🦉Нацыянальную кампанію «Птушка года» мы праводзім з 2000 года. Галоўная яе мэта – прыцягнуць увагу людзей да хараства прыроды і птушак, што жывуць вакол нас, іх праблемаў і неабходнасці захавання месцаў іх пражывання.

📗У падтрымку гэтай кампаніі ў выдавецтва «Народная Асвета» выйшла кніга Віктара Гардзея «Птушка года Беларусі 2000 – 2020». Аўтар займальна і дасціпна расказвае пра птушак года.

📷 🐦 Вершы і нарысы пра птушак Беларусі суправаджаюцца шматлікімі здымкамі вядомых беларускіх фатографаў – Сяргея Зуёнка, Паўла Лычкоўскага, Паўла Новікава, Уладзіміра Бондара, Дзмітрыя Якубовіча, Мікалая Вараб’я, Мікалая Гулінскага, Таццяны Раманавай, Сяргея Чарапіцы.

Кнігу можна знайсці ў кнігарнях Беларусі або заказаць на сайце https://www.narasveta.by/vse-knigi/product/view/70/657
#птушкагода

Віншуем з новым годам леляка! 🌟 #птушкагода

Няхай 2021 год увойдзе ў кожны дом, у кожную сям’ю з мірам і дабром, спраўдзіць нашы чаканні і здзейсніць усе мары!

Глядзі прыгожае відэа пра леляка (козодоя) – птушку 2021 года! 😊

Звярні ўвагу, ляляк не турбуе сябе будаўніцтвам гнязда. 😅 Самка адкладвае яйкі проста на лясную падсцілку дзе-небудзь на высечцы або ў сухім рэдкалессі. А якія ў яго цікавыя птушаняты!

📷 Відэа Ігара Бышнёва, студыя AVES. #птушкагода https://youtu.be/DWWrNICIhrM

Даведайся ўсё самае цікавае пра крылаты сімвал гэтага года – леляка! 🐦

Глядзі запіс Дзікай лекцыі АПБ, дзе арнітолаг Сямён Левы раскрывае сакрэты птушкі 2021 года 👉🏻 youtu.be/hQBbvxyS4Gs.
#птушкагода

🐦 Ляляк (козодой) – птушка 2021 года. Лясныя і шасэйныя дарогі – месца, дзе лелякі часта гінуць пад коламі аўтамабіляў. 🚘 Святло фар вабіць начных насякомых, на якіх палюе ляляк. А таксама нагрэтая роўная паверхня дарогі робіцца зручнай пляцоўкай для адпачынку птушкі.

❗️🌳 Мінаючы на машыне лес, едзь павольней і ўважліва сачы за дарогай. #птушкагода

📷 Фота: Hans Norelius, Wikimedia Commons.

Ляляк (козодой) – птушка 2021 года – адзін з майстроў камуфляжу. Афарбоўка апярэння ляляка цудоўна маскіруе яго на фоне лясной падсцілкі або ствала дрэва.

Прыжмурыўшы свае вялікія вочы, птушка становіцца днём незаўважнай як для чалавека, так і для птушак-драпежнікаў.

Атрымалася ўсіх лелякоў на фота знайсці? 😅 #птушкагода

📷 Фота: P.Taszynski, Wikimedia Commons.

🚘 На дарогах штогод гіне шмат лясных і палявых птушак, у тым ліку лелякоў (козодоев) – гэты від абраны крылатым сімвалам 2021 года ў Беларусі. #птушкагода

❗️Дапамажы нам вызначыць месцы, дзе птушкі трапляюць пад колы, занось на карту месцы за горадам, дзе ты бачыў_ла на дарогах збітых машынамі птушак ptushki.org/roads! Асабліва просім пазначаць на карце назіранні лелякоў на дарогах – як збітых, так і жывых.

Чым болей такіх назіранняў атрымаецца сабраць, тым больш цэльная будзе ў прыродаахоўнікаў карціна. Па выніках акцыі мы плануем звярнуцца ў ДАІ, каб на небяспечных участках паставілі дадатковыя дарожныя знакі. ⛔️

Такога ты яшчэ дакладна ніколі не бачыў(ла)!
Ляляк (козодой) – птушка 2021 года – спіць на чаплі! Пачакай, пачакай... на пластыкавай чаплі! 😳

Ваў! 😂 #птушкагода

📷 Фота: Доктар Шон МакКормак.

Ляляк – адметная птушка, і шмат чым можа здзівіць! 😌

Дзюба леляка кароткая і слабая, затое разрэз роту дазваляе яе адкрываць вельмі шырока. Разам з пёркамі ў выглядзе веек па краі рота – гэта выдатнае прыстасаванне для лоўлі начных насякомых у палёце. #птушкагода #птушыныяцікавосткі

📷 Фота: © Ori Davidor, ebird.org.

💥 Сустракай птушку 2022 года ў Беларусі – патрыётку Палесся, паляшучку – белую сініцу (белую лазоревку)!
Гэта невялікая прыгожая пеўчая птушка, якая жыве ў нас толькі на Палессі. Менавіта за яе кандыдатуру прагаласавалі сябры АПБ.

🐦 Што гэта за птушка, чым яна адметная, што ёй пагражае і якія мерапрыемствы па яе ахове мы плануем – чытай па спасылцы ➡️ ptushki.org/news/709265.html.

📷 Фота Андрэя Шэўчыка (АПБ). #птушкагода

Віншуем з годам белай сініцы! 🌟 #птушкагода

Няхай 2022 год увойдзе ў кожны дом, у кожную сям’ю з мірам і дабром, спраўдзіць нашы чаканні і здзейсніць усе мары!

📷 Фота Андрэя Шэўчыка.

✅ Ты таксама можаш далучыцца да ўлікаў. Вось што трэба рабіць:

🔹Раздрукаваць карту/схему свайго мікрараёна (гэта можа быць скрыншот з Гугл ці Яндэкс карт, ці з Google Earth), пажадана выбіраць прамавугольны ўчастак.
🔹Абысці ўсе дрэвы на гэтым участку ў пошуку гнёзд.
🔹Адзначыць на карце кружкамі ўсе знойдзеныя гнёзды птушак: пусты кружок – гняздо незанятае, зафарбаваны кружок – занятае.
🔹Гняздо варон – купка галінак, зверху на якіх сядзіць птушка, звычайна бачна толькі хвост, у сарокі гняздо – збоку выцягнуты па вертыкалі авал, бо мае крышу. Птушку ўнутры не заўсёды бачна. Толькі гракі селяцца калоніямі. Але звычайна не цяжка вызначыць старое ці новае гняздо.
🔹Падпісаць на карце, чые гэта гнёзды.
🔹Абавязкова паставіць даты ўлікаў.
🔹З адной схемай можна рабіць і паўторныя ўлікі да канца інкубацыі ў самых ранніх варон (да 10 траўня), дадаваць новыя гнёзды і замалёўваць кружкі, калі гнёзды займаюцца.
🔹Пасля ўлікаў адправіць фота ці скан улікаў са сваім імем і прозвішчам на электронную пошту [email protected]

📌 Вельмі пажадана зрабіць ўсе ўлікі да 10 траўня, а першы на гэтым-наступным тыдні, пакуль лісце яшчэ не распусцілася і гнёзды добра відаць.

Цяпер мы толькі закладваем базу для маніторынгу. У наступныя гады будзе цікава паглядзець, што і як будзе мяняцца. Заадно паспрабуем праверыць гіпотэзу, што шэрыя вароны выцясняюць з гарадоў сарок.

Цікава як ужываюцца вароны і сарокі не толькі ў Мінску ці ў Гродна, дзе сарокі зніклі з горада.

Ні пуху! 🪶

📷 На фота гняздо шэрай вароны, з якога тырчыць хвост птушкі.

#птушкагода