#бэлиэкүн #ссузы #Вервилтех
#спо

⭐️ Орто анал үөрэхтээһин күнүнэн Үөһээ Бүлүүтээҕи Техникум педагогическай кэлэктиибин, бары үлэһиттэрин уонна устудьуоннарын эҕэрдэлиибит!

#СпасибоПедагогу

"Үөһээ Бүлүү" хаһыат

#бэлиэкүн

⭐️ Россияҕа сэтинньи 10 күнүгэр бэлиэтэнэр Ис Дьыала уорганнарын сотрудниктарын күнүн көрсө Үөһээ Бүлүүтээҕи полиция отдела техникумҥа оскуола выпускниктарыгар, студеннарыгар анаан дириҥ ис хоһоонноох киэһэни тэрийдэ.

Сулууспалыы сылдьан өлбүт сотрудниктарга аналлаах кэриэстэбил бэсиэдэ, идэни сөпкө таларга сыһыаннаах аһаҕас кэпсэтии, полиция анал уонна бойобуой техникатын быыстапката о.д.а. тэрээһиннэр буоллулар.

Оскуола оҕолоро массыыналарга олорон анал түгэҥҥэ эрэ холбонор сигналы тыаһатан, бураҥҥа, лодкаҕа олорсон көрөн олус сэргээтилэр.

"Маннык интэриэһинэй киэһэни эдэр ыччакка бэлэхтээбиккитигэр Үөһээ Бүлүүтээҕи ИДьО бары сотрудниктарыгар махталбытын тиэрдэбит" - диэн техникум дириэктэрэ Матрена Осипова махталын биллэрдэ.

Идэни өрө тутуу, талан ылбыт идэнэн киэн туттуу - ыччакка улахан холобур буолар.

Барыта, быһа холоон, 100 тахса орто уонна кыра сүһүөх оскуола оҕолоро бу тэрээһиннэргэ кыттыыны ыллылар.

@uohee_buluu