⚡️«Ауыл» партиясының Мәжілістегі депутаттары анықталды.

Олар:

Жигули Дайрабаев
Серік Егізбаев
Қарақат Әбден
Анас Баққожаев
Ерболат Саурықов
Николай Арсютин
Аян Зейнуллин

👉 Бізге жазыл | zakon.kz

⚡️«Жалпыұлттық социал-демократиялық партиясының» Мәжілістегі депутаттары анықталды.

Олар:

Нұрлан Әуесбаев
Асхат Рахымжанов
Ажар Сағындықова
Наурыз Сайлаубай

👉 Бізге жазыл | zakon.kz

⚡️Мемлекет басшысы «Қазақстан Республикасы мен Өзбекстан Республикасы арасындағы Қазақстан-Өзбекстан мемлекеттік шекарасын шегендеу туралы шартты ратификациялау туралы» Қазақстан Республикасының Заңына қол қойды.

👉 Бізге жазыл | zakon.kz

⚡️Алматыда досын өлтірді деп айыпталған жасөспірім сотта ақталып шықты.

Алматы қалалық соты таратқан мәліметке сәйкес, кәмелетке толмаған сотталушы Р. досы С-мен кездесіп, араларында қарызға байланысты жанжал туындап, соңы төбелеске ұласқан.

Сотталушы Р. досы С-ны аяқ киімінің бауымен тұншықтырып өлтіріп, оның банк картасын ұрлап, дүкенде 28 мың теңгесін жұмсады деп айыпталды.

Сотталушы өз кінәсін толық мойындамай, кісі өлтіру кезінде жәбірленушінің қоғамдық орында болғанын, оны әртүрлі адамдар көрген деген нұсқаны алға тартты.

Сотта куәгерлер сотталушының олармен бірге ойын алаңында болғанын растады.

Жәбірленушінің сотталушыға банк картасын одан бұрын тапсырғанын да анықтады.

Алқабилер жасырын дауыс беру қорытындысы бойынша Р-ны кісі өлтіру және ұрлық жасағаны үшін кінәлі емес деп танып, қылмыс жасауға қатысқаны туралы айғақтардың жоқтығы үшін ақтады.

Үкім заңды күшіне енген жоқ.

👉 Бізге жазыл | zakon.kz

⚡️Қазақстан түрмелерінде деструктивті діни ағымдарға қатысы бар 484 адам отыр.

Бұл туралы Қылмыстық атқару жүйесі комитеті төрағасының орынбасары Мейрам Аюбаев мәлім етті.

👉 Бізге жазыл | zakon.kz

⚡️Елордада жеңіліп көрмеген аралас жекпе-жек шебері Шавкат Рахмоновқа құрмет көрсетіліп, лайықты сый-сияпат жасалды.

Астана қаласы бойынша ат спорты федерациясының президенті Әлібек Мұқатаев спортшыға шапан жауып, ат мінгізді.

👉 Бізге жазыл | zakon.kz

⚡️СҚО түрмесінде сотталушыны балғамен ұрып өлтірген ер адамға үкім шықты.

Сотталушының кінәсі куәгерлердің сөзімен, бейнежазбамен және сараптаманың қортындысымен дәлелденді.

Енді ол алдағы 14 жылын түрмеде өткізеді.

Сондай-ақ жазасын қылмыстық-атқару жүйесінің қауіпсіздігі барынша жоғары мекемесінде, алғашқы үш жылды толық қауіпсіздік мекемесінде өтейді.

👉 Бізге жазыл | zakon.kz

⚡️Астана тұрғыны қарызын қайтармау үшін туысын өлтірткізбек болған.

Ұйымдастырушы өзінің танысы арқылы «орындаушымен» мәміле жасап, оған шартты 10 миллион теңгенің бір миллион теңгесін алдын ала төлем ретінде берген, сондай-ақ болжамды жәбірленушінің фотосуреті мен басқа да деректері бар ұялы телефонды тапсырған.

Жедел-тергеу іс-шараларының нәтижесінде қылмыстың барлық қатысушылары ұсталып, уақытша ұстау изоляторына қамалды. Заттай дәлелдемелер тәркіленді.

Кісі өлтіруге тапсырыс беруші жәбірленушінің туысы екені анықталды.

Жәбірленуші оған ағымдағы жылдың ақпан айында 500 мың АҚШ долларын сақтауға берген, бұл қылмыс жасауға себеп болған.

👉 Бізге жазыл | zakon.kz

⚡️Қасым-Жомарт Тоқаев VIII сайланған Қазақстан Республикасы Парламентінің бірінші сессиясының ашылуында сайлау туралы айтты.

«Сайлау науқаны кезінде көптеген орынды сын, байыпты ұсыныс айтылды. Біз айтылған салмақты ұсыныстарды міндетті түрде зерделейміз. Мемлекет басшысы ретінде айтарым, Мәжіліске көзқарасы әртүрлі саяси ұстанымдағы күштер келді деп есептеймін. Алғаш рет ұзақ жыл бойы оппозицияда болған партия Парламентке өтті. Біз осының бәріне ауқымды саяси реформаның арқасында қол жеткіздік. Партияларды тіркеу мәселесін реттейтін заңнаманың өзгеруі де бұған септігін тигізді», – деді Президент.

👉 Бізге жазыл | zakon.kz

⚡️ Қандай да бір саяси ұйымға артықшылық берілген жоқ.

Қасым-Жомарт Тоқаев VIII сайланған Қазақстан Республикасы Парламентінің бірінші сессиясында кезектен тыс депутаттар сайлауында партияларға, үміткерлерге бірдей мүмкіндік берілгенін мәлім етті.

«Үгіт-насихат кезеңін және дауыс беру барысын ақпарат құралдары жан-жақты көрсетті. Партияларға, үміткерлерге бірдей мүмкіндік берілді. Мұны отандық және шетелдік байқаушылар да айтып отыр. Қандай да бір саяси ұйымға артықшылық берілген жоқ. Президент ешбір партияның мүшесі емес. Облыс әкімдері партия бөлімшелеріне жетекшілік етпейді. Жоғары лауазымды қызметкерлер партия тізімінде болған жоқ. Яғни, барлық партиялар сайлауға бірдей жағдайда қатысты», - деді Президент.

👉 Бізге жазыл | zakon.kz

⚡️Экономикада және әлеуметтік салада жылдар бойы жиналып қалған түйткілдер бар.

Бұл туралы VIII сайланған ҚР Парламентінің бірінші сессиясы отырысында Мемлекет Басшысы Қасым-Жомарт Тоқаев айтты.

«Алдымызда айрықша маңызды міндеттер тұр. Біз жан-жақты жаңғырту жұмысын күшейтуіміз қажет. Сондай-ақ, әлеуметтік-экономикалық даму барысына тың серпін беруіміз керек. Еліміз ұзақ уақыт бойы қолайлы сыртқы ахуалға арқа сүйеп келді. Неше түрлі тұжырымдамаларға, бағдарламаларға сенді. Атқарылған жұмыс туралы жалған есепке сенуге мәжбүр болды. Алайда, аса маңызды, өзекті мәселелер назардан тыс қалды. Халықтың тұрмыс сапасы әлі күнге дейін жақсы емес. Құқықтық әділетсіздік белең алды. Бай мен кедейдің арасы алшақтай түсті. Алдағы бес жылда Үкімет және Парламент осы негізгі мәселелердің шешімін табуы қажет», - деді Президент.

👉 Бізге жазыл | zakon.kz

⚡️ Экономика әлі күнге дейін пайдалы қазбаларға тәуелді болып отыр.

Мемлекет басшысы Үкімет пен Парламентке геологиялық барлау және кеніштерді игеру ісіне инвестиция тартып, салаға қатысты нақты шаралар әзірлеуді тапсырды.

«Еліміздің өндірістік әлеуетін барынша арттыру маңызды. Қазақстан экономикасы әлі күнге дейін пайдалы қазбаларға тәуелді болып отыр, яғни ел экономикасының құрылымы қарапайым. Шын мәнінде, бізге қарқынды даму үшін күрделі, әртарапты экономикалық құрылым қажет. Әрине, шикізат нарығындағы әлемдік бәсекеде біздің өз артықшылығымыз бар. Қазіргі және стратегиялық міндеттерді орындау үшін оны тиімді пайдалану қажет. Сондықтан, осы саланы одан әрі дамыта беру керек», - деді Қасым-Жомарт Тоқаев.

👉 Бізге жазыл | zakon.kz

⚡️Мемлекет шын мұқтаж адамдарға ғана жәрдем береді.

Қасым-Жомарт Тоқаев VIII сайланған Қазақстан Республикасы Парламентінің бірінші сессиясында халықты баспанамен қамту саясаты қалай жалғасатынын айтты.

«Халықтың басым көпшілігі үшін тұрғын үй – ең өзекті мәселе. Маған азаматтардан күн сайын жүздеген өтініш келеді. Оның ішінде қолжетімді баспанамен қамтамасыз етуді сұраған хат өте көп. Бұл түйткіл мемлекет тарапынан мүмкіндігінше шешіліп жатыр. Тағы да қайталап айтамын, мемлекет шын мұқтаж адамдарға ғана жәрдем береді», - деді Президент.

👉 Бізге жазыл | zakon.kz

⚡️Алдағы уақытта су мәселесі ушығып кетуі мүмкін.

Бұл туралы Парламент палаталарының бірлескен отырысында Мемлекет Басшысы Қасым-Жомарт Тоқаев айтты.

«Тағы бір мәселе – су қауіпсіздігін қамтамасыз ету. Бұл – стратегиялық маңызы бар міндет. Алдағы уақытта су мәселесі ушығып кетуі мүмкін. Сол себепті, бізге оның алдын алу қажет. Қазір Үкімет Су кодексінің жаңа жобасын әзірлеп жатыр. Су ресурстарын тиімді басқаруға және оларды қорғауға баса назар аудару керек. Осы жұмыста ғылыми ұстанымды, инновацияны, халықаралық озық тәжірибені басшылыққа алған абзал. Біздің елде судың 65 пайызы ауыл шаруашылығы саласына жұмсалады. Соның 60 пайызға жуығы құмға сіңіп кетеді. Мұндай ысырапшылдыққа жол беруге болмайды.Жаңа тариф саясатына көшу қажет. Оны дереу қолға алмасақ, ахуал одан әрі күрделене түсетіні анық», - деді Президент.

👉 Бізге жазыл | zakon.kz

⚡️Қазақстанның халық әртісі атағы қалпына келтірілді.

Бұл туралы Мемлекет Басшысы Қасым-Жомарт Тоқаев VIII сайланған ҚР Парламентінің бірінші сессиясында айтты.

«Тағы бір маңызды мәселе бар. Мәдениет саласындағы саясатты жан-жақты ойластырып жүргізу керек. Қазір бұл саланы өркендету үшін жаңа тұжырымдама жасалып жатыр. Бұл құжат еліміздің мәдени мұрасын сақтау, насихаттау және ұлттық бірегейлікті нығайту ісінде шешуші рөл атқарады деп сенемін. Шығармашыл зиялы қауым көпшіліктің көңілінен шығатын, мемлекеттің мүддесіне сай келетін туындылар ұсынады деп үміттенемін», - деді Президент.

👉 Бізге жазыл | zakon.kz