❗️⚠️Фарғонада ноқонуний диний таълим билан шуғулланган шахслар ушланди

✈️Каналга аъзо бўлинг ✅ t.iss.one/xavfsizlik_uz

🔴Қирғизистондан 5,2 млрд сўмлик тилла буюмларни ноқонуний олиб келган шахс ушланди

❗️Давлат хавфсизлик хизматининг Андижон ва Фарғона вилоятлари бўйича бошқармалари ходимлари томонидан ўтказилган тезкор тадбирда Қирғиз Республикасидан “Водил авто” чегара божхона пости орқали Фарғона вилояти ҳудудига ўтган вақтида Андижон шаҳрида яшовчи, 1992 й.т. фуқаро тўхтатилиб, ўрнатилган тартибда текширилди.

⚡️Натижада, ушбу шахс эгнидаги кийимлари остига яширган ҳолда, жами 859 дона заргарлик буюмлари ва 1 дона қўл соатини қўшни давлатдан олиб келганлиги аниқланди.

🖥Экспертлар хулосасига кўра, кимёвий таркиби олтин ҳисобланган, бриллиант тошлари билан безак берилган мазкур заргарлик буюмларининг соф оғирлиги 4 кг. 155 гр. бўлиб, умумий баҳоси 5 млрд 213 млн сўмни ташкил этади.

🔎Аниқланишича, Андижон ва Фарғона вилоятларида яшовчи 10 нафарга яқин савдогарлар томонидан Туркия давлатидан Қирғиз Республикасига олиб келинган ушбу заргарлик буюмларини мазкур шахс 400 АҚШ доллари хизмат ҳақи эвазига чегара божхона постидан ўтказиб бериши керак бўлган.

Ҳозирда унга нисбатан Жиноят Кодексининг 182-моддаси 2-қисми “а” банди билан қўзғатилган жиноят иши доирасида ушбу қимматбаҳо буюмлар эгаларининг шахсига аниқлик киритилмоқда.

✈️Каналга аъзо бўлинг ✅ t.iss.one/xavfsizlik_uz

⚡️Пластик карта орқали пора олган божхона инспекторига жиноят иши қўзғатилди

❗️Коррупцияга қарши курашиш йўналишида Давлат хавфсизлик хизмати ходимлари томонидан олиб борилган тезкор-қидирув тадбирлари давомида, Наманган вилояти божхона бошқармаси “Учқўрғон” чегара божхона постининг божхона назорати ва расмийлаштирув гуруҳи инспектори Давлатобод туманида яшовчи, 1993 й.т. шахснинг хориждан олиб келинган 57 дона “Iphone 16 PRO MAX” телефон қурилмаларини Тошкент халқаро аэропортида ишловчи божхона ходими орқали IMEI-коди бўйича рўйхатдан ўтказиб бериш эвазига ҳар бир уяли алоқа воситаси учун 100 АҚШ долларидан, жами 5700 АҚШ доллари ҳамда муқаддам фуқаро томонидан чет элдан декларацияда кўрсатмаган ҳолда кийим-кечакларни олиб келганлиги юзасидан чора кўрмаганлиги эвазига 400 АҚШ доллари талаб қилади.

💳Инспектор жорий йилнинг 11 ва 14 июль кунлари сўралган пул маблағидан 900 АҚШ доллари ҳисобида 11 млн 317 минг сўмни ўзи ва қариндошига тегишли банк пластик карталарига ўтказдириб олади.

💳Аммо, 16 июль куни у 1000 АҚШ доллари ҳисобида 12 млн. 550 минг сўмни қариндошининг банк пластик картасига ўтказдириб олган вақтида ДХХ, Бош прокуратура ҳузуридаги Департамент ҳамда Божхона қўмитаси ходимлари томонидан ашёвий далиллар билан ушланди.

⚖️Ҳолат юзасидан божхона инспекторига нисбатан Жиноят Кодексининг 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, қамоқ эҳтиёт чораси қўлланилди. Тергов ҳаракатлари олиб борилмоқда.

✈️Каналга аъзо бўлинг ✅ t.iss.one/xavfsizlik_uz

🔴Наманган шаҳрида халқаро террористик ташкилот
тарафдорларидан иборат ноқонуний гуруҳ фош этилди

Давлат хавфсизлик хизмати ходимлари томонидан ички ишлар органлари билан ҳамкорликда ўтказилган тезкор тадбирда Наманган шаҳрида “Ислом Давлати Хуросон Вилояти” халқаро террористик ташкилотининг яширин “жамоати” фош этилди.

Гуруҳнинг 16 нафар аъзоларининг яшаш манзиллари кўздан кечирилиб, 37 та уяли алоқа воситалари, 51 дона нашриёти кўрсатилмаган диний адабиётлар, 40 та DVD диск, 4 та флеш-карта ҳамда Notebook ва планшет ашёвий далил сифатида расмийлаштириб олинди.

Давлатобод туманида яшовчи фуқаро томонидан ташкил этилган “жамоат” йиғилишларида халқаро террористик ташкилотлар ғоявий раҳнамоларининг “жиҳод” ва “шаҳидлик”ка чорловчи даъватлари фаол тарғиб қилинган.

Қолаверса, жамоат етакчиси “Telegram” мессенжерида жами 120 нафардан ортиқ аъзоси бўлган виртуал канал ва гуруҳлар ташкил қилиб, уларда “Ислом Давлати” террористик ташкилоти атрибутлари, экстремистик материаллар ҳамда “жиҳодий” мазмундаги аудио-видео файлларни тарқатган ҳамда жамоат аъзолари билан ўзаро муҳокамалар қилган.

Шунингдек, мазкур виртуал каналларда ёшларни “шариат ҳукми” асосида “жиҳодий” руҳда улғайтириш ва мамлакатимиздаги сиёсий, ижтимоий-диний ислоҳотларга қарши норози кайфиятда тарбиялаш орқали “Исломий давлат” асосларини омма орасида тарғиб қилишга қаратилган “пост”лар ва диний даъватлар жойлаштириб келинган.

Таъкидлаш лозимки, жамоат етакчиси 2022 йилда Туркиянинг Истамбул шаҳрида ташкил қилинган “ҳужра”да диний сабоқ олиши натижасида унинг қарашларида кескин ўзгаришлар содир бўлган. Бундан хабар топган отаси қизининг нотўғри йўлда эканлиги бўйича насиҳат қилганида, у ўз падари бузрукворини “кофир”га чиқарган.

Шунингдек, гуруҳ аъзоларидан бири Наманган шаҳрида жойлашган хусусий университет таъсисчиси ҳисобланади.

⚖️Ҳозирда гуруҳ ташкилотчиси ва 3 нафар фаол аъзосига нисбатан Жиноят кодексининг тегишли моддалари билан жиноят иши қўзғатилиб, қамоқ эҳтиёт чораси қўлланилди. Гуруҳнинг қолган аъзоларига нисбатан ҳам суриштирув ишлари олиб борилмоқда.

✈️Каналга аъзо бўлинг ✅ t.iss.one/xavfsizlik_uz

🔴В Намангане раскрыта подпольная группа сторонников международного терроризма

В ходе оперативного мероприятия, проведенного сотрудниками Службы государственной безопасности совместно с органами внутренних дел, в городе Намангане была раскрыта подпольная ячейка международной террористической организации «Исламское государство-вилаят Хорасан».

При проведении обысков по адресам проживания 16 членов ячейки в качестве вещественных доказательств были изъяты 37 мобильных телефонов, 51 единица религиозной литературы без указания издателя, 40 DVD-дисков, 4 флеш-карты, а также ноутбук и планшет.

На собраниях подпольной группы, организованной жителем Давлатабадского района, активно пропагандировались идеологические проповеди международных террористических организаций, содержащие призывы к “джихаду” и стать “шахидом”.

Как выяснилось, лидер ячейки создала в мессенджере “Telegram” виртуальные каналы и группы с общим числом участников более 120 человек. В них она распространяла атрибутику организации «Исламское государство», экстремистские материалы, а также аудио- и видеофайлы джихадистского содержания. Также велись обсуждения с другими участниками группы.

Также размещались посты и религиозные призывы, направленные на воспитание молодежи в духе “джихада”, по законам шариата, формирование протестных настроений против реализуемых в нашей стране политических, социальных и религиозных реформ, а также пропаганду идеи “Исламского государства” среди населения.

Следует отметить, что в 2022 году главарь группы проходила религиозное обучение в “худжре”, организованной в городе Стамбул (Турции), вследствие чего ее взгляды кардинально изменились. Узнав об этом, ее отец попытался вразумить дочь, однако она обвинила его в неверии и назвала собственного отца “кафиром”.

Печально то, что одним из членов группы оказался учредитель частного университета в городе Намангане.

⚖️В настоящее время в отношении организатора и трех активных членов группы возбуждены уголовные дела по соответствующим статьям Уголовного кодекса с применением меры пресечения в виде заключения под стражу.
В отношении остальных членов группы ведется дознание.

✈️Подпишитесь на канал ✅ t.iss.one/xavfsizlik_uz

❗️Тошкент вилоятида ноқонуний диний сабоқ бериш ҳолатлари аниқланди

Давлат хавфсизлик хизмати ва Ички ишлар вазирлиги ходимлари ҳамкорлигида ўтказилган тезкор тадбирлар давомида, 21 ёшли ва 43 ёшли икки нафар ишсиз фуқаро ноқонуний диний ўқиш ташкил қилганликлари фош этилди.

Жумладан, 21 ёшли фуқаро Тошкент вилояти Зангиота туманида жойлашган хонадонлардан бирида 31 нафар болаларга, 43 ёшли фуқаро эса Тошкент туманидаги хонадонлардан бирида 12 нафар вояга етмаган болаларга диний сабоқ берган.

Ноқонуний фаолият юритган мазкур шахслар ҳамда болаларни тарбиялаш мажбуриятларини бажармаган ота-оналарга нисбатан қонунларда белгиланган тартибда жазо тайинланди.

✈️Каналга аъзо бўлинг ✅ t.iss.one/xavfsizlik_uz

⚡️ДХХ: 22 кг.дан ортиқ гиёҳвандлик воситалари мусодара қилинди

1️⃣Давлат хавфсизлик хизмати Чегара қўшинлари ҳарбий хизматчилари томонидан ички ишлар ходимлари билан ҳамкорликда ўтказилган тезкор тадбирда Сурхондарё вилоятининг Денов тумани ҳудудида ҳаракатланаётган “Кобальт” русумли автомашина тўхтатилиб, холислар иштирокида кўздан кечирилди.
Натижада, унда йўловчи сифатида кетаётган – Денов туманида яшовчи, 1987 й.т., муқаддам судланган шахснинг ёнида 9 кг “гашиш” моддаси борлиги аниқланиб, ашёвий далил сифатида олинди.
Терговга қадар текширув давомида, ушбу гиёҳвандлик воситаси келгусида сотиш мақсадида тожикистонлик наркокуръерлар томонидан етказиб берилганлиги маълум бўлди.

2️⃣Давлат хавфсизлик хизмати, ички ишлар ва божхона органлари ходимлари ҳамкорлигида Фарғона вилоятида ҳам тезкор тадбир ўтказилди. Жумладан, Фарғона шаҳрида яшовчи, 1994 ва 1988 йилларда туғилган 2 нафар фуқаро кетаётган автотранспорт воситаси шаҳар ҳудудида ҳаракатланаётган вақтида тўхтатилиб текширилганда, уларнинг ёнида 5 кг 862 гр “гашиш” моддаси борлиги маълум бўлди.
Шундан сўнг, тезкор тадбир давом эттирилиб, улардан ушбу гиёҳвандлик воситасини ҳар бир кг.ни 89 млн. сўмдан келишган ҳолда сотиб олмоқчи бўлган вақтида – Фарғона шаҳрида истиқомат қилувчи, 1997 й.т. фуқаро ҳам қўлга олинди.
Бундан ташқари, ушбу гиёҳвандлик воситасини муқаддам Қирғиз Республикасининг Боткен вилояти Қадамжой туманида наркосавдогардан олиб, мамлакатимизга контрабанда йўли билан келтирган жиноий гуруҳ етакчиси - Сўх туманида яшовчи, 1987 й.т. шахс ҳам процессуал тартибда ушланди.

3️⃣Давлат хавфсизлик хизмати ва Ички ишлар органлари ходимлари томонидан Наманган шаҳрида ўтказилган тезкор тадбирда, Фарғона вилоятининг Фарғона туманида яшовчи, 1992 й.т., муқаддам судланган шахс 3 кг 950 гр “гашиш” моддасини харидорга 38 минг АҚШ долларига сотган вақтида ушланди.
Шунингдек, у билан бирга келган, жиноий шериги – Фарғона туманида истиқомат қилувчи, 2000 й.т. фуқаро ҳам қўлга олинди.
Тезкор тадбир давом эттирилиб, 1992 й.т. шахснинг Фарғона туманидаги яшаш хонадонидан муқаддам Қирғиз Республикасидан келтирилган 868 гр “гашиш” моддаси ҳам олинди.

4️⃣Сурхондарё вилоятининг Олтинсой туманида ўтказилган тезкор тадбирда, 1969 й.т. маҳаллий фуқаро ва унинг Денов туманида истиқомат қилувчи, 1986 й.т. жиноий шериги ўзаро келишган ҳолда, Тожикистон Республикасидан олиб келинган 1 кг 962 гр “опий” моддасини харидорга 200 млн сўмга сотган вақтларида Давлат хавфсизлик хизматининг Қорақалпоғистон Республикаси ва Сурхондарё вилояти бўйича бошқармалари ҳамда ички ишлар органлари ходимлари томонидан қўлга олинди.

5️⃣Сирдарё вилоятида кузатилган ҳолатда эса, Фарғона вилоятида яшовчи, 1988 й.т. ҳамда Андижон вилоятида истиқомат қилувчи, 1969 й.т. муқаддам судланган икки нафар фуқаро Тожикистон Республикасидан айланма йўллар орқали олиб келинган 943 гр “опий” моддасини сотмоқчи бўлган вақтларида Давлат хавфсизлик хизмати, Ички ишлар вазирлиги ҳамда Божхона қўмитасининг ҳудудий бошқармалари ходимлари томонидан ашёвий далиллар билан ушланди.

Ўтказилган тезкор тадбирлар давомида жами 22 кг 585 гр гиёҳвандлик воситасининг ноқонуний айланмасига чек қўйилди.

Ҳозирда барча ҳолатлар юзасидан мазкур шахсларга нисбатан жиноят ишлари қўзғатилиб, қамоқ эҳтиёт чораси қўлланилди. Тергов ҳаракатлари олиб борилмоқда.

✈️Каналга аъзо бўлинг ✅ t.iss.one/xavfsizlik_uz

🚫Таркибида кучли таъсир қилувчи моддалар бўлган оздирувчи кофелар савдосига чек қўйилди

❗️Давлат хавфсизлик хизматининг Бухоро вилояти бўйича бошқармаси ҳамда Бош прокуратура ҳузуридаги Департамент ҳамкорлигида Ғиждувон туманида ўтказилган тезкор тадбирда, 1985 й.т., муқаддам судланган фуқаронинг яшаш хонадони холислар иштирокида кўздан кечирилди.

☕️Натижада, чет элда ишлаб чиқарилган ва божхона расмийлаштирувидан ўтганлигини тасдиқловчи ҳужжатлари бўлмаган 34 050 дона “KETO COFFEE MIX SLIM COFFEE”, 2790 дона “SLT SLIM LUX COFFEE”, 3000 дона “HOODIA CACTUS SLIMMING COFFEE”, 720 дона “SLIM GREEN COFFEE”, 5280 дона “NATURE COMPLEX LK FAT BURNING”, 1000 дона “ЛАО СЭ ЛОН”, 12 132 дона “FIT90 FAT BURNER”, 13 392 дона “РЕДУКСИН ЛАЙТ”, 23 292 дона “ЦЫНЗИШОУ PLUS” ва бошқа турдаги дори воситалари борлиги маълум бўлди.

🖥“Фармацевтика маҳсулотлари хавфсизлиги маркази” ДМ хулосасига кўра, мазкур дори воситалари таркибида “сибутрамин” моддаси мавжуд бўлиб, Вазирлар Маҳкамасининг 2019 йилдаги “Ўзбекистон Республикасида кучли таъсир қилувчи моддалар муомаласини тартибга солиш тўғрисида”ги 818-сонли қарорига кўра “сибутрамин” кучли таъсир қилувчи моддалар рўйхатига киритилган.

Ҳолат юзасидан ушбу фуқарога нисбатан Жиноят Кодексининг 251-1 моддаси 5-қисми билан жиноят иши қўзғатилди. Олиб борилаётган тергов ҳаракатлари доирасида ушбу дори воситаларининг хориждан олиб келиниши билан боғлиқ вазиятга ойдинлик киритиш бўйича зарур чоралар кўрилмоқда.

✈️Каналга аъзо бўлинг ✅ t.iss.one/xavfsizlik_uz

🔴“Нарко уруш ва унинг салбий оқибатларидан ёшларни ҳимоя қилиш” мавзусида тайёрланган “Муносабат” ток-шоуси

Ўзбекистон МТРК телеканалларда:

1. “O‘zbekiston” телеканали 26 июль 20.00
2. “Yoshlar” телеканали 26 июль 21.15
3. “Toshkent shahri” 26 июль 19.00
4. “Mahalla” telekanali 26 июль 18.45
5. “Madaniyat va ma’rifat” телеканали 26 июль 20.30

Ҳудудий телеканалларда:

1. Қорақалпоғистон Республикаси телерадиоканали 27 июль 21.40
2. Андижон вилояти телерадиоканали 27 июль 18.40
3. Бухоро вилояти телерадиоканали 27 июль 18.25
4. Жиззах вилояти телерадиоканали 27 июль 18.30
5. Навоий вилояти телерадиоканали 27 июль 20.00
6. Наманган вилояти телерадиоканали 27 июль 18.30
7. Самарқанд вилояти телерадиоканали 27 июль 20.20
8. Сирдарё вилояти телерадиоканали 27 июль 21.45
9. Сурхондарё вилояти телерадиоканали 27 июль 19.00
10. Қашқадарё вилояти телерадиоканали 27 июль 21.30
11. Фарғона вилояти телерадиоканали 27 июль 21.30
12. Хоразм вилояти телерадиоканали 27 июль 20.30
13. Тошкент вилояти телеканали 27 июль 19.00

✈️Каналга аъзо бўлинг ✅ t.iss.one/xavfsizlik_uz

❗️Бухорода солиқ инспекторига жиноят иши қўзғатилди

Бухоро шаҳрида фаолият юритувчи МЧЖ томонидан 2024 йил ноябрь-декабрь ҳамда 2025 йил январь-февраль ойлари учун жамиятни айланмадан олинадиган солиқ ҳисоботи ва даромад солиқ ҳисоботини ўз вақтида тақдим этмаганлиги учун МЧЖ раҳбарига нисбатан Бухоро шаҳар солиқ инспекцияси томонидан маъмурий жазо қўллаш тўғрисидаги қарорга асосан МИБ Бухоро шаҳар бўлими томонидан ижро иши қўзғатилади.

Ўз навбатида, жиноят ишлари бўйича Бухоро шаҳар суди томонидан эса МЧЖга нисбатан қўлланилган жазони бекор қилиш тўғрисида қарор чиқарилади.

Аммо, Бухоро шаҳар давлат солиқ инспекцияси шўъба бош инспектори суд қарорига асосан МЧЖ раҳбарининг мол-мулкига қўйилган тақиқни бекор қилиш эвазига 400 АҚШ доллари талаб қилади.

ДХХ ва ИЖҚК Департаменти вилоят бошқармалари томонидан ўтказилган тезкор тадбирда инспектор талаб қилинган пул маблағини олган вақтида ушланди.

⚖️Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.

✈️Каналга аъзо бўлинг ✅ t.iss.one/xavfsizlik_uz

⚡️Пресечены факты, связанные с коррупцией

✈️Подпишитесь на канал ✅ t.iss.one/xavfsizlik_uz

⚡️ДХХ: Коррупцияга оид бир қатор ноқонуний ҳолатлар аниқланди

1️⃣Наманган вилояти Қурилиш ва уй-жой коммунал хўжалиги соҳасида назорат қилиш инспекцияси бош мутахассиси суд тизимидаги танишлари орқали жорий йилнинг январ ойида 8 йил муддатга озодликдан маҳрум қилинган маҳкумнинг ишини судда қайта кўриб чиқиш ва озодликдан маҳрум қилиш билан боғлиқ бўлмаган жазони тайинлаш эвазига 30 минг АҚШ доллари талаб қилади.
ДХХнинг Наманган вилояти бўйича бошқармаси ходимлари томонидан вилоят ИЖҚК Департаменти ходимларини жалб қилган ҳолда ўтказилган тезкор тадбирда бош мутахассис олдиндан 10 минг АҚШ долларини олган вақтида ушланди.
Таъкидлаш лозимки, мазкур мутахассис фирибгарлик билан боғлиқ жинояти учун муқаддам бир неча маротаба судланган.

2️⃣Наманган вилоятида ўтказилган яна бир тезкор тадбирда, мол-мулкларни баҳолаш фаолияти билан шуғулланувчи МЧЖ раҳбари солиқ органларидаги мансабдор танишлари орқали тадбиркорга тегишли бўлган МЧЖнинг 783 млн сўмлик солиқ қарздорлигини 141 млн сўмгача камайтириб бериш эвазига 4400 АҚШ доллари олган вақтида жиноят устида қўлга олинди.
Шунингдек, тезкор тадбир давом эттирилиб, мансабдор таниши ҳисобланган Наманган вилояти солиқ бошқармаси шўъба бошлиғи ҳам 4400 АҚШ долларини пора сифатида олган вақтида ушланди.

3️⃣Пойтахтда қайд этилган ҳолатда, Миробод туман ҳокимлиги Ижтимоий мослаштириш маркази раҳбари ўз хизмат мавқеидан фойдаланиб, фуқаролиги бўлмаган шахсга фуқаролик паспортини расмийлаштириш ҳамда доимий рўйхатга қўйдириб бериш эвазига 1200 АҚШ доллари олган вақтида ушланди.

4️⃣Қашқадарё вилоятида кузатилган қонунбузилиш ҳолатида, Бош прокуратура ҳузуридаги Мажбурий ижро бюроси Қарши шаҳар бўлими давлат ижрочиси ўз иш юритувида бўлган, жавобгар фуқаронинг қарийб 70 млн сўмлик қарздорлигини ундириш учун унинг автотранспорт воситасига қўйилган тақиқни ечиб бериш эвазига 1000 АҚШ доллари талаб қилади.
Ўтказилган тезкор тадбир натижада, давлат ижрочиси талаб қилинган пул маблағини Қарши туманидаги фермер хўжалик раҳбари воситачилигида пора сифатида олган вақтида ушланди.

⚖️Ҳозирда ушбу шахсларга нисбатан жиноят иши қўзғатилиб, тергов ҳаракатлари олиб борилмоқда.

Ислоҳотлар йўлидаги энг катта тўсиқ ва ғов – бу коррупциядир. Ҳуқуқ-тартибот идоралари томонидан коррупцион ҳолатларга қарши курашиш, олдини олиш чора-тадбирлари давом эттирилади.

✈️Каналга аъзо бўлинг ✅ t.iss.one/xavfsizlik_uz

🚫❗️“Тавҳид ва жиҳод катибаси” ХТТ тарафдорига ҳукм ўқилди

💣Андижон вилоятининг Андижон туманида яшовчи, 1997 й.т. фуқаро 2023 йилдан бошлаб “Тавҳид ва жиҳод катибаси” халқаро террористик ташкилотининг медиа тарғиботчилари таъсирига тушиб, ташкилотнинг “ҳижрат” ва “жиҳод” қилишга, “шаҳид” кетишга даъват қилувчи, диний ақидапарастликни тарғиб қилувчи ғояларини қўллаб-қувватлайди, материалларини ижтимоий тармоқдаги профиллари орқали тарқатади.
ХТТ аъзолари билан доимий алоқага киришиб, ташкилот сафида “жиҳод” амалини бажариш орқали қуролли тўқнашувлар ва террористик ҳаракатларда иштирок этишни режалаштиради.

💰Бундан ташқари, ушбу фуқаро ХТТ аъзоларига бевосита молиявий ёрдам кўрсатиш мақсадида мунтазам равишда пул маблағларини жўнатади. Хусусан, 2023-2024 йиллар давомида умумий ҳисобда криптовалюта орқали 2912 АҚШ доллари ва банк карталари орқали 4 млн 190 минг сўм пул маблағи юборади.

⛔️Кейинчалик, 2023-2024 йилларда Суриядаги террорчилик фаолиятида иштирок этиш учун Қирғиз Республикаси орқали 2 маротаба Туркия давлатига боради. Аммо, Сурия давлатига ўтишни имкони бўлмагач, ХТТ аъзосининг кўрсатмаси билан Афғонистонга бориб, “Ислом жиҳоди иттиҳоди” халқаро террористик ташкилоти сафига қўшилишни режа қилади. Эрон давлати орқали Афғонистонга ўтишга уринган ушбу шахснинг режаси охирига етмай 2024 йилнинг ноябрь ойида қўлга олинади.

⚖️Жиноят ишлари бўйича Андижон тумани суди томонидан мазкур фуқаро Жиноят Кодексининг 155-2-моддаси 1-қисми, 155-3-моддаси 2-қисми “а” банди, 244-1-моддаси 3-қисми “г” банди ва 244-2-моддаси 1-қисмида назарда тутилган жиноятларни содир этганликда айбдор деб топилиб, 8 йил 6 ой муддатга озодликдан маҳрум қилиш жазоси тайинланди.

✈️Каналга аъзо бўлинг ✅ t.iss.one/xavfsizlik_uz