#Qonunchilikdagi_yangiliklar #Huquqiy_asoslar #Davlat_kadastrlari_palatasi #Vazifalar

🔰 Loyiha doirasida:

➖ qishloq xo‘jaligiga mo‘ljallangan yerlarda – faqat qishloq xo‘jaligi ishlab chiqarishi uchun qishloq xo‘jaligi maqsadlarida;

➖ qishloq xo‘jaligiga mo‘ljallanmagan yerlarda – qonunchilik bilan taqiqlanmagan har qanday faoliyatni amalga oshirish mumkin.

⚠️ Yakka tartibdagi uy-joy va ko‘p kvartirali uylar qurilishini nazarda tutuvchi loyihalar yirik investisiya loyihasi hisoblanmaydi va ko‘rib chiqilmaydi.

❌ Tanlangan yerga bo‘lgan huquqning bozor qiymatidan kam qiymatdagi yirik investisiya loyihasi bo‘yicha takliflar ko‘rib chiqilmaydi.

🖥 Bo‘sh turgan yer uchastkasi bo‘yicha hujjatlar yig‘ma jildi Kadastr agentligining Davlat kadastrlari palatasi tomonidan “YERELEKTRON” AAT orqali tayyorlanadi.

BATAFSIL

#Qonunchilikdagi_yangiliklar

Soliqlarni to‘lashni kechiktirish mexanizmlari takomillashtiriladi

“Mahalliy va xorijiy investorlar tomonidan soliqlarni to‘lashni kechiktirish mexanizmlarini takomillashtirish to‘g‘risida”gi Prezident qarori (PQ–5274-son, 02.11.2021 y.) qabul qilindi.

✅ Qarorga ko‘ra, 2022 yil 1 yanvardan tadbirkorlik subyektlariga (davlat ulushi 50 foizdan yuqori bo‘lgan korxonalar, yer qaʼridan foydalanuvchilar va aksiz osti mahsulotlari ishlab chiqaruvchilar bundan mustasno) umumiy maydoni 1 000 kvadrat metrdan ortiq bo‘lgan yer uchastkalari, bino va inshootlarga nisbatan mulk huquqini qo‘lga kiritganda mol-mulk solig‘i va yer solig‘i bo‘yicha hisoblangan soliqlarni to‘lashni 6 oyga kechiktirish huquqi beriladi.

☑️ Bunda:

➖ soliqlarni to‘lashni kechiktirish mulk huquqi davlat ro‘yxatidan o‘tkazilgan kundan boshlab 3 oy muddat ichida davlat soliq xizmati organlarini xabardor qilgan va uning to‘lanishini taʼminlash (garov) talab etilmagan holda amalga oshiriladi;

➖ soliqlarni to‘lashni kechiktirishning amal qilish muddati xabarnoma yuborilgan kundan boshlab hisoblanadi hamda uning tugagan sanasidan boshlab kechiktirilgan soliq summasi hisoblangan foizlar bilan birga teng ulushlarda bir yil davomida to‘lab beriladi. Soliq to‘lash muddatlarini o‘zgartirish imkoniyatini berishdan foydalanganlik uchun foizlar soliqlar kechiktirilgan sanadan boshlab Markaziy bank asosiy stavkasining 50 foizi miqdorida hisoblanadi;

➖ yer uchastkasi, bino va inshootlar soliq to‘lovlarini kechiktirish muddati davomida sotilgan yoki ijaraga berilgan taqdirda, mol-mulk solig‘i va yer solig‘i bo‘yicha kechiktirish muddati davomida hisoblangan soliq summasi to‘liq miqdorda undiriladi;

➖ soliq qonunchiligini buzish xavfi yuqori bo‘lgan soliq to‘lovchilar guruhiga kiritilgan tadbirkorlik subyektlariga soliqlarni to‘lashni kechiktirish taqdim etilmaydi.

Kanalga ulanish👇👇👇
https://t.iss.one/huquqiyaxborot_lotin

▫️1 iyundan qonunchilikdagi o‘zgarishlar▫️

2022 yil 1 iyundan kuchga kiradigan milliy qonunchilikdagi asosiy o‘zgartirishlar sharhini taqdim etamiz.

🔹Davlat xizmatchilarining ish haqi oshiriladi

🔹Tibbiyot muassasalari tibbiyot, farmasevtika va boshqa xodimlarining oylik lavozim maoshlari oshiriladi

🔹Oliy ta’lim muassasalariga o‘qishga qabul qilishda o‘tkaziladigan kirish test sinovlari uchun kimlar to‘lovlarni amalga oshirmaydilar

🔹Litsenziyalashning yangi tartibi joriy etiladi

🔹Xorijda Tashqi mehnat migratsiyasi agentligining vakolatxonalari ochiladi

🔹Volontyorlar elektron platformasi ishga tushiriladi

🔹Tibbiyot xodimlari emlanadi

🔹Nogironligi bo‘lgan shaxslar uchun qo‘shimcha imtiezlar joriy qilinadi.

🔹Olimlar O‘zbekistonning halqaro reytinglari bilan shug‘ullanadilar.

#DavKadastrPalata #qonunchilikdagi_yangiliklar

Ijtimoiy tarmoqlardagi sahifalarimiz:
Telegram | Facebook| Instagram |YouTube

#Qonunchilikdagi_yangiliklar

❗️Dehqonchilik uchun yerlar aholiga 30 yilga ijaraga beriladi

“Dehqon xoʻjaliklari tashkil etishni qoʻllab-quvvatlash orqali aholi daromadlarini oshirish boʻyicha qoʻshimcha chora-tadbirlar toʻgʻrisida”gi Prezident qarori (PQ–373-son, 10.09.2022-y.) qabul qilindi

✅ Qarorga muvofiq, fermerlar va klasterlar foydalanishidagi paxta va gʻalladan qisqartirilgan hamda aholi punktlariga yaqin va suv taʼminoti yaxshi boʻlgan yerlardan 2022-yil yakunigacha qoʻshimcha 20 ming gektar – umumiy 100 ming gektar ekin maydonlari, 2023-yilda 95 169 gektar ekin maydonlari aholiga ochiq elektron tanlov orqali ijaraga beriladi.

🔰 Bunda ekin maydonlari 30 yil muddatga:

▫️suv taʼminoti yaxshi boʻlgan yerlardan – Andijon, Namangan va Fargʻona viloyatlarida 0,15 gektardan 1 gektargacha, boshqa viloyatlarda 0,30 gektardan 1 gektargacha hamda Qoraqalpogʻiston Respublikasida 0,30 gektardan 2 gektargacha boʻlgan oʻlchamlarda;
▫️kam suvli yerlardan – viloyatlarda 0,50 gektardan 1 gektargacha hamda Qoraqalpogʻiston Respublikasida 0,50 gektardan 2 gektargacha boʻlgan oʻlchamlarda ijaraga beriladi.

📝 2022–2023-yillarda ekin maydonlarini aholiga berish uchun oʻtkaziladigan tanlovda 1 ta talabgor ishtirok etsa ham, istisno tariqasida, tanlov oʻtkazilgan hisoblanadi.

☑️ Issiqxona rivojlangan tumanlarda dehqon xoʻjaliklariga ajratib berilgan ekin maydonlarida isitish tizimlarini oʻrnatmagan holda yengil konstruksiyali issiqxonalar qurilishiga ruxsat beriladi.

📌 “Temir daftar”, “Ayollar daftari” va “Yoshlar daftari”ga kiritilgan aholiga dehqon xoʻjaligini uchun yer tanlov orqali ijaraga berilganda, ular daftarlardan chiqarilmaydi va ular uchun barcha imtiyoz va preferensiyalar bir yilga saqlab qolinadi.

Kadastr agentligi va Davlat kadastrlari palatasi Xorazm viloyati boshqarmalari Axborot xizmati

Telegram l Instagram l Facebook l Youtube

#Qonunchilikdagi_yangiliklar

Mol-mulkka taqiq qo'yilganligi to'g'risidagi elektron ma'lumotlar banki joriy etiladi

Hukumat qarori (468-son, 22.08.2022-y.) bilan Boshqa shaxsga o'tkazish taqiqlab yoki xatlab qo'yilgan mol-mulklar elektron ma'lumotlar bankini shakllantirish, yuritish va undan foydalanish to'g'risidagi nizom tasdiqlandi

✅ Qarorga ko'ra, 2022-yil 1-oktyabrdan “Notarius” avtomatlashtirilgan axborot tizimida mol-mulkni boshqa shaxsga o'tkazish taqiqlab (xatlab) qo'yilganligi, shuningdek taqiqlab (xatlab) qo'yish bekor qilinganligi to'g'risidagi elektron ma'lumotlar banki joriy etiladi.

🔰Ma'lumotlarni elektron ma'lumotlar bankiga kiritishda:

▫️jismoniy shaxsning shaxsiga oid va avtomototransport vositalariga oid ma'lumotlar – Ichki ishlar vazirligi;
▫️yuridik shaxsga oid ma'lumotlar – Adliya vazirligi;
▫️ko'chmas mulkka oid ma'lumotlar – Davlat soliq qo'mitasi huzuridagi Kadastr agentligi;
▫️qishloq xo'jaligi, melioratsiya va yo'l-qurilish texnikalariga oid ma'lumotlar – Vazirlar Mahkamasi huzuridagi Agrosanoat majmui ustidan nazorat qilish inspeksiyasi;
▫️attraksionlar va ko'tarish inshootlari (minora kranlari)ga oid ma'lumotlar – Sanoat xavfsizligi davlat qo'mitasi;
▫️kemalarga oid ma'lumotlar – Transport vazirligi;
▫️kichik hajmli kemalarga oid ma'lumotlar – Favqulodda vaziyatlar vazirligi Kichik hajmli kemalar inspeksiyasining elektron axborot tizimlari orqali real vaqt rejimida amalga oshiriladi.

🔘 Elektron ma'lumotlar banki davlat tilida shakllantiriladi va yuritiladi.

📝 Notarius elektron ma'lumotlar banki orqali mol-mulkni boshqa shaxsga o'tkazishni taqiqlab qo'yishi va taqiqni bekor qilishi mumkin.

❕Mol-mulkni boshqa shaxsga o'tkazishni taqiqlab yoki xatlab qo'yish, shuningdek, uni bekor qilishda to'lov undirilmaydi.

⏩ Murojaatga asosan elektron ma'lumotlar bankida mavjud ma'lumotlar notarius va (yoki) notarial arxiv mudiri tomonidan to'g'ridan-to'g'ri yoki YIDXP (my.gov.uz) orqali yoxud E-notarius.uz axborot portali orqali taqdim etiladi.

Kadastr agentligi va Davlat kadastrlari palatasi Xorazm viloyati boshqarmalari Axborot xizmati

Telegram l Instagram l Facebook l Youtube

#Qonunchilikdagi_yangiliklar

Geografik obyektlarga nom berishda aholining fikri o'rganiladi

“Geografik obyektlarning nomlari to'g'risida”gi O'zbekiston Respublikasi Qonuniga o'zgartish va qo'shimchalar kiritish haqida”gi Qonun (O'RQ–799, 02.11.2022 y.) Prezident tomonidan imzolandi

✅ Qonunga ko'ra, geografik obyektlarga jahon tarixida chuqur iz qoldirgan shaxslarning ismi-sharifini berishga yo'l qo'yildi.

📃 Bunda O'zbekiston yoki jahon tarixida chuqur iz qoldirgan shaxslarning ismi-sharifini berish ularning vafotidan keyin Prezidentining qaroriga asosan hamda, qoida tariqasida, nomlari mavjud bo'lmagan aholi punktlarining tarkibiy qismlariga nisbatan amalga oshiriladi.

❗️ Geografik obyektlarga nom berish va ularning nomlarini o'zgartirish to'g'risida takliflar tayyorlash jarayonida mahalliy aholining fikri hisobga olinadi.

🗓  Takliflar kelib tushganidan keyin muhokama qilish uchun ularni 5 ish kunida tegishli organlar o'zlarining rasmiy nashrlarida, rasmiy veb-saytlarida, shuningdek ommaviy axborot vositalarida e'lon qiladi.

🔹 Shuningdek, takliflar muhokamasi ular e'lon qilingan sanadan e'tiboran 15 kundan kam bo'lmasligi kerak.

Kadastr agentligi va Davlat kadastrlari palatasi Xorazm viloyati boshqarmalari Axborot xizmati

Telegram  l Instagram l Facebook l Youtube

#Qonunchilikdagi_yangiliklar

Standartlashtirish to'g'risida yangi qonun qabul qilindi

“Standartlashtirish to'g'risida”gi Qonun (O'RQ–800, 03.11.2022-y.) Prezident tomonidan imzolandi

🔰 Qonunga ko'ra, O'zbekistonning milliy standartlashtirish tizimini quyidagilar tashkil etadi:

▫️Investisiyalar va tashqi savdo vazirligi huzuridagi O'zbekiston texnik jihatdan tartibga solish agentligi;
▫️Standartlashtirish bo'yicha milliy organ;
▫️davlat va xo'jalik boshqaruvi organlari;
▫️standartlashtirish bo'yicha texnik qo'mitalar.

☑️ Standartlashtirishning asosiy vazifalaridan biri fuqarolarning hayotini, sog'lig'ini va mol-mulkini hamda atrof-muhitni muhofaza qilishdan iborat.

🗓 Standartlashtirish rejasi quyidagi muddatli istiqbol uchun qabul qilinishi mumkin:

▫️qisqa (1 yilgacha);
▫️o'rta (1 yildan 5 yilgacha);
▫️uzoq (5 yildan 10 yilgacha).

🏢 Standartlarning yagona axborot bazasi Standartlashtirish bo'yicha milliy organ tomonidan shakllantiriladi va yuritiladi.

📁 Standartlarning toifalari jumlasiga quyidagilar kiradi:

🔹 milliy standartlar;
🔹 xalqaro (mintaqaviy) standartlar;
🔹 xorijiy mamlakatlarning standartlari.

Qonunning 28-moddasi bilan O'zbekiston Respublikasining ayrim qonun hujjatlariga o'zgartirishlar kiritish, shuningdek ayrim qonun hujjatlarini o'z kuchini yo'qotgan deb topilishi belgilandi.

⚠️ Qonun rasmiy e'lon qilingan kundan e'tiboran 12 oy o'tgach kuchga kiradi.

Kadastr agentligi va Davlat kadastrlari palatasi Xorazm viloyati boshqarmalari Axborot xizmati

Telegram l Instagram l Facebook l Youtube

“Davlat mulkini boshqarish toʻgʻrisida”gi qonun (OʻRQ–821-son, 09.03.2023-y.) Prezident tomonidan imzolandi

🔰 Qonun davlat mulkini boshqarish sohasidagi munosabatlarni tartibga soladi.

❕Davlat mulkiga boʻlgan mulk huquqi fuqarolik qonunchiligida nazarda tutilgan asoslarga koʻra, shuningdek quyidagi asoslarga koʻra ham yuzaga keladi:

🔹shartnomalar va boshqa bitimlar tuzilganda;
🔹mol-mulkni yoki mol-mulkdan foydalanish huquqini, soliqlar va yigʻimlar boʻyicha qarzdorlikni, shuningdek davlat ulushi boʻyicha hisoblangan dividendlarni xoʻjalik jamiyatining ustav fondiga (ustav kapitaliga) kiritish yoʻli bilan ulushni olishda;
🔹sud qarorlari asosida.

🚫 Qonunga koʻra, ayrim davlat mulklari xususiylashtirilmaydi, jumladan:

➖Oʻzbekiston hududi doirasidagi yer, yer osti boyliklari, suv omborlari, havo boʻshligʻi, oʻsimlik va hayvonot dunyosi;
➖moddiy madaniy meros obyektlari, arxiv hujjatlari, davlat muzeylari va muhofaza etiladigan tabiiy hududlar, shu jumladan xiyobonlar va botanika bogʻlari;

🔘 Davlat mulkini boshqarish subyektlari quyidagilardan iborat:

▫️Vazirlar Mahkamasi;
▫️Agentlik;
▫️maxsus vakolatli davlat organlari;
▫️davlat muassasalari, shu jumladan davlat organlari;
▫️mahalliy davlat hokimiyati organlari.

🏢 Davlat aktivlarini boshqarish agentligi davlat mulkini boshqarish sohasidagi vakolatli davlat organidir.

📝 Davlat mulki reyestrini yuritish Vazirlar Mahkamasi belgilagan tartibda va shaklda Agentlik tomonidan amalga oshiriladi.

🗒 Agentlik har yili 1-avgustgacha davlat ishtirokidagi korxonalarning oʻtgan moliya yilidagi faoliyati samaradorligi toʻgʻrisidagi yigʻma hisobotni oʻz rasmiy veb-saytida eʼlon qiladi.

📌 Qonun rasmiy eʼlon qilingan kundan eʼtiboran kuchga kiradi.

#Qonunchilikdagi_yangiliklar

Ijtimoiy tarmoqlardagi sahifalarimiz:
Telegram l Instagram l Facebook l Youtube