Літаратура для падлеткаў

Пра ролю маладзёжных выданняў у фарміраванні жыццёвай пазіцыі юнакоў і дзяўчат гутарым з галоўным рэдактарам часопіса “Бярозка” Янінай Каралёвай і маладым паэтам Мацвеем Лішыным:

▫️уплыў літаратуры на фарміраванне падрастаючага пакалення;
▫️задачы стварэння пасрэдніцкай сувязі паміж падлеткамі і дарослымі;
▫️выхаванне і развіццё грамадскай актыўнасці, патрыятызму, сацыяльнай эмпатыі, аналітычных і творчых здольнасцей, мастацкага густу ў мэтавай аўдыторыі;

Далучайцеся да размовы ТУТ.

#СучаснаяБеларусь

А такую Беларусь вы бачылі?
Хто здагадаўся, дзе гэта?

#Літаратура

Ворагам Беларусі

Чаго вам хочацца, панове?
Якi вас выклiкаў прымус
Забiць трывогу аб тэй мове,
Якой азваўся беларус.

Чаму вам дзiка яго мова?
Паверце, вашай ён не ўкраў,
Сваё ён толькi ўспомнiў слова,
З якiм радзiўся, падрастаў.

Цяпер i вы загаварылi,
З апекай выйшлi, як з зямлi;
А што ж дагэтуль вы рабiлi?
А дзе ж дагэтуль вы былi?

Ваш брат i цёмны, i галодны;
Хацiнка свой зжывае век;
I век не знаў ён дум свабодных,
I крыўдзiў свой брат — чалавек.

Вам страшна нашай слёзнай песнi
I жальбы страшна вам глухой?
Вам жудка сонца напрадвеснi?
Мiлей вам холад з цемнатой?

А што ж вам беларус такога
Пасмеў зрабiць, пасмеў сказаць?
Эх, трэба ўчыць яшчэ вас многа,
Як свайго брата шанаваць!

Эх, кiньце крыўдамi кармiцца, —
Кожны народ сам сабе пан;
I беларус можа змясцiцца
Ў сям′i нялiчанай славян!

Напасцю, лаянкай напраснай
Грудзей не варта мазалiць!
Не пагасiць вам праўды яснай:
Жыў беларус i будзе жыць!

Не столькi “хамскiя” натуры
На карках вынеслi сваiх!
I свiст даношчыкаў пануры,
Паверце, не запудзiць iх!

К свабодзе, роўнасцi i знанню
Мы працярэбiм сабе след!
I будзе ўнукаў панаванне
Там, дзе сягоння плача дзед!

Янка Купала
1915г

Як Васіль з Ганнаю абедаюць...

У тыкток @luciamatiunas

#МіфыЛегендыБеларусі

Меша - амаль бясшкодны дэман, які жыве ў старых развалінах будынкаў. Знешне гэтыя істоты нагадваюць невялікую чорную кудлатую жывёлу: ні то ката, ні то сабаку.

Калісьці гэтыя істоты былі злымі балотнымі нячысцікамі, але моцна недагадзілі самому Кадуку, за што апошні пазбавіў іх чароўных здольнасцей.

Часам Меша можа залазіць у жылыя хаты і хавацца пад печ, займаючыся дробным шкодніцтвам. Таму матулі палохаюць сваіх дзяцей, што калі яны не лягуць спаць, то Меша зацягне іх пад печку.»

З нататкаў нячысціказнаўца Яна Клікста Лашкевіча

Добрага дня!

Вас вітае гурт Арацэя
У тыкток @aratseya.by

#КухняБеларусі

Селядзец смажаны з грыбным соусам

Каб прыгатаваць гэтую страву спатрэбіцца 5-6 селядцоў, цыбуліна, багет, дзве лыжкі мукі, аліўкавы алей і спецыяльны грыбны соус.

Але перш чым заняцца соусам, варта надаць увагу селядцу. Яго трэба пачысціць, мяса дробна парэзаць, дадаць пакрышаную цыбулю, вымачаны ў вадзе багет.

Атрыманую масу можна запякаць у духоўцы або асцярожна смажыць на патэльні. Можна зрабіць невялічкія шарыкі, каб іх было больш зручна памачыць у соус.

Каб прыгатаваць грыбны соус, грыбы трэба адварыць і дробна пакрышыць. Затым укінуць у растопленае масла, змешанае з мукой і булёнам.

Замест цэлых грыбоў можна выкарыстоўваць грыбны парашок або сухія грыбы.

Што рабіць з тэзісам, нібыта Беларусь прыдумалі ў Маскве?

Ігар Марзалюк усё растлумачыў дакладна

https://youtu.be/3Ix201d93fY?si=RRVKJbT6y-YAmOtM