#OAV_hamkorlik

⚡️ҲАМКОРЛИК МEМОРАНДУМЛАРИ ИМЗОЛАНДИ

“Адолат” миллий ҳуқуқий ахборот маркази ҳамда “MENING YURTIM” (MY5) тeлeканали ва “Repost.uz” сайти ўртасида ҳуқуқий ахборотни тарқатиш ҳамда ундан фойдаланиш соҳасида ҳамкорлик мeморандумлари имзоланди.

Мазкур меморандумлар доирасида “Адолат” миллий ҳуқуқий ахборот маркази томонидан тайёрланган қонунчилик ҳужжатлари мазмун-моҳиятини тушунтиришга қаратилган кўрсатувлар, ҳуқуқий шарҳлар ва медиа маҳсулотларини “Мeнинг юртим” (MY5) тeлeканали ва “Repost.uz” сайти орқали кенг жамоатчиликка етказиш соҳасида ўзаро ҳамкорлик қилиш устувор вазифалардан бир ҳисобланади.

Ўзаро ҳуқуқий ахборотга оид маълумотларни алмашиш, ҳамкорликда содда, равон ва халқчил тарзда ҳуқуқий кўрсатув ҳамда мақолаларни тайёрлаш ва тарқатиш аҳолининг ҳуқуқий билимлари ва ҳуқуқий маданиятини юксалтиришга ҳамда жамиятда қонун устуворлигини таъминлашга хизмат қилади.

Фотограф ҳар лаҳзадан унумли фойдалана билиши керак. Шундагина унинг суратлари сўзлайди...

Суратга олиш маҳоратларини янада ривожлантириш ва веб ресурслар учун фотоконтентлар тайёрлаш ҳамда тарқатишдаги муҳим жиҳатлар бўйича ЎзЖОКУ ўқитувчиси, фотомухбир Оқил Ғуломов иштирокида маҳорат дарси ўтказилди.

"Адолат" МҲАМнинг мультимедиа, ҳуқуқий тарғибот, веб ресурслар билан ишлашга масъул ходимлари тренинг давомида:

- Камера ва ёруғлик билан ишлашнинг замонавий усуллари;
- Сюжет ва композиция яратиш қоидалари;
- Профессионал фотообработка ва мобил дастурларда таҳрир қилиш йўллари;
- Суратга олиш жараёнида этикет масаласи;
- Аудиторияни жалб қиладиган визуал контент яратиш сирларини ўргандилар.

Тренинг иштирокчилари нафақат назарий билим, балки амалий машғулотлар орқали ўз билим ва кўникмаларини ошириш имкониятига эга бўлди.