​#эслаб

“Синфком” бўлганмисиз?

Бизда синф сардорлиги ажойиб бўлган. 1-4 синфларда фақат қизлар тайинланарди. Юлдуз ва Зулхумор навбат билан бошқарарди. Уларнинг асосий вазифаси ‒ устоз йўқлигида ўқувчилар тинчлигини сақлаш, китоб-дафтарларни текшириш, ўзлаштиришда дангасалик қилаётганларга ёрдам бериш. Гоҳида қизларимиз ўзида ваколат аталмиш кучни чуқур ҳис қилиб юбориб, темир чизғич билан тушириб қоларди. Тўрт йил давом этган “матриархат даври” умуман олганда ёмон бўлмаган.😊

Юқори синфга ўтгач йигитларнинг бўйи чўзилиб, кучга тўла бошлади; қизларимиз феъл-атворида юмшоқлик, назокат устунлик қилгач вазият ўзгарди. Энди ғайрати ичига сиғмаётган йигитлар бошқарувчиликка ўта бошлади.

Буни шароитнинг ўзи тақозо этарди. Энди ўсмирлар ўзаро кучини синашгиси, кимлигини кўрсатиб қўйгиси келарди. Уларни эса албатта, чизғич билан назорат қилиб бўлмасди. Қизларнинг эса ўзига маҳлиёлик даври ‒ ортиқча машмашага вақти йўқ.😉

Хуллас, синф сардорлигига 5-6 синфда очиқ усулда овоз бера бошладик. Аммо 7-8 синфда яширин овоз берганмиз. 9-11 синфда эса ким масъулиятни олса ўшанга топширганмиз. 11 йиллик мактаб даврида икки “синфком” фаолияти ёрқин из қолдирган. Булар Бекмирзо ва Мирзабек. Чунки улар оғир‑босиқ, ташаббускор, таъсир доираси кенг, қатъиятли ва барчанинг ҳурматига лойиқ йигитлар бўлган.

Энди ўйлаб қарасак, синф сардорлиги ҳам болаликдан масъулиятли бўлишни, бошқарув тажрибасини ўргатар экан. Эҳ, қанча болалар сардорликни орзу қиларди. Лекин сардор дегани билим ва куч жиҳатидан устун бўлиши кераклигини ҳамма ич‑ичидан ҳис қиларди.

Сиз синф сардори бўлганмисиз?

Отабек Бакиров,
"Ёшлар кундалиги" мухбири.

✉️Telegram 📱Instagram 📱Facebook 🌐YouTube

​​#эслаб

Афсонавий ўзбек футболи юлдузи ҳақида нималарни биласиз?

🇺🇿 Ўзбек футболи тарихида ўзига хос ўрнига эга бўлган юлдузлардан бири Михаил Ан ҳақида ёши катта инсонлар тўлқинланиб гапиради. Айниқса, унинг майдон марказида ўйинни назорат қилиши ва ақлли ҳаракатлари сабаб, ишқибозлар уни “профессор” деб аташарди.

📌1952 йил Юқори Чирчиқ туманида туғилган футбол юлдузи 60-йилларда СССР Олий дивизионида тўп сурган корейс миллатига мансуб илк футболчи эди.

🔹Унинг профессионал футболга қўйган илк қадамлари 1968 йилга тўғри келади. Ўшанда у Тошкент вилоятининг “Политотдел” жамоасига қабул қилинади. Жуда яхши тезликка эга бўлган 17 ёшли ўйинчи 1969 йилги мавсумдан бошлаб асосий таркибга жалб этилади.

✅ 1971 йилги мавсумдан иқтидорли футболчи фаолиятини “Пахтакор”да давом эттиради. Жамоанинг ўша йилдаги мураббийи Александр Андреевич Келлер 19 ёшли йигитчага у қадар юксак ишонч билдирмайди ва Ан ўтган бутун мавсум давомида атиги 10 та учрашувда асосан захирадан майдонга туширилади. Хусусан, у “Пахтакор”даги дебютини “шерлар”нинг Тошкентдаги Тбилисининг “Динамо”сига қарши ўтказган баҳсига қадар кутишига тўғри келади. СССР Олий лигасининг 22-тури доирасида ўтган ушбу учрашувда тошкентликлар Тбилиси жамоаси устидан 5:1 ҳисобида ғалаба қозонади. 21 000 мухлис қаршисида ўтган ўйиннинг 75-дақиқасида Михаил Ан жамоанинг 3-голига муаллифлик қилган Вячеслав Солохонинг ўрнига майдонга тушади. Шу баҳсдан сўнг, ёш Мишага ҳам мураббий томонидан кўпроқ имконият тақдим этилаверади.

ℹ️ Михаил Ан бутун фаолияти давомида “Пахтакор” таркибида 233 та ўйинда 50 маротаба рақиблар дарвозасини ишғол қилди. Унинг самарали узатмалари бўйича статистикасини эса, афсус, аниқлашнинг имкони бўлмаган.

💭 1974 ва 78-йилларда у мавсумнинг энг яхши футболчилари учлигидан ўрин олди. У билан 1978-79 йилги мавсумларда бир жамоа сафида тўп сурган Константин Новиков собиқ жамоадошини хотирлар экан, “Миша Ан тўпни ҳис қилиш, майдонни кўра олиши билан ҳаммани ҳайратга соларди. У тўп билан шерикларига узатган миллиметрларигача ҳисобланган паслари билан мўжиза яратарди”, дейди.

🗓 1979 йилнинг 11 августида ўзбек футболининг асл жавоҳирларини бу ҳаётдан олиб кетган самолёт бортида “Пахтакор”нинг бошқа аъзолари қатори Михаил Ан ҳам бор эди.

⚽️ Футболчи 2006 йилда Ўзбекистон ҳукумати томонидан “Шуҳрат” ордени билан мукофотланган. .

✉️Telegram 📱Instagram 📱Facebook 🌐YouTube

#Эслаб

⭕️ Роппа-роса бир йил олдин футбол тарихидаги энг қизиқарли финал деб топилган ўйинга гувоҳ бўлганмиз.

🏟 Қатарда ўтказилган Жаҳон чемпионатида Аргентина пенальтилар сериясида Мбаппе бошчилигидаги Францияни мағлуб этганди.

⚽️ Биринчи таймда иккита гол урган 🇦🇷 Аргентина (Месси, Ди Мария) иккинчи таймда охирларига бориб уйғонган 🇫🇷Франция олдида ожиздек кўринган эди. Асосий вақтнинг сўнгги 15 дақиқаси давомида майдонда 🙋🏽‍♂️ Килиан Мбаппе исмли юлдуз порлаган, ўқдек учиб юрган бу йигит 🙎🏻‍♂️Мессидан кейинги қирол эканини исботлаб қўйганди.

✅ Кейин қўшимча тайм, французларнинг хатоси, Мессининг кўз ёшлари, стадион, унга жўр бўлиб бутун Аргентина куйлаган машҳур 🎼 "Мучачос" қўшиғи. Аргентинада худодек кўриладиган Марадонанинг куёви Серхио Кун Агуэро Мессини елкасига миндириб стадионни айланиб чиққан эди.

🏆 Олтин маъбудани Аргентинага олиб борилиши ва у ердаги кутиб олиш маросими рекорд миқдорда одам йиғилишига сабаб бўлган. Аргентина чемпионларни даҳшатли тарзда кутиб олган, Буэнос Айресда миллий байрам, деб эълон қилинган эди.

🎯 Барибир қўшиқ, 🥁🪇🪘🎺унинг жайдари ва жўшқин ритми миллионлаб мухлисларга ёд бўлиб кетди. Қатарда ўтказилган чемпионатнинг рамзларидан, уни эслатгувчи жиҳатлардан бири бўлиб қолди.

Yoshlar kundaligi

​​#эслаб

Афсонавий ўзбек футболи юлдузи ҳақида нималарни биласиз?

🇺🇿 Ўзбек футболи тарихида ўзига хос ўрнига эга бўлган юлдузлардан бири Михаил Ан ҳақида ёши катта инсонлар тўлқинланиб гапиради. Айниқса, унинг майдон марказида ўйинни назорат қилиши ва ақлли ҳаракатлари сабаб, ишқибозлар уни “профессор” деб аташарди.

📌1952 йил Юқори Чирчиқ туманида туғилган футбол юлдузи 60-йилларда СССР Олий дивизионида тўп сурган корейс миллатига мансуб илк футболчи эди.

🔹Унинг профессионал футболга қўйган илк қадамлари 1968 йилга тўғри келади. Ўшанда у Тошкент вилоятининг “Политотдел” жамоасига қабул қилинади. Жуда яхши тезликка эга бўлган 17 ёшли ўйинчи 1969 йилги мавсумдан бошлаб асосий таркибга жалб этилади.

✅ 1971 йилги мавсумдан иқтидорли футболчи фаолиятини “Пахтакор”да давом эттиради. Жамоанинг ўша йилдаги мураббийи Александр Андреевич Келлер 19 ёшли йигитчага у қадар юксак ишонч билдирмайди ва Ан ўтган бутун мавсум давомида атиги 10 та учрашувда асосан захирадан майдонга туширилади. Хусусан, у “Пахтакор”даги дебютини “шерлар”нинг Тошкентдаги Тбилисининг “Динамо”сига қарши ўтказган баҳсига қадар кутишига тўғри келади. СССР Олий лигасининг 22-тури доирасида ўтган ушбу учрашувда тошкентликлар Тбилиси жамоаси устидан 5:1 ҳисобида ғалаба қозонади. 21 000 мухлис қаршисида ўтган ўйиннинг 75-дақиқасида Михаил Ан жамоанинг 3-голига муаллифлик қилган Вячеслав Солохонинг ўрнига майдонга тушади. Шу баҳсдан сўнг, ёш Мишага ҳам мураббий томонидан кўпроқ имконият тақдим этилаверади.

ℹ️ Михаил Ан бутун фаолияти давомида “Пахтакор” таркибида 233 та ўйинда 50 маротаба рақиблар дарвозасини ишғол қилди. Унинг самарали узатмалари бўйича статистикасини эса, афсус, аниқлашнинг имкони бўлмаган.

💭 1974 ва 78-йилларда у мавсумнинг энг яхши футболчилари учлигидан ўрин олди. У билан 1978-79 йилги мавсумларда бир жамоа сафида тўп сурган Константин Новиков собиқ жамоадошини хотирлар экан, “Миша Ан тўпни ҳис қилиш, майдонни кўра олиши билан ҳаммани ҳайратга соларди. У тўп билан шерикларига узатган миллиметрларигача ҳисобланган паслари билан мўжиза яратарди”, дейди.

🗓 1979 йилнинг 11 августида ўзбек футболининг асл жавоҳирларини бу ҳаётдан олиб кетган самолёт бортида “Пахтакор”нинг бошқа аъзолари қатори Михаил Ан ҳам бор эди.

⚽️ Футболчи 2006 йилда Ўзбекистон ҳукумати томонидан “Шуҳрат” ордени билан мукофотланган.

Yoshlar kundaligi

#Эслаб

😍Шу кунларни соғинганлар борми? Ижтимоий тармоқларсиз ўтган болалик онлари бу.

Сизни ёшлигингизда қандай эсда қоларли воқеалар бўлган?

📹Анимация "Digital Garden" томонидан тайёрланган.

Yoshlar kundaligi