#спо #ВервилТех #ссуз

⭐️ Техникумҥа күһүҥҥү куурус

2015 сылтан үгэс курдук күһүн ахсын ыытыллар "Веревочные курсы" Түгэхтэй алааһыгар буолан ааста. Орто анал үөрэххэ олус наадалаах, уопсастыбаҕа туһаны аҕалар идэлэри баһылыан баҕалаах үөрэнэ киирбит устудьуоннары билиһиннэрэр сыаллаах тэрээһиҥҥэ 13 бөлөх барыта кытынна.
Техникумҥа саҥа үөрэнэ киирбит ыччат дьон билсиһэн, алтыһан, бэйэ-бэйэҕэ эрэллээх буолалларыгар, бодоруһан, доҕордуу сыһыаны үөскэтэллэригэр бу оонньуу ньыматынан барар күрэх бигэ тирэх буолар.

Сарсыардаттан сахалыы сиэринэн салама баайан, алгыс түһэрэн, сибиэһэй салгыҥҥа көччүйэ күрэхтэһэн туран биэрбит күһүҥҥү күннээх күнү астына-дуоһуйа атаардылар. Техникум остолобуойун асчыттара итии чэйдээх, минньигэс астаах эбиэтинэн күндүлээтилэр. Педагогическай коллектив бэрт түмсүүлээхтик тахсан, станциянан ыытыллар оонньуу хабааннаах күрэх тэрээһиниттэн биир да үлэһит туора туран хаалбата.

Уопсай түмүгү, хайа хамаанда кыайыылаах буолбутун, кэлэр нэдиэлэ саҕаланыыта линейкаҕа үөрүүлээх быһыыга-майгыга биллэриэхтэрэ.

#спо #ВервилТех #ссузы

⭐️ Ночь волейбола

Общежитие оҕолоругар аналлаах волейбол күрэҕэр
1-кы миэстэни "Ассорти" хамаанда, 2-һи - ПБ-9 уонна
3-с бочуоттаах миэстэни ПД-24 ыллылар.

#спо #ВервилТех #ссузы

⭐️ Техникумҥа лаборант идэтигэр үөрэнэр устудьуоннар улуустааҕы Ветеринария сулууспатын лабораториятыгар экскурсияҕа сырыттылар.

Устудьуоннар бөлөхтөрүн салайааччыта Ольга Ивановна Тумусова лаборант идэтин баһылаан тахсыахтаах устудьуоннарга үлэ ымпыгын-чымпыгын билиһиннэрэр, лаборатория үлэтин иһиттэн көрдөрөр сыаллаах экскурсияҕа үлэһиттэри кытта билиһиннэрдэ. Лаборатория үлэһиттэрэ эрдэ практикаҕа сылдьыбыт устудьуоннары хайгыылларын биллэрдилэр. Итиэннэ производственнай практика кэмигэр 6 устудьуону лабораторияларыгар үлэҕэ ыҥырдылар.

#спо #ВервилТех #ссузы

⭐️ Орто күн - лекторий күнэ

Улуустааҕы киин балыыһа Профилактика кабинетын сиэстэрэтэ Светлана Тимофеевна Алексеева "Профилактика алкоголя", "Здоровье - это…" тиэмэлэргэ устудьуоннарга лекция аахта.

#көмө #спо

⭐️ Үтүө санаанан салайтаран

Балаҕан ыйын 17 күнүгэр Үөһээ Бүлүүтээҕи Техникум ыксаллаах быһыы-майгы уонна баһаартан сэрэхтээх буолуу салаатын устудьуоннара Руслан Русланович Былков, Лев Васильевич Саввинов салайааччылаах приют тэрилтэтигэр көмөҕө кэлэн бардылар. Кырачааннар быстах кэмҥэ олохсуйар дьиэлэрэ-уоттара ичигэс буоларын туһугар, иитиллээччилэр үлэлиир усулуобуйалара тупсарын туһугар сабараанньатын буорунан толорон биэрдилэр.

"Эдэр кэскиллээх ыччаттарбытыгар, кинилэри үөрэххэ, үлэҕэ угуйа сылдьар учууталларыгар баҕарыа этибит дьолу саргыны, доруобуйаны, инникитин да үтүө санаанан салайтарар күүс-көмө буола тураргытыгар", - диэн Үөһээ Бүлүүтээҕи И.И.Седалищев аатынан дьиэ кэргэҥҥэ иитиигэ көмөнү оҥорор киин үлэһиттэрэ махтал тылларын аныыллар.

"Үөһээ Бүлүү" хаһыат

#спо #ссузы #Вервилтех

⭐️ Орто күн - лекторий күнэ

Устудьуоннарга суол быраабылатын туһунан ГАИ инспектора Семен Семенович Артемьев кэпсээтэ.

#спо #ссузы #Вервилтех

⭐️ "Защита в чрезвычайных ситуациях" уонна "Пожарная безопасность-23" бөлөх устудьуоннарыгар виртуальнай кырааскалааһыҥҥа маастар кылааһын тэрийдилэр.

#спо #ссузы #ВервилТех

⭐️Музейный урок

В Верхневилюйском музее истории и этнографии провели урок об истории Республики Саха (Якутия) для первокурсников группы «Правоохранительная деятельность-24».

Рассказали об истории республики, провели игру на знание истории на тему «История РС(Я)».

#спо #ссузы #ВерВилТех

⭐️ Балаҕан ыйын 28 күнүгэр Кыырт Далыгар улахан балаҕаҥҥа "Тыа сиригэр олорор биир сүөм үрдүк" диэ ис хоһоонноох стратегическай сессия буолан ааста. Манна техникум устудьуоннара кыттыыны ыллылар.

Сүрүн модераторынан Ил Түмэн дьокутаата Владимир Поскачин үлэлээтэ, ыҥырыылаах ыалдьыттарынан Мэҥэ-Хаҥалас улууһун түмэлин дириэктэрэ, блогер Масаха Мэхээс, "Индустрия будущего" коммерческайа суох тэрилтэ дириэктэрэ Иван Степанов, "Урбанистика" трегын салайааччыта Ирина Алексеева буоллулар.

"Сүөһү көрүүтэ эрэй буолбакка, сөпкө тайаннахха - барыстаах бизнес", "Куоракка көһө сатаабакка, куораты тыа сиригэр аҕалыахха", "131 сокуоҥҥа уларыйыылар киирэллэрин тула аһаҕастык атах тэпсэн олорон кэпсэтиэххэ" диэн сүрүн боппуруостарга санаа атастаһыылаах кэпсэтии барда.

#бэлиэкүн #ссузы #Вервилтех
#спо

⭐️ Орто анал үөрэхтээһин күнүнэн Үөһээ Бүлүүтээҕи Техникум педагогическай кэлэктиибин, бары үлэһиттэрин уонна устудьуоннарын эҕэрдэлиибит!

#СпасибоПедагогу

"Үөһээ Бүлүү" хаһыат

#уһуйаан #СПО

🏃‍♂️ Үөһээ Бүлүүтээҕи техникум спорт саалатыгар 6 №дээх "Солнышко" уһуйаан иитээччилэрэ "Ийэм, аҕам уонна мин - чөл олоҕу өрө тутабыт" ыҥырыылаах Саха сиригэр оҕо аймах, Россияҕа Дьиэ кэргэн сылларыгар аналлаах спортивнай күрэҕи ыыттылар.

Күрэххэ уопсайа 3 ыал кытынна, ол курдук Эрхан Левин, Климентий Григорьев, Ильдар Николаев төрөппүттэрин уонна убай, эдьий.

Дьүүллүүр сүбэ Үөһээ Бүлүүтээҕи техникум физкультураҕа учуутала Лев Васильевич Саввинов уонна "Солнышко" уһуйаан төрөппүт кэмитиэтин бэрэссэдээтэлэ Уруйдаана Уйгурова сыаналаатылар.

Оҕолор уонна төрөппүттэр билиилэрин, сатабылларын киллэрэн туран, үөрэ-көтө оонньоотулар, оҕо саастарын санаатылар. Күрэх түмүгүнэн "Ильдар и команда" бастаата, "Звездочкалар" иккис, "Дружба" хамаанда бочуоттаах үһүс миэстэ ыллылар. Кыайыылаахтар мэтээл кэттилэр, бириистэринэн наҕараадаланнылар.

Техникум салалтатыгар уонна коллективыгар уһуйаан коллектива махталларын тиэрдэллэр. "Ил-эйэ эҥэрдэстин, байылыат олоҕу баҕарабыт. Түгэнинэн туһанан Ийэлэр уонна Аҕалар күннэринэн "Солнышко" коллектив аатыттан итии истиҥ эҕэрдэ этэбит" - дииллэр.

"Үөһээ Бүлүү" хаһыат