#targʻibot#ta’lim#turizm#tafsilot

🇺🇿🇿🇦Janubiy Afrikada “O‘zbekiston: bebaho madaniy meros” nomli madaniy dastur o‘tkazildi (+video)

🟢2025-yil Samarqandda bo‘lib o‘tishi rejalashtirilgan YUNESKO Bosh konferensiyasining 43-sessiyasi doirasida O‘zbekistonning madaniy merosini dunyo miqyosida tanitish maqsadida Abu Rayhon Beruniy nomidagi Urganch davlat universiteti tomonidan Janubiy Afrikaning Limpopo davlat universitetida “O‘zbekiston: bebaho madaniy meros” nomli madaniy dastur o‘tkazildi.

🟢Taqdimot dasturida O‘zbekistonning betakror madaniyati, me’morchilik yodgorliklari va ulug‘ ajdodlarimizning ilmiy faoliyatiga bag‘ishlangan videorolik namoyish etildi. Yurtimizning milliy hunarmandchiligi, miniatyura san’ati va boshqa madaniy elementlari ko‘rgazmasi tashkil etildi. Shuningdek, San’at kafedrasi professor-oʻqituvchilari tomonidan Xorazm milliy kuy-qo‘shiqlari va folklor chiqishlari bilan o‘ziga xos konsert dasturi taqdim etildi.

🟢Qolaversa, Limpopo davlat universiteti va Urganch davlat universiteti oʻrtasida talaba va professor-oʻqituvchilar almashinuvini yoʻlga qoʻyish, ilmiy soha boʻyicha hamkorlikni oʻrnatish,shuningdek, matematika va kompyuter ilmlari, qishloq xoʻjaligi va tabiiy fanlar, lingvistika, tarjimashunoslik hamda iqtisodiyot sohalarida hamkorlikni rivojlantirishga qaratilgan shartnoma imzolandi.

📱FULL HD formatda: https://www.youtube.com/watch?v=QlgR9ol2Arc

Xorazm.uz | Facebook | Telegram | Instagram