Сустракай птушку 2025 года – вялікага грыцука, прыгожага і элегантнага!

👍 Зараз беларускія вялікія грыцукі (большие веретенники) зімуюць у Афрыцы, і шлюць табе адтуль прывітанне. Убачымся з імі вясной, калі яны вернуцца на свае месцы гнездавання.

І калі ты яшчэ ні разу ў жыцці не бачыў_ла гэтых чырванакніжных птушак, то пастарайся зрабіць гэта сёлета. 😉

А мы цягам года будзем расказваць шмат цікавостак пра іх.

З новым годам, сябра, годам вялікага грыцука! 🧡

#птушка2025года

Птушка года на паштовых марках!

👍 Заўтра, 4 сакавіка, у Беларусі выходзяць маркі з вялікім грыцуком.

⚡ І толькі заўтра на галоўным паштамце краіны ты зможаш пагасіць марку на адмысловым канверце першага дня спецыяльным штэмпелем, які выкарыстоўваецца толькі заўтра.

Да выпуску падрыхтаваныя і прыгожыя карткі. Калі на іх у гэты дзень наклеіць маркі з боку малюнка і пагасіць штэмпелем першага дня – атрымаецца калекцыйны картмаксімум.

💌 Прыходзь набыць маркі ў сваю калекцыю ці адправіць з імі картку сябру! Намінал N на марцы дазваляе адаслаць паштовую картку за межы Беларусі.

Маркі выпусціла Міністэрства сувязі і інфарматызацыі. Над імі працавалі мастак і арнітолаг Аляксандр Міцянін з дызайнеркай Марынай Крэзо.

#птушка2025года