#Taqdimot

O‘zbekiston Respublikasi Prezidenti tomonidan joriy yilning 16-fevral kuni tasdiqlangan PQ-59 sonli Jamoat transporti tizimini isloh qilish chora-tadbirlari to‘g‘risida qarorining ijrosini ta’minlash maqsadida Xorazm viloyati transport boshqarmasi tomonidan amaliy ishlar olib borilmoqda.

Bugun, Urganch shahar hokimligida Toshkent davlat transport universiteti bilan hamkorlikda ishlab chiqilgan Urganch shahrida transport tizimini takomillashtirish bo‘yicha mikro modelining taqdimoti o‘tkazildi.

Мodelda Urganch shahrida jamoat transportidan foydalanish samaradorligini oshirish, avtobuslar uchun alohida yo‘laklarni tashkil etish, transport infratuzilmasini rivojlantirish, yo‘llardagi mavjud tirbandliklarni oldini olish va videokuzatuv moslamalarini o‘rnatish kabi masalalarning eng samarali yechimlari ko‘rsatib o‘tilgan.

Urganch shahar hokimi O.Xolboyev bosh reja bilan tanishib Urganch shahrida transport tizimini boshqarishni takomillashtirish bo‘yicha o‘z takliflarini bildirdi.

Shu bilan birga, mutaxassislar tomonidan Urganch davlat universiteti hududida tashkil etilishi ko‘zda tutilgan zamonaviy avtobekat joylashuvini ko‘zdan kechirdilar.

Ma’lumot uchun: Urganch shahrida transport tizimini takomillashtirish bo‘yicha ishlanayotgan bosh reja joriy yilning 1 iyun kunidan boshlab amaliyotga tatbiq etilishi ko‘zda tutilgan.

Xorazm viloyati transport boshqarmasi Matbuot xizmati