#Қонунчиликдаги_янгиликлар

⚡️ Тошкент шаҳрида (“Тараққиёт стратегияси” марказида) Адлия вазирлиги томонидан янги таҳрирдаги Ўзбекистон Республикаси Солиқ кодексининг мазмун-моҳиятини тушунтириш бўйича ўтказилган матбуот анжумани вазирликнинг Фейсбук ижтимоий тармоғида тўғридан тўғри ёритилди.

👉 https://www.facebook.com/adliyamaslahatchisi/videos/1004480269930340/

#Биласизми
ЙПХ ходими томонидан транспорт воситаси ҳужжатларни текшириш учун тўхтатилганда, фақат ушбу ҳужжатларни текшириш жараёнида аниқланган қоидалар бузилиши бўйича чоралар кўради.

Қоида бузилиши визуал кузатув ёки махсус мослама ёрдамида қайд қилинганда, ЙПХ ходими ҳайдовчига дастлаб содир этган қоида бузилишини тушунтириб, шундан сўнг ҳужжатларни текшириб, тегишли чоралар кўриши мумкин.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

2019 йилда 24 триллион сўмга яқин ҚҚС йиғилиши керак эди...

https://uza.uz/oz/society/2019-yilda-24-trillion-s-mga-ya-in-s-yi-ilishi-kerak-edi--04-01-2020

#Адлия_хабари

“Мадад” ННТ томонидан фуқаролар учун навбатдаги қулайлик!

Аввал хабар қилинганидек, “Мадад” – муассаса шаклидаги нодавлат нотижорат ташкилоти “Advice.uz” (“e-maslahat.uz”) ҳуқуқий ахборот портали орқали аҳолига онлайн режимда бепул ҳуқуқий маслаҳатлар бериб келмоқда.

“Мадад” ННТ томонидан янги – 2020 йилда фуқаролар фойдаланишлари учун яна битта муҳим янгилик яратилди.

Энди фуқаролар ҳуқуқий масалалар бўйича ўз саволларини қулай Telegram бот орқали юборишлари мумкин.

Бунинг учун Telegram мессенжерига @madadnnt_bot манзилини киритиш ва “Start” тугмасини босиш лозим. Бунда ҳеч қандай рўйхатдан ўтиш талаб қилинмайди.

Онлайн-маслаҳатчилар фуқароларнинг ҳуқуқий масалалар бўйича саволларига қисқа вақт ичида бепул ҳуқуқий маслаҳатлар ва тушунтиришлар берадилар.

Саволларингизни ҳозироқ юбориш учун қуйидаги ҳаволага ўтинг: @madadnnt_bot

Каналга уланиш👇👇👇
https://t.iss.one/huquqiyaxborot

#Адлия_муносабат

Адлия вазирлиги: муносиб маош коррупцияга қарши самарали воситадир

Жорий йилнинг 3 январь куни адлия вазири Русланбек Давлетов “Umid 2.020” халқаро конференциясида: “Ҳозир маошларимиз қанчалигини яширишга ҳожат йўқ, ҳаммаси шаффоф. Масалан, Адлия вазирлигидаги бошқарма бошлиқлари [мукофот пуллари ва бошқа тўловлар билан бирга] камида 15-16 миллион сўм ойлик маош олишмоқда” деган маълумотни берган.

Адлия вазирлиги марказий аппарати бошқарув ходимларининг маошларини очиқлашдан мақсад халқаро миқёсдаги конференция минбаридан туриб хорижда фаолият юритаётган ўзбекистонлик кадрларни ўз юртимизга чорлаш ва улар учун давлат раҳбарияти томонидан етарли шароитлар яратилганини таъкидлашдан иборат эди.

Адлия вазирлиги ушбу маълумотни янада ойдинлаштириш учун қуйидагиларни маълум қилади.

Биринчидан, Адлия вазирлигида бошқарма бошлиқлари ҳақиқатдан ҳам 2019 йил давомида олган барча маблағларининг умумий суммаси 12 га бўлинганда 15-16 миллион сўм атрофидаги сумма келиб чиқади.

Бунда олинган маблағ таркиби қуйидагилардан ташкил топган:
• ягона тариф сеткаси бўйича маош;
• маошга устамалар – мартаба даражаси учун устама, кўп йил ишлагани учун устама, шахсий устама, давлат хизматчиси сифатида белгиланган устама;
Байрамлар (Янги йил, Хотин қизлар куни (фақат аёлларга), Наврўз, Мустақиллик куни, Конституция куни, Рўза ҳайит, Қурбон ҳайит) ва ҳар ярим йиллик якуни учун мукофотлар;
• бир йилда бир марта икки ойлик иш ҳақи фонди миқдоридаги моддий ёрдам;
• йиллик меҳнат таътили учун тўланадиган маблағ;
• овқатланиш ва йўл ҳақи учун компенсация.

Иккинчидан, Адлия вазирлигида бу каби ойлик иш ҳақининг белгиланишининг асосий сабаби тизимга энг малакали ходимларни жалб қилиш ҳисобланади. Хусусий секторда яхши малакали ҳуқуқшунослар бир ойда 15 -30 млн сўмгача маблағ топишади.

Бошқа ташкилотлар ҳам малакали ҳуқуқшуносга катта маблағ ажратишга тайёр.

2017 йил ва 2018 йилнинг 1-чорагида ойлик иш ҳақи камлиги туфайли вазирлик тизимидан жами 1280 нафар ходим бошқа ташкилотлар, жумладан хусусий секторга ишга ўтиб кетган. Ходимларнинг оммавий равишда бошқа ташкилотларга ўтиб кетиши тизимда вакансиялар сони бўйича ачинарли рақамларни келтириб чиқарди.

Учинчидан, маълумки Адлия вазирлиги ягона давлат ҳуқуқий сиёсатини юритади. Бундан ташқари, халқаро ва хорижий ташкилотларда Ўзбекистон манфаатларини ҳуқуқий ҳимоя қилиш ҳам вазирлик зиммасида. Бу эса тизимда энг малакали ҳуқуқшуносларнинг ишлашини талаб этади.

Шу сабабли ҳам бу борада киритилган таклиф қўллаб-қувватланиб, 2018 йил 13 апрелдаги Президент қарори билан қуйидагилар белгиланган:
• адлия органлари ходимларининг кўп йиллик хизматлари учун устамалар ва мартаба даражалари учун қўшимчалар миқдорларини прокуратура органлари ходимлари учун белгиланган миқдорларга тенглаштириш;
• адлия органлари ходимларининг лавозим маошини аниқлашда тариф коэффициентлари бир ярим баравар миқдорда қўлланилиши;
• адлия органлари ва муассасаларининг мартаба даражаларига эга бўлган Адлия вазирлиги марказий аппарати ходимларига, ҳудудий бошқармалар бошлиқларига лавозим маошига 50 фоиз миқдорида устама тўланиши.

Тўртинчидан, коррупция даражаси ислоҳотлар самарадорлигига таъсир қилувчи жиддий хавф ҳисобланади. Бунда кўп масала давлат ташкилотларидаги хизматчиларга келиб тақалади.

Ходимлар меҳнатига ҳақ тўлаш ва ижтимоий таъминотининг замонавий тизими яратилганлиги вазирликда коррупциявий хатарни минимумга туширди.
Шу ўринда вазирлик ходимларга қанча маош тўланишини доимо ошкор қилиб келганини, тизимдаги вакансияларни тўлдириш танлов асосида бўлаётганлигини эслатиб ўтамиз.

Бу ҳақдаги эълонлар билан қуйидаги ҳаволалар орқали танишиш мумкин:
👉 https://t.iss.one/huquqiyaxborot/1842
👉 https://www.minjust.uz/uz/about/jobs/

Бундан ташқари бу каби ойлик тўланаётган бошқарма бошлиқларидан талаб ҳам шунга яраша бўлмоқда. Вазирликда ходимлар фаолияти интеграциялашган энг муҳим самарадорлик кўрсаткичлари (KPI) асосида баҳолаб борилмоқда.

Олий Мажлис Қонунчилик палатаси депутатлари тўлиқ шаклланди. Унда сиёсий партиялар қуйидаги миқдорда депутатлик ўринларига эга бўлди:

1. ЎзЛиДеП - 53 (35 %)
2. “Миллий тикланиш” - 36 (24 %)
3. “Адолат” СДП - 24 (16%)
4. Халқ демократик партияси - 22 (15%)
5. Экологик партия - 15 (10%)

Каналга уланиш👇👇👇
https://t.iss.one/huquqiyaxborot

#Сарҳисоб

Адлия вазирлигининг инсон ҳуқуқларини ҳимоя қилиш, нотариат, фуқароларнинг ҳуқуқий онги ва маданиятини ошириш каби қатор йўналишдаги фаолияти сарҳисоби. "Ўзбекистон-24" телеканали "Студия-24"да Адлия вазири ўринбосари Акбар Ташкулов интервьюси шу ҳақда.

Адлия вазирининг буйруғига асосан патент вакилларини қайта тайёрлаш ва малака ошириш курсларидан ўтиш тартиби тўғрисидаги низом тасдиқланди.
Низомда:
- Қайта тайёрлаш ва малака ошириш курсларида ўқув жараёнини ташкил этиш тартиби;
- Қайта тайёрлаш ва малака ошириш курсларининг давомийлиги ҳамда ўқув юкламасининг ҳажми;
- Патент вакилларининг битирув малакавий иши ҳимояси ҳамда якуний имтиҳонни ташкил этиш ва ўтказиш тартиби белгиланди.
Мазкур низом расмий эълон қилинган кундан эътиборан кучга киради.

Ҳужжатнинг расмий тўлиқ матни
👇 👇 👇 👇
https://lex.uz/m/acts/4678348

10 НАФАР ХОДИМГА КОМПЕНСАЦИЯ ТЎЛАБ БЕРИЛДИ!

Қува туман адлия бўлимига Қува компьютер технологиялари касб-хунар коллежи махсус фан ўқитувчилари Музаффар Нишонов, Умид Холиқов, Нодирбек Йўлдашалиев, Шаҳодат Рустамова ва ходимлар Зарифа Атабоева, Сурайё Мамадалиева, Дилором Умарова, Муродил Райимов, Муборак Абдуллаева, Муаззамхон Розиқовалар штат қисқариши муносабати билан меҳнат шартномаси бекор қилинганлиги, лекин ишдан бўшатиш нафақаси тўланмаётганлиги, ишдан бўшатиш нафақасини тўланишида амалий ёрдам беришни сўраб мурожаат қилганлар.
Молия бўлими киритилган алоқа хатлари натижасида коллеждан бўшатилган ўқитувчиларга
32 880 000 сўмдан ортиқ компенсация пуллари ундириб берилди.
Бузилган ҳуқуқлари тикланган ходимлар Адлия бўлимининг кўрсатган сайи ҳаракатларидан ўз миннатдорчилигини билдириб ўтишди. https://t.iss.one/adliya_fargona

#Адлия_таҳлили

Адлия вазирлиги таҳлили: турар-жой ижараси соҳасида қандай камчилик ва муаммолар аниқланди?

https://darakchi.uz/uz/82438

37 ЙИЛДАН СЎНГ ПЕНСИЯ ТАЙИНЛАНДИ.

Қува тумани, “Тинчлик” МФЙ, “Истиқбол” кўчаси 56-уйда яшовчи Махситали Умурзақов Қува Мебель комбинатида ишлаб юрган вақтида 1982 йил, 10-декабрь куни иккала қўли станокка кириб кетганлиги, ходиса содир бўлган жойда Н-1 маълумотнома тузилганлиги, кейинчалик Қува Мебель комбинати “Қуббомебель” МЧЖга айлантирилганлиги, 2013-йил туман ҳокимининг қарорига асосан Қуббомебель” МЧЖ тугатилганлигини, хозирда товон пулини туман Бюджетдан ташқари пенсия жамғармаси томонидан тўлаб берилишини таъминлашда амалий ёрдам сўраб туман адлия бўлимига мурожаат қилган.
Ходим меҳнат мажбуриятларини бажариши муносабати Қува тумани Маъмурий ишлар бўйича судига пенсия тайинлаш юзасидан даъво аризаси киритилди.
Маъмурий ишлар бўйича Қува тумани суди томонидан фуқаро Умурзақовнинг фойдасига пенсия тайинлаш бўйича 2019-йилнинг, 1-декабрь куни қарор чиқаришга эришилди. https://t.iss.one/adliya_fargona

#Кун_тарихи

🗓 8 январь (1992 йил)

Президент Фармони билан Ўзбекистон ССРнинг иттифоқ-республика Адлия вазирлиги Ўзбекистон Республикасининг Адлия вазирлигига айлантирилган.

Каналга уланиш👇👇👇
https://t.iss.one/huquqiyaxborot

Адлия вазирлиги коррупцияга қарши қандай курашяпти?

https://telegra.ph/Adliya-vazirligi-korrupciyaga-%D2%9Barshi-%D2%9Bandaj-kurashyapti-01-08

#Сўраган_эдингиз

Савол: Ихтирога патент қай тарзда олинади?

Жавоб: Ўзбекистон Республикасининг “Ихтиролар, фойдали моделлар ва саноат намуналари тўғрисида”ги Қонунига кўра ихтирога патент бериш ҳақидаги талабнома топшириш тартиби қуйидагиларни ўз ичига олади:
👉 Патент олиш учун талабнома муаллиф, иш берувчи ёки уларнинг ворислари томонидан Агентликка тақдим этилади.
👉 Патент олиш учун талабнома шахсан, патент вакили ёки ишончли шахс орқали берилиши мумкин.

Ихтирога талабнома қуйидагилардан иборат бўлади:
■ ихтиро муаллифи (ҳаммуаллифлари) ёки патент олиш сўралаётган шахс номи, шунингдек, уларнинг тураржойлари ёки манзиллари кўрсатилган ҳолда ёзилган патент бериш тўғрисидаги ариза;
■ ихтиро моҳиятини тўлиқ очиб берувчи, уни амалга ошириш учун етарли бўлган баёни;
■ ихтиронинг моҳиятини ифодаловчи ва баёнига тўлиқ мос тушувчи формуласи;
■ агар ихтиро моҳиятини тушуниш учун зарур бўлса, чизма ва бошқа материаллар;
■ ихтиро реферати.

Талабнома Ўзбекистон Республикасининг Ихтирога патент бериш учун талабномани тузиш, топшириш ва кўриб чиқиш қоидаларига мувофиқ расмийлаштирилади.

Талабномага қуйидаги ҳужжатлар илова қилинади:
■ талабнома топшириш учун патент божи тўланганлигини тасдиқловчи ҳужжат;
■ патент вакили ёки ишончли шахс орқали талабнома топширилган ҳолларда талабнома топширувчи томонидан берилган ишончнома.

Саноат мулкини муҳофаза қилиш бўйича Париж конвенциясига мувофиқ конвенцион устуворлик ҳуқуқидан фойдаланишни истаган талабнома топширувчи талабномада буни кўрсатиши ва Агентликка талабнома топширилган кундан бошлаб уч ойдан кечиктирмай зарурий материалларни тақдим этиши зарур.

Савол: Ихтирога патент кундалик ҳаётда қандай аҳамиятга ега?

Жавоб: Патентланган ихтиролар инсон ҳаётининг деярли барча соҳаларига электр ёриткич (патент эгалари – Эдисон ва Свен) ва пластикдан (патент эгаси – Бейкленд) бошлаб, то шарикли ручкалар ишлаб чиқаришгача (патент эгаси – Биро) кириб борди.

Барча патент эгалари патент ҳимояси тақдим этилиши эвазига ўз ихтиролари тўғрисидаги маълумотларни омма учун ошкор қиладилар. Мунтазам равишда бойиб бораётган умумий билимлар хазинаси бошқа кишиларнинг ҳам ижодий фаолияти янада ривожланишига йўл очади. Шундай қилиб, ихтиро учун берилган патент нафақат ўз эгасига ҳимоя тақдим этади, балки ҳар жиҳатдан қимматли маълумотларни ўз ичига олади, бўлғуси тадқиқотчи ва ихтирочилар авлоди учун илҳом манбаи вазифасини ўтайди.

Шаҳар ҳокими қарори лойиҳаси бўйича

Тошкент шаҳар ҳокимлиги томонидан тайёрланиб муҳокама учун қўйилган лойиҳа ижтимоий тармоқларда турли тушунмовчиликлар келтириб чиқарди.

Шу муносабат билан Адлия вазирлиги қуйидагиларни маълум қилади:

Биринчидан, “Дафн этиш ва дафн иши тўғрисида”ги Қонун билан ушбу йўналишдаги асосий муносабатлар тартибга солинади. Хусусан, Қонуннинг 4-моддасига асосан дафн этиш жойлари туман, шаҳар давлат ҳокимияти органларининг бевосита тасарруфида бўлади.

Иккинчидан, “Маҳаллий давлат ҳокимияти тўғрисида”ги қонуннинг 6-моддасига мувофиқ ҳокимлар ўз ваколатлари доирасида тегишли ҳудуддаги барча ташкилотлар ва аҳоли учун мажбурий бўлган қарорлар қабул қилиши мумкин. Бундай тусдаги қарорлар лойиҳалари ҳудудий адлия органлари томонидан ҳуқуқий экспертизадан ўтказилади.

Учинчидан, муҳокамага сабаб бўлаётган лойиҳада назарда тутилган ижтимоий муносабатни тартибга солиш ҳокимликлар зиммасига юкланган. Хусусан, Ҳукуматнинг 2011 йил 4 апрелдаги қарори билан тасдиқланган Дафн этиш жойларини сақлаш, улардан фойдаланиш ва қабр усти ёдгорликларини ўрнатиш тартиби тўғрисидаги низомда эса гўр қазиш ва маросим хизматлари учун пулли хизматлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан белгиланадиган тарифлар бўйича амалга оширилиши белгиланган.

Тўртинчидан, қабристонларни ободонлаштириш, мукаммал ва жорий таъмирлаш, уларни зарур даражада сақлаш маҳаллий бюджет маблағлари ҳисобидан амалга оширилади. Қабр қазиш ва маросим хизматлари бўйича ишчилар эса пулли хизматлардан тушган маблағлар ҳисобидан ойлик олишади.

Бешинчидан, ҳозирги вақтда ҳам барча ҳудудларда дафн этиш жойларидаги хизматлар ҳақи миқдори тегишли вилоят ҳокими қарори билан тасдиқланган тарифлар бўйича ундирилади. Масалан, Самарқанд вилоят ҳокимининг 2019 йил 13 августдаги 213-қ-сон қарорига мувофиқ, катта ўлчамда мусулмонча қабр қазиш учун 84 964 сўм пул ундирилиши назарда тутилган. Тошкент шаҳар ҳокимининг 2018 йил 3 майдаги қарорига асосан катта ўлчамда мусулмонча қабр қазиш учун 92 000 сўм миқдорда пул ундирилиши белгиланган.

Олтинчидан, таклиф этилаётган лойиҳа ҳудудий молия органи билан келишилган. Нархлар ойлик иш ҳақи, сарфланаётган материаллар қийматининг ошганлиги муносабати билан қайта кўриб чиқилмоқда.

Юқоридагиларга кўра, Адлия вазирлиги ахборот тарқатувчилардан ахборот тарқатишда жамият ва фуқаролар олдидаги масъулиятни унутмасликни сўраб қолади.

Адлия вазирлиги
Жамоатчилик билан алоқалар бўлими

14 январь –Ватан ҳимоячилари куни!
Бу кун Миллий армиямизда хизмат қилаётган ҳарбийларнигина эмас, балки юрт тинчлиги ва осойишталигига масъул бўлган ҳар бир ватандошимиз учун фахрланиб нишонланадиган байрамдир.

Фурсатдан фойдаланиб Ватан ҳимоясига бел боғлаган юртдошларимизни ушбу байрам билан табриклаймиз! Сизларга мустаҳкам соғлиқ, она Ватанимиз равнақи йўлидаги хизматларингизда янги муваффақиятлар, ғайрат -шижоат, бахт омад тилаймиз.