#Erkin_Vohidov_87
#Nazm

Ichkiyot
(Erkin Vohidov xotirasiga)

Shafaq...
Qontalash osmon
ko‘zidan yulduzlar to‘kilib,
bag‘ri chok-chokdan so‘kilib,
ko‘chadi she'riyat shuuriga
tutadi qalamin shoirga.

***
Xayol...
Kezadi sarosar
ishq ichra behush.
Kas ichra bexush.
Izlaydi zabarjad - gavhar
So‘ziston mulkida zargar.

***
Muhabbat...
Tutib-la erkin
singgadi misralar qatiga.
Uch undov berkinib baxtiga
sizadi shoirning so‘zida
qatralar in'iko ko‘zida.

***
She'riyat...
Nazmning navosi.
Ko'zim ketib "qaro qoshlar"ga,*
Qadoq qalbim qiynalaverar.
Qarog'imda qolgan qayg'ular
Tark etmayin iymanaverar.

*Erkin Vohidov satri

✍: Qo‘ziboyev Dadaxon,
Ogahiy nomidagi ijod maktabining 10-"B" sinf o‘quvchisi

👉Telegram|👉 Facebook|
👉YouTube| 👉 Instagram|

#Erkin_Vohidov_87
#Nazm

Olis-olislardan imlashar tog'lar
Butun borliq bilan aytib "Nido"sin.
Qalamim quvonchdan gullaydi agar
Alqab yozsam shunday yurtning fidosin.

Farg'ona,
Dilbandlari erk-chun kurashgan zamin,
Bu kun bog'laringda hurlikning isi.
Hassos ko'ngillarni titratar hanuz
"Sharqiy qirg'oq"dagi aytilgan bir so'z.

"Tong nafasi" hamroh xuddi qalamday,
Endi o'tmishingdan kuyinma sira.
Axir Erkindayin "so'zning zargar"i
Har go'shangga bitdi minglagan misra.

"Ruhlar isyoni"ni o'qigan kishi
Qaytadan Vatan deb tug'ilar yonib.
"Muhabbat" dan gap ochsang agar
Oshiqlar suv ichar mehrdan qonib.

"Og'riqli savollar" shoir dardini
Qalbining qonidan yozadi bir-bir.
"Yurak va aql" ning beayov janggi
Necha ko'ngillarni titratar dir-dir.

U haqida yozsam ne-ne tog'lar ham
Qog'oz bo'lmoqlikka shaydirlar go'yo.
Tim qora osmonni siyoh qilsam gar
Yulduzlar so'ziga bo'lar mahliyo.

Firuza osmonday dilda bor orzu
Munosib shogirdi bo'lsam qaniydi.
Tog'larning ortidan muloyim boqib
Mangu yashar elning Erkin Vohidi.

✍ Boynazarova Muxlisa,
Ogahiy nomidagi ijod maktabining 11-A sinf o'quvchisi

👉Telegram|👉 Facebook|
👉YouTube| 👉 Instagram|

#7_ta_iqtidor
#2_mavsum
#1_kun
#Nazm

Ona ruhi.

Tong saharda jimlik quturib,
Zambaraklar ota boshlar to'p.
Quyosh bu tong chiqmadi qo'rqib,
Tiriklardan o'lik tani ko'p.

Dov-daraxtlar qizardi chunon,
Shoxlaridan qon tomardi jim.
O'lim go'daklarni qilganda nishon,
Tinchlikning hur bayrog'i g'ijim.

Ko'kragiga tig' tekkan ona,
Farzandidan uzmas ko'zini.
Jajji qo'llar qonni suv deya,
Ichmoq bo'lar bulab yuzini.

Ona ko'zi asta oldi tin,
Go'dak atrofida g'amli sharpalar.
Tirnar edi oyog'i ostin,
Hozirgina o'lgan murdalar.

Qo'rqqandanmi ona bag'ridan,
Izlar edi o'ziga panoh.
Soniya sayin yerning qa'riga,
Otilardi minglab begunoh.

Ona ruhi farzandin quchib,
Qoldirmasdan taqdir kasriga.
Bunday la'nat dunyodan qo'rqib,
Olib ketdi yerning qa'riga.

✍: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#2_kun
#Nazm

SAMO KO'ZYOSHI

Yig'lar osmon, tun og'ushida
Har tomchisi ezar ko'nglimni...
Yig'lar bugun baxtim boshida,
Shalabbolar qilib dilimni...

Ovutmoqqa topolmam bir so'z,
Bormoqlikka yo'q bir bahona.
Tushari bor axir ko'zga ko'z
Ne deb aytay?! Dilim vayrona...

Bo'ldi ko'zyosh to'kmagin, samo
Dard bo'g'zimda, mening ham axir...
G'aming olmoq istadim ammo
Ko'zimda yosh qalqidi oxir.

Men kim, axir: tabib yo bemor,
Nechun dardim senga ovoza?
Sen keldingku qalbimga takror
Biror malham istab fazodan.


✍: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#3_kun
#Nazm

Yurak amri

Jimgina boqaman nigohlaringga,
Ko'zingda ko'raman mayus ko'zimni.
Kiraman sezdirmay hayollaringga,
Baxtiyor sezaman shunda o'zimni.

So'ng mahzun boqaman suratingga jim,
Ko'ksimda boshlanar unsiz g'alayon.
Nahotki tug'yonim sezmaydi hech kim,
Nahotki qalbimni yem qilar hijron?!

Jimgina boqaman, ruhimda titroq,
Sen ham o'rtanasan dardimni bilib.
Sog'inib olovda yonasan biroq,
Shunchaki qo'yasan tabassum qilib.

Istagim - ketmagin hayollarimdan,
Qo‘ygin borligingni menga bildirib.
Yo olisdan turib erkala zimdan,
Manguga qol meni baxtga to'ldirib.

✍: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#4_kun
#Nazm

BIR KUN

Bu kun ayro bo'ldi yo'llarimiz ham,
Yolg'onga qo'shilib ketdi dunyolar.
Nogoh ko'zlarimda yonmoqda olov,
Suyanch deb atasam bo'ldi ro'yolar.

Nahotki, tubanlik bo'lsa hukmron,
Oppoq orzularim bo'lsalar so'qir.
Yaqinim deganim tuhmatga qo'ysa,
Yana yuragimni quzg'unlar cho'qir.

Mayliga bag'rimni nimtalab tashlang,
Xali olamimda turibdi orim.
Meni saqlaguvchi Yaratgan egam,
Rabboniy hislarim qalbimda borim.

Hali bahorlarim keladi takror,
Mahzunlik libosin yecharman bir kun.
Kulgichlar qo'nadi yanoqlarimga,
Bir kun vujudim ham bo'ladi butun.

O'shanda men baxtli kunlarga oshiq,
Tabassum inadi qaroqlarimga.
Tarannum aytaman muhabbatimni,
Oxular qaytadi tog'liklarimga.

Uchaman samoda oqqush misoli,
Murodi bo'ladi ertaklarimda.
Baxtga yetaklaydi uchar gilamlar,
Oppoq gullar bo'lar ertaklarimda.

✍️:Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#5_kun
#Nazm

Baxtlar

Olis xayollarga yetaklab ketar,
Qayg'usin yashirib maqsadga yetar.
Xazonrez barglarga dardini sotar,
Kiprigimdan  ketmagan gardlar.

Niyatlar ichida yashaydi tanho,
Dastidan koshonam gullagan sahro.
Men juda charchadim, charchamas dunyo,
Ko'zlarimda yashagan dardlar.

Derazam ortida boqib turibdi,
Oqshomlari Zuhro bilan yuribdi.
Tushlarida meni shodon ko'ribdi,
Men yoniga bormagan baxtlar.
      
✍️: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|

#7_ta_iqtidor
#2_mavsum
#6_kun
#Nazm

     LOLAQIZG'ALDOQ
(M.Yusuf she'riga nazira)

Zalvorli tog‘larda mardona kulib,
Yerdan bosh ko‘tardi lolaqizg‘aldoq.
Ta‘rifini so‘ylab, tanti yellarga,
Muhammad Yusufni kutadi mushtoq.

Boshini tik tutar,
egmaydi sira,
Hatto kechalari bosmaydi mudroq,
"Iltijo" lar qilib tongdan, shomgacha ,
Muhammad Yusufni kutadi mushtoq.

Sekin ko‘taradi, o‘z pardasin tun,
Dilkash shoirini izlar qizg‘aldoq.
Qayta ko‘rmasligin bilsa-da lekin,
Muhammad Yusufni kutadi mushtoq.

✍️: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

👉 |Telegram| |Facebook|
👉 |YouTube|  |Instagram|

#7_ta_iqtidor
#2_mavsum
#7_kun
#Nazm

Shoir sheʼrlar yozib turmasa agar,
Aslo yorishmaydi tonglari sahar.
Zulmatga aylanar yurgan yoʻli
ham,
Aslida shoirga faqat sheʼr malham.

Bulbul navosi ham tatimas unga,
Aylanib qoladi maʼyus bir gulga.
Parvona misol u sheʼr asli bir sham,
Shoirlarga sheʼrlari boʻladi malham.

Yurakda tuygʻular cheksalar figʻon,
Sheʼrlarda hislari boʻladi ayon.
Soʻzlarda iztirob, koʻksi toʻla gʻam,
Shoirlarga sheʼrlari boʻladi malham.

Misralar dardiga boʻlganday davo,
Birgina soʻzdan u olar koʻp maʼno.
Kulib turar, yuragiga toʻlsada alam,
Shoirlarga sheʼrlari boʻladi malham.

✍️: Ro‘zimatova Mohinur,
Ogahiy nomidagi ijod maktabining 9-"B" sinf o‘quvchisi

Ogahiy ijod maktabi matbuot xizmati

👉 |Telegram| |Facebook|
👉 |YouTube|  |Instagram|

#7_ta_iqtidor
#2_mavsum
#1_kun
#Nazm

Shunday insonlar bor...

Hayot deb atalmish qora qozonda
Yonib-kuyib oxir pishganlari bor.
Oʻzligin oʻzagin anglolmay yurgan,
Oʻzganing qoʻliga boʻlar ekan zor.

Shunday insonlar bor, yiqilsa nogoh,
Suyanib qolguvchi najot izlaydur.
Qayga borsa, oʻzin manfaatin oʻylab,
Falak yuzin koʻzlab, qanot izlaydur.

Shunday insonlar bor, yolgʻonni rost deb,
Kumushni oltinga qilar mushtarak.
Yolgʻon va'dalarin berar-u, ammo
Tosh suvga otilgandek ketar bedarak.

Shunday insonlar bor, doʻstingman deydi.
Foydang tegib tursa, qoʻling siqar u.
Gar yillarni yamlab kelsa bitta gʻam,
Qalbingni parchalab, joning siqar u.

Shunday insonlar bor, gʻiybatchi, makkor,
Oʻzganing aybini dunyoga yoyar.
Bilmaski, bu ishi hech qilmaydi kor,
Soʻng Jannat kalitin qoʻldan boy berar.

Yigʻlama nomardning mish-mishini deb,
Ogʻrinma hayotning yoz-u qishi deb,
Dunyoning boʻgʻuvchi tashvishini deb.
Oxir jon qiynalar oʻz qilmishin deb.

✍️: O‘razmetova Gulsevar,
Ogahiy nomidagi ijod maktabining 10-"B" sinf o‘quvchisi

Bizni ijtimoiy sahifalarimiz
👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#1_kun
#Nazm

Koʻngil borki...

Koʻngil borki, oʻzga koʻngil qoyalari tegib ketmas,
Ushlay olmas bir shoirning bilaklaridan.
Oʻlaksalar balandparvoz gap-soʻzlardan boʻlganda mast,
Hayo qilar oq bulutning yuraklaridan.

Koʻngil borki, zaxarhanda iltifotdan,
Oʻzin tiyib osmonlarga uchib ketgan.
Qadrin bilmas ikki kunlik bu dunyoga,
"Hasratlaring dunyo qadar ulkan" degan.

Daryolarga soʻngi tomchi boʻlmoq shartmas,
Koʻngillarning piri boʻlmish insonlarga.
Inson oʻzi oʻyinqaroq, oshiq, sarmast,
Qah-qah urib kulayotgan osmonlarga.

Koʻngil borki, daydi hislar karvoniga,
Fano dunyo ogʻushida madad boʻlgan.
Koʻngil borki, horgʻinlarda sarboniga,
Ishq oʻtida lahja boʻlib yonib bergan.

Koʻngil borki, oʻzga koʻngil qoyalari tegib ketmas...

✍ Nigina Rustamboyeva,
Ogahiy nomidagi ijod maktabining 8-"A" sinf o‘quvchisi

👉 |Telegram| |Facebook|
👉 |YouTube|  |Instagram

#Bizning_ijod
#Nazm

Boʻshliq

Bir kitob yoʻliqdi "Dunyo" atalmish,
Oʻyladim - xoʻp qiziq, mukammal, bekam.
Dastlabki sahifa. Oʻqiy boshladim:
"Bir bor ekan, bir yoʻq ekan..."

Purviqor togʻlar bor, koʻkni oʻpmagan,
Hilolni quvgan-u kun hech yetmagan,
Soʻz bor tigʻdan oʻtgan, dilga oʻtmagan,
Bir bor ekan, bir yoʻq ekan...

Kulbaning hovlisin baxtlar toʻldirgan,
Koshona bagʻriga zulmat qoʻndirgan,
Shoir qalam tutib, sheʼrin oʻldirgan,
Bir bor ekan, bir yoʻq ekan...

Tarozi pallasi arosat aro,
Haqiqatning koʻksi yolgʻondan yaro,
Yerni yuvgan yomgʻir buluti qaro,
Bir bor ekan, bir yoʻq ekan...

Hayotni toʻldirgan borliqdir foniy,
Abaddan soʻz ochar bir gala dohiy,
Dunyo bor ekanki, ul jumla boqiy,
Bir bor ekan, bir yoʻq ekan...

✍:  Jumanazarova Hilola,
Ogahiy nomidagi ijod maktabining 11-B sinf o'quvchisi

👉 |Telegram| |Facebook|
👉 |YouTube|  |Instagram

#7_ta_iqtidor
#2_mavsum
#1_kun
#Nazm

Kun kelar...
Ko‘zimning pardasi ochilar pinhon,
Quyosh soyasi ketar ko‘nglimdan.
Meni deb o‘ksinma, yig‘lama ishon,
Sen aytar "so‘z"ni kutaman kimdan?

Kun kelar..
Ko‘zlarimda suzgan qayiqchalarning,
Yelkanlarin shamol eltar olisga.
Shunda ahvolimni aytib bergaysan,
Bir sochi sunbulga, go‘zal bir qizga.

Kun kelar...
Osmonlar boshimga qo‘nar,
Bulutlar qalbimga aytadi alla.
Dunyo xotirlari qalbimni ezar,
Ammo tuyg‘ularim kuylar baralla.

Kun kelar...kun kelar...

✍ Baxtiyorova Nargiza,
Ogahiy ijod maktabi ning 8-"B" sinf o‘quvchisi

👉 |Telegram| |Facebook|
👉 |YouTube|  |Instagram

#7_ta_iqtidor
#2_mavsum
#2_kun
#Nazm

U uzoqda qolgan...

U uzoqda qolgan, juda uzoqda,
Oʻziga soddalik, soxtalik boylab.
Oʻzimga talpidim, chaqirdim, ammo,
Kelmadi. Kutgandim men uni oylab.

U uzoqda qolgan, juda uzoqda,
Yurib oʻtolmadi yoʻlaklarimdan.
Hayqirib, toʻlgʻonib, yigʻlatib ketti,
Zarbalari oʻtdi yuraklarimdan.

U uzoqda qolgan, juda uzoqda,
Poyonsiz yoʻllarda boshlardi aldab.
Tengi yoʼq yolgʻonni qoʻlimga berdi,
Soʻzlarning ortidan, soʻzlarni qalab.

Uzoqda qoldirdim, juda uzoqda,
Oqizib yubordim kattakon selda.
Xanjarlarni urib oʻldirib keldim,
Bahorlari qaytmagan elda.

U uzoqda qolgan, juda uzoqda,
Qancha yiroqlashsam qalbimda hurlik.
Oldinda eng buyuk kelajak kutar,
Orqaga bir qarab qoyaman kulib.

U uzoqda qolgan, juda uzoqda...

✍ Nigina Rustamboyeva,
Ogahiy nomidagi ijod maktabining 8-"A" sinf o‘quvchisi

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#3_kun
#Nazm

Senga...
|
Nihoyat, quyoshning chambaragini,
Aylantirmoq boʻldi, daydi hislarim.
Qodiriy qalamin soʻndirganlarning,
Siynasini hanjar bilan oʻymoq istadim.

Quturgan itlarning hirillashlari,
Ming tuban ichida moziyga yaqin.
"Oʻtgan kun"larining siniq mash'ali,
Tubanliklar aro boqiy yashasin.

||
Qaytsin...
Qaytsin asrimizning aziz onlari,
Bong ursin odamlar, bong ursin faqat.
Vodiylarni yayov kezgan Olimjonlari,
Qizgʻaldoqqa oshiq boʻlgan sodda Muhammad.
Qaytsin, dalalarda paxta tergan chin dehqonlari.
Tugʻilsin...
Vatanni ta'riflamoq-chun,
Tillaridan ayrilgan farzand.
Dunyoga nomingni yoymoqlik uchun,
Tugʻilsin Temurdek yana bitta mard...
|||
Oʻlmasin...
Oʻzligin sevadiganlar,
Qulluq qiladiganlar,
Va...
Sevgisin rangidan ilhomlar olib,
Vatanni qalamda chizadiganlar.
Oʻlmasin.
Oʻlmasin.
Oʻlmasin...

✍ Nigina Rustamboyeva,
Ogahiy nomidagi ijod maktabining 8-"A" sinf o‘quvchisi

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#3_kun
#Nazm

Ogahiy ijod dargohi

Qadim Xiva muqaddas makon,
Ilm-u ziyo izlab oʻtadi har on.
Olislarga tikar shoir nigohin,
Bizniki Ogahiy ijod dargohi.

Qancha vaqtlar o‘tdi oqib dengizday,
Dunyo shunday kenglik, shunday cheksizday.
Barchasi mukammal xuddi tengsizday,
Bizniki Ogahiy ijod dargohi.

Shoir va tarjimon, tarixchi, mirob.
She'riyat valiysi so‘z sehri serob.
Muridlar uchun har bir satr oftob,
Bizniki Ogahiy ijod dargohi.

Mas'uliyat yuki bor har birimizda,
Ishonchni oqlashga ahd dilimizda.
Kelib ko‘ring bir bor siz elimizga,
Bizniki Ogahiy ijod dargohi.

✍ Baxtiyorova Nargiza,
Ogahiy ijod maktabi ning 8-"B" sinf o‘quvchisi

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#4_kun
#Nazm

Vatan

Tog‘lar peshonasidan oqar ter,
Quyosh tegrasida chiqqan on.
Insonga bag‘rin ochar yer,
Yerga ta'zimdadir dehqon.

Qaysidir insonning zaif ko‘ngliga,
Ezgulik urug‘in sochib bergan sen.
Insonning tushimas asl o‘ngida,
Baxt gulzoridan chechak tergan sen.

Ezgulik-qalblarning bayrog‘i,
Doimo mag‘rurdir bu boshlar.
O‘chmasin adolat mayog‘i,
Hur zamin farzandi biz yoshlar.

✍ Baxtiyorova Nargiza,
Ogahiy ijod maktabining 8-"B" sinf o‘quvchisi

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#4_kun
#Nazm

Sallamno

Adashgan yo‘llarning poyoni o‘chgan,
Kalhatlar qoshida olis manzillar.
Huuuuuv yoqda ko‘ngilning tayog‘i singan,
Nogiron ahvolda qancha ko‘ngillar.

Isyonkor ruhlarning hayqiriqlari,
Bir kun quloqlarim kar qilmasmikan.
Turnalar tortishsa kipriklarimdan,
Sochimda arg‘imchoq uchadi Vatan.

Osmonga tutashgan chinorlar bargi,
Quyoshda qizarib qon bo‘lib ketgan.
Kun bilan osmonning bor bitta farqi,
Chunki fazo yuzi qalbga yo‘g‘rilgan.

Kõzlardagi muqiim o‘lmaydigan nur,
Qalbdagi hurlikni qilar tamanno.
Qaysidir insonning qilgan duosi:
"Adashgan yo‘llarga bo‘lsin sallamno,
Adashgan qalblarga bo‘lsin sallamno".

✍ Nigina Rustamboyeva,
Ogahiy nomidagi ijod maktabining 8-"A" sinf o‘quvchisi

‌‌👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#5_kun
#Nazm

Hayqiriq
Sen bilmaysan qalbim nelar deganin,
Tushunmaysan hatto yoshli koʻzimdan.
Qalbimni toʻldirib yigʻlasam bot-bot,
Lek...
Oʻzim toʻlgʻonaman hayqirigʻimdan.

Bilmaysan kech kuzda nechun yigʻlar koʻk,
Nechun hayhot bilan gumburlar osmon.
Mana men aytaman chunki shu onda,
Men seni uchratdim, unutding oson.

Hatto yoʻlbars mendek hayqirolmaydi,
Mening ovozim ham kuchli naʼradan.
Bu sogʻinch, bu nafrat qalbimdan oʻchmas,
Hayqirganimda ham togʻlar bagʻridan.

Ichimda yuragim yigʻlaydi xasta,
"Nechun chidayapsan, darding toʻk hayhot.
Qichqir, yigʻla, hayqir ichinga yutma,
Axir shuning bilan iborat hayot".

Yigʻlasam osmon ham qiladi nola,
Bulutlar chidolmay toʻkadi koʻzyosh.
Olis-olislardan hayqirar kimdir,
Xuddi mening kabi qilolmay bardosh.

Agar dengiz oʻngida hayqirsam e-voh,
Ular ham menga joʻr boʻlar asta.
Men qolib yonimda menga joʻr boʻlgan,
Dengiz ham dardini toʻkdi bir pasta.

Dardim toʻkolmayapman qanday azob-bu,
Yigʻlasam koʻzyoshim daryo boʻlgudek.
Shamol qoʻzgʻalsa ham yordami zarra,
Sabr qilsam agar yuz yil kutgudek.

Koʻkda chaqmoq chaqsa yigʻlaydi inson,
Dod-voylay soladi qichqirar qattiq.
Ular qoʻrqinch bilan dardini toʻksa,
Men toʻkolmayapman qilsam hayqiriq.

Hozir koʻz oʻngimda oʻtiribsan sen,
Oʻsha qalbim bilan oʻynashgan inson.
Bir kuni sen mendek koʻyga tushmasang,
Odam emasdurman kulmagin, ishon.

Ammo, shunday kunlar keladi bir kun,
Boʻgʻzimdan otilar qattiq hayqiriq.
Oʻsha tamgʻangdan ham xalos boʻlaman,
Menga oshno boʻlar butun bir borliq.

Sen bilmaysan qalbim nelar deganin,
Tushunmaysan hatto yoshli koʻzimdan.
Qalbimni toʻldirib yigʻlasam bot-bot,
Lek...
Oʻzim choʻchib ketaman hayqirigʻimdan.

✍ Nigina Rustamboyeva,
Ogahiy nomidagi ijod maktabining 8-"A" sinf o‘quvchisi

👉Telegram|👉 Facebook|
👉YouTube| 👉 Instagram‌‌

#7_ta_iqtidor
#2_mavsum
#6_kun
#Nazm

Izlam

Haybatli yoʻllarda madori qochgan,
Moziydan bugunga kelmoq istamas.
Beoʻxshov oʻylarning sirini ochgan,
Beoʻxshov oʻylarga bitta soʻz demas.

Daydi koʻchalarda daydi yurardi,
Qalblardan qidirdi oʻzga bir uchqun.
Tunda derazadan boqib turardi,
Momomning ertagin eshitmoq uchun.

Vujudi tirnalgan, yoʻllarda sayoq,
Ohhhh,
Malham boʻlolmaydi Alisherlari.
Menku yuragimni yozaman, biroq,
Hijolat tortadi yetim sheʼrlarim.

Dod,
Ayvondagi koʻrpachalarda,
Hoʻngrab yotar edi bir odam-majnun.
Derdi:"xarob boʻldim chang koʻchalarda,
Biroq suv sepgandim,
gul ekkandim bundan yurmoqlik uchun.

Manam hayrooon boqib soʻzlardim tilsiz,
Muzlab ketti hatto bugun ich-etim.
Oʻzimdan hijolat tortardim shu chogʻ,
Chunki shu yoʻllarda oʻynagan edim.

Shunda, eshik ochib kirib keldi,
Voh,
Najot istab turdi haligi odam.
Unga boqib turdi biroooz xayrxoh,
Keyin...
Vatanga doʻppisin kiygizdi, otam.

✍ Nigina Rustamboyeva,
Ogahiy nomidagi ijod maktabining 8-"A" sinf o‘quvchisi