Yoshlar kundaligi