#Адлия_хабари

Фуқароларимиз диққатига!

“Экстремизмга қарши курашиш тўғрисида”ги Қонунининг 14-моддасига мувофиқ, суд тартибида Ўзбекистон Республикасида экстремистик ташкилот деб топилган ташкилотларнинг рўйхати Ўзбекистон Республикаси Адлия вазирлиги ва Олий судининг расмий веб-сайтларида эълон қилинади.

“Экстремизмга қарши курашиш тўғрисида”ги Қонунининг 11-моддасига мувофиқ, Ўзбекистон Республикасининг ҳудудига экстремистик материалларни, экстремистик ташкилотларнинг атрибутлари ва рамзий белгиларини олиб кириш, тайёрлаш, сақлаш, тарқатиш ва намойиш этиш, шунингдек уларни оммавий ахборот воситаларида ёхуд телекоммуникация тармоқларида, шу жумладан Интернет жаҳон ахборот тармоғида тарқатиш ва намойиш этиш тақиқланади.

Ўзбекистон Республикаси Олий судининг ҳал қилув қарорлари билан “Telegram”, “Facebook” ижтимоий тармоқлари ҳамда “Youtube” видеохостингидаги экстремистик ва террористик ғоялар билан йўғрилган деб топилган профиль, канал ва саҳифаларнинг тўлиқ рўйхати билан қуйидаги манзилда танишишингиз мумкин:

https://www.minjust.uz/uz/interactive/terror_reestr/?ELEMENT_ID=100424

#Адлия_хабари #Эслатма

Хабарингиз бор, адлия органлари тизимида коррупцияга қарши муросасиз уруш эълон қилинган.

Бунда, Адлия вазирлиги тизимидаги шу жумладан, адлия бошқармалари, нотариал идоралар, давлат хизматлари марказлари, юридик таълим муассасаларидаги коррупция кўриниши ҳақидаги маълумотларни телеграмдаги @antikorbot боти орқали ёки вазирлик расмий веб-сайтидаги махсус платформа орқали юбориш мумкин.

Бунда, юборилган хабарлар белгиланган тартибда кўриб чиқилади ҳамда мурожаат қилувчининг шахси қатъий сир сақланиши кафолатланади.

Махсус платформа ҳаволасига ўтиш манзили: https://www.minjust.uz/uz/anticorruption/feedback

Бугун, 5 сентябрь куни АОКАда бўлиб ўтадиган тадбирлар:


📣 Коронавирус билан боғлиқ вазият тўғрисида

🕙 11:00 ➖Коронавирусга қарши кураш штаби

Спикер: Наргиза Нуруллаева – штаб аъзоси

📣 Пахта мавсумига тайёргарлик, мажбурий меҳнатнинг олдини олиш борасида кўрилаётган чоралар тўғрисида (матбуот анжумани)

🕙 12:00 ➖

🎙Бандлик ва меҳнат муносабатлари вазирлиги

🎙Касаба уюшмалари федерацияси

📣 Пандемия даврида амалга оширилаётган чора-тадбирлар тўғрисида

🕙 14:00 ➖Адлия вазирлиги

Спикер: Севара Ўринбоева – матбуот котиби

📲 Тадбирлар @Rasmiy_xabarlar_Official телеграм канали, UzReport TV ва O‘zbekiston 24 телеканали орқали онлайн ёритилади.

〰️〰️〰️〰️〰️

Мероприятия, запланированные на сегодня, 5 сентября, в АИМК:

📣 О ситуации, связанной с коронавирусной инфекцией

🕙 11:00 ➖ Штаб по борьбе с коронавирусом

Спикер: Наргиза Нуруллаева – член штаба

📣О подготовке к хлопковому сезону, мерах по предотвращению принудительного труда (пресс-конференция)

🕙 12:00 ➖

🎙Министерство занятости и трудовых отношений

🎙Федерация Профсоюзов Узбекистана

📣 О мерах, принимаемых во время пандемии коронавируса

🕙 15:00 ➖Министерство юстиции

Спикер: Севара Уринбаева – пресс-секретарь

📲 Мероприятия будут транслироваться онлайн на официальном Telegram-канале AИМК @Rasmiy_xabarlar_Official. Также смотрите брифинги на телеканалах «УзPепорт» и «O‘zbekiston 24».

Каналга уланиш: 👇
t.iss.one/Rasmiy_xabarlar_Official

#Адлия_брифинг

​#Сўраган_эдингиз

Бугун АОКА ҳузурида ташкил этилган штабда Адлия вазирлиги матбуот хизмати раҳбари Севара Уринбаева Ўзбекистонда коронавирус (COVID-19) пандемияси бўйича эълон қилинган карантин режими вақтида фуқаролар, ижтимоий тармоқ фойдаланувчилари томонидан Адлия вазирлиги фаолиятига оид кўтарилган савол ва мурожаатларга жавоб берди.

❓ Ассалом алайкум. Кўчмас мулкимга кадастр паспортини олмоқчи эдим. Яқинда кадастр паспортини бериш бўйича янги тартиб жорий этилди деб эшитдим. Бу бўйича қаерга мурожаат қилсам бўлади ва кадастр паспорти нечи кунда тайёр бўлади?

👉 Жорий йилнинг 2 сентябрь куни “Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида”ги Ҳукумат қарори қабул қилинди.

Қарор билан Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламенти тасдиқланди.

Ариза берувчи кадастр паспортини олиш учун Давлат хизматлари марказига ўзи келиб мурожаат этади ёки Ягона интерактив давлат хизматлари порталида рўйхатдан ўтади.

Кадастр паспортини тайёрлаш кучмас мулкни турар жойга оид қисми бўйича қуйидаги муддатларда амалга оширилади:
🔹 кўп квартирали уйдаги квартира – 3 иш кунигача;
🔹 якка тартибдаги турар жой – 5 иш кунигача.

Батафсил 👇👇👇

https://youtu.be/9WuND00qAD0

Масжидлар сони 2073тага етди

Тошкент вилоятидаги масжидлар сони 226тага етди.

Жорий йилнинг 3 сентябрь куни Тошкент вилояти Адлия бошқармаси томонидан «Муоз ибн Жабал» масжиди рўйхатдан ўтказилди.

Дин ишлари бўйича қўмита матбуот хизмати хабарига кўра, унинг рўйхатдан ўтказилгани тўғрисидаги гувоҳнома диний ташкилотга топширилди.

Маълумот учун, Тошкент вилоятидаги масжидлар сони 226тага етди.

Аввалроқ, Сурхондарё вилоят Адлия бошқармаси томонидан «Варроқ Термизий» масжиди рўйхатдан ўтказилганди.

Адлия вазирлиги томонидан халқаро рейтинглар бўйича навбатдаги тренинг ўтказилди

Жорий йилнинг 5 сентябрь куни Ўзбекистон Республикаси Адлия вазирлиги томонидан Андижон, Наманган, Сирдарё ва Фарғона вилоятларининг адлия бошқармалари, шу жумладан туман (шаҳар) адлия бўлимлари ходимлари, шунингдек, мазкур вилоятлар ва уларда жойлашган туман (шаҳар) ҳокимликлари юридик хизматлари ходимлари учун “Сиёсий-ҳуқуқий соҳадаги устувор халқаро рейтинг ва индекслар” мавзусида навбатдаги тренинг машғулоти ташкил этилди.

👉Батафсил
________________

Минюстом проведен очередной тренинг по международным рейтингам

5 сентября текущего года Министерством юстиции Республики Узбекистан проведен тренинг на тему «Приоритетные международные рейтинги и индексы в политико-правовой сфере» для сотрудников управлений юстиции Андижанской, Наманганской, Сырдарьинской и Ферганской областей, включая отделов юстиции в районах (городах), а также сотрудников юридических служб областных и районных (городских) хокимиятов указанных областей.

👉Подробнее

Minjust.uz | Telegram | Twitter | Facebook | Instagram

✅ Каналга уланиш/Подписаться на канал: https://t.iss.one/joinchat/AAAAAFZCEkvVhtOzezh5Hw

#Сўраган_эдингиз

💡САВОЛ :Мен дадам билан бирга яшайман. Онам ҳаётдан кўз юмган. Яқинда дадамни мазали бўлмай тушакка ётиб қолдилар. Уларни парвариш қилишимга тўғри келди. Шу сабабли иш жойимдан вақтинчалик меҳнатга қобилиятсизлик таътилига чиқдим. Ушбу ҳолатда менга нафақа пули бериладими❓

➡ЖАВОБ: Ўзбекистон Республикаси Мехнат кодекси 285-моддасига кўра вақтинча меҳнатга қобилиятсизлик нафақаси ходим касал бўлинганда, меҳнатда майиб бўлган ёки бошқача тарзда шикастланганда, шу жумладан турмушда жароҳатланганда, оиланинг бетоб аъзосини парвариш қилганда, карантин эълон қилинганда, санаторий-курортда даволанганда ва протез қилинганда тўланади.

Вақтинча меҳнатга қобилиятсизлик нафақаси меҳнатда майиб бўлган ва касб касаллигига чалинганда иш ҳақининг тўлиқ миқдорида, бошқа ҳолларда эса, ходимнинг давлат ижтимоий суғуртаси бадалларини тўлаган муддатига (умумий иш стажига), қарамоғидаги вояга етмаган болаларининг сони ва бошқа ҳолатларга қараб, иш ҳақининг олтмиш фоизидан юз фоизигача миқдорда тўланади.

Вақтинча меҳнатга қобилиятсизлик нафақасининг энг кам миқдори қонун ҳужжатларида белгиланган меҳнатга ҳақ тўлаш энг кам миқдорининг 35,2 фоизидан оз бўлмаслиги ва нафақа ҳисоблаб чиқариладиган иш ҳақи миқдоридан ортиб кетмаслиги лозим.

#Сўраган_эдингиз

💡САВОЛ: Мен фарзандимни давлат мактабгача таълим муассасасига бермоқчиман. Болани мактабгача таълим муассасига қабул қилишда имтиёзли тоифалар белгиланганми❓

▶ЖАВОБ: Вазирлар Маҳкамасининг 2018 йил 28 мартдаги 244-сонли қарори билан болаларни давлат мактабгача таълим муассасаларига қабул қилиш бўйича давлат хизматлари кўрсатишнинг маъмурий регламенти тасдиқланган.

Мазкур регламентга кўра болаларнинг қуйидаги контингенти анкеталари имтиёзли рўйхатга киритилади:

• ногирон бўлган шахсларнинг болалари;
• уч нафар ёки ундан кўп болалари бўлган оилаларнинг болалари;
• ҳарбий хизматчиларнинг ва ҳуқуқни муҳофаза қилиш органлари ходимларининг болалари;
• талабалар ва педагогларнинг болалари;
• етим болалар ёки ота-онасининг қаровисиз қолган болалар;
• бошқа муассасалардан ўтказилган болалар;
• акалари ёки опалари ушбу муассасанинг тарбияланувчилари жумласидан бўлган болалар.

Аризачиларда ушбу бандга мувофиқ устунлик ҳуқуқларининг мавжудлиги тўғрисидаги маълумот анкетада кўрсатилиши лозим.

#Адлия_хабари

Ҳурматли фуқаролар!!!

Адлия вазирлигининг facebookдаги "Адлия билан мулоқот" (https://www.facebook.com/groups/adliya/) гуруҳида 2020 йил 8 сентябрь куни соат 15:00 да “Иш берувчи ва ходим ўртасидаги меҳнат муносабатлари” мавзусида “On-line” мулоқот ўтказилади.

Саволларга Адлия вазирлиги Юридик хизматларнинг фаолиятини мувофиқлаштириш бошқармаси ходимлари жавоб беради.
Кун тартибида қўйидаги масалалар ўрин олган:

1. Иш берувчи ва ходим ўртасидаги меҳнат шартномасини расмийлаштириш тартиби.
2. Қонунчиликда иш берувчи ва ходимнинг меҳнат ҳуқуқлари .

Фуқаролар иш берувчи ва ходим ўртасидаги меҳнат муносабатларига оид ўзларини қийнаб келаётган муаммоли саволларни Адлия вазирлигининг @adliyaga_savolbot электрон почтаси орқали йўллашлари мумкин.

#Сўраган_эдингиз

Ҳақорат қилганлик учун қандай жавобгарлик бор❓

✅Ҳақорат қилганлик – шахснинг шаъни ва қадр-қимматини қасддан камситганлик ёки беодоблик билан қасддан таҳқирлаганлик учун қонунчиликда маъмурий ва жиноий жавобгарлик назарда тутилган.
Хусусан, Маъмурий жавобгарлик тўғрисидаги кодексда ҳақорат қилган шахсга нисбатан 4 460 000 сўмдан 8 920 000 сўмгача миқдорда жарима солиниши белгиланган.

Агар ушбу ҳуқуқбузарлик бир йил ичида такроран содир этилса ҳуқуқбузарга нисбатан жиноий жавобгарлик белгиланади.

✅ Жиноят кодексига асосан ҳақорат қилган шахсга:

👉 44 млн 600 минг сўмгача миқдорда жарима;
👉 240 соатгача мажбурий жамоат ишлари;
👉 1 йилгача ахлоқ тузатиш ишлари жазоси берилиши мумкин.

✅ Ҳақорат қилиш нашр қилиш, бошқача усулда кўпайтирилган матнда ёки ОАВ орқали амалга оширилса ушбу ҳаракат тўғридан-тўғри жиноят ҳисобланади ва айбдор:

👉 44 млн 600 минг сўмдан 89 млн 200 минг сўмгача жарима;
👉 240 соатдан 300 соатгача мажбурий жамоат ишлари;
👉 1 йилдан 2 йилгача ахлоқ тузатиш ишлари билан жазоланиши мумкин.
Агарда ҳақорат қилиш:
• жабрланувчини ўз хизмат ёки фуқаролик бурчини бажариши муносабати билан боғлиқ ҳолда;
• хавфли рецидивист томонидан;
• туҳмат қилганлиги учун илгари судланган шахс томонидан қилинган бўлса:
👉 89 млн 200 минг сўмдан 133 млн 800 минг сўмгача миқдорда жарима;
👉 2 йилдан 3 йилгача ахлоқ тузатиш ишлари;
👉 1 йилгача озодликни чеклаш;
👉 1 йилгача озодликдан маҳрум қилиш жазоси тайинланиши мумкин.

#Эслатма
❗️Ички ишлар органи ходими фуқарога мурожаат этганида қуйидагиларга мажбур:

👉 ўз лавозимини, унвонини, фамилиясини, исмини, отасининг исмини айтиши, фуқаронинг талабига кўра хизмат гувоҳномасини кўрсатиши, шундан сўнг мурожаат қилишининг сабаби ва мақсадини маълум қилиши;

👉 фуқарога нисбатан унинг ҳуқуқ ва эркинликларини чекловчи чоралар қўлланилган тақдирда, бундай чоралар қўлланилишининг сабабини ҳамда асосларини, шунингдек фуқаронинг шу муносабат билан юзага келадиган ҳуқуқлари ва мажбуриятларини унга тушунтириши шарт.

➡️ Ички ишлар органи ходими ўзига фуқаро мурожаат этган тақдирда, ўз лавозимини, унвонини, фамилиясини, исмини, отасининг исмини айтиши, уни диққат билан эшитиши, ўз ваколатлари доирасида тегишли чоралар кўриши ёхуд қўйилган масалани ҳал этиш кимнинг ваколатига киришини тушунтириши шарт.

МЕМОРАНДУМ ИМЗОЛАНДИ
Бугун Ўзбекистон Республикаси Нотариал палатаси ва Тошкент давлат юридик университети ўртасида юридик кадрларни тайёрлаш соҳасидаги ўзаро ҳамкорлик тўғрисида меморандум имзоланди. Меморандум имзолаш тадбирида сўзга чиққан Нотариал палата раиси Д.Ашуров ҳамда Тошкент давлат юридик университети ректори Р.Ҳакимовлар ушбу ҳужжатнинг республикада нотариат институтини ривожлантиришдаги аҳамиятини таъкидладилар.
Батафсил: 👉 https://telegra.ph/palata-09-07

#Адлия_ёшлар

ДИҚҚАТ: Ёшлар учун жуда керакли маълумот❗️

Таълим муассасасини тамомлаганига уч йил бўлмаган, биринчи марта ишга қабул қилинган ёшларга даромад солиғини тўлашда мавжуд бўлган имтиёздан қандай фойдаланиш мумкин❓

Ўзбекистон Республикаси Президентининг 2017 йил 5 июлдаги “Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида”ги ПФ-5106-сон Фармоннинг
13-банди тўққизинчи хатбошисида таълим муассасасини тамомлаганига уч йил бўлмаган, биринчи марта ишга қабул қилинган ёшларга даромад солиғини биринчи йил учун 50 фоиз, иккинчи ва учинчи йиллар учун эса 25 фоизга камайтириш белгиланган (2017 йилдаги таҳрирда).

Мазкур Фармон 13-бандининг тўққизинчи хатбошисида кўрсатилган солиқ имтиёзлари 2018 йил 26 декабрга қадар амалда бўлган.

Ушбу Фармоннинг 13-банди тўққизинчи хатбошиси амалда бўлган даврда ишлаган ва иш ҳақларидан даромад солиғи тўлаган ёшлар солиқ имтиёзларидан қуйидаги тартибда фойдаланиши мумкин.

Солиқ кодексининг 391-моддасига мувофиқ, солиқ агенти томонидан солиқ тўловчининг даромадидан ортиқча ушланган солиқ суммаси солиқ тўловчининг ёзма аризасига асосан қайтарилиши лозим.

Солиқ тўловчига ортиқча ушланган солиқ суммаси солиқ тўловчининг аризасида кўрсатилган банкдаги ҳисобварағига пул маблағларини ўтказиш йўли билан нақд пулсиз шаклда амалга оширилади.

Бунинг учун солиқ тўловчи томонидан таълим муассасасини тамомлаганлиги ҳақидаги диплом ва меҳнат дафтарчасидан нусха, Фармоннинг 13-банди тўққизинчи хатбошиси амалда бўлган даврда (2017 йил 6 июлидан
2018 йил 26 декабргача) ишлаган ва иш ҳақларидан даромад солиғи тўланганлиги ҳақидаги (иш жойидан бериладиган) маълумотлар тақдим этилиши лозим.

Кодекснинг 397-моддасига кўра, солиқ суммасини солиқ тўловчига қайтариб бериш солиқ декларацияси тақдим этилган тақдирда яшаш жойи (турган жойи) бўйича ҳисобга қўйилган солиқ органи томонидан амалга оширилади.

Алоҳида эътибор қаратиш зарур: ёшлар деб — ўн тўрт ёшга тўлган ва ўттиз ёшдан ошмаган шахслар назарда тутилган (“Ёшларга оид давлат сиёсати тўғрисида”ги Қонун 3-моддаси).

Юқоридаги ҳолатларга дуч келган фуқаролар тегишли ҳудуддаги давлат солиқ хизмати органларига мурожаат қилишлари лозимлиги маълум қилинади.

Юридик техникумларга ҳужжатлар қабул қилинмоқда

Республикамизнинг барча ҳудудларида 1 тадан 14 та юридик техникумлар ташкил этилган. Юридик техникумларда давлат ҳуқуқий фаолият, юридик хизмат ҳамда суд-ҳуқуқий фаолият мутахассисликлари бўйича кадрлар тайёрланади. Юридик техникумларига умумий ўрта таълим (11-синфни) ёки ўрта махсус, касб-ҳунар таълими муассасасини битирганлар ҳужжат топшириши мумкин.

👉Батафсил

Minjust.uz | Telegram | Twitter | Facebook | Instagram

✅ Каналга уланиш: https://t.iss.one/joinchat/AAAAAFZCEkvVhtOzezh5Hw

#Адлия_хабари

Ҳурматли фуқаролар!!!

Айни дамда Адлия вазирлигининг facebookдаги "Адлия билан мулоқот" (https://www.facebook.com/groups/adliya/) гуруҳида “Иш берувчи ва ходим ўртасидаги меҳнат муносабатлари” мавзусида “On-line” мулоқот бошланди.

Саволларга Адлия вазирлиги Юридик хизматларнинг фаолиятини мувофиқлаштириш бошқармаси ходимлари жавоб беради.

Кун тартибида қўйидаги масалалар ўрин олган:

1. Иш берувчи ва ходим ўртасидаги меҳнат шартномасини расмийлаштириш тартиби.
2. Қонунчиликда иш берувчи ва ходимнинг меҳнат ҳуқуқлари .

Мулоқотда Фуқаролардан Адлия вазирлигининг @adliyaga_savolbotига иш берувчи ва ходим ўртасидаги меҳнат муносабатларига оид келиб тушаётган саволларга жавоб берилади.

Ютубда кузатиш учун ҳавола:

https://www.youtube.com/embed/dpExWQAwaks

#Адлия_хабари

🔰Бугун Адлия вазирлиги ҳузуридаги Интеллектуал мулк агентлиги ҳамда “Anglesey food” компанияси ўртасида контрафакт маҳсулотлар савдосининг олдини олиш ва истеъмолчиларнинг ҳуқуқларини ҳимоя қилиш соҳасида ҳамкорликни ташкил қилиш ҳамда компания тармоғига кирувчи супермаркетларни контрафактсиз ҳудудга айлантириш мақсадида ҳамкорлик меморандуми имзоланди.

❇️Интеллектуал мулк агентлиги директори Тўлқин Абдусаттаров таъкидлаганидек, меморандумни имзолашдан кўзланган мақсад контрафакт маҳсулотлар айланмасининг олдини олиш, тадбиркорлар ўртасида ҳалол рақобатни таъминлаш, истеъмолчиларни қалбаки маҳсулотлардан огоҳ этиш, интеллектуал мулк объектларидан ноқонуний фойдаланганлик учун қонуний жавобгарликни кучайтиришдан иборат.

💠“Сиз энг яхшисига лойиқсиз! Контрафактга кўнманг!” шиори остида ўтказилувчи тарғибот лойиҳаси орқали республикамиз барча вилоятларидаги йирик савдо шахобчаларида босқичма-босқич контрафактсиз ҳудуд яратиш ва бунинг натижасида фуқароларга кўрсатилаётган савдо ва хизматлар соҳасида интеллектуал мулк ҳуқуқи объектларининг ва истеъмолчилар ҳуқуқлари, қонуний манфаатларини ҳамкорликда ҳимоя қилиш, маҳсулотларнинг ўзга шахсларга тегишли бўлган товар белгиси ёки хизмат кўрсатиш белгиси билан адаштириб юбориш даражасида бир хил ёхуд унга айнан ўхшаш бўлган бошқа маҳсулотларнинг реклама қилинишининг олдини олиш кўзланган.

❇️Фаррух Файзиев, Интеллектуал мулк агентлиги бўлим бошлиғи:
— Меморандум доирасида истеъмолчилар “ANGLESEY FOOD” МЧЖ хусусий компанияси савдо дўконларида сотилаётган маҳсулотлар бўйича Агентликка сўров йўллаш орқали маҳсулотларнинг контрафакт ёки контрафакт эмаслиги бўйича мутахассис фикрини олиш ҳуқуқига эга бўладилар. Шу билан бирга, агентлик мутахассисларини жалб қилган ҳолда компанияда хизмат қилаётган ходимларнинг интеллектуал мулк соҳаси бўйича билим ва кўникмаларини оширишга қаратилган давра суҳбатлари, семинар-тренинглар ўтказиб борилади.

❇️Агентликнинг контрафакт маҳсулотлар савдоси олдини олиш йўлида олиб бораётган ташаббусига ўзига ишонган тадбиркорлар ҳамкорликка қўшилиши ва бу борада ўз таклифларини билдириши мумкин. Сабаби ушбу ташаббус ҳалол тадбиркорлик фаолиятини олиб бораётган тараф манфаатлари учун хизмат қилади.

☎️Агентлик лойиҳа орқали барча ишлаб чиқариш билан шуғулланаётган ҳалол тадбиркорларни ҳамкорликка чақириб, ўз маҳсулотларининг контрафакт нусхасига дуч келган тақдирда интеллектуал мулк агентлигининг (71) 232-50-50 ишонч телефонлари ёки @ima_monitoring_bot телеграмм боти орқали хабар бериш имконини яратди.

❇️Адлия вазирлиги ҳузуридаги Интеллектуал мулк агентлиги мазкур лойиҳа орқали тадбиркорларни ҳалол рақобатга киришишни таъминлаш, ўз товар брендига эга ишлаб чиқарувчилар бизнесини ҳимоялаш, савдо расталарида контрафакт маҳсулот айланмасини чеклаш ҳамда аҳоли орасида сифатли, ишончли маҳсулотларни харид қилишни тарғиб қилади.

❇️Очиғини айтиш керак, илгари агентлик фаолияти давомида халқ истеъмоли ва эҳтиёжи учун хизмат қилувчи ташкилотлар билан бу каби ҳамкорлик асосида келишувлар имзоланмаган. Янги кўзланган мақсад асосида йўлга қўйилган ҳамкорлик натижалари контрафактсиз маҳсулот ҳудудларини кенгайтиришдаги дастлабки қадамлардан бири десак адашмаймиз.

Тадбир доирасида Корзинка.уз савдо тармоғининг “Шедевр” филиалида контрафактсиз ҳудуднинг очилиш маросими ўтказилди.