Добрага дня!

Андрэй Усанаў і "Белавежская пушча" па-беларуску

https://www.tiktok.com/@usanoff86?_t=8qyS2Csd6eL&_r=1

#КухняБеларусі

 Свініна, тушаная з капустай

500 г свініны,
1 кг капусты,
1 морква,
1 корань пятрушкі,
1 цыбуліна,
2 ст. лыжкі тамату-пюрэ, 1 ст. лыжка воцату,
2 ч. лыжкі цукру,
1,5 ст. лыжкі тлушчу, соль, лаўровы ліст, перац.

Свініну нарэзаць кавалачкамі, цыбулю - кружкамі, свежую капусту, моркву, пятрушку нашаткаваць. Падрыхтаваныя прадукты, акрамя капусты, абсмажыць. Капусту злёгку перацерці з соллю. Усё скласці ў рондаль, дадаць тамат-пюрэ, воцат, перац, уліць каля шклянкі булёну або вады і тушыць на слабым агні да гатоўнасці прадуктаў. Затым пакласці цукар, соль, лаўровы ліст, уліць пасераваную і разведзеную булёнам або вадой муку, патрымаць на агні яшчэ 5 хвілін.
Замест свежай капусты можна выкарыстаць кіслую. Тады не трэба класці воцат, а норму цукру павялічыць.

#МоваНашаРодная

Беларуская мова - гэта мова эліт або мова народа?

Думаю, шмат хто з вас сутыкаўся з такой цікавай з'явай, калі чалавека, які размаўляе па-беларуску тут жа пачынаюць выпраўляць і ўказваць на хібы яго маўлення, патрабуючы строга літаратурнага варыянту і чысціні.

На мой погляд, такія выпраўленні маюць рацыю ў адносінах да маўлення журналіста, тэлевізійнага вядучага або дыктара, выкладчыка, выступлення навукоўца або артыкула ў афіцыйным выданні. То бок там, дзе павінен ўжывацца ўзор правільнай літаратурнай мовы.

Што ж датычыць паўсядзённай гаворкі, то выпраўленне нават не карэктна.
Па-першае, кожны чалавек засвойвае нейкія асаблівасці мясцовага дыялекту.
Па-другое, ён можа ўжываць нейкія запазычанні, жарганізмы, спецыяльныя скажэнні слоў для надання асаблівага сэнсу або адцення. Гэта сустракаецца ў маўленні на любой мове
Па-трэцяе, не кожны чалавек валодае абсалютнай граматнасцю і тыркаць гэтым у вочы незнаёмаму ці малазнаёмаму чалавеку - проста праяўленне нявыхаванасці

Зоя С

#МоваНашаРодная

Беларуская мова - гэта мова эліт або мова народа?

Думаю, шмат хто з вас сутыкаўся з такой цікавай з'явай, калі чалавека, які размаўляе па-беларуску тут жа пачынаюць выпраўляць і ўказваць на хібы яго маўлення, патрабуючы строга літаратурнага варыянту і чысціні.

На мой погляд, такія выпраўленні маюць рацыю ў адносінах да маўлення журналіста, тэлевізійнага вядучага або дыктара, выкладчыка, выступлення навукоўца або артыкула ў афіцыйным выданні. То бок там, дзе павінен ўжывацца ўзор правільнай літаратурнай мовы.

Што ж датычыць паўсядзённай гаворкі, то выпраўленне нават не карэктна.

Па-першае, кожны чалавек засвойвае нейкія асаблівасці мясцовага дыялекту.

Па-другое, ён можа ўжываць нейкія запазычанні, жарганізмы, спецыяльныя скажэнні слоў для надання асаблівага сэнсу або адцення. Гэта сустракаецца ў маўленні на любой мове.

Па-трэцяе, не кожны чалавек валодае абсалютнай граматнасцю і тыркаць гэтым у вочы незнаёмаму ці малазнаёмаму чалавеку - проста праяўленне нявыхаванасці

Зоя С

#МоваНашаРодная

Дала адказ у чаце, але вырашыла кінуць і на канал.

Аб чым сведчыць факт, што праз беларускую мову можна неяк выдзеліцца.

🎥🍿Юбілейны XXX Мінскі міжнародны кінафестываль «Лістапад» стартуе ў Беларусі

Юбілейны XXX Мінскі міжнародны кінафестываль (ММКФ) «Лістапад» пройдзе ў Беларусі з 1 па 8 лістапада пад лозунгам «Кіно са знакам якасці».

📌Цырымоніі адкрыцця і закрыцця юбілейнага кінафестывалю пройдуць на сцэне Палаца Рэспублікі. Адкрыецца «Лістапад» беларуска-расійскай стужкай «Чорны замак», створанай па матывах рамана Уладзіміра Караткевіча «Чорны замак Альшанскі».

📌Паказы фільмаў адбудуцца ў кінатэатрах «Перамога», «Мір», «Цэнтральны», «Піянер» і «Беларусь».

📌Арганізатары «Лістапада» абяцаюць насычаную праграму. У рамках фестывалю, акрамя конкурсных і пазаконкурсных паказаў, будуць арганізаваны дні адкрытых дзвярэй на кінастудыі «Беларусьфільм». Таксама пройдуць творчыя сустрэчы і майстар-класы ад прафесіяналаў кінаіндустрыі.

zviazda.by

ЛІСТАПАД

Лістапад – вераснёўскі ўнук, кастрычнікаў сын, зіме бацюхна родны.

У лістападзе гола ў садзе.

Лістапад-паўзімнік: мужык з калёсамі развітваецца, у сані перабіраецца.

Лістапад снегу навее – хлеба прыбудзе, а вада разальецца – сена набярэцца.
 
Апошні месяц восені, адзінаццаты – года, меў старабеларускаую назву грудзень (ад слова "груды" ў значэнні "замёрзлая зямля").

Сучаснае беларускае найменне лістапад тлумачыцца проста: канец ападання лісця з дрэў (таксама ва ўкраінцаў листопад, палякаў і чэхаў listopad). Рускі ноябрь, балгарскі ноември, нямецкі, вянгерскі, славацкі nowember утрымліваюць агульную лацінскую аснову  novem (дзевяць).
У старажытнарымскім календары  november – дзявяты. 

У пачатку лістапада адлятаюць апошнія чароды качак, дрэвы стаяць ужо амаль без лісця, з`яўляюцца туманы. Вёска на нейкі час вызваляецца ад сельскагаспадарчых работ. Дары асенняга поля і лесу ўжо добра ўладкаваны ў склепах і кладоўках.