Allabergenova bolajonlar xonadoniga bordi

🍭 Bugun Yakkasaroy tumani hokimi Nilufar Allabergenova Yangi yil bayrami arafasida tumandagi boquvchisiz va kam taʼminlangan oilalar farzandlariga ezgulik va quvonch ulashdi.

👍 U bolalarga yangi yil sovgʻalarini topshirib, ularning quvonchli kulishlari va qalblaridagi orzular bilan bogʻliq yana bir yorqin xotira hadya etdi.

👍🏻 Bu tadbir nafaqat sovgʻalar tarqatish, balki jamiyatning eʼtiborga muhtoj qatlamiga gʻamxoʻrlik koʻrsatish, ularni jamiyat hayotining ajralmas qismi sifatida his etishlarini taʼminlash yoʻlidagi katta bir qadamdir. Nilufar Allabergenova bolalar bilan dildan suhbatlashib, ularning Yangi yilga boʻlgan umidlari va kelajakka bogʻlagan orzularini eshitdi, ularning har biriga alohida eʼtibor va iliq munosabat koʻrsatdi.

👏 Bunday xayrli tashabbuslar nafaqat bolalarning bayramona kayfiyatini oshirishga, balki ularning qalbida gʻamxoʻrlik va mehr-oqibat tuygʻularini mustahkamlashga xizmat qiladi. Jamiyatda ezgulik va mehribonlik urugʻini sochishda shunday tadbirlarning ahamiyati beqiyosdir.

✍️ Yakkasaroy tuman hokimligi Matbuot xizmati

Allabergenova bolajonlarga Prezident sovgʻasini topshirdi

💠 Bugun, Yakkasaroy tumanidagi 1-sektor binosida, tuman hokimi Nilufar Allabergenova tomonidan kam taʼminlangan, boquvchisini yoʻqotgan va ijtimoiy himoyaga muhtoj oilalarning farzandlariga Prezident sovgʻalari topshirildi. Ushbu tadbirda hokim bolajonlarga yangi yilni kutib olish arafasida qalbidan chiqkan eng ezgu tilaklarini yetkazdi.

💠 Tuman hokimi Allabergenova, bolalar uchun sovgʻalarni topshirar ekan, ularga nafaqat moddiy, balki maʼnaviy qoʻllab-quvvatlashni ham taʼminlash zarurligini taʼkidladi. “Prezidentimizning sovgʻalari orqali biz bolalarimizga mehr, eʼtibor va gʻamxoʻrlikni yetkazmoqchimiz. Sizlar – bizning kelajagimiz, va biz sizlarning har biringizning baxtli va farovon kelajagingiz uchun doimiy ravishda saʼy-harakat qilamiz”, – dedi hokim.

💠 Tadbirda ishtirok etgan ota-onalar va bolalar ushbu eʼtiborni katta shodlik bilan qabul qildilar. Yangi yil arafasida boʻlib oʻtgan ushbu tadbir, ijtimoiy himoyaga muhtoj oilalarning farzandlariga chin dildan qoʻllab-quvvatlashni koʻrsatib, ularning kelajakka boʻlgan ishonchlarini yanada mustahkamladi.

🖇 Bu tadbirning taʼsiri esa, albatta, bolalarimizning qalbida uzoq vaqt saqlanadi va ular uchun yangi yilni yanada yorqinroq qiladi.

✍️ Yakkasaroy tuman hokimligi Matbuot xizmati