Koʻngil koʻngildan suv ichar

💢 Bugun, Yakkasaroy tumanidagi 25-sonli alohida taʻlim ehtiyojlari boʻlgan bolalar uchun ixtisoslashtirilgan maktabda Yangi yil bayrami oʻtkazildi.

💠 Ushbu tadbirda Yakkasaroy tumani hokimi Nilufar Allabbergenova, hokim oʻrinbosari O.Rixsiboyev, Toshkent shahar prokuraturasi masʼul xodimi, Ijtimoiy himoya milliy agentligi tuman boʻlimi rahbarlari hamda maktab oʻquvchilari faol ishtirok etdi.

🌟 Kecha davomida oʻquvchilar tomonidan tayyorlangan sahna koʻrinishlari, raqslar va qoʻshiqlar bayramona muhitga alohida mazmun bagʻishladi. Ular oʻz iqtidorlarini namoyish etib, mehmonlarga iliq taassurot uygʻotishdi. Bu ijodiy chiqishlar mehmonlar qalbiga zavq ulashib, bolalarning mahorati va mehnatining qadrlanishini namoyon qildi.

✅ Tadbir yakunida tuman hokimi Nilufar Allabbergenova oʻzining samimiy tilaklarini bildirib, bolalarga yangi yil sovgʻalarini topshirdi.

🌟 Shuningdek, tuman hokimi va masʼullar uyda taʼlim olib kelayotgan bolajonlarga ham bayram kayfiyatini ulashdilar.

✍️ Yakkasaroy tuman hokimligi Matbuot xizmati