Nilufar Allabergenova navbatdagi sayyor qabulini oʻtkazdi

💢 Bugungi kunda davlat tashkilotlari faoliyatini aholi murojaatlariga tezkor javob berish va ularning muammolarini bartaraf etishga yoʻnaltirish muhim ahamiyat kasb etmoqda.

💠 Shunday oʻzgarishlarning yorqin namunasi sifatida Yakkasaroy tuman hokimi Nilufar Allabergenova boshchiligida tuman Xalq qabulxonasi binosida oʻtkazilgan navbatdagi sayyor qabulni keltirish mumkin. Ushbu sayyor qabuldi Yakkasaroy tumani Xalq qabulxonasi mudiri, tuman hokimi oʻrinbosarlari hamda tumanning turli sohalaridagi masʼul rahbarlar ishtirok etdilar.

💠 Qabul jarayonida aholi oʻzi uchun dolzarb boʻlgan ishga joylashish, kommunal sohadagi muammolarni bartaraf etish, uy-joy masalalari, taʼmirlash, shuningdek, subsidiyalar olish kabi masalalar boʻyicha oʻz murojaatlarini bildirishdi. Tashkil etilgan qabul jarayoni aholi bilan davlat tashkilotlari oʻrtasidagi munosabatni mustahkamlash va ularni qiynayotgan masalalarga tezkorlik bilan yechim topishga xizmat qilmoqda.

💠 Murojaat qilgan fuqarolarning koʻpchiligida muammolar joyida hal etilib, mavjud muammolarni bartaraf etish uchun zarur chora-tadbirlar belgilab olindi. Hal etilishi vaqt talab etadigan masalalar boʻyicha aniq muddat belgilanib, tegishli tashkilotlar va mutasaddilarga masʼuliyat yuklatildi.

💠 Bunday qabullar aholi muammolarini eshitish va ularga yechim topishga boʻlgan bunday intilishlar, shubhasiz, mamlakatimizdagi ijtimoiy muhitni yanada yaxshilash, har bir fuqaroning himoyalanganini his qilishiga zamin yaratadi.

✍️ Yakkasaroy tuman hokimligi Matbuot xizmati

Nilufar Allabergenova vadasini bajardi

🌟 Yakkasaroy tumani hokimi Nilufar Allabergenova fuqarolar bilan bevosita muloqot oʻrnatishga alohida ahamiyat bermoqda. U soʻnggi paytlarda joylarda sayyor qabul tadbirlarini oʻtkazib kelmoqda. Kuni kecha 1-sektor binosida tashkil etilgan navbatdagi sayyor qabulda, hududdagi aholi oʻz muammolari va takliflarini aytib oʻtgan edilar.

💠 Ushbu qabulda “Boshliq” mahallasida yashovchi ikki fuqaro, hokimdan tikuvchilik bilan shugʻullanish uchun subsidiya asosida tikuv mashinasini olishga yordam soʻradi. Ular oʻz xonadonlarida oʻzlarini band qilish va oilalariga qoʻshimcha daromad keltirish maqsadida tikuvchilik qilish maqsadlarini bildirib oʻtdilar.

💢 Allabergenova mahalladagi hokim yordamchisi va Yakkasaroy tumani Kambagʻallikni qisqartirish va bandlikka koʻmaklashish boʻlimi rahbariga ushbu murojaatni oʻrganib, amaliy yordam berish boʻyicha kerakli koʻrsatmalar berib oʻtgan edi.

🖇 Bugun esa tuman hokimi Nilufar Allabergenova fuqarolarga bergan vadasini bajardi. Fuqarolar xonadonida boʻlib ularga 1 dona toʻgʻri chok va 1 dona overlock tikuv mashinasini topshirdi.

✍️ Yakkasaroy tuman hokimligi Matbuot xizmati

Allabergenova maktab qurilishi bilan tanishdi

📎 Yakkasaroy tuman hokimi Nilufar Allabergenova tumandagi 48-sonli maktabga o‘rganish olib borib, maktab hududida qurilayotgan yangi o‘quv binosi loyihasi bilan yaqindan tanishdi.

✨ Ushbu loyiha ta’lim sifatini yanada oshirish hamda o‘quvchilar uchun zamonaviy va qulay sharoitlar yaratishga qaratilgan.

📎 1976-yilda qurilgan ushbu maktab dastlab 820 o‘rin uchun mo‘ljallangan bo‘lsa-da, bugungi kunda 1169 nafar o‘quvchi bilim olmoqda. O‘zbekiston Respublikasi Prezidenti tomonidan tasdiqlangan 2024-2026-yillarda ijtimoiy infratuzilmani rivojlantirish chora-tadbirlari doirasida yangi 660 o‘rinli bino qurilishi uchun davlat budjetidan 9 milliard 10 million so‘m ajratildi. Bu nafaqat maktab quvvatini oshiradi, balki o‘quvchilarning sifatli ta’lim olishini ta’minlaydi.

💢 Nilufar Allabergenova qurilish jarayonlari bilan yaqindan tanishib, ishlarni sifatli va belgilangan muddatda yakunlash bo‘yicha mas’ullarga tegishli topshiriqlar berdi. Bu yangi bino nafaqat tuman ta’lim sohasiga hissa qo‘shadi, balki kelajak avlod uchun zamonaviy sharoitlarda bilim olish imkoniyatini taqdim etadi.

💠 Shuningdek, tuman hokimi maktabning kuz-qish mavsumiga tayyorgarlik holatini ko‘zdan kechirib aniqlangan kamchiliklar bo‘yicha mas’ullarga tegishli ko‘rsatmalar berib o‘tdi.

✍️ Yakkasaroy tuman hokimligi Matbuot xizmati