❓Yil davomida qaysi kunlar “Avtomobilsiz kun” bo’ladi?

Avval xabar berganimizdek, Hukumat topshirig'iga binoan, endilikda har oyning to’rtinchi chorshanba kuni “Avtomobilsiz kun” jamoatchilik loyihasi o’tkaziladi.

O’zA ushbu loyiha 2024-yilda qaysi kunlarga to’g’ri kelishi haqida ma’lumot berdi:

• 24-aprel;
• 22-may;
• 26-iyun;
• 24-iyul;
• 28-avgust;
• 25-sentyabr;
• 23-oktyabr;
• 27-noyabr;
• 25-dekabr.

“Avtomobilsiz kun” jamoatchilik loyihasida vazirlik va idoralar, hududiy ijro etuvchi hokimiyat organlarining rahbar va mas'ul xodimlari ish joyiga jamoat transportida kelib, namuna ko'rsatib borishi belgilandi.


👉 @xushnudbek 👈

Axmedxadjayev Azim Israilovich energetika vazirining birinchi o‘rinbosari — Atom energetikasini rivojlantirish agentligi direktori etib tayinlandi.

U bunga qadar ham energetika vazirining birinchi o‘rinbosari edi. Faqat endilikda uning zimmasiga Atom energetikasini rivojlantirish agentligi direktorligi vazifasi ham yuklandi.

***

Mamatkarimov Baxtiyor Rustamovich energetika vazirining birinchi o‘rinbosari etib tayinlandi. U bunga qadar Andijon tumani hokimi edi.

***

Qobilov Azizxo‘ja Ochilovich energetika vazirining o‘rinbosari etib tayinlandi. U 2023-yil 31-yanvar kuni tog'-kon va geologiya vazirining o'rinbosari etib tayinlangan edi.


👉 @xushnudbek 👈

30-mart, shanba (20-kun)
Saharlik vaqti: 04:49
Iftorlik vaqti: 18:48 (Toshkent vaqti)

Rizo. «Ruhiy tarbiya» turkumidan.

Muallif: Shayx Muhammad Sodiq Muhammad Yusuf

#ramazon #ruhiytarbiya


👉 @xushnudbek 👈

Umumiy oʻrta taʼlim muassasalarida yakuniy davlat attestatsiyasi oʻtkazish tartibi tasdiqlandi

❗️ Unga koʻra, 9-sinf oʻquvchilarining yakuniy davlat attestatsiyasi:
➖Ona tili va adabiyoti fanidan — yozma;
➖Davlat tili (taʼlim tili oʻzbek tili boʻlmagan sinflar uchun)dan — yozma;
➖Matematika fanidan — yozma;
➖Oʻzbekiston tarixi fanidan — yozma/ogʻzaki;
➖Jismoniy tarbiya fanidan — amaliy shaklda oʻtkaziladi.

❗️ 11-sinf oʻquvchilarining yakuniy davlat attestatsiyasi:
➖Ona tili va adabiyoti fanidan — yozma (insho);
➖Matematika fanidan — yozma;
➖Davlat tili (taʼlim oʻzbek tilida olib borilmaydigan umumiy oʻrta taʼlim muassasalari uchun, taʼlim muassasasi tanlovi asosida)dan — yozma va ogʻzaki;
➖Chet tili fanidan — yozma/ogʻzaki;
➖Oʻzbekiston tarixi fanidan — yozma/ogʻzaki;
➖ Kimyo, Fizika, Davlat huquq asoslari, Geografiya fanlaridan (oʻquvchining tanlovi boʻyicha) — yozma shaklda oʻtkaziladi.

✔️ Ma’lumot uchun, 2025-yildan boshlab ta’lim o‘zbek tilida olib borilmaydigan umumiy o‘rta ta’lim muassasalarining 11-sinf bitiruvchilari uchun Davlat tilidan yakuniy nazorat imtihonlarini topshirish majburiy bo‘lishi belgilanmoqda.


👉 @xushnudbek 👈

❗️Amaliy harakatlar boshlandi: 1-iyundan avtomobillarga ekologik stikerlar berish va hududlarni “yashil”, “sariq”, “qizil” zonalarga ajratish boshlanadi

Bu haqda Hukumat qarori qabul qilindi, deya xabar bermoqda O’zA.

Qarorga koʻra, 2024-yil 1-iyundan boshlab transport vositalari ekologik tekshiruvdan o’tkaziladi.

Diagnostik tekshiruv natijalariga asosan transport vositalariga qalbakilashtirishdan himoyalangan va elektron belgiga ega stikerlar beriladi. Shunga koʻra, transport vositalari “yashil”, “sariq” va “qizil” ranglar bilan belgilanadigan “toza”, “oʻrta” va “zararli” ekologik toifalarga boʻlinadi.

❗️Diagnostik tekshiruvlar va stikerlar berish BEPUL amalga oshiriladi.

Shuningdek, ekologik holatdan kelib chiqib hududlar “yashil”, “sariq” va “qizil” zonalarga bo’linadi. Agar havo ifloslanishi juda ortib ketib qolsa, “qizil” hududlarga stikeriga qarab ayrim mashinalar kirishi taqiqlanadi.

Tartibni buzganlarga jarima solinadi, jarimadan tushgan mablag’lar esa ekologiya va atrof-muhitni yaxshilash uchun sarflanadi.

Ushbu “Ekologik transport” tizimi 2030-yilgacha bosqichma-bosqich joriy etiladi.


👉 @xushnudbek 👈

Eski mashina egalariga yangisiga almashtirish uchun subsidiya beriladi

Bu haqda Hukumat qarori (166-sonli, 29.03.2024) qabul qilindi.

Qarorda aytilishicha, iqtisodiyot va moliya vazirligi bir oy muddatda aholiga “zararli” toifadagi transport vositalarini “toza” toifadagi transport vositalariga almashtirish uchun subsidiya berish tizimini joriy etish bo‘yicha Vazirlar Mahkamasiga taklif kiritadi.


👉 @xushnudbek 👈

31-mart, yakshanba (21-kun)
Saharlik vaqti: 04:48
Iftorlik vaqti: 18:49 (Toshkent vaqti)

Muroqaba. «Ruhiy tarbiya» turkumidan.

Muallif: Shayx Muhammad Sodiq Muhammad Yusuf

#ramazon #ruhiytarbiya


👉 @xushnudbek 👈

Zargarlik buyumlari ishlab chiqarish uchun olib kiriladigan qimmatbaho toshlarni QQSdan ozod qilish rejalashtirilmoqda

Bu haqdagi qonun senatorlar tomonidan ma’qullandi.

✅ Qonun bilan quyidagilar belgilanmoqda:

➖ Soliq kodeksiga zargarlik buyumlarini ishlab chiqarish uchun foydalaniladigan qimmatbaho toshlarni O‘zbekiston hududiga olib kirish qo‘shilgan qiymat solig‘idan ozod qilinishini nazarda tutuvchi qo‘shimcha kiritish;

➖ Soliq kodeksini kasaba uyushmalari tizimidagi bolalar sog‘lomlashtirish oromgohlari negizida bolalarning dam olish mavsumidan tashqari davrda tashkil etiladigan dam olish uylarining va dam olish zonalarining mazkur yo‘nalishdagi xizmatlarni ko‘rsatishdan olgan foydasi foyda solig‘idan ozod qilinishi to‘g‘risidagi norma, ushbu zonalar majburiy sertifikatlashtirishdan ozod etilishini nazarda tutuvchi o‘zgartirish kiritish.


👉 @xushnudbek 👈

Kechki mutolaa
(o‘qish yoki eshitish uchun 7 daqiqa vaqtingiz ketadi)

Benjamon Franklin. Hushtak (hikoya)

Izoh: hikoya qahramoni 7 yoshida o‘rtoqlari qaysidir bayramda sovg‘a qilgan bir hovuch chaqaga o‘yinchoqlar do‘konidan hushtak sotib oladi. Sevinchi ichiga sig‘may hushtagini quloqlarni qomatga keltirib chalib yurgan bolakay ushbu matohni o‘z narxidan to‘rt baravar qimmatga sotib olganini bilgach, dunyo ko‘ziga qorong‘i bo‘lib ketadi. Biroq aynan shu voqea uning hayotini tubdan o‘zgartirgan deyish mumkin. Qanday qilib deysizmi? Buni atigi 7 daqiqa vaqt ajratib, hikoyani o‘qib/tinglab bilib olishingiz mumkin.

📖 Matnni o‘qish uchun: https://teletype.in/@xushnudbek/Benjamin-Franklin-Hushtak-hikoya

🎧 Audio hikoyani eshitish uchun: https://youtu.be/56A6jTxPD6o

💬 Muhokama bu yerda.

🎙 Bugungi hikoya audiosini Madina Musayeva o‘qigan.

📚 “Kechki mutolaa” doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

«Metan» gaz uchun eng baland chakana narx 3 ming 350 so’m etib belgilandi

Endilikda avtomobillarga gaz to‘ldirish kompressor shoxobchalarida tabiiy gazni sotishda uning eng baland chakana narxi 2024-yil 1-iyungacha bir kub metr uchun 3 ming 350 so‘m qilib belgilanmoqda.

Ya’ni 1-apreldan e’tiboran yakuniga yetishi kerak bo‘lgan eng baland chakana narx uchun belgilangan muddat yana ikki oy davomida juz’iy o‘zgartishlar bilan amal qiladi (avvalgi narx 3 250 so‘m edi).


👉 @xushnudbek 👈