📌 GMP миллий стандартининг янги таҳририни қабул қилиш бўйича муҳокамалар бошланди

🔴 Президентимиз Шавкат Мирзиёев раҳбарлигида мамлакатимизда амалга оширилаётган ислоҳотлар доирасида фармацевтика тармоғини жадал ривожлантириш, тадбиркорлик субъектларини қўллаб-қувватлаш, экспортбоп маҳсулотлар ишлаб чиқаришни кенгайтириш, аҳолини сифатли ва хавфсиз дори воситалари билан таъминлаш, шунингдек, соҳадаги муаммо ва таклифларни амалий ҳал этиш юзасидан изчил ишлар олиб борилмоқда.

❗️ Шу йўналишда, дори-дармонларни халқаро талабларга мос стандартлар асосида ишлаб чиқаришни таъминлаш мақсадида, жорий йилнинг 30 июль куни “Zoom” платформасида Фармацевтика тармоғини ривожлантириш агентлиги ҳузуридаги “Зарур амалиётлар маркази” ДМ ташаббуси билан GMP миллий стандартининг янги таҳрири муҳокамасига бағишланган онлайн йиғилиш ўтказилди.

✅ Йиғилишда Агентликнинг бўлим бошлиғи Ҳ.Садиков, “Зарур амалиётлар маркази” ва фармацевтика соҳасидаги қатор компаниялар вакиллари иштирок этдилар.

❗️ Кун тартибига қуйидаги масалалар киритилди:
➡️ GMP миллий стандарти янги таҳрирининг 1-қисми бўйича билдирилган изоҳлар билан танишиш;
➡️ Ишлаб чиқарувчиларнинг савол ва таклифларини муҳокама қилиш;
➡️ Таклиф ва фикрларни умумлаштириш.

❗️ Йиғилиш давомида “ZUMA PHARMA”, “NIKA PHARM”, “BIOKOM”, “DENTAFILL PLYUS”, “Remedy Group”, “JURABEK LABORATORIES”, “SEEM”, “Uzgermed Pharm” каби корхоналарнинг масъул ходимлари фаол иштирок этиб, таклиф ва фикрларини билдирди.

❗️ Хусусан, стандартнинг 2.11 бандига тегишли изоҳлар муҳокама қилиниб, ундаги мазкур жумла:
“Обучение персонала должно проводиться по программам, утвержденным соответственно руководителем производства либо руководителем подразделения контроля качества”
ушбу кўринишда ўзгартириш таклифи маъқул деб топилди:
“Обучение персонала должно проводиться по программам, утвержденным соответственно ответственным лицом либо руководителем”

✅ Шунингдек, йиғилишда қуйидаги корхоналар тингловчи сифатида иштирок этди:
“NEOGALENPHARM”, “Haemalogic”, “PHARMACON”, “SULTON MED PHARM”, “SANITA PHARMA”, “LAXISAM Pharmaceuticals”, “CODEPHARM”, “OKS MASSAGET”, “LEKINTERKAPS”, “Samo”, “SPRING PHARMACEUTICALS” ва бошқалар.

Website | Telegram | Instagram | Facebook | Youtube | linkedin

📌 Фармагентлик ходимлари Самарқанд вилоятида хизмат сафарида

🔴 Жорий йилнинг 30-31 июль кунлари Агентлик директори ўринбосари О. Элмуратов ва мутахассислари томонидан Самарқанд вилоятига амалга оширилган хизмат сафари давомида, вилоятдаги фармацевтика ишлаб чиқариш корхоналари ва амалга оширилаётган инвестиция лойиҳалари жойига чиқиб ўрганилди.

✅ Жумладан, Самарқанд шаҳрида жойлашган “Оптима Собиржон” МЧЖ томонидан тиббий буюмларни ишлаб чиқаришни ташкил этиш лойиҳаси 2024 йилда ишга туширилган ва ҳозирда корхонада йўлга қўйилган тиббий қўлқоплар ва бир марталик тиббиёт шприцларини ишлаб чиқариш линиялари ўрганилди. Корхонага ишлаб чиқариш ҳажмини кенгайтириш ва янги экспорт бозорларига чиқиш имкониятлари бўйича таклифлар берилди.

✅ Шунингдек, Булунғур туманида Хитойнинг “Xin deyuan bioenginering Со.Ltd.” компанияси томонидан амалга оширилаётган қиймати 100 млн. долларлик “Қон плазмаси ҳом-ашёси асосида тиббий биопрепаратлар ишлаб чиқаришни ташкил этиш” лойиҳаси билан танишилди.

✅ Ушбу лойиҳа доирасида “Yangi osiyo xalqaro biofarmasevtika” МЧЖ ХК корхонаси ташкил этилиб, бугунги кунда қурилиш ишлари жадал олиб борилаётганлиги эътироф этилди ва Агентлик томонидан лойиҳани жадаллаштириш бўйича амалий ёрдам кўрсатиб борилиши бўйича ўзаро келишиб олинди.

Website | Telegram | Instagram | Facebook | Youtube | linkedin

📌 Ҳудудлардаги фармацевтика корхоналари фаолияти ўрганилмоқда

🔴 Фармацевтика тармоғини ривожлантириш агентлиги ходимлари томонидан ҳудудларда амалга оширилаётган лойиҳаларни жойига чиқиб ўрганиш ишлари давом эттирилмоқда.

✅ Хусусан, Қорақалпоғистон Республикаси, Нукус шаҳрида жойлашган "Nukus med tex" МЧЖ томонидан бир марталик тиббиёт шприцлари ишлаб чиқариш қувватларини кенгайтириш бўйича амалга оширилаётган лойиҳа ҳолати ўрганилди. Лойиҳа мавжуд ишлаб чиқариш биноси негизида амалга оширилмоқда ҳамда асбоб-ускуналарни харид қилиш бўйича аниқ ҳаракатлар олиб борилмоқда.

✅ Шунингдек, "Ajiniyaz Qoraqalpoq" МЧЖ томонидан тайёр дори воситаларини (таблетка, капсула ва инфузия шакллари) ишлаб чиқаришни йўлга қўйиш бўйича иккинчи босқич лойиҳасининг ҳолати кўриб чиқилди. Лойиҳа учун "Нукус" эркин иқтисодий зонаси ҳудудидан ер майдони ажратилган, асбоб-ускуналар хариди юзасидан шартномалар имзоланган, қурилиш ишларини бошлаш учун тегишли рухсатлар кутилмоқда.

✅ Фармагентлик томонидан лойиҳаларнинг амалга оширилиши, маҳаллий ишлаб чиқариш салоҳиятини ошириш ва аҳолини сифатли дори воситалари билан таъминлаш мақсадида доимий мониторинг ва амалий кўмак ишлари олиб борилмоқда.

Website | Telegram | Instagram | Facebook | Youtube | linkedin

Кластер саноат зонасида амалга оширилаётган лойиҳалар билан танишилди

Фармацевтика тармоғини ривожлантириш агентлиги директори А. Азизов “Tashkent Pharma Park” кластери саноат зонасига ташриф буюриб, хорижий ва маҳаллий инвесторлар томонидан амалга оширилаётган фармацевтика йўналишидаги йирик инвестиция лойиҳаларининг қурилиш жараёнлари билан яқиндан танишди.

🏗 Ташриф доирасида лойиҳаларнинг жорий босқичдаги ишлари, қурилиш ишлари суръати, материаллар таъминоти ва ҳудудий инфратузилма билан боғлиқ масалалар атрофлича ўрганилди.

⛏ Қурилиш жараёнида юзага келаётган айрим муаммоли ҳолатлар жойида мутасадди ташкилотлар ва лойиҳа вакиллари иштирокида муҳокама қилинди. Уларни бартараф этиш бўйича амалий ёрдам ва тегишли кўрсатмалар берилди.

🤝 Ташриф якунида агентлик томонидан инвесторлар учун қулай шароит яратиш, лойиҳаларни жадал амалга ошириш ва доимий мониторинг йўлга қўйилгани қайд этилди.

📈 Фармацевтика соҳасини ривожлантириш, янги иш ўринлари яратиш ва замонавий ишлаб чиқариш қувватларини фаоллаштириш борасидаги ишлар изчил давом эттирилади.

Website | Telegram | Instagram | Facebook | Youtube | linkedin

📌 Фарғона шаҳрида инфузион шаклидаги дори воситаларини ишлаб чиқариш лойиҳаси амалга оширилмоқда

🔴 Фарғона шаҳрида жойлашган “Afrosiyob Shifo” МЧЖ томонидан инфузион шаклидаги дори воситаларини ишлаб чиқариш бўйича янги инвестиция лойиҳаси амалга оширилмоқда. Айни пайтда лойиҳа доирасида қурилиш ишлари босқичма-босқич олиб борилмоқда.

✅ Фармацевтика тармоғини ривожлантириш агентлиги ходимлари томонидан ҳудудларда амалга оширилаётган инвестиция лойиҳаларининг ижросини ўрганиш ва амалий ёрдам кўрсатиш мақсадида “Afrosiyob Shifo” МЧЖдаги лойиҳа юзасидан ҳам жойига бориб, амалга оширилаётган ишлар ҳолати билан танишилди.

✅ Ўрганиш давомида корхонанинг фаолиятини тўлиқ қувватда йўлга қўйишда муҳим аҳамиятга эга бўлган инфратузилма билан таъминлаш, шунингдек ишлаб чиқарилаётган маҳсулотларни маркировкалашда юзага келаётган муаммолар кўриб чиқилиб, уларни бартараф этиш бўйича тегишли ташкилотлар билан ҳамкорликда амалий ёрдам кўрсатилди.

Website | Telegram | Instagram | Facebook | Youtube | linkedin