• Adliya vazirligi yuridik texnikumlariga qabul bo‘yicha natijalar e’lon qilindi

ℹ️ Batafsil...

——————————
• Объявлены результаты приема в юридические техникумы Министерства юстиции

ℹ️ Подробнее...

——————————
• The results of admission to the law colleges of the Ministry of Justice have been released

ℹ️ Read more...

@tsulofficial

#huquqiy_gap #onlayn_muloqot

‼BUGUN...O'tkazib yubormang...

⚡️Davlat boshqaruvi, huquqiy soha va davlat xizmatlari borasidagi masalalar bo‘yicha audio podkast tashkil etiladi!

🤵🏼Suhbat spikeri:

Ruslanbek Davletov – O‘zbekiston Respublikasi Adliya vaziri

⏰ Ovozli chat BUGUN 12-noyabr soat 19:00 da @huquqiy_gap kanalida boshlanadi hamda Facebook va YouTube da onlayn uzatiladi:

➖ Telegram: @huquqiy_gap
➖ Facebook: Adliya bilan muloqot
➖ YouTube: Adliya vazirligi

📥 Savollaringizni @huquqiy_gap telegram kanalidagi izohlarda qoldiring.

Podkastni albatta eshiting. Adliya vaziri ishtirokidagi barcha suhbatlar kabi bu galgisi ham qiziq bo'ladi.

Kanalga ulanish👇👇👇
@huquqiy_gap

#Adliya_aralashgach

Fuqarolar manfaatida sudlarga kiritilgan da'vo arizalari natijasida esa 5,8 milliard so‘m undirildi.

Fuqaroga 1,9 million so‘mdan ortiq qarzdorlik haqida xabar keldi... Bunday holatga duch kelayotganlar uchrab turadi. Kommunal xizmat ko‘rsatuvchi korxonalarning e'tiborsizligi tufayli yuz berayotgan bunday holatlar esa huquqiy bahosini olganda, aybdor shaxslar jazosini oladi.

👉Batafsil

@adliyangiliklari

#Mutaxassis_sharhi

❗️18 noyabr – O‘zbekiston Respublikasi Davlat bayrog‘i qabul qilingan kun

Davlat bayrog‘ining tasviridan tijorat maqsadida foydalanish mumkin emas❓

https://uza.uz/posts/319985

#Adliya_podkast

⚡️Avval xabar berganimizdek, ayni vaqtda adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast boshlandi.

Unda Adliya vaziri davlat boshqaruv sohasidagi muammolar va ularni bartaraf etish choralari haqida so‘z yuritadi.

Shuningdek, Adliya vaziri muloqot davomida hozirgi kunda ijtimoiy tarmoqlarda keng muhokamaga sabab boʻlayotgan holatlar boʻyicha oʻz fikr va mulohazalarini bildirib oʻtadi hamda fuqarolardan kelgan savollarga onlayn javob beradi.

🎧 👉 Strimga ulahish

📹 Onlayn translyasiya

▫️Adliya bilan muloqot/Диалог с юстицией

▫️Adliya vazirligi Ministry of Justice

@adliyangiliklari

#Adliya_podkast

⚡️Avval xabar berganimizdek, ayni vaqtda adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast davom etmoqda.

Adliya vaziri davlat boshqaruv sohasidagi muammolar va ularni bartaraf etish choralari haqida so‘z yuritadi. Xususan, Ruslanbek Davletov hukumat ihchamligi haqida o’z fikrini bildirdi.

@adliyangiliklari

#Adliya_podkast

⚡️Adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast davom etmoqda.

Adliya vaziri Ruslanbek Davletov korrupsiyaga qarshi kurashishda kompleks yondashuv muhimligini ta’kidlab o’tdi.

@adliyangiliklari

#Adliya_podkast

⚡️Adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast davom etmoqda.

Adliya vaziri Ruslanbek Davletov mehnat huquqlari himoyasi va kadrlar siyosati haqida savollarga javob berdi.

@adliyangiliklari

#Iqtibos

"Bugungi kundagi dolzarb masalalardan biri bu davlat organlarining soni. Birgina qurilish sohasini nazorat qilishga 4 ta davlat organi mas`ul. Yoki mahsulotlarning sifati va xavfsizligiga 8 ta alohida tashkilot mas`ul. Buni qaytadan ko`rib chiqish va optimallashtirish masalalari ko`ndalang turibdi".

Adliya vaziri Ruslanbek Davletov

@adliyangiliklari

#Adliya_podkast

⚡️Adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast davom etmoqda.

Adliya vaziri Ruslanbek Davletov ijtimoiy himoya tizimi borasida savollarga javob berdi.

@adliyangiliklari

#Adliya_podkast

⚡️Adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast davom etmoqda.

Adliya vaziri Ruslanbek Davletov davlat xizmatlari markazlaridagi navbatlar bo'yicha o'z munosabatini bildirdi.

@adliyangiliklari

#Iqtibos

"Bitta masala — bitta idora" tamoyilini amalga oshirish kerak. Ya`ni fuqaro idoraga murojaat qilganida idora shunday funksiyalarga ega bo`lishi kerakki, toki bir o`zi fuqaroning masalasini to`liq hal qila olsin".

Adliya vaziri Ruslanbek Davletov

@adliyangiliklari

#Adliya_podkast

⚡️Adliya vaziri Ruslanbek Davletov bilan davlat boshqaruvi, huquqiy soha va davlat xizmatlari borasidagi masalalar boʻyicha audio podkast davom etmoqda.

Adliya vaziri Ruslanbek Davletov aholi va davlat xizmatchilarining huquqiy ongini oshirish bo'yicha o'z munosabatini bildirdi.

@adliyangiliklari

​#Adliya_audiopodkast

Adliya vaziri Ruslanbek Davletovning @huquqiy_gap telegram kanalidagi podkastda aytgan asosiy fikrlari tezisi

❓O‘zbekistonda davlat boshqaruvi sohasida qanday masalalarni hal etish lozim?

Birinchidan, davlat organlari ixcham bo‘lishi kerak dedik. Bu nima degani?

Har bir organ o‘ziga yuklatilgan vazifani qiladigan, funksiyalari takrorlanmaydigan, davlat organining har bir xodimi faqat o‘ziga yuklatilgan ishni bajaradigan va o‘shanga oylik oladigan tizim kerak. Organlar soni ham muhim.

Shveytsariya hukumati a’zolari surati ijtimoiy tarmoqlarda ko‘p aylanadi. Unda 8 ta vazir suratga tushgan va bu Shveytsariya hukumatining ixchamligini ifodalaydi deb o‘ylashadi. Aslida, ularda 70 dan ortiq davlat organlari bor. Ya’ni vertikallashuv kuchaytirilgan. Masalan, atrof-muhit, transport va energetika vaziri bitta, mudofaa va sport vazirligi, iqtisodiyot, ilm va fan-ta’lim – bitta vazirlik. Har bir vazirlikka bir nechta sohalar biriktirilgan va u portfel vazirlar qo‘liga berilgan. Ya’ni suratda ko‘ringani darajada hukumat ixcham emas. Biroq ijtimoiy tarmoqlarda surat bekorga aylanmayapti – bu signal! Ya’ni biz ixchamlashtirish borasida hali ko‘p ishlashimiz kerak.

Biz inspeksiyalar faoliyatini tahlil qildik. Ko‘pining faoliyati shaffof emas. Masalan, bitta qurilish sohasiga 4 ta davlat organi, mahsulotlar sifatiga 8 ta davlat organi mas’ul. Bu holda natija yaxshi bo‘lmaydi, aksincha, yomonlashadi. Har bir organ o‘zicha talablar qo‘yadi va o‘zicha natija ko‘zlaydi. Shu sababli ushbu organlarni optimallashtirish masalasini ko‘rib chiqish lozim.

Ikkinchidan, “bitta yo‘nalish uchun bitta davlat organi” tamoyili asosida ishlash kerak. Fuqaro ma’lum masala bo‘yicha davlat organiga murojaat qilganda, organ shu masalaning barcha jihatlarini ko‘rishi, qamrashi va hal qila olishi kerak.

Ma’muriy apparatning kattaligi hamma narsaga ta’sir qiladi. Bu yerda soliq to‘lovchining puli ishlatilyapti. Resurslarni oqilona sarflash bo‘lmasa, harakatlar samarasi pasayaveradi.

Uchinchidan, nomarkazlashtirish siyosatini yanada rivojlantirish. Ilgari eslasangiz, birgina dorixona yoki ta’lim markazini tashkil etish uchun ham hududlardan markazga kelib ruxsat olish kerak edi.

Hozir bu barham topdi. Lekin baribir hamon markazlashtirish kuchli. Mas’uliyatni hududlarning o‘ziga berish kerak. Ya’ni ma’lum hudud aholisining hayotiga taalluqli masalalar o‘sha joyning o‘zida hal qilinsin. Bizga to‘g‘ri nomarkazlashirish juda zarur.

To‘rtinchidan, davlat organlari va davlat xizmatchilarining o‘z funksional vazifalaridan boshqa ishlar bilan shug‘ullanishi. Ya’ni bir sohaning resurslarini boshqa sohaga safarbar qilish hech qachon o‘zini oqlamaydi. Qisqa muddatli natijani deb istiqbolni boy berishga olib keladi.

Misol sifatida qishloq xo‘jaligini keltirish mumkin: paxta terishga ta’lim, hokimiyatlar, davlat organlari xodimlarini jalb qilinganda, ularning o‘z ishlari qolib ketadi, natijada o‘sha sohaga doir muammolar ko‘payadi va ularni hal qilish qiyinroq hamda qimmatroq bo‘ladi.

Beshinchidan, mehnat unumdorligi masalasi. Ish vaqtidan samarali foydalanish dolzarb. Biz davlat xizmatchisi sifatida byudjetdan oylik olayapmiz, ya’ni xalq to‘lagan soliqlardan. Har bir soatimiz uchun ma’lum miqdorda maosh olamiz. Demak, ish vaqtidan unumli foydalanishimiz kerak. Bir olim aytgan: “Daqiqaning qadrini bilmagan, soatning ham, kunning ham, yilning ham qadriga yetmaydi”.

Xususiy sektorda biznes buni allaqachon qo‘llay boshlagan, chunki tadbirkor ish beruvchi xodimning soatiga pul to‘lar ekan, u soatni to‘liq ishga bag‘ishlashini istaydi va bu qonuniy talab.

Davlat rahbari tomonidan davlat tashkilotlarida majlislarni kamaytirish to‘g‘risida topshiriqlar bo‘ldi. Lekin ayrim tashkilotlarda majlislar ish qilayotganini ko‘rsatish vositasiga aylanib qolgan. Yoki ish vaqtida oshga borish, tug‘ilgan kunlarni nishonlash, turli tadbirlar uyushtirishga kamida 2 soat ketadi.

Bu soatlarga xalq pul to‘layapti. Bu asli xalq mulkiga xiyonat. Biz kamroq gapirib ko‘proq ishlashimiz kerak.

@adliyangiliklari

​#Adliya_audiopodkast

Adliya vaziri Ruslanbek Davletovning @huquqiy_gap telegram kanalidagi podkastda aytgan asosiy fikrlari tezisi

❓Korrupsiyaga qarshi eng yaxshi chora qaysi?

Ko‘pchilik o‘lim jazosi deydi. Qonun ustuvorligi yuqori va korrupsiya darajasi past davlatlar qonunchiligini ko‘rsangiz, birontasida o‘lim jazosi yo‘q. Ular zamonaviy, madaniy usullar bilan bu natijalarga erishgan. Hamma Singapurni misol keltiradi. Singapurda korrupsiya uchun eng yuqori qamoq muddati 7 yilgacha qilib belgilangan. Bizda esa 15 yil, lekin korrupsiya ko‘rsatkichi yuqori. Ko‘rinadiki, gap jazoning katta-kichikligida emas, muqarrarligida. Jazo kattayu kichik baliqlarga birdek muqarrar bo‘lishi kerak.

Oyliklarni ko‘tarish-chi, chora bo‘la oladimi? Qisman, ammo mutlaq emas. Bu korrupsiya ko‘rsatkichini kamaytirishi mumkin. Lekin nohalol xodimlarga nisbatan ish bermaydi. Li Kuan Yu aytadi: “Men muttaham xodimlarga ko‘p oylik bersam, ular ko‘p oylik olib ham muttahamligini qilaveradi”. Shuning uchun oyliklarni oshirish bilan birga, ish jarayonlarni tahlil qilib borish va qat’iy tozalash ishlarini olib borish lozim.

Masalan, biz notariat sohasida oyliklarni oshirish bilan birga talabni ham qattiq qo‘ydik, ya’ni “agressiv kadr siyosati”ni olib bordik. Bu obrazli qilib aytganda “boshini shart olib tashlash” degani.

Xususan, FHDYO tizimi hokimiyatdan bizga o‘tgach, xodimlarni ochiq-shaffof attestatsiya qildik, shunda ayrim hududlarda hattoki 50 foiz xodim attestatsiyadan o‘tolmadi. Bu jarayonda ko‘p ta’na-yu noroziliklar bo‘ldi bizga nisbatan, lekin tizimni tozalash yo‘lida prinsiplarimizda qat’iy turdik. Nohalol xodim ishlagandan ko‘ra o‘sha joy bo‘sh turgani yaxshi. Notariatda, davlat xizmatlari sohasida ham shu yo‘lni tutdik.

Ko‘plar diniy ta’lim bersak, halol haromni o‘rgatsak, korrupsiya chekinadi deydi. Lekin diniy ta’limni tug‘ilganidan miyasiga quyadigan davlatlarni ko‘rsak, ularning korrupsiyaga qarshi kurash natijalari havas qilarli emas. Biz buni o‘rganganmiz, tahlil qilganmiz, diniy voizlarni jalb etganmiz, ular ma’ruzalar qilishgan. Bu ham ma’lum bir qatlamga, ma’lum bir jarayonda ta’sir qiladi.

Shuningdek, madaniyat va milliy mentalitet ham korrupsiyaga ta’sir qiladi. Urug‘-aymoqchilik, mahalliychilik, traybalizm kabi omillarning salbiy ta’sirini rad etolmaymiz. Demak, rivojlanishimizga salbiy ta’sir qiladigan odatlar bo‘lsa, ulardan voz kechish kerak. Mana, to‘ylardagi odatlarni xalqning o‘zi ham tanqid qiladi, odamlar o‘zi ham bu urf-odatlardan norozi-ku. Xitoyda ham siyosatchilar prokuror, sudyalar va advokatlar orasida norasmiy munosabatlar borligini tan olib, umuman shu insonlar uchun shaxsiy munosabatlarni taqiqladi.

Demak, muammoni tan oldi va shunga qarshi zarba berdi.

Shuning uchun korrupsiyaga qarshi kurashda konkret bitta usul samarali deyish noto‘g‘ri. Hukumat bu masalaga institutsional, tizimli va kompleks yondoshishi, katta ijtimoiy tadqiqotlar qilinishi, institutlar ishlashi kerak. Ya’ni muammo ilmiy yondashilgan holda hal etilishi muhim.

@adliyangiliklari

#Iqtibos

"Unumdorlik juda katta masala. Masalan fuqarolik ishlari bo‘yicha bitta sudyaga bir oyda o‘rtacha 170 ta ish to‘g‘ri keladi. Nega nizolar bunchalik ko‘p? Biz har bir sudga qo‘shimcha qilib yana 10 ta shtat bersak ham sudlardagi bu ish yuklamasini kamaytira olmasligimiz mumkin. Biz nizoga olib kelayotgan holatlarni tahlil qilib, nizoni kamaytirishimiz kerak".

Adliya vaziri Ruslanbek Davletov

@adliyangiliklari

​#Adliya_audiopodkast

Adliya vaziri Ruslanbek Davletovning @huquqiy_gap telegram kanalidagi podkastda aytgan asosiy fikrlari tezisi

❓Ijtimoiy himoya siyosati: muammo nimada?

Adliya tizimi sayyor qabullarga chiqqanda joylarda odamlar o‘z muammolari bo‘yicha ijtimoiy yordam so‘rashadi. Biz ijtimoiy himoya vazirligi emasmiz, ijtimoiy yordam bilan shug‘ullanmaymiz. Huquqiy tushuntirish berishimiz mumkin, shunday bo‘lsa-da qo‘ldan kelgancha ayrimlariga homiylarni jalb qilib yordam beramiz. Ularni bitta-bittalab hal qilib tugatish va samaraga erishish mumkin emas. Bu yerda fundamental masalalar bor.

Olaylik, odamlar uyning tomini yopishga, operatsiyaga, bolalarga kiyimga va hk. pul so‘rab hokimliklarga murojaat qilishadi. Masalan, amaldor yurak yetishmovchiligi bor bemorga yordam berganini ijtimoiy tarmoqda piar qiladi, hamma keyin uni maqtaydi. Biroq chuqurroq qarasak, respublikada, olaylik, 20 mingta yurak yetishmovchiligi mavjud bolalar yashayapti.

Ular fuqaro emasmi? Boshqa kasalliklar-chi? Ya’ni ijtimoiy yordam amaldorlarning hissiyotlari, kayfiyati yoki rahmdilligiga qarab hal etilishi kerak emas. Yoki kim qattiqroq janjal qilsa, masalasini ijtimoiy tarmoqqa olib chiqsa, o‘shanga yordam berilar ekan, ijtimoiy yordam tizimi rivojlanmaydi. U manziliga yetib bormaydi va inson omili qurboni bo‘ladi.

Aslida mahalliy byudjet pullari aniq reglament asosida ochiq va shaffof taqsimlanishi kerak. Tizim aniq mezonlar asosida ishlashi, yordam miqdori va ko‘lami aniq bo‘lishi, fuqaro davlatdan nimani, qanday va qayerdan so‘rashi va talab qila olishi aniq bo‘lishi kerak. Shunda hamma nimani talab qilib nimaga erisha olishini tushunib yetadi, barqarorlik bo‘ladi va huquqiy mexanizmlar ishlaydi, ya’ni ijtimoiy himoya davlatning ijtimoiy siyosati chegaralari va ko‘lami doirasida amalga oshirilishi kerak.

@adliyangiliklari

#Iqtibos

"Ijtimoiy siyosatda reglament aniq bo‘lishi kerak. U tomon (davlat) ham bu tomon (fuqaro) ham o‘zining majburiyatlarini aniq bilishi kerak. Aks holda ijtimoiy himoya sohasidagi davlat siyosatining amalga oshishi u yoki bu davlat xizmatchisining ichki kechinmalari, kayfiyatiga bog‘liq bo‘lib qoladi. Bu chidab bo‘lmaydigan holat".

Adliya vaziri Ruslanbek Davletov

@adliyangiliklari

​#Adliya_audiopodkast

Adliya vaziri Ruslanbek Davletovning @huquqiy_gap telegram kanalidagi podkastda aytgan asosiy fikrlari tezisi

❓Huquqiy bilim va targ‘ibot masalasida

Inson hamma huquqlarni bila olmaydi, undan buni talab qilmaslik kerak.

To‘g‘ri, bugun odamlarimizning huquqiy ongi ancha oshdi. Lekin hammaga hamma qonunni o‘rgatish va o‘rganishni talab qilish mumkin emas. Xorijda fuqarolarning davlat bilan munosabatlari qulay, korrupsiya va byurokratiya kamligini ko‘ramiz, qonunlari ham yaxshi ishlaydi. Ular hamma qonunlarni yoddan biladimi? Yo‘q albatta. Davlat organlari qonun asosida, soat mexanizmidek aniq ishlaydi!

O‘ttiz besh million odamning huquqiy ongini ko‘tarish osonmi yo davlat xizmatida ishlaydigan bir necha ming insonnimi? Demak, asosiy urg‘u davlat xizmatchilarining huquqiy ongi va madaniyatini oshirishga berilishi lozim.

Ommada huquqiy madaniyatni oshirish uchun esa umumiy savod va madaniyat darajasini ko‘tarish kerak. Biz maktabning ahamiyatini yuqori baholashimiz lozim. Asli jamiyatdagi asosiy va muhim jarayonlar maktabda yoki maktab atrofida bo‘lishi lozim, chunki millatni tarbiyalash maktabda bo‘ladi. Jumladan, huquqiy bilimlarning asosini ham maktabda berish maqsadga muvofiq.

@adliyangiliklari

#Adliya_xabari

🔰 Qonunosti hujjatlariga rasmiy sharh berish tartibi joriy etilmoqda

“Normativ-huquqiy hujjatlar toʻgʻrisida”gi Qonuni normativ-huquqiy hujjatlarning rasmiy sharhini nazarda tutadi.

Konstitutsiya va qonunlari normalariga rasmiy sharh Konstitutsiyaviy sud tomonidan beriladi.

Biroq, amaldagi qonunchilikda qonunosti hujjatlariga rasmiy sharh berish tartibi nazarda tutilmagan, bu esa oʻz navbatida mazkur amaliyotni toʻliq rivojlantirishga imkon bermaydi.

🛡 Adliya vazirligi tomonidan qonunosti hujjatlariga rasmiy sharh berish tartibini belgilashni nazarda tutuvchi Prezident qarori loyihasi ishlab chiqildi.

Ushbu loyiha lingvistik, tizimli, mantiqiy va tarixiy usullarni qoʻllash orqali rasmiy sharh tushunchasi va turlarini, shuningdek vakolatli organlarning harakatlari tartibini, arizani koʻrib chiqish muddatlarini, tegishli hujjatning loyihasini rasmiy sharh berish va ishlab chiqish zarurligi toʻgʻrisida qaror qabul qilishni belgilaydi.

Quyidagi havola orqali loyihaning muhokamasida ishtirok eting:

👉 regulation.gov.uz/oz/d/52330

Kanalga ulanish👇👇👇
https://t.iss.one/huquqiyaxborot