Nilufar Allabergenovaning navbatdagi sayyor qabuli boʻlib oʻtdi

💠 Bugun Yakkasaroy tumani hokimi Nilufar Allabergenova ishtirokida 1-sektor binosida "Dilbuloq" mahallasida sayyor qabul oʻtkazildi.

💢 Qabul davomida mahalla aholisining turli masalalar boʻyicha murojaatlari atroflicha koʻrib chiqildi. Jumladan, kommunal xizmatlar bilan bogʻliq muammolar, tibbiy yordam olish, ayniqsa, jarrohlik amaliyotlarini oʻtkazishga koʻmaklashish, tadbirkorlik faoliyatini boshlash uchun kreditlar ajratish va boshqa masalalar boʻyicha murojaatlar tinglandi. Har bir murojaat diqqat bilan eshitilib, uni hal etish yoʻllari muhokama qilindi.

💠 Tuman hokimi Nilufar Allabergenova qabul yakunida har bir masala yuzasidan masʼullarga aniq vazifalar topshirdi va ularni oʻz vaqtida hal etish uchun belgilangan muddatlarni belgiladi.

💠 Shuningdek, fuqarolarning murojaatlarini hal qilish jarayoni shaxsiy nazoratida boʻlishini taʼkidladi.

💠 Allabergenova “Xalq davlat idoralariga emas, balki davlat organlari xalqqa xizmat qilishi kerak”, degan tamoyilga amal qilish muhimligini taʼkidlab, bunday ochiq muloqotlar aholi va hokimiyat oʻrtasidagi ishonchni mustahkamlashda katta ahamiyatga ega ekanini qayd etdi.

💠 Bugungi kunda har bir tashkilotning zimmasiga yurtni rivojlantirish, fuqarolarning ishonchini mustahkamlash va ularning kelajakka boʻlgan ishonchini oshirish kabi vazifalar yuklatilgan boʻlib, bunday sayyor qabullar mana shu maqsadlarga erishishda muhim oʻrin tutadi.

📎 Bunday tadbirlar nafaqat muammolarni aniqlash va hal qilishga xizmat qiladi, balki yurtimizda olib borilayotgan islohotlarning ijobiy natijalarini xalqqa yaqindan koʻrsatish imkonini ham yaratadi.

✍️ Yakkasaroy tuman hokimligi Matbuot xizmati

Nilufar Allabergenova fuqaro murojaatini joyida borib oʻrgandi

💢 Xabar berganimizdek, Yakkasaroy tumani hokimi Nilufar Allabergenovaning “Dilbuloq” mahallasidagi 1-sektor binosida sektor hududidagi mahalla fuqarolari uchun sayyor qabuli boʻlib oʻtdi. Unda turli masalalar boʻyicha aholining murojaatlari tinglanib, har biriga alohida eʻtibor qaratildi.

💠 Qabul davomida aholi kommunal xizmatlar bilan bogʻliq qiyinchiliklar, tibbiy yordam olishda, xususan, jarrohlik amaliyotlarini amalga oshirishda yordam koʻrsatish zaruriyati, tadbirkorlik faoliyatini boshlash uchun kredit ajratish kabi masalalarni koʻtardi. Barcha murojaatlar chuqur tahlil qilinib, har bir muammo yechimi boʻyicha aniq chora-tadbirlar ishlab chiqildi va tegishli mutasaddilarga topshiriqlar berildi.

💠 Bundan tashqari, “Qushbegi” mahallasining 11-koʻp qavatli uyida yashovchi fuqarolarning murojaati yuzasidan Nilufar Allabergenova shaxsan joyiga chiqib, ahvolni oʻrgandi.

💠 Ushbu jarayonda aholiga qulay sharoitlar yaratish va ularning turmush sifatini oshirish boʻyicha aniq koʻrsatmalar berilib, tegishli hokim oʻrinbosarlari va mutasaddi idoralar zimmasiga masalani hal qilish vazifalari yuklatildi.

✍️ Yakkasaroy tuman hokimligi Matbuot xizmati