#ДумкіЎслых

Закрануў гэты пост...
Сапраўды ж, ніякія школы і ўніверсітэты не навучаць дзіця любові да сваёй зямлі, да сваіх каранёў і да роднай мовы, калі ў сям'і гэтага не будзе!

Дарагія кабеты, пачніце з простага! Зайшоўшы ў кнігарню за кніжкай для дзіцяці, не прамініце палічку і з беларускай літаратурай.
Калі дзіця з маленства будзе чуць ад вас родную мову, то ў школе яна не будзе для яго гучаць, як замежная!

Зоя С

#ДумкіЎслых

Нехта з вас скажа, што пра тое, што Беларусь і Расія ёсць і застануцца асобнымі дзяржавамі, без аніякага аб'яднання шмат разоў гаворана, няма сэнсу паўтараць.
А мне думаецца, лішні раз не будзе, асабліва для тых, хто называе сябе "рускімі беларусамі", або "заходнарусістамі", або "заходнерускай часткай беларусаў". А калі больш проста, то для тых, хто працуе на пэўныя башні Крамля, якія ўспамінаў Прэзідэнт, гаворачы, што "некаму няймецца ў высокіх кругах".

Я разумею, што ў вас можа былі б нейкія свае плюшкі ад продажу Беларусі расійскаму бізнесу. Толькі хрэн вам у вочы, а не Беларусь!
Менавіта таму, вашы паплечнікі перыядычна аказваюцца то на сутках, то пад забаронай, то прызнаюцца экстрэмістамі.

А нам, патрыётам Беларусі, словы Прэзідэнта кожны раз як бальзам на душу! Таму, скажа яшчэ - мы і яшчэ апублікуем! Чытайце, пацейце і цярпіце!

Вечна жыві і квітней Беларусь!

Зоя С

А, нетаварышчы пыталіся, чаму я фамілію поўнасцю не пішу. Спецыяльна для вас: мая фамілія Серада ))

#ДумкіЎслых

Вось у нас пэўная частка абшчэственных вар'ятак бегае па крамах, здзірае павуцінне і грызе гарбузы, змагаючыся супраць "западных ценностей".

А можна было зрабіць куды прасцей - стварыць для людзей сваё свята, якое будзе адпавядаць нашым каштоўнасцям і традыцыям, нагадае людзям пра казку, якую яны чыталі ў дзяцінстве.

Але ж вар'яткі на тое і вар'яткі, што ім трэба пісаць скаргі, забараняць, здзіраць, ганьбіць і псаваць людзям настрой. Яны як тая Дзюдзюка Барбідоская: калі ўсім сумна, то вар'яткам добра. Фу такімі быць!

Зоя С

#ДумкіЎслых

Сёння ў булкахрустаў чарговы прыступ алергіі ад Верашчакі.

Па-першае, мы ніякія не нацыялісты, мы проста патрыёты, якія за Беларусь, за беларускасць і за беларускі свет

Па-другое, гісторыкаў сярод нас няма, матэрыялы публікуюцца тыя, якія знаходзім у адкрытых крыніцах. Калі што і не так, дык вы за сабой спачатку гляньце. А то ў вас то Мураўёў адукацыю ў Беларусь прынёс, то еўрапейцы СНІД і ВІЧ індзейцам падкінулі, то слуцкія паясы ткуць прыгонныя дзяўчаты.

У трэціх, Верашчакі не было б, каб у нас хоць адзін прапагандыст размаўляў і пісаў па-беларуску. А паколькі, такіх няма, то хоць Верашчаку чытаць будзем.

Ну і апошняе, атчапіцеся ад нашага канала! Столькі ўвагі толькі з-за таго, што чалавек з вёскі завёў рэсурс на беларускай мове! Выглядае вельмі недарэчна!

Не нарвуйцеся вы так! Усё будзе добра!

Зоя С

П.с.: пост не для падпісчыкаў, ён для тых, каго ад нас каўбасіць

#ДумкіЎслых

А, наконт змены назваў аб'ектаў...
Ну даражэнькія, вы б пачыталі калі Законы перад тым, як бегаць і лямантаваць!

Там напісана, хто і якім чынам можа ўнесці прапановы аб змене назваў.
Калі ласка, вось спасылка, вывучайце!

А то ўжо рэспубліканскі рэферэндум сабраліся замуціць, неўтрапёныя!)))

https://etalonline.by/document/?regnum=h11000190

#ДумкіЎслых

Каб маладыя спецыялісты заставаліся жыць і працаваць на сяле, трэба не толькі эканамічныя ўмовы ствараць, але і фарміраваць пэўнае светаўспрыманне ў моладзі. То бог, фарміраваць прэсціж сельскіх прафесій і вясковага вобразу жыцця, моду на ўласны дом, а не кватэру ў хмарачосе.

А дзеля гэтага ўсялякім Рыгорам ды Мікітам неабходна пакатацца па рэгіёнах і паказаць прывабнасць вясковага жыцця, магчымасці для маладых сямей на сяле, нейкія праблемы падсвяціць ды хібы дапамагчы выправіць. А пакуль яны ў нас толькі кулакамі махаюць ды седзячы ў студыях "языкамі плявузгаюць" (с)

Зоя С

#ДумкіЎслых

Рыгор Азаронак і Аляксандр Дугін учора на стрыме адмянілі права выбару і свабоды волевыяўлення для грамадзян Рэспублікі Беларусь.

З такой прапагандай і ворагаў не трэба!!! 🤦🏻‍♀️

Зоя С

#ДумкіЎслых

Слушны пост пра сучасную тэндэнцыю абмежаваць сябе ад еўрапейцаў. Даўно думала нешта такое, а сёння ўбачыла і захацела падзяліцца.

Ванітуе ўжо ад усіх гэтых новых філасофій пра нейкае еўразійства без Еўропы, пра скіфскія карані і барацьбу з заходнімі каштоўнасцямі.

Вы як тыя прыбалтыйскія і ўкраінскія антысаветчыкі - тут бачу, а тут не бачу. Калі адмаўляцца, то ўжо ад усяго поўнасцю! Не да твару нам гэтыя паў-меры!

Зоя С

https://t.iss.one/maria_degtereva/3036

#ДумкіЎслых
#МоваНашаРодная

Учора на перадачы было паднята цікавае пытанне аб тым, што такое беларуская мова для людзей. Гэта сродак выпендрыцца і прыцягнуць увагу да сябе або гэта свядомы выбар чалавека і праяўленне патрыятызму?

Для мяне сама пастаноўка такога пытання нейкая дзікая. Нібыта на рускай мове ніхто не выпендрываецца, не выказвае пратэст і не карыстаецца ёй калі проста няма чаго сказаць! Чаму наогул беларуская мова для некаторых з'яўляецца нейкім трыгерам? Чаму чалавек, які размаўляе па-беларуску адразу трапляе пад увагу, быццам у яго чыр на носе!?

А я вось згодна з Ільёй. Выкарыстанне беларускай мовы - гэта праяўленне патрыятызму!

Як сказаў Прэзідэнт, беларуская мова - гэта тое, што нас адрознівае ад іншых. То бок, калі ты адчуваеш сябе прыналежным да беларускага народа, калі ты ганарышся тым, што ты беларус, то ты будзеш свядома рабіць усё, каб зберагчы гэту мову (нажаль на сённяшні дзень пытанне стаіць так), каб ажывіць яе і перадаць як спадчыну сваім дзецям.

Зоя С

#ДумкіЎслых

https://t.iss.one/belta_telegramm/276141

Наш прэзідэнт выдатна у тэрмінах разбіраецца і ясна і дакладна выказваецца 😏 некаторым асобным нашым філосафам і палітолагам нядрэнна было б узяць за прыклад 😏

#МоваНашаРодная
#ДумкіЎслых

А цяпер пра сумнае.
У нас ёсць такія "разумнікі", нават сярод журналістаў і філосафаў, якія тыркаюць тэрмінам "нацыяналіст" усім, хто нек спрабуе абараніць сваё права карыстацца беларускай мовай. Маўляў, усё ў нас у дзяржаве з гэтым добра, а вы проста на пустым месцы праблему раздуваеце.

А вы праўда лічыце, што на пустым?
Вось прыклад ☝️ Як мне карыстацца беларускай мовай на новай платформе, калі права выбару там чыста дзеля віду?

А можа я проста не так разумею гэта сваё права?
Тады прашу больш разумных людзей мне растлумачыць, у чым гэта права выражаецца і як яго можна рэалізаваць?

Зоя С

#ДумкіЎслых

Не першы раз чую, нібыта мы на "Верашчацы" займаемся нечым непрыстойным і крычым пра "притеснение мовы".

Насамрэч нават думак такіх у нас не было і не будзе!
Мне наогул не падабаецца слова "притеснение". Я лічу, што ў нас у краіне Канстытуцыя абараняе ад любога "притеснения" не толькі мовы, але і грамадзян.

А вось тое, што часам грамадзяне абмежаваны ў магчымасцях карыстацца беларускай мовай, то гэта факт.

І што, трэба маўчаць і казаць, што ўсё норм?!
Міжтым, яшчэ за савецкім часам нашы пісьменнікі і культурныя дзеячы падымалі праблемы беларускай мовы. Значыць яны ёсць. Больш таго, на сённяшні дзень іх стала яшчэ больш.

А пра праблемы трэба не маўчаць, а гаварыць і вырашаць. Вось мы і гаворым.
Каб не згінеў наш Беларускі свет!

З любоўю да роднага
Зоя С

#ДумкіЎслых
#АнекдотДня


Вадзім Францавіч, некаторыя пішуць "сиюта", "пропогандист", "варешка", "эмплуа"...
(Больш прыкдадаў тут @sidovocab)

Не хочаце абмеркаваць? Чаму Вы абмяжоўваеце сябе толькі "молдОванами" и "белАрусами"? 😁

#ДумкіЎслых

Мне цікава, як гэты чалавек пасля атрымання дыплома прыйдзе дзяцей вучыць беларускай мове і літаратуры.

Бондарава вучыцца на бюджэце, значыць адпрацоўка будзе абавязкова. Уяўляеце ўзровень будучага настаўніка!!!

Зоя С

#ДумкіЎслых

Хоць адзін чалавек з усіх СМІ не бачыць сітуацыю з такімі вось опусамі нармальнай!

Астатняму нашаму маналіту усё добра, ім толькі Верашчака жыць замінае

Зоя С

#ДумкіЎслых

Назіраю за суполкай абшчэственных вар'ятаў актывістаў, якія змагаюцца з шыльдамі, перцамі, мукой, назвай краіны, беларускамоўнымі блогерамі, якіх гвалціць праз вушы гук беларускай мовы ў транспарце і так агідна і брыдка ад іх нешта.....

Кажуць, што для іх руская мова родная, таму яны такія. Ну дык хто не дае ім папулярызаваць родную рускую мову праз свае старонкі і блогі? Чаму не публікаваць прыгожыя вершы і прозу, не расказваць пра кніжныя навінкі, пра даследванні мовазнаўцаў? Чаму не арганізаваць цікавыя мерапрыемствы, флэшмобы, апытанкі пра любімую рускую мову?

Думаеце, ім яно трэба?! Большасць з гэтых "рускоязычных пророссийцев" пішуць з такімі памылкамі на рускай мове, што кроў з вачэй! Бязграматныя невукі з абмежаваным светапоглядам, звар'яцелыя ад таго, што самі прызначылі сабе права ўказваць іншым, што любіць, што святкаваць, як жыць!

Што можна сказаць? На розум прыходзяць радкі з вядомай байкі:

- Каб сонца засланіць, вушэй асліных мала!

Проста праціўна ўсведамляць, што сярод нас жывуць і дыхаюць адным паветрам людзі, якія супраць усяго таго, што робіць нас беларусамі. Супраць беларускай мовы, супраць матываў нашага арнамента, супраць гісторыі беларускай дзяржаўнасці, супраць прызнання нас асобным народам. Гэта проста ў галаву не ўкладваецца! Нейкі бздур! Як такое наогул магчыма!?
І як можна называць такіх людзей, якімі словамі?
Па мне, гэта праўда нейкія вар'яты!

Зоя С