Птушка года: факт № 5 з 15.

Правярай, ці было табе гэта вядома пра варону. 😉

🦆 Вароны – адны з нямногіх вераб'інападобных птушак, якія выкарыстоўваюць сваё гняздо з года ў год.

Як правіла, у гняздо ў сучаснай вароны заўсёды і матэрыялы ўбудаваны сучасныя – гэта дрот. Часам каркасы гнёзд птушкі робяць выключна з дроту.

🪺 Самка адкладае ад 4 да 6 яек і наседжвае іх 19 дзён. Яе падкормлівае самец.

#дзікіфакт: Птушаняты вылупляюцца сляпымі і бездапаможнымі, але праз месяц ужо пакідаюць гняздо. Яны застаюцца залежнымі ад аднаго з бацькоў яшчэ 2-3 тыдні, але «атэстат сталасці» атрымліваюць толькі ў 2-3 гады.

📷 На фота птушаня шэрай вароны.

#птушкагода #птушка2024года #шэраяварона

Птушка года - факт № 6 з 15-ці.

🦆 Ведаеш, як спявае варона?

🎶 Апроч знакамітага каркання, вароны выдаюць яшчэ каля 70 сігналаў. Але як ва ўсіх воранавых, у іх ёсць яшчэ і ціхая песня.

#дзікіфакт Вароны не спяваюць гучна, каб прывабіць партнёра на адлегласці. Замест гэтага яны спяваюць ціха — і з блізкай адлегласці — падчас заляцанняў, з багатай сумессю ціхага буркавання, хрыплых гукаў, рыкаў, паклонаў і ўзаемнага прыціскання дзюбай.

❓ А табе даводзілася бачыць такія паводзіны ў варон?

Мілая шчочка ў вароны, праўда? ☺️❤️

🎥 Відэа Уладзіміра Бондара.

#птушкагода #птушка2024года #шэраяварона

Птушка года: факт № 7 з 15. 🦆

Правярай, ці ведаў_ла ты гэта аб шэрай вароне! 😉

#дзікіфакт Песня вароны асаблівая для сваёй сацыяльнай групы.

🎶 Даследаванні груп у няволі паказалі, што кожная група выпрацоўвае адметныя гукавыя элементы, якія становяцца своеасаблівай культурнай традыцыяй — дыялектам — па якім вароны пазнаюць адна адну.

📷 Фота Іны Шкурко, @ptushkafota

#птушка2024года #шэраяварона