⚡️Қазақстанның бірінші, әлемнің 7-ракеткасы Елена Рыбакина Майами WTA 1000 турнирінің финалына шықты.

Қазақстандық теннисші жартылай финалда әлемнің 3-ракеткасы, америкалық Джессика Пегуламен шеберлік байқасты.

Бір сағат 52 минутқа созылған тартысты бәсеке барысында қазақстандық теннисші 11 эйс жасап, 15 брейк-пойнттың алтауын пайдаланды.

👉 Бізге жазыл | zakon.kz

⚡️Қостанайдағы Президент резиденциясы балаларды емдеу орталығына айналады.

Бұл туралы облыстық әкімдіктің баспасөз қызметінен мәлім етті.

👉 Бізге жазыл | zakon.kz

⚡️Солтүстік Қазақстан облысында жаңа оқу жылынан бастап 1-4 сынып оқушылары үшін түскі ас тегін болмақ.

Бұл жайында СҚО әкімі Айдарбек Сапаров әлеуметтік желідегі парақшасында жазды.

«Оқушылар мен олардың ата-аналары үшін жақсы жаңалықпен бөліскім келеді. Жаңа оқу жылынан бастап 1-4 сынып оқушылары тегін ыстық тамақпен қамтамасыз етіледі. Осылайша, Петропавл қаласы мен облыстың барлық аудандарының бастауыш сынып оқушылары қамтылады. Осының арқасында ата-аналар отбасы бюджетін үнемдей алады. Қазір облыста аз қамтылған және көп балалы отбасылардың балалары тегін ыстық тамақпен қамтылғанын атап өткім келеді», - деп жазды Айдарбек Сапаров.

👉 Бізге жазыл | zakon.kz

⚡️Ресей Солтүстік Кореяға азық-түлік беріп, орнына қару алғысы келеді.

Мәскеу жақында Пхеньянға ресми делегация жібергелі жатыр.

Бұл туралы АҚШ Ұлттық қауіпсіздік кеңесінің баспасөз хатшысы Джон Кирби хабарлады.

Сондай-ақ ол АҚШ екі мемлекет арасындағы келісімнің қалай жүзеге асып жатқанын жіті қадағалап отырғанын ескертті.

Ал Солтүстік Корея мұны жоққа шығарып отыр.

👉 Бізге жазыл | zakon.kz

⚡️Петропавлда Қазақстаннан бөлінуге шақырғандардың үстінен қылмыстық іс қозғалды.

Бір топ белсенділер Қазақстаннан «тәуелсіз» болғысы келетінін жариялап, сепаратистік «Халық кеңесі» ұйымын құрған.

👉 Бізге жазыл | zakon.kz

⚡️Үндістанда ғибадатхана едені опырылып, 35 адам мерт болды.

Қайғылы оқиға Мадхья-Прадеш штатының Индор қаласында болған.

Сатылы құдықты жауып тұрған еден тек металл торға құйылған плиткадан ғана тұратыны анықталды.

Мадхья-Прадеш штатының ішкі істер министрі Нароттам Мишра қайғылы оқиғаны тергеу басталғаны, ал қаза тапқандардың отбасына өтемақы төленетінін мәлімдеді.

👉 Бізге жазыл | zakon.kz

⚡️Алматы облысында түрмеде жазасын өтеуші 3 жылдай интернет арқылы алаяқтықпен айналысып келген.

Ол 2020 жылдың маусым айынан 2023 жылдың қаңтар айына дейін түзеу мекемесі жағдайында ұялы телефондар мен ұялы операторлардың түрлі сим-карталарын пайдалану арқылы 25 млн теңгеден астам сомаға 200-ге жуық алаяқтық іс-қимыл жасаған.

Мамандандырылған прокуратура бұл деректі 2 наурызда ҚР ҚК 4-тармағының 190-бабы 3-бөлігі («Алаяқтық») бойынша көзделген құқық бұзушылық құрамы белгілері бойынша тіркеп, Қонаев қаласы ПБ тергеу бөлімшесіне берді.

Тергеу іс-қимылдарын жүргізу барысында сотталғаннан 2 ұялы телефон және 41 сим-карта тәркіленді. Ол осы арқылы ватсаппен қоңырау шалып, хат жазып отырған.

Қазіргі уақытта сотталғандар жасаған басқа да құқық бұзушылықтарды анықтау үшін облыста және өзге өңірлеріне қатысты деректер базасына мониторинг жүргізіліп жатыр.

👉 Бізге жазыл | zakon.kz

⚡️Астанадағы «Сарыарқа» сауда, ойын-сауық орталығында эскалатор кенеттен қатты жүріп кетіп, салдарынан екі ересек және бір бала зардап шекті.

Болған оқиғаны Төтенше жағдайлар министрлігінің ресми өкілі Руслан Иманқұлов растады.

👉 Бізге жазыл | zakon.kz

⚡️Елена Рыбакина Майами WTA 1000 турнирінің финалында қарсыласына есе жіберді.

Қазақстандық теннисші финалда әлемнің 12-ракеткасы, чехиялық Петра Квитовамен шеберлік байқасты.

Бір сағат 42 минутқа созылған бәсеке барысында қазақстандық теннисші 12 эйс жасап, 2 брейк-пойнттың біреуін өз есебіне жазды. Қарсыласы 5 эйс, 3 брейкпен (8 брейк-пойнт) көзге түсті.

Осылайша, Елена Рыбакина Майами мастерс жарысының финалында жеңіліс тапты.

👉 Бізге жазыл | zakon.kz