Дарэчы, кожны з вас таксама можа паўдзельнічаць у галасаванні і аддаць свой голас за выбітных дзеячаў Беларусі

https://lenadmin.gov.by/opros/5048-tselesoobrazno-li-prisvoit-ostanovochnym-punktam-raspolozhennym-na-territorii-rajona-predlozhennye-naimenovaniya-2

Добрага ранку!

Паглядзіце толькі які гаспадар расце!
Сапраўдны беларус!
І размаўляе па-нашаму!

У ціктоку @arsenchik.belarus

#КухняБеларусі

Суп малочны з гарбузом

З чаго гатаваць:
1,5 л малака.
500 г ачышчанага гарбуза,
1 ч. л. масла,
1,5 кг манных круп,
цукар (да смаку),
соль (па патрэбе).

Як гатаваць. Гарбуз нарэзаць дробнымі кубікамі, патушыць з невялікай колькасцю вады і маслам, працерці праз друшляк ці скарыстацца блендарам. Забяліць малаком, давесці да кіпення, усыпаць манных круп, соль, цукар і варыць 7-10 хв.
Смачна есці!

#МоваНашаРодная

АБЛАВУХА
Гэта літаратурнае гаваркое, вобразна яркае слоўка, якое сваім гучаннем падабаецца многім беларускім карыстальнікам, першапачаткова мела форму облоухъ і са значэннем шапка з вушамі было занатавана ў ХІХ ст. нашым знакамітым мовазнаўцам і фалькларыстам Іванам Насовічам.

Згодна з энцыклапедычным даведнікам «Этнаграфія Беларусі», аблавухай варта называць не любую мужчынскую шапку-вушанку, а толькі тую, у якой да круглай асновы, зробленай з аўчыны, заечага, лісінага, вавёрчынага ці трусінага футра, пацягнутай зверху цёмным сукном, прышыты 4 крылы (вушы).

Ад назоўніка аблавуха ўтвораны прыметнік аблавухі, які вядомы многім славянскім дыялектам і выкарыстоўваецца ў нашай мове для характарыстыкі: чалавека — някемлівага, няспрытнага, з вялікімі непрыгожымі вушамі, стрыжанага; жывёлы — з абвіслымі вушамі. «Ліба не паспела адысці ад акна, як на ім мігам апынуўся прыгожы, у рудыя яблыкі, аблавухі сабака“ (Ц. Гартны)

Гараскоп на тыдзень
19.02 - 25.02

Авен. Добры настрой пачатку тыдня здолееце захаваць. У сераду трэба з асцярожнасцю паставіцца да кампліментаў ад людзей, з якімі вас зводзяць агульныя справы. Не дазваляйце сабе расслабіцца і перайсці на даверны тон — гэтым могуць скарыстацца не на вашу карысць. Ды і ў цэлым неслужбовыя адносіны з калегамі не рэкамендуюцца. У пятніцу вашы ініцыятывы могуць сустрэць сур’ёзны супраціў з боку начальства.

Цялец. На гэтым тыдні пашанцуе ў справах, у якіх неабходна праявіць ініцыятыву, напорыстасць і смеласць, а не дзейнічаць па шаблоне. У вас павінен з’явіцца шанц ператварыць сапернікаў у саюзнікаў і атрымаць поспех ва ўсім, чым трэба будзе займацца. У пятніцу можаце выявіць, што занадта далёка зайшлі ў спрэчцы з сябрамі ці роднымі, паспрабуйце паставіцца да рознагалоссяў творча і прадухіліць канфлікт. У нядзелю наведванне мерапрыемства,якое ўяўлялася вам сумным, можа стаць пачаткам сапраўднай рамантычнай гісторыі.
Блізняты. Справы пойдуць паспяхова, у вас узнікне адчуванне радасці і гармоніі. Надыходзіць час для рашучых дзеянняў, прэч сумневы, зоркі пакажуць вам дакладны шлях. Магчымы цудоўны, яркі, насычаны тыдзень. У вас будзе практычна ўсё атрымлівацца. Канец тыдня абяцае быць прыемным у асабістым плане, не выключана рамантычная паездка. Удача вам будзе спадарожнічаць.
Рак. На гэтым тыдні вы здольныя разабрацца ў шматлікіх заблытаных праблемах, выявіўшы, што менавіта пайшло не так. У аўторак ці сераду верагодныя буйныя грашовыя паступленні. Вас могуць заваліць дробнымі, але тэрміновымі справамі. У чацвер з’явіцца прапанова, якая станоўча паўплывае на ваш дабрабыт. Увогуле, вы будзеце вельмі занятыя, але хаця б у выхадныя варта ўспомніць пра дом і сям’ю.

Леў. Панядзелак — спрыяльны дзень для пошуку новых сяброў і новай працы. Будзьце ўважлівыя, не спрабуйце ўсе праблемы вырашаць самастойна, райцеся з блізкімі, прасіце дапамогі ў калег. Будзе выдатна, калі выдаткуеце назапашаную энергію на вандраванне ў выхадныя.

Дзева. На гэтым тыдні выкарыстоўвайце любую магчымасць, каб адпачыць ад перагрузак на працы, непрыемнасці хутка знікнуць, і з’явіцца шмат вольнага часу. Прывядзіце ў парадак самаацэнку і нервовую сістэму. Паспрабуйце быць пунктуальнымі і нікуды не спазняцца. У выхадныя дазвольце сабе пасіўны адпачынак, можаце крыху паленавацца.

Шалі. Каб паспяхова рэалізаваць усё намечанае на гэты тыдзень, неабходна засяродзіцца і не марнаваць час на балбатню. Паступова ўзрастае ваш аўтарытэт і заробак, таму за гэтую сферу перажываць не варта. Аўторак можа прынесці сустрэчы з карыснымі і цікавымі людзьмі. Старайцеся знаходзіцца ў цэнтры падзей, гэта дапаможа вам не толькі не сумаваць, але і забяспечыць шэраг карысных знаёмстваў.
Скарпіён. Тыдзень спрыяльны для дэманстрацыі свайго творчага і прафесійнага патэнцыялу шырокай публіцы. Людзям, чыя сфера дзейнасці мае на ўвазе крэатыўнасць, будзе спадарожнічаць поспех у справах. Добры час для пошуку новай працы. Пацешаць дзелавыя навіны і перспектывы. Ваш аптымістычны настрой дапаможа дабіцца поспеху і атрымаць прыбытак. Пусціце ў ход усё абаянне, тады вынік нават перасягне вашы чаканні.
Стралец. Найвышэйшую каштоўнасць на гэтым тыдні набудуць ваша бескарыслівасць і чысціня намераў. Вам практычна нічога не атрымаецца зрабіць для сябе, аднак дзеянні альтруістычнага характару будуць мець ашаламляльны поспех. У сераду не зважайце на дробязі, яны не перашкодзяць вам дамагчыся мэты. Субота — прыдатны дзень для навядзення парадку, як дома, так і ў думках.

Казярог. Цяпер важны ваш настрой. Усё змрочнае і песімістычнае павінна быць бязлітасна выкінута прэч. Сумневы таксама недапушчальныя. Толькі жалезная ўпэўненасць у сваіх сілах і трыумф мудрага, добрага і прыгожага дапамогуць справіцца з тым, што чакае вас на гэтым тыдні. Асабліва напружанымі будуць аўторак і чацвер. Паспрабуйце не прад’яўляць залішне высокіх патрабаванняў да сябе і сваіх блізкіх.

Вадаліў. Прыліў энергіі ў панядзелак вас проста акрыліць, шмат што атрымаецца, калі правільна размеркаваць сілы. Чацвер можа аказацца дастаткова неадназначным днём, верагодныя інтрыгі, плёткі, сваркі, здрады. Важную для вас інфармацыю неабходна пераправяраць. А вось пятніца добрая для пачатку спраў, як вялікіх і важных, так і нязначных. На выхадных спрыяльны пачатак вандравання, паспрабуйце адправіцца хаця б у кароткачасовае падарожжа.

Рыбы. На гэтым тыдні вы будзеце асабліва паспяхова спраўляцца з чужымі праблемамі. Хутчэй за ўсё, імі і давядзецца заняцца, тым больш што свае ўласныя не будуць вырашацца з такой жа лёгкасцю. Затое вы будзеце поўныя разнастайных ідэй, зрэшты, з іх рэалізацыяй спяшацца не варта. Вы і ваша асяроддзе будзеце вельмі залежныя ад эмацыянальнай сферы — ваш кіслы выгляд можа надоўга сапсаваць усім настрой.

🧡 ГНУТКІ (hnutki)
(прыметнік, мужчынскі род)

1. Здольны лёгка гнуцца; гібкі.

🔸Пад хатаю тонкая рабіна
Да клёна хіліць гнуткі стан. (Ляпёшкін).
🔸Гусі шчыпалі мураву жоўтымі дзюбамі. Часта схілялі нізка, над самаю муравою, свае доўгія белыя гнуткія шыі і, выцягваючы іх на ўсю даўжыню, сіпелі ў бок на дзяцей. (Галавач).

2. Пераноснае значэньне: багаты адценьнямі, зьменлівы ў сваім руху (пра голас, мову і пад.).

🔸Гнуткі голас артыста лёгка зьліўся з цудоўным вакальным малюнкам вобраза. («Беларусь»).
🔸Антон Корж — чалавек гнуткага розуму і дыялектычнага мысьленьня. (Лойка).
#словы_Г

#МоваНашаРодная
#СучаснаяБеларусь

Незвычайныя помнікі Беларусі

Ні ў адной мове свету не сустракаецца падобная літара.

«Ў» («У нескладовае») выклікае зубоўны скрыгат у замежнікаў, якія спрабуюць вымавіць незвычайны гук, а ў беларусаў пры поглядзе на скульптуру прачынаецца пачуццё гонару: такога помніка больш нідзе няма, і ён з'яўляецца сімвалам адрознення і ўнікальнасці нашага народа.

З'явілася літара Ў у Полацку ў 2003 годзе, у гонар Дня беларускай пісьменнасці.

Беларусы ўпершыню прабіліся ў 1/4 фіналу ЧС па пляжным футболе

Уладальнік другой пуцёўкі ў васьмёрку суіскальнікаў узнагарод вызначыцца 20 лютага пасля сустрэч Беларусь — Калумбія і Японія — Сенегал.

zviazda.by

Мокаш – вярхоўная багіня.

* Мокаш – адна з багіняў пантэону, багіня-заступніца жанчын і адпаведна жаночых заняткаў, асабліва прадзення. Яе ўшаноўвалі і як багіню шлюбу, родаў, урадлівасці. У паганскім календары чацвер быў днём Пяруна, а пятніца – яго жонкі.

* Мокаш - вяршыцелька лёсаў, якой падуладна жыццё кожнага: і Бога і чалавека, прадзе Ніткі Лёсу. Ніткі Лёсу кожнага чалавека багіня вузламі прывязвае да добрых і злых учынкаў людзей, чым вызначаць далейшыя шчаслівыя ці гаротныя падзеі ў жыцці чалавека.

* Пасля прыняцця хрысціянства аналагам Мокаш стала св. Параскева-Пятніца. У пятніцу забаранялася прасці, мыць бялізну, мець палавыя адносіны з мужам.

Колькі каштуе вынесці выдадзены бюлетэнь з участку?

Мы даведаліся. 600 рублёў!

Жарты жартамі, але ў абноўленым Выбарчым кодэксе ўстаноўленая выразная забарона на вынас
бюлетэнь. Як і за любое іншае парушэнне заканадаўства, у
дадзеным выпадку прадугледжана адказнасць.

Калі раптам хтосьці вырашыць пакінуць сабе бюлетэнь у якасці сувеніра, трэба быць гатовым да таго, што прыйдзецца выкласці за яго да 15 базавых велічынь. Менавіта такі штраф за парушэнне заканадаўства аб выбарах прадугледжаны Кодэксам аб адміністрацыйных правапарушэннях.

#ЯМыКаласы
#ЧытаемРазам
#Літаратура

«Прыгнёт нараджае не толькі рабоў. Са слабых ‒ магчыма. Але з моцных ён нараджае волатаў!».

Уладзімір Караткевіч. «Каласы пад сярпом тваім» - чытаем разам.

#МоваНашаРодная

Апошнім часам сустракаю такое меркаванне сярод не апошніх людзей у дзяржаве, што беларусы абыйдуцца і без беларускай мовы.
Што для фарміравання нацыі наяўнасць уласнай мовы не абавязкова. Далей прыводзяцца як прыклад краіны, якія сваёй мовы не маюць.

Чытаю такое, слухаю, а ў галаве думкі....А ці не спрабуюць нас прывучыць паступова да таго, што беларусы рускамоўныя і гэта нармальна.

А некаторыя яшчэ і эканамічна абгрунтоўваюць, маўляў, накладна для эканомікі, мець дзве дзяржаўныя мовы, лішнія расходы.

А можа і праўда ўсё ідзе да таго, каб пазбавіць беларусаў сваёй адметнасці? Паступова так, па кроплі, каб і на заўважылі яны, як перасталі быць сабой.

Як лічыце? Буду рада, калі я памыляюся і ўсё не так.

#МіфыЛегендыБеларусі

У беларускім фальклоры не толькі Ведзьмы ды Вядзьмары маюць здольнасці да чараўніцтва, пераўтварацца або пераўтвараць у ваўкалака, ці насылаць праклёны.
Ёсць такія асобныя касты людзей, якія таксама маюць сувязь з нячыстай сілай ды чараўніцтвам: такой кастай з’яўляюцца Дудары, Млынары і Пастухі.

Дудары - народ бывалы, многа чаго ведае, вандруючы па белу свету.

Млынары - народ адчужаны, нелюдзімы, большасць часу сядзяць на сваіх млынах,  і ноччу дзе-нідзе, хто там ведае што за нячысцікі там снуюць. На вёсцы кажуць млынар - чалавек не просты, з Вадзянікам знаецца.

Пастухі, як і Леснікі ўсё лета па лясах  ды балотах ходзяць, збіраюць травы, сушаць карэнні, спрабуюць розныя цалебныя зеллі на скаціне, вось і кажуць што пастухі з Кадуком сяброўства водзяць.

Ад «Малюнкаў» пачатак...

З заходнебеларускіх пісьменнікаў (а іх у беларускай літаратуры — цэлая кагорта) і ў паэта, празаіка і публіцыста Міхася Машары сваё асаблівае месца.

zviazda.by

Дапамажы мужчыну.

Толькі Сапраўды моцная жанчына можа быць слабой, можа даць зразумець мужчыну, які ён мужны, моцны і паважаны ў яе вачах.

Прырода мужчыны - заступацца, апекаваць, клапаціцца аб кімсьці. Калі яму даюць такое права, ў яго выпростваюцца крылы, ў яго мужнасць і пачуццё ўласнай рэалізацыі ў шмат разоў узрастае. Калі жанчына побач з мужчынам паказвае, якая яна разумная, усё сама рабіць умее, мужчыну становіцца не цікава. Няма пра каго клапаціцца, няма каму заступацца. І ён альбо сыходзіць туды, дзе яму дазваляюць праяўляць яго сілу, альбо зміраецца, і хавае сваю мужнасць у далёкі кут, становячыся слабым і бязвольным побач з моцнай самадастатковай жанчынай.

Жанчына па сваёй прыродзе залежная. Яна мае патрэбу ў тым, каб хтосьці стаяў над ёй, даваў разумныя парады, аберагаў, бараніў. Не варта адмаўляцца ад сваёй прыроды і весці барацьбу за раўнапраўе  і жаночую незалежнасць, не трэба пазбаўляць сябе жаночага шчасця - быць залежнай, і мужчыну мужчынскага шчасця - даваць заступніцтва і апеку.