⚡️ Тошкент тумани ҳудудида «Катиба Тавҳид вал-Жиҳод» террористик ташкилотнинг яширин жамоати аъзолари қўлга олинди

Жорий йилнинг 23 ноябрь куни Ўзбекистон Республикаси ДХХ ва ИИВ томонидан Тошкент вилоятининг Тошкент туманида ўтказилган тезкор тадбир давомида «КТЖ» террористик ташкилотининг яширин жамоати аъзолари, мазкур ташкилот ғояларини тарғиб қилиш билан шуғулланиб келаётганликлари аниқланди ва улар қўлга олинди.

Улар жамоат бўлиб шаклланишлари давомида турли диний экстремистик ва террористик ташкилотларнинг ғоявий раҳнамолари ҳисобланган "Абдуллоҳ Зуфар" ва "Содиқ Самарқандий"нинг аудио ва видео маърузаларини тарқатган ҳолда сафларини кенгайтириш билан шуғулланишган.

Бундан ташқари, жамоат аъзолари Суриядаги жангариларга ёрдам бериш мақсадида моддий маблағларни тўплаб келишган ва уларнинг сафларига қўшилишни мақсад қилишган.

Ҳолат юзасидан Тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Термизда «Ҳамкорлик–2021» Ўзбекистон – Қозоғистон қўшма ўқуви якунланди

Ҳарбийлар шартли равишда чегара ҳудудини бузиб киришга уринган ноқонуний қуролли гуруҳга қарши жанг олиб боришди. Унда шахсий таркиб қирувчи самолётлар, жанговар вертолётлар, зирҳли техникалар, артиллерия ва учувчисиз учиш аппаратларидан кенг фойдаланди.

👉@nigoh_01

🏆Давлат хавфсизлик хизмати Раиси кубоги мусобақаларидан репортаж.

Каналга аъзо бўлинг👇👇👇
🇺🇿 Xavfsizlik 🇺🇿

​​Юнусобод туманида кучли таъсир қилувчи дори воситаларини ноқонуний муомалага киритган дорихоналар фаолияти фош этилди

Бош прокуратура ҳузуридаги Департамент, ДХХ ва ИИБнинг Юнусобод тумани бўлимлари томонидан “H.F.” МЧЖга қарашли дорихонада ўтказилган тезкор тадбирда, фуқаро Ғ.У. ва бошқалар хорижда ишлаб чиқарилган “Тропикамид”, “Селофен” ва “Зардекс” номли 4 донасини жами 170 минг сўмга сотган вақтида ушланиб, дорихонада тегишли ҳужжатлари бўлмаган қалбакилаштирилган 92 дона “Зардекс”, 80 дона “Регапен”, 23 дона “Тропикамид” ва 20 дона “Селофен” номли кучли таъсир қилувчи дори воситалари ашёвий далил сифатида олинган.

Худди шундай, “J.P.M.” МЧЖга қарашли дорихонада ўтказилган тезкор тадбирда, дорихона раҳбари Ж.У., норасмий сотувчилари М.Ў., Ж.М., Ф.Б.лар хорижда ишлаб чиқарилган “Регапен” дори воситасининг ҳар бир донасини 25 минг сўмдан ҳисоблаб, 12 донасини жами 300 минг сўмга сотишган вақтида ушланиб, дорихонада тегишли ҳужжатлари бўлмаган 1 000 дона “Карбамазепин-Ника”, 1 000 дона “Карбамазепин”, 150 дона “Тебантин”, қалбакилаштирилган 100 дона “Зардекс”, 40 дона “Карбалекс” ва 40 дона “Регапен” номли кучли таъсир қилувчи дори воситалари ашёвий далил сифатида олинган.

Мазкур ҳолат юзасидан Жиноят кодексининг 25,186-3-моддаси (таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш) ва 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

⚡️Ҳокимият ва банк ходимларининг ноқонуний фаолиятига чек қўйилди

🟢Батафсил

Каналга аъзо бўлинг👇👇👇
🇺🇿 Xavfsizlik 🇺🇿

ДХХ Тошкент шаҳрида нарколаборатория фаолиятига чек қўйди

Давлат хавфсизлик хизмати ходимлари томонидан ўтказилган махсус операция натижасида интернет орқали синтетик наркотик моддалар савдоси билан шуғулланувчи уюшган жиноий гуруҳ фаолиятига чек қўйилди.

Махсус тадбирлар натижасида ушбу хонадонларда умумий миқдорда 892 грамм “мефедрон”, 45 грамм “альфа-ПВП” синтетик наркотик моддалари, хомашё сифатида фойдаланиладиган 360 литрдан ортиқ заҳарли кимёвий моддалар ва прекурсорлар ҳамда зарур асбоб-ускуналар, ҳимоя воситалари борлиги аниқланиб, процессуал тартибда расмийлаштириб олинган.

Шунингдек, гуруҳ аъзолари томонидан хуфия жойларга яшириб қўйилган 898 грамм “мефедрон” моддаси, 15 литр ва 12 килограмм миқдорида турли хил кимёвий моддалар ҳамда 8 литр “бромкетон” олиб қўйилди.

Бундан ташқари, улардан ноқонуний йўллар билан биткоин криптовалютасида жамғарилган 113 770 АҚШ доллари ҳам мусодара қилинган.

Каналга аъзо бўлинг👇👇👇
🇺🇿 Xavfsizlik 🇺🇿

“Энг илғор жанговар взвод”. Билим, куч ва маҳорат синовлари.

Каналга аъзо бўлинг👇👇👇
🇺🇿 Xavfsizlik 🇺🇿

"Ўзбекистон Республикаси Қуролли Кучларига 30 йил" эсдалик нишони таъсис этилди

Эсдалик нишон билан мамлакат мудофаа қудратини мустаҳкамлаш ва Қуролли Кучларни барпо этишга салмоқли ҳисса қўшган шахслар, юқори профессионал маҳорати, ҳарбий-ватанпарварлик бурчига садоқатини намоён этган ҳарбий хизматчилар, жумладан, Ўзбекистон Республикаси мустақиллиги ва худудий яхлитлигини ҳимоя қилиш бўйича жанговар ҳаракатларда иштирок этган, захирага бўшатилган ёки истеъфога чиқарилган ҳарбийлар, шунингдек, ҳарбий ҳамда хизмат бурчини бажаришда ҳалок бўлган ёҳуд ярадор бўлган ва шикастланган ҳарбий хизматчилар тақдирланади.

Каналга аъзо бўлинг👇👇👇
🇺🇿 Xavfsizlik 🇺🇿

“Опий” ва “героин” гиёҳвандлик воситалари савдосига чек қўйилди

Жиззах ҳамда Самарқанд вилояти божхоначилари ДХХ ходимлари билан ҳамкорликда Самарқанд тумани ҳудудида гиёҳвандлик воситаларининг ноқонуний муомаласини олдини олишга қаратилган тезкор тадбир ўтказилди.

Тадбир давомида фуқаро Р.С. ўзига тегишли “опий” ва “героин” гиёҳвандлик воситаларини фуқаро Т.З.га сотаётган вақтда тезкор ходимлар томонидан тўхтатиб қолинди. Шундан сўнг, мазкур моддалар белгиланган тартибда экспертизадан ўтказилди. Унга кўра, соф оғирлиги 99,6 гр.ни ташкил этувчи модданинг бири “Опий”, иккинчи модда эса соф оғирлиги 0,85 гр.ни ташкил этувчи “Героин” гиёҳвандлик воситаси эканлиги маълум бўлди.

Ҳозирда мазкур ҳолат юзасидан терговга қадар текширув ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Тошкент ва Жиззах вилоятларида ўқишга киритиш билан боғлиқ фирибгарликлар фош этилди

Бош прокуратура ҳузуридаги Департаментнинг Тошкент вилояти бошқармаси томонидан вилоят ИИББ ЖҚБ билан ўтказилган тезкор тадбирда, Тошкент давлат аграр университети ассистенти Р.Г. фуқаро Ф.дан унинг укасини танишлари орқали Тошкент давлат техника университетига ўқишга киритиб қўйиш эвазига 4 500 АҚШ долларини олган вақтида ашёвий далиллар билан ушланган.

Худди шундай, Департамент ҳамда ДХХнинг Жиззах вилояти бошқармалари томонидан ўтказилган тезкор тадбирда, фуқаро Д.Б. бошқа бир фуқарони Қозоғистон Републикасида жойлашган “Тараз халқаро инновация институти”даги ўқишини Қибрай туманида жойлашган “ISFT” “Халқаро молия ва технологиялар хусусий институти”га кўчириб беришни 3 000 АҚШ долларига келишиб, шундан 2 700 АҚШ долларини олган вақтида ашёвий далиллар билан ушланган.

Ҳозирда мазкур ҳолатлар юзасидан тергов ҳаракатлари ўтказилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Янгиҳаёт тумани ИИО ФМБ жиноят қидирув ходимлари томонидан тезкор-қидирув тадбирлари ўтказилиши давомида синтетик гиёҳвандлик воситалари савдоси билан шуғулланувчи бир гуруҳ шахслар қўлга олинди.

Текширув давомида аниқланишича, 46 ёшли В.Г., 21 ёшли А.К., 25 ёшли К.М., 21 ёшли А.Х., 20 ёшли Х.Г.лар гиёҳвандлик воситаларини истеъмол қилиш ва тарқатиш учун махсус жой ташкил этишган ва яшириб қўйилган жойлардан бирида 0,08 грамм синтетик гиёҳвандлик воситаси топилиб, олиб қўйилди.

Шунингдек ҳуқуқни муҳофаза қилиш ходимлари томонидан муқаддам судланган 41 ёшли Р.Б. текширилиб, ундан 15 та резина “халтачаларига” тақсимланган 25,97 грамм синтетик гиёҳвандлик воситаси ашёвий далил сифатида олиб қўйилди.

Ҳозирда мазкур шахсларга Ўзбекистон Республикаси Жиноят кодексининг 276-моддаси бўйича жиноят иши қўзғатилди.

Каналга аъзо бўлинг👇👇👇
🇺🇿 Xavfsizlik 🇺🇿