#суперромантика

🎧 Қадрдон оҳанглар: "Тушимда бир булбул кўрдим"
🎤 Ижро: Бобомурод Ҳамдамов

Саҳар уйғондим. Сени туш кўрибман... Ўйларим чувалашди. Мен кимнидир ўйлаётган, ҳануз кутаётган, соғинчларини изма-из келган фаслларга бой бераётган одам эдим...

Хаёл ҳаммасидан гўзал, фараҳли...

🎼Тўлиқ аудиони тинглаш

Сиз ҳам ўз фонотекангиздаги қадрдон оҳангларни изоҳларда қолдиринг.

💬Telegram 🌐Instagram 🌐Facebook 🌐YouTube

#суперромантика

🎧 Қадрдон оҳанглар: "Баҳор эди"
🎤 Ижро: Баҳодир Мамажонов

Эсингдами, хиёбондаги илк тўқнашувимиз. Юзинг ҳаяжондан лоларанг тус олганди. Боғимизда муҳаббат гулғунчаси бўй таратган кун-чи? Қафасини тарк этмоқни истаб исён кўтарган юрак...Энтикиб, қалтираб гул тутган қўллар... Туйғуларинг каби қайноқ эди... Баҳор эди ўшанда...

🎼Тўлиқ аудиони тинглаш

✉Telegram 📱Instagram 📱Facebook 🌐YouTube

#Суперромантика

Омонмисан, Исмигул?..

🎶 Эсингиздами, бир қўшиқ бўларди – "Ишон, сенсиз бир он ҳам яшай олмасман...", дея бошланар эди. Кўҳна Шарқ оҳангларига ҳамоҳанг мусиқа жўрлигида ижро этилган бу қўшиқ қанотида ёшлигимиз эсга тушади, кўксимизни ғижимлаган нозик туйғулар чарх уради...

💠 Исмигул... Айт, аслида исминг на эди сенинг? Сенинг покиза чеҳрангга нақш бўлган ёшлигимдан ёдгорим – эндиликда увадаси чиқиб бораётган туйғуларимдан хабаринг бормиди?

✏️ Рассом: Фаррух Авелов

Yoshlar kundaligi

#Суперромантика

💔Дунёдаги энг оғриқли туйғу қайси, биласизми? Мен биламан

🔸 Соғинч ҳам бир кун сўнади, орзулар ҳам, хоҳишлар ҳам ўзгаради. Аммо қалбнинг қайсидир тирқишида заррача умид қолса, у кишини бир умр тақиб қилади, қилаверади.

❤️ Бордир, ҳали ҳам сенда умидим бордир.

✏️ Рассом: Фаррух Авелов

Yoshlar kundaligi

#Суперромантика

Ой зўрлик қилиб, офтоб тун пинжига кирган, аҳён-аҳён кўчадан бахтнинг шивири эшитилиб туради. Бу — бахтли жуфтликлар овози. Мен эсам бу кеча ҳам "Ёлғизликнинг бир куни"ни ўтказяпман. Сен бўлса, Қора тунга сингиб кетгансан.

🎨 Рассом: Фаррух Авелов

Yoshlar kundaligi

#суперромантика

🎼 Қадрдон оҳанглар: «Хуш соат эди»
🎤 Ижро: Оғабек Собиров
📝 Шеър: Муҳаммадниёз Нишотий

🔥Яралмишнинг аввалидан охирига қадар сўфиёна ишоралар билан ҳикоятлар қилинган бу қўшиқ бир эшитгандаёқ юракка маҳкам ўрнашади. Дарров сезасиз – бу қандайдир ўлдим-куйдим, яллама ёрим эмас. Мумтоз қўшиқ. Зўр қўшиқ.

🎵 Куйла, Оғабек! Куйла, Хоразм булбули! Азизим, сиз билан ўтган ҳар дамимиз аслида хуш соатдир, хуш соатдир...

〰️〰️〰️〰️〰️〰️〰️

Бугун Хоразм булбули Оғабек Собиров таваллуд топган кун.

😀 Тўлиқ аудиони тинглаш

Yoshlar kundaligi

#Суперромантика

Сенсиз. Гулбарглар ҳаво узра муаллақ, ўз эгасини кутаётгандек гўё...
Кўзларинг. У зулматдек қора, тундек сокин.
Унга тикилиб, айтилмаган изҳорларни англаш, унинг қарига чексиз шўнғиш мумкин.

✏️ Рассом: Фаррух Авелов

Yoshlar kundaligi

#суперромантика

❤️ Кетдик дея узатилган қўлларни ўз вақтида тутиб қолмоқлик чинакам бахт аслида.

Йиллар ўтиб кетгани учун эмас, кетмаганинг учун афсус дейиш ўлимдан оғир...

🎨 Рассом: Фаррух Авелов

Yoshlar kundaligi

#Суперромантика

БИР БАҲОР БЎЛГАНДИ, БЕҚАРОР ЭДИ...

💠 У ким эди, қандай эди, эсимда йўқ. Уни атайлаб эсламайман, аммо унинг ўзи эсимга келаверади. Кўз очса, кун чиққандай, юмса, тун чўккандай туюлар эди. Ҳамма учун ҳаммадай одам бўлса, мен учун умуман бошқача эди у.

🤫 "Ўн саккизга кирмаган ким бор", дейди шоир. Дарҳақиқат, 18 ёш, умр давомида бир марта келадиган, аммо шуурда бутун умр қоладиган ёш. Бу ёшда унинг бир оғиз яхши сўзи учун кийикдек сакрагинг келади. Кўзига тикилиб соатлаб ўтиришни, унинг денгизига ғарқ бўлишни истайсан. Бу ёшда уйинг олдидан ўтадиган сойнинг шарқираши, унинг қиқирлаб кулишига ўхшайди. Севги инсоннинг кўзига оламни чиройли, ҳаммани яхши қилиб кўрсатиши рост.

🎶 Хотираларни унутиб, ҳаётимдаги янги хариталарни очаман, деб турганимда, Баҳодир Мамажонов мана бу қўшиқни куйлаб турибди. Бошқаларни билмадим-у, аммо мен ўша олис ўн саккиз ёшимни эсласам, кўзимга ёш келади. Бир нималар ёдимга тушиб, бўғзимга нимадир тиқилади. Нега бундай бўлади? Нима учун фақат мен қийналишим керак? Ахир бу дунёда кимнидир ўзидан-да кўпроқ севиб, унга етиша олмаган фақат мен эмасман-ку, тўғрими?

❄️ Яхши ва ёмон оғриқлар бўлади. Тана оғриқларини тузатиш ва унутиш мумкин. Аммо оғриқларнинг энг ёмони юракда шаклланиб, қалбда туғён урадиганидир. Улар инсонни азоблаш билан бирга улғайтиради. Нима учун яшаётганингни англатиб туради улар.

🌐 Қўшиқни тинглаб, бир неча дақиқа ўзингизни бўш қўйинг. Дунё ташвишлари-ю кундалик ҳисоботларга кўз юмиб, бир лаҳза у ҳақида ўйланг. Қалбингиз бўшаб, кўнглингиз енгил тортади. Эски хотиралар оғушида ёқимли оғриқлар тилайман сизга...

Yoshlar kundaligi

#Қадрдон_оҳанглар #Суперромантика

✏️Қўшиқ номи: "Болалигим"
🎼Ижро: Алишер Файз

✨Эҳ.. болалик. Қиш қаҳратони ҳам таъсир қилмайдиган, эртадан кечга қадар сирпанчиқ учиб, қорбоболар ясаган дамларимиз. Беташвиш, қордайин беғубор кунлар. Наҳот борган сари биздан олислаяпсан.

❄️Ҳа, y даврларнинг қиши ҳам, қори ҳам ўзгача эди. Ҳозиргидек қиш кунлари қорни соғинмасдик. Аммо бугун кайфият ўзгача. Чунки эртага, Янги йил куни қорни ваъда қилмоқда.

❄️☃️❄️⛄️❄️

Yoshlar kundaligi