⚡️“Kelajak kasblari” loyihasiga start beramiz! #imkoniyat #repost

“Kelajak kasblari” loyihasi doirasida yoshlarga zamonaviy kasblarni egallashi, axborot texnologiyalarini o‘rganishi va ularni xorijiy tillarga o‘qitish bo‘yicha 6 oygacha muddatli o‘quv kurslari uchun har oyda BHMning 4 baravarigacha (hozirda 1,2 mln so‘m) miqdorda subsidiya ajratiladi.

Mazkur imkoniyatdan foydalanishni istagan yoshlar yoki loyihada ishtirok etish istagidagi o‘quv markazlar yoshlardaftari.uz platformasi orqali “Kelajak kasblari” loyihasiga ariza qoldirishlari mumkin. Batafsil ma’lumot.

Prezidentimizning xorijiy tillarni oʻrganishga va IT sohasiga berayotgan e’tiborlari nuqtayi nazaridan biz ijtimoiy yordamga muhtoj oilalarning farzandlarini oʻziga boʻlgan ishonchini orttirish, mablagʻ topishiga koʻmaklashish, IT va ingliz tilini Oʻzbekistondagi eng ommabop yoʻnalishlarga aylantirish maqsadida ushbu loyihani e’lon qilyapmiz. Bu orqali minglab yoshlar daromad topishlari, oilasiga yordam berishi mumkin. Bu yaratib berilgan imkoniyat juda koʻplab yoshlarimizga qanot boʻlishiga ishonamiz!

@alisher_sadullaev

РАСМГА КИМ ҚАНДАЙ ИЗОҲ БЕРГАН БЎЛАРДИ?

“Сувоқава” ташкилоти мутахассиси:
– Бу йўл йўл қурилиш ташкилотига қарашли, тошни олиб ташлаш уларнинг вазифаси.

Йўл қурилиши мутахассиси:
– Тошни олиб ташлаш Дастурга киритилмаган.
.
МФЙ раиси:
– Биз бу тош ҳақида керакли идораларга бугуноқ хабар берамиз.

Маҳалла нозири:
– Кейинги пайтда маҳаллада бир-иккита шубҳали шахслар ўрмалашиб қолганди.

Депутат:
– Уй қураётганимда неча марта шу тошга кўзим тушган эди-я... Сайловчиларимга албатта кейинги сайловгача жавобини айтаман!

ЙПҲХ ходими:
– Шу ерга ҳам радар ўрнатиш керак.

Блогер:
– О, тош ва қувур муҳаббати. Севги деганлари мана шундай бўлиши керак...

Маддоҳ:
– Бу тошга бош қўйган акамлар,
Ҳозир ҳар нарсада бекамлар.
Бардошлари шу тошдек бўлсин,
Иқболлари қуёшдек бўлсин!

Тошпўлат ҚАЛАНДАР.

Каналга уланиш:
https://t.iss.one/+tcc8Accr_k80OGNi

#ибрат

Ҳақиқий саховат - ўзинг муҳтож бўла туриб ўзгаларга раво кўришинг...

Ниҳоятда ибратли ролик! Албатта кўринг.

Каналга уланиш:
https://t.iss.one/+tcc8Accr_k80OGNi

#дайжест

Бугун,8 октябрь,ҳафтанинг шанба куни.Хўш, бугун вилоятимиз ёшлари ҳаётида қандай муҳим ҳодисалар рўй берди? Дайжестимиз шу тўғрисида!

✅Чирчиқ шаҳри.18-сонли умумтаълим  мактабига Шарқшунослик университетининг профессор ўқитувчилари келиб, ўқувчилар билан суҳбатлашди.

✅Пискент тумани. Туман ҳокими ўринбосари Сарвар Ҳамдамов бошчилигида кўнгилли ёшлар фермер хўжалигида пахта теришди.

✅Тошкент тумани.50 нафар ёшга  “Ёшлар дафтари” жамғармаси маблағлари ҳисобидан тикув машиналари ажратилди.  6 нафар йигит-қизнинг контракт тўловлари тўлаб берилди.

✅Бекобод шаҳри. "Ёшлик" спорт мажмуасида "Гимнастика барча учун" шиори остида қизлар ўртасида "Президент кубоги"нинг вилоят босқичи ўтказилди.1-ўринни Ангрен шаҳри қизлари қўлга киритди.

✅Олмалиқ шаҳри. 5 ташаббус олимпиадаси  доирасида спортнинг миллий кураш тури бўйича сектор босқичи бўлиб ўтди.

✅Оҳангарон шаҳри. Ёшлар ўртасида спортнинг  "Миллий кураш" тури бўйича “Бош прокурор кубоги” мусобақаси бўлиб ўтди. Ғолибликни қўлга киритган маҳаллалар туман босқичига йўлланмани қўлга киритди.

✅Ангрен шаҳри. ФҲДЁ бўлимида Оила ва хотин-қизлар бўлими томонидан турмуш қуриш истагида ариза топширган ёшлар билан ўқув машғулоти бўлиб ўтди.

✅Зангиота тумани. "Ўратепа" маҳалласида "Саломатлик учун 5000 қадам" марафони ўтказилди.

Каналга уланиш:
https://t.iss.one/+tcc8Accr_k80OGNi

#Туйғу

Ҳар кимнинг ҳам сочларига оқ тушсин,
Ажин тушсин, юзларига доғ тушсин.
Ҳар кимнинг ҳам қувват кетиб белидан,
Қўлларига асо - бир таёқ тушсин.

Шеър: Муҳаммад Юсуф

Каналга уланиш:
https://t.iss.one/+tcc8Accr_k80OGNi

#эслаб

Ҳар бир ижод намунасининг ўз яралиш тарихи бўлади. Журналист Шерқўзи Имонов "Ёшлар кундалиги" га "Ҳар кимнинг ҳам сочларига оқ тушсин" мисралари билан бошланувчи машҳур шеърнинг "дунёга келиш" тарихи ҳақида ёзади:

"Мана шу шеърнинг пайдо бўлиши ва ёзилишида ўзим шахсан гувоҳ бўлганман. Бу шеър битта шоир маҳсули эмас. Шеър бир тун давомида иккинчи шоирдан битта-битта мисра олиниб, тонгга яқин яхлит шеър ҳолига келган.

Марҳум шоир Муҳаммад Юсуф тайёр бўлган шеърни шундоқ стол устига қўйиб, ухлаб қолганларидан кейин, тонгги соат бешларда илк марта қўлёзмасини ўқиб кўрганман. Мен янги шеърни ўқиётганимда шоир ширин уйқуда эди. Бу шеърнинг хаммуаллифи Қуйи Чирчиқнинг Қўрғонча қишлоғилик шоир Яҳё Тоға бўлган. Улар биргаликда бир хонали уйда ижарада туришган. Муҳаммад Юсуфнинг шеъриятга кириб келишидан то машҳурликкача бўлган даври Яҳё Тоға билан ўтган. Ҳозир буни ҳеч ким билмайди. Муҳаммад Юсуф Яҳё Тоғанинг Себзордаги ҳовлиси четида жойлашган кулбачада кўп кунлар тунаб қоларди. Ижодий муҳит қизғин эди".

Шерқўзи Имонов,
журналист.

Каналга уланиш:
https://t.iss.one/+tcc8Accr_k80OGNi

​#Муҳокама_учун_мавзу

ОТА-ОНАМИЗГА ЁКИ ЖАМИЯТИМИЗГА ШУ СОХТАЛИК КЕРАКМИ?

Ишқилиб адашган бўлай, бироқ негадир ота-онага кўзбўямачилик учун ҳурмат кўрсатиш, бачкана, зўрма-зўраки суратлар билан ижтимоий тармоқларни тўлдириш урчиб бораётгандай...

“Жаннатим онам” деган ёзувли гулдаста берилса, у албатта интернетда кўз-кўз қилиниши шарт, телефонда “Онажоним” деб сақланишини бошқалар кўриши керак, отага бирор совға тақдим этиладиган бўлса, камера ёқилмагунча ҳамма кутиши зарур!

Айниқса кечаси соат 24.00 да бутун маҳаллани бошга кўтариб, "Бу менинг онам" қўшиғини варанглатиш, ҳаммани безовта қилиш роса одат бўлди. Шунақамасми?

Ҳеч шубҳасиз, ота-оналаримиз ҳар қанча ардоғимизга арзийди. Лекин ҳаракатларимизда уларни эъзозлашдан кўра ўша эъзозлашимизни кўпроқ кўрсатишга уриниш энг камида ғалати туйилади.

Қайтараман, ишқилиб бу масалада адашаётган бўлай ва ҳар кимнинг ихтиёри ўзида. Аммо шуниси аниқки, ота-оналаримиз қилган муносабатимизни оммага кўз-кўз қилишимиздан кўра ўша омма орасида яхши ном қозонишимиздан, одамларга кўпроқ кўмагимиз тегишидан фахрланадилар.

Балки бошқаларга ўрнак, дерсиз. Лекин бу ўрнак гул сотувчининг бизнесини гуллатиш, Инстаграмни бировга қизиқ бўлмаган суратлар билан тўлдириш, фақат қариндошлар орасида муҳокама қилинса ярашадиган манзарани ҳаммага зўрлик билан тиқиштиришга ўхшайди.

Яна билмадим...

Аброр Зоҳидов,
журналист

Каналга уланиш:
https://t.iss.one/+tcc8Accr_k80OGNi

#Кундаликчилардан_кайфият_учун

Тошкент вилоятида пишиқчилик авжида!

☝️Ҳаш-паш дегунча олмалиқлик Оташ вайнернинг 0,3 сотих майдондаги ҳосили етилиб қолибди.

⚡️Жамоамиз вакили Абдулатиф эса мош эккан. Ҳосил чўғи салмоқли - Бўка бозорини эгаллаши аниқ. Уям ҳашарга таклиф қиляпти. Анаққиса, ўтаверасизлар-а!? 😉

📌Ҳа айтганча, бу йил вилоятимизнинг 8,3 минг гектар ерига сабзавот, 7,7 минг гектарига картошка, 44,4 минг гектарига дуккакли экинлар экилган.

Хирмонга барака энди, деҳқонлар!

Каналга уланиш:
https://t.iss.one/+tcc8Accr_k80OGNi

📣 «АгроТрансформация»Тошкент вилоятида давом этади!

📌 10.10.2022 - 20.10.2022 гача "АгроТрансформация" лойиҳасининг  навбатдаги семинарлари Тошкент вилоятида бўлиб ўтади:

📍10 октябрь куни Тошкент туманида;
📍12 октябрь Бўка туманида;
📍13 октябрь Юқори Чирчиқ туманида;
📍14 октябрь Нурафшон шаҳрида;
📍19 октябрь Янгийўл туманида;
📍20 октябрь Қибрай туманида.

Барча семинар тренинглар соат 10:00 да бошланади.

🔵 Тошкент вилояти ёшлари, имкониятни қўлдан бой берманг - "Агро трансформация" лойиҳасида фаол иштирок этинг ва агробизнесда ўз ўрнингизни топишга эришинг.✊

Каналга уланиш:
https://t.iss.one/+tcc8Accr_k80OGNi

#янги_клип #шоу_бизнес

"Сумбула". Бу таронани устоз санъаткорлар маромига етказиб ижро этишган.

Лекин шоу бизнес олами барча соҳалар каби янгиланишни талаб этади. Бугун бу соҳада ўз ўрнига эга бўлаётган санъаткор Ҳамдам Собиров шу номдаги таронани ўз талқинида ижро этиб, клип ишлабди.

Дам олиш кунида сизга қайноқ клипни илиндик. Янги тарона биздан, баҳо бериш сиздан!😍

Каналга уланиш:
https://t.iss.one/+tcc8Accr_k80OGNi

Танишинг, бизнинг "Заковат"чилар!

📌Умумий ўрта таълим мактаблари ўртасидаги «Заковат» ўйинининг Республика босқичига старт берилди. Вилоятимиз шарафини Паркент туманидан 49-сонли мактаб ва 5- ИДУМ, Янгийўл туманидан эса 53-мактаб ҳимоя қилмоқда.

Айтиш мумкинки, Тошкент вилоятида ҳозирда таълим бўйича Паркент тумани етакчи ўринда. Вилоят ҳокимининг таълимга оид танқидий-таҳлилий йиғилишида Паркентдаги кўрсаткичлар ижобийлиги таъкидланганди.

Тумандаги 2 та таълим масканининг республика босқичига кўтарилгани ҳам демак, бежиз эмас!

Барчага омад ёр бўлсин!

Каналга уланиш:
https://t.iss.one/+tcc8Accr_k80OGNi

#Қадрдон_оҳанглар #Суперромантика

📝Қўшиқ номи: "Менман"
🎼Ижро: Шуҳрат Дарё
🎹Мусиқа: Шуҳрат Дарё
🖌Шеър муаллифи: Нурмухаммад Исроил
🎙Матнни ўқиди: Бахтиёржон Қурбонов

✨🔥❤️

Менман, сени куйиб севгувчи ҳамон...
Сенман, мени қайтиб сева олмаган...

***

Қўшиқларда умр оҳанги, ҳаёт жаранги бор. Хонанда қалбимиз товушига оҳангдошлик қилади. Унга қўшилиб, ҳайқиргинг келади: «Мўлман, кемтиклари тўлсин дунёнинг...»

Ай, бу кемтиклар... Улар қачондир тўлармикан?..


Каналга уланиш:
https://t.iss.one/+tcc8Accr_k80OGNi

Чирчиқ Давлат педагогика университети талабалари учун янги ётоқхона қурилади

🔍Тошкент вилояти ҳокимининг 2022 йил 7 октябрдаги қарорига мувофиқ Чирчиқ шаҳридаги Янги Ўзбекистон массивида жойлашган қишлоқ хўжалигида фойдаланилмайдиган 1 гектар ер майдони мазкур олийгоҳга талабалар ётоқхонаси қурилиши учун доимий фойдаланиш ҳуқуқи билан ажратиб берилди.

📍Маълумот учун: Айни дамда олийгоҳда 22 минг нафар талаба таҳсил олади, уларнинг 9400 га яқини кундузги таълимда.

📌Университетда мавжуд 3 та ётоқхонага 1438 нафар талаба қамраб олинган. 3200 нафар талаба ижарада яшайди.

Каналга уланиш:
https://t.iss.one/+tcc8Accr_k80OGNi

Амир Темурнинг ҳаёти ва фаолияти ҳақида ўзбек тилидаги энг эски қўлёзма аниқланди.

📌Ўзбекистон маданий меросини сақлаш, ўрганиш ва оммалаштириш бўйича Бутунжаҳон жамияти аъзоси Бадриддин Мақсудовнинг айтишича, китоб Амир Темур ҳақида ёзилган ва шу пайтга қадар етиб келган туркий қўлёзмаларнинг ҳозирча энг қадимийси бўлиши мумкин.

🔘Китобнинг хотимасида қўлёзма ҳижрий 1027 йил ражаб ойида битилгани қайд этилган. Бу милодий 1618 йилнинг июнь-июль ойларига тўғри келади.

Каналга уланиш:
https://t.iss.one/+tcc8Accr_k80OGNi

​#таклиф

ХАЛҚ ТАЪЛИМИ ТИЗИМИНИ ЯНАДА РИВОЖЛАНТИРИШ УЧУН НИМАГА ЭЪТИБОР ҚАРАТИШ КЕРАК?

🔘Камида 3 йил давомида умумий ўрта таълим мактабларида педагогик стажга эга бўлган номзодларгина Халқ таълими вазирлиги ёки уларнинг ҳудудий (туман ва вилоят) ХТБ га ишга қабул қилиниши белгиланиши керак;

🔘хорижий тилларни ўргатишга йўналтирилган ёки айни йўналишдаги факультетларга эга ОТМ талабаларига мазкур ОТМ ни битираётганда ўзи ўрганаётган хорижий тилдан Б2 ёки унга тенглаштирилган сертификатни олган тақдирдагина мазкур олий таълим даргоҳини битирганлигини тасдиқловчи диплом берилиши керак;

🔘мактаб директорлари томонидан иқтидорли ўқувчиларни аниқлаш ва улар орасида эркин рақобатни ривожлантириш мақсадида мактабларда «Директор стипендияси» жорий этилиши ва бу стипендиянинг берилиши, амал муддати ҳар чорак (ёки ҳар ой)да деб белгиланиши керак;

🔘битирувчи, 9 ва 11-синфлар учун «Тарихий қадамжолар ва буюк алломалар» фанини жорий этиш ва барча юқори синфлар учун (6-синфдан – 11-синфгача) Ўзбекистон тарихи фани дарс соатини ҳафтасига 2 соат, Жаҳон тарихи фани учун эса 1 соат этиб белгилаш керак;

🔘Республика ва халқаро фан олимпиадаларида қатнашиб, юқори ўринларни эгаллаган ўқувчиларга Ўзбекистон Республикаси Фанлар Академияси таркибидаги тегишли институт ва ташкилотлар томонидан мазкур ўқувчиларга стипендиялар жорий этиш лозим. Бундан кўзланган мақсад, бўлажак олимларни ёшлигидан илмга йўналтиришдир;

🔘халқаро тан олинган хорижий тил (C1 даражасидаги) сертификатларини қўлга киритган, ёки ТОП 500 таликка киритилган хорижий ОТМ га муддатидан аввал, ёки шунингдек республикамизда жойлашган ОТМ га энг юқори бални қўлга киритиб ўқишга кирган мактаб ўқувчилари учун туман ва шаҳар ҳокимларининг стипендиялари жорий этилиши керак;

🔘туман ва шаҳар, вилоят ҳокимликлари таркибида «Таълим ва илм-фан ишлари бўйича ҳоким ўринбосари» лавозими жорий этиш лозим;

🔘 9-синфни битириб, касб-ҳунар мактабларига ўқишга кирмоқчи бўлган ўқувчиларнинг танлаган касб йўналиши қамрови кенгайтирилса, ўринли бўларди. Яъни, бунда бир-бирига яқинроқ бўлган касб йўналишлари бирлаштирилади. Масалан, «ҳайдовчилик ва автомобилларга техник хизмат кўрсатиш», «тикувчилик ва пазандачилик» ёки «бухгалтерия ва компьютер графикаси» каби. Шунда ўқувчи бир вақтнинг ўзида 2 та касбни эгаси бўлиб битиради. Шунингдек, касб-ҳунар мактаблари ва ундаги йўналишлар ҳудуддаги мавжуд эҳтиёждан келиб чиққан ҳолда тасдиқланса, ўринли бўлади.

Завқибек Маҳмудов,
Юқори Чирчиқ тумани 34-мактаб директор ўринбосари.

Каналга уланиш:
https://t.iss.one/+tcc8Accr_k80OGNi