⚡️ ⚡️ Ўзбекистон Миллий матбуот марказида Ўзбекистон Республикаси Адлия вазирлигининг матбуот анжумани бошланди

✅ Мавзу: Ривожланишга тўсқинлик қилаётган яна 500 тага яқин қонунчилик ҳужжатлари бекор қилинди: Ўзбекистон Республикаси Президентининг “Миллий қонунчилик базасини комплекс тизимлаштириш чора-тадбирлари тўғрисида”ги Фармонининг мазмун-моҳяти.

📲 Матбуот анжумани трансляциясини UzReport TV телеканали ва телеканалнинг Youtube ва Facebookдаги саҳифалари орқали ЖОНЛИ томоша қилинг.

👉 Савол, мурожаат, ариза ёки шикоятларингизни @MARKAZ16Uz. га юборинг.

📲 Каналга уланиш: @MARKAZ16Uz.

https://youtu.be/lfaIeZBvMSQ

#Адлия_ҳудуд #Бир_мурожаат_изидан

Адлия бўлимлари фаолиятидан

#Фахр_эҳтиром_эъзоз

Фахримизсиз фахрийлар!

Ҳаёт йўлингиз ҳамиша бизларга ўрнак!

9 МАЙ -ХОТИРА ВА ҚАДРЛАШ КУНИ 🎇

#Қонунчиликдаги_янгиликлар

Ҳайдовчилик гувоҳномаларини олиш учун имтиҳонларни ўтказиш соҳасида хусусий секторлар ҳам иштирок этишлари мумкин

“Автомототранспорт воситаларини бошқариш ҳуқуқини берувчи ҳайдовчилик гувоҳномаларини олиш учун имтиҳонларни ўтказиш соҳасига хусусий секторни жалб этишга доир қўшимча чора-тадбирлар тўғрисида”ги Ҳукумат қарори (272-сон, 04.05.2021 й) қабул қилинди.

✅ Қарорга кўра, 2021 йил 1 июндан автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ва уларнинг малакасини ошириш бўйича нодавлат таълим хизматлари кўрсатиш фаолияти учун лицензияга эга тадбиркорларга барча тоифадаги автомототранспорт воситаларини бошқариш ҳуқуқини берувчи ҳайдовчилик гувоҳномасини олиш учун назарий ва амалий имтиҳонларни ўтказиш ҳуқуқи берилди.

⚠️ Илгари бу тартиб Ички ишлар вазирлиги Давлат йўл ҳаракати хавфсизлиги хизмати ва унинг ҳудудий бўлинмалари томонидан амалга оширилиб келинаётган эди.

🚫 Ушбу тартиб троллейбус ва трамвай транспорт воситаларини бошқариш ҳуқуқини берувчи ҳайдовчилик гувоҳномасини олиш учун татбиқ этилмайди.

Каналга уланиш👇👇👇
https://t.iss.one/huquqiyaxborot

#Биласизми

Транспортда тўхташ қоидаларини бузганлик учун жарима миқдори камайтирилди

Каналга уланиш👇👇👇
https://t.iss.one/huquqiyaxborot

#Адлия_аралашгач #Бир_мурожаат_изидан

⁉ Нега энди 59 ёшимда пенсияга чиқа олмас эканман???

❗Хонобод шаҳар адлия бўлимига Хонобод шаҳар Бунёдкор МФЙ О.Қодиров кўчасида истиқомат қилувчи фуқаро “И.Х.” иш жойидан қисқартиришга тушганлиги, 59 ёшга кирганлиги сабабли, имтиёзли пенсияга чиқишда амалий ёрдам беришни сўраб мурожаат қилган.

➡Мурожаатни ўрганиш давомида аниқланишича, “И.Х.” иш жойидан қисқартиришга тушиб, Хонобод шаҳар бандлик бўлимидан иш қидирувчи шахс сифатида рўйхатдан ўтган. Бироқ фуқарога “Фуқароларнинг давлат пенсия таъминоти тўғрисида”ги Қонуннинг 14-моддасига асосан “Технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган шахслар: эркаклар — 58 ёшга тўлганда ва иш стажи камида 25 йил бўлган тақдирда, аёллар — 53 ёшга тўлганда ва иш стажи камида 20 йил бўлган тақдирда пенсия олиш ҳуқуқига эга бўлиш тушунтирилмаган ҳамда фуқаронинг хужжатлари тегишли тартибда расмийлаштирилмаган.

Шаҳар бандлик бўлими томонидан фуқаронинг ҳуқуқлари бузилганлиги ҳамда “И.Х.” тегишли тартибда иш қидирувчи шахс сифатидан рўйхатдан ўтказилишини, белгиланган тартибда шаҳар пенсия бўлимига ҳужжатларни тақдим қилишлари учун тақдимнома киритилди.

‼‼Киритилган тақдимнома натижасида фуқаро “И.Х.”га белгиланган тартибда пенсия тайинланди.

#Биласизми

Қонунчиликка мувофиқ, давлат ҳокимияти ва бошқарув органларида иш давлат тилида юритилади.

Қонунчилик ҳужжатлари давлат тилида қабул қилинади. Зарур бўлганда у бошқа тилларга таржима қилиниши мумкин.

Корхоналар, муассасалар, ташкилотлар ва жамоат бирлашмаларида иш юритиш, ҳисоб-китоб, статистика ва молия ҳужжатлари давлат тилида юритилади.

Давлат тилидаги норматив-ҳуқуқий ҳужжат матни билан унинг бошқа тилдаги матни ўртасида тафовут бўлган тақдирда, норматив-ҳуқуқий ҳужжатнинг давлат тилидаги матни қўлланилади.

Каналга уланиш👇👇👇
https://t.iss.one/huquqiyaxborot

​#Adliya_hudud

МАСАЛАЛАРГА ҲУҚУҚИЙ ЕЧИМ ТОПИЛДИ

Навоий вилояти Кармана туманининг “Дўрмон” маҳалласида вилоят адлия бошқармаси томонидан вилоят суди ва маъмурий суди билан ҳамкорликда сайёр қабул ташкил этилди. Маълумот ўрнида айтиб ўтиш жоизки, бугунги кунда маҳаллада 921 та хонадон ва 3000дан ортиқ фуқаро истиқомат қилади.

“Ёшлар дафтари”га 66 та, “Аёллар дафтари”га эса 72 нафар хотин-қизлар киритилган. Қабул жараёнида уларнинг муаммолари яқиндан ўрганилиб, аҳолининг ижтимоий ҳимоя билан боғлиқ муаммоларига шу ернинг ўзида ечим топилди.

Хусусан, фуқаро Феруза Чориева 2 йилдан буён ишсиз бўлгани боис, ишга жойлашишда амалий ёрдам сўраб мурожаат қилди. Тикувчилик қўлидан келгани учун, таклиф этилган бўш иш ўринлари орасидан унга тўқимачилик корхонасидаги фаолият маъқул келди.

Шунингдек, имтиёзли шартларда кредит олиш, бандлик, иш стажини тиклаш, ногиронликни белгилаш, меҳнат муносабатларига оид мурожаатлар мутасаддилар томонидан тадбир жойида ҳуқуқий жиҳатдан кўриб чиқилиб, аниқ йўналишлар белгилаб олинди. Қолаверса, фуқароларга уларнинг аризаларига асосан тиббий жиҳозлар тарқатилди.

— Шароитим яхши бўлмаганлиги учун 2 йил давомида ногиронлик аравачаси ололмасдан келаётган эдим. Сайёр қабул давомида адлия бошқармасининг амалий ёрдами билан менга ногиронлик аравачаси топширилди. Бундан жуда хурсандман. Авваллари ҳам туманимиздаги адлия бўлимидан тиббий муолажа олишда имтиёзлардан фойдаланиш, ишга жойлашиш масалаларида ҳуқуқий маслаҳат олиб, муаммоларимни осон битирганман. Бунинг учун уларга раҳмат айтаман, — дейди Норгул Холмўминова.

Тадбир давомида 52 нафар фуқаро қабул қилиниб, 25 нафарига ҳуқуқий тушунтириш берилди, 7 нафарининг мурожаати жойида қаноатлантирилди, 20 нафарининг мурожаати адлия бошқармасининг иш юритувига кирим қилинди.

@adliyangiliklari

9 май – Хотира ва Қадрлаш куни

Иккинчи жаҳон урушида фашизмга қарши курашиб ҳалок бўлган, шунингдек, мамлакатимиз озодлиги ва мустақиллиги йўлида жон берган Ўзбекистоннинг барча ўғлонлари хотирасини абадийлаштириш мақсадида 1999 йил қабул қилинган Президент Фармони билан 9 май Хотира ва Қадрлаш куни деб эълон қилинган.

Хотира ўзликни англатиб туради, қадр инсонни юксакликка кўтаради.

Адлия вазирлиги жамоаси умумий тарихий хотира орқали бирдамлик ва ҳамжиҳатликка чорловчи ушбу кун билан барчани самимий муборакбод этади!

@adliyangiliklari