⚡️Шахматшы Жансая Әбдімәлік өзін сынаған Бибісараға жауап қатты.

«Бибісара Асаубаеваның осы бір ұнамсыз өтірігіне қарамастан, қабылдаған шешімім үшін еш өкінбеймін. Шахматшылар қауіпсіз және лайықты жағдайда ойнауға тиіс. Мен әрқашан өз елімнің атын мақтанышпен, абыроймен танытуға дайынмын! Үндістандағы Олимпиаданы әлі де жақсы көңіл-күйде еске аламын, бірақ Делидегі жағдай шынымен де тым қолайсыз. Мен өз атыма кір келтірмес үшін осы жазбаны жариялауға мәжбүрмін», - деп жазды ол.

👉 Бізге жазыл | zakon.kz

⚡️Қазақстан Республикасының Президенті Қасым-Жомарт Тоқаев «Әділетті Қазақстан: бірлік, тұрақтылық, даму» атты тақырыпта өтетін Қазақстан халқы Ассамблеясының кезекті XXХІI сессиясын шақыру туралы өкімге қол қойды.

Қазақстан халқы Ассамблеясының XXХІI сессиясы 2023 жылы 26-27 сәуір күндері Астана қаласындағы Бейбітшілік және келісім сарайында өтеді.

👉 Бізге жазыл | zakon.kz

⚡️Қазақстан құрамасы кешегі жеңістен кейін өз тобында үшінші орынға көтерілді.

Екінші турдан кейін алты ұпаймен Словения көш бастап тұр. Төрт құрама үш ұпайдан жинады. Финляндияның жеңісінен кейін Дания екінші, Қазақстан үшінші орынға көтерілді. Одан кейінгі орындардағы Финляндия мен Солтүстік Ирландия да үш ұпайдан еншілеген. Әзірге Сан-Марино құрамасында ұпай жоқ.

👉 Бізге жазыл | zakon.kz

⚡️Қасым-Жомарт Тоқаев аралас жекпе-жек шебері Шавкат Рахмоновты қабылдады.

Президент спортшыны таяуда Лас-Вегас қаласында өткен UFC турнирінде жеңіске жетуімен құттықтады.

Өз кезегінде Шавкат Рахмонов арнайы қабылдағаны үшін Қасым-Жомарт Тоқаевқа алғыс айтты.

Сондай-ақ ол жанкүйерлердің үмітін ақтап, еліміздің мерейін асқақтата беретінін жеткізді.

👉 Бізге жазыл | zakon.kz

⚡️ Орталық сайлау комиссиясы ҚР Парламент Мәжілісі депутаттарының кезектен тыс сайлауының түпкілікті қорытындысын шығарды.

1. Amanat партиясы – 53,90% немесе 3 431 510 адам дауыс берді;

2. «Ауыл» халықтық-демократиялық партиясы – 10,90% немесе 693 938 адам дауыс берді;

3. Respublica партиясы – 8,59% немесе 547 154 адам дауыс берді;

4. Қазақстан халық партиясы – 6,8% немесе 432 920 адам дауыс берді;

5. «Байтақ» жасылдар партиясы – 2,30% немесе 146 431адам дауыс берді;

6. «Ақ жол» Қазақстан демократиялық партиясы – 8,41% немесе 535 139 адам дауыс берді;

7. Жалпыұлттық социал-демократиялық партиясы – 5,20% немесе 331 058 адам дауыс берді;

«Бәріне қарсымын» бағаны – 3,90% немесе 248 291 адам дауыс берді.

ОСК төрағасы Нұрлан Әбдіровтың дерегінше, 5 және одан да көп пайыз дауыс жинаған саяси партиялардың арасында Мәжіліс депутатының мандаттары былай бөлінді:

1. Amanat партиясы – 40 мандат;

2. «Ауыл» халықтық-демократиялық партиясы – 8 мандат;

3. Respublica партиясы – 6 мандат;

4. Қазақстан халық партиясы – 5 мандат;

5. «Ақ жол» Қазақстан демократиялық партиясы – 6 мандат;

6. Жалпыұлттық социал-демократиялық партия – 4 мандат.

👉 Бізге жазыл | zakon.kz

⚡️Қасым-Жомарт Тоқаев ҚХР Шыңжаң-Ұйғыр автономиялық ауданы ҚКП партия комитетінің хатшысы Ма Синжуйді қабылдады.

Әңгімелесу барысында өңіраралық ынтымақтастықты дамыту мәселесіне назар аударылды.

Қазақстан Шыңжаң өлкесімен өнеркәсіп, көлік, логистика, ауыл шаруашылығы және туризм секілді көптеген бағыт бойынша табысты қарым-қатынас жасап отыр.

Қасым-Жомарт Тоқаев Қазақстан Қытаймен стратегиялық серіктестік пен мәңгілік достық рухында жан-жақты ынтымақтастықты тереңдетуге баса мән беретінін айтты.

Мемлекет басшысы екі ел арасында барлық деңгейде белсенді әрі сенімді саяси диалог қалыптасқанына тоқталып, ҚХР-ды Қазақстанның басты сауда серіктестерінің бірі ретінде атап өтті.

Кездесу соңында Президент Шыңжаң басшысының Қазақстанға сапары өңіраралық байланысты тереңдетіп, оның бағыт-бағдарын нақтылай түсуге тың серпін беретініне назар аударды.

👉 Бізге жазыл | zakon.kz

⚡️Журналист Михаил Козачков 3,5 жылға шартты түрде сотталды.

Еске салайық, Қаржы мониторинг агенттігі Козачковты қылмыстық топқа рейдерлік басып алулар жасауға көмектесті деген күдікпен ұстаған еді.

👉 Бізге жазыл | zakon.kz

⚡️Қазақстан Халық партиясы Мәжіліс депутаттарының кандидатурасын бекітті.

Олар:

Магеррам Магеррамов
Ирина Смирнова
Гаухар Танашева
Кенжеғұл Сейтжан
Ислам Сұңқар

👉 Бізге жазыл | zakon.kz

⚡️«Ақ жол» партиясының Мәжілістегі депутаттары анықталды.

Олар:

Ерлан Барлыбаев
Ержан Бейсенбаев
Дания Еспаева
Қазыбек Иса
Азат Перуашев
Асқар Садықов

👉 Бізге жазыл | zakon.kz

⚡️Екі отандасымыз Оңтүстік Кореяға кіруіне тыйым салынғанына қарамастан аталған елге заңсыз кіріп кеткен.

Бүгінде біреуі ұсталып, екіншісі іздестіріліп жатыр.

Бұл туралы Сыртқы істер министрлігінің ресми өкілі Айбек Смадияров мәлім етті.

«Кореяға кіруге рұқсат берілмеген Қазақстанның екі азаматы Инчхон халықаралық әуежайынан заңсыз қашып кетті. Кейінірек олардың бірін жергілікті полиция ұстады, ал екінші отандасымыз іздеуде. Аталған азаматтар Оңтүстік Кореяға 24 наурызда Ташкент қаласынан «Koreana» әуекомпаниясының рейсімен келіп, депортациялық рейсті күтіп отырған. Содан кейін әуежайдан рұқсатсыз шығып кетіп қалған», - деді Айбек Смадияров.

👉 Бізге жазыл | zakon.kz

⚡️Respublica партиясы Мәжіліс депутаттарының кандидатурасын бекітті.

Олар:

Айдарбек Қожаназаров
Руслан Берденов
Динара Шүкіжанова
Динара Наумова
Нұргүл Тау
Олжас Құспеков

👉 Бізге жазыл | zakon.kz

⚡️Қазақстандық футболшылар Еуропа-2024 чемпионатының іріктеуінде Данияны жеңгені үшін қаржылай сыйақы алатын болды.

Бұл туралы құраманың бас бапкері Магомед Адиев хабарлады.

👉 Бізге жазыл | zakon.kz