#savol_javob

Vaqtincha ishsiz pedagoglar attestatsiyaga jalb qilinmaydi

❓Savol: Men Termiz shahridagi maktabda dekabr oyiga qadar ishladim va ishdan boʻshadim. Hozir Navoiy viloyatiga koʻchib keldik. Bu yerdan ish topa olmadim. Termizdagi maktab nomidan bahorgi attestatsiyada qatnashsam boʻladimi? Shu maktabdan ball olgandim. Hozir hech bir maktab hisobida emasman.

Javob: Afsuski, mumkin emas. Malaka toifasi olish uchun oʻtkaziladigan pedagog kadrlar attestatsiyasida ishtirok etish uchun pedagog albatta, taʼlim tashkilotida asosiy yoki oʻrindoshlik (soatbay) asosida faoliyat olib borayotgan boʻlishi kerak. (Asos Vazirlar Mahkamasining 17.09.2021 dagi 572-sonli qarori)

Kanalga ulanish👇
https://t.iss.one/uztdi

#savol_javob

Savol: Boquvchisini yo‘qotgan ayolga, marhum erining o‘lim to‘g‘risidagi guvohnomasi asosida, to‘lovdan ozod etish uchun imtiyoz beriladimi?

Javob: O'zbekiston Respublikasi Prezidentining PF-87-sonli Farmoniga muvofiq, boquvchisini yo‘qotgan ayollarning farzandlari davlat maktabgacha ta’lim tashkilotlariga to‘lanadigan ota-ona badal to'lovidan ozod etiladi.

✅Shuningdek, ularning 3 yoshgacha bo‘lgan farzandlari uchun nodavlat maktabgacha ta’lim tashkilotlariga Davlat byudjetidan subsidiyalar belgilangan tartibda to'lab beriladi.

💸Bundan tashqari, qonunchilikka koʻra, taʼlim tashkilotlarining oʻquvchilari va talabalari oʻqishning butun davri davomida, biroq 23 yoshga toʻlguniga qadar boquvchisini yoʻqotganlik pensiyasini olish huquqiga ega.

Kanalga ulanish👇
https://t.iss.one/uztdi

#savol_javob

"Google for Education” sertifikatiga ega oʻqituvchilarga oylik ustama bir vaqtning oʻzida, ham ish joyidan, ham oʻrindoshlik asosida ishlayotgan ish joyidan toʻlanishi mumkinmi?

Mazkur savolga Maktabgacha va maktab ta’limi vazirligi xodimlari javob berdi.

Prezidentning 11.05.2022 yildagi PF-134-son Farmonning 9-bandiga koʻra xalqaro tan olingan sertifikatga ega boʻlgan pedagog kadrlarga — ularning tarif stavkasiga nisbatan 50 foiz miqdorida, har oylik qoʻshimcha ustama sertifikat amal qilish muddati davomida, lekin uch yildan koʻp boʻlmagan vaqt mobaynida toʻlanishi belgilangan.

Shunga koʻra xalqaro tan olingan sertifikatga ega boʻlgan pedagoglarga har oylik qoʻshimcha ustama bir vaqtning oʻzida asosiy ish joyi hamda mehnatiga soatbay ish haqi toʻlash asosida ishlayotgan ish joyi uchun ham tatbiq etiladi.

Kanalga ulanish👇
https://t.iss.one/uztdi

#savol_javob

Men umumta’lim maktabida matematika fanidan dars beraman. Menga har oylik ustama to’lanadi. Ustama olayotgan o‘qituvchilarga ham mukofot puli beriladimi?

Mazkur savolga Maktabgacha va maktab ta’limi vazirligi Yuridik bo‘limi xodimlari javob berdi:

✅ O‘zbekiston Respublikasi Vazirlar Mahkamasining 30.09.2019-yildagi 823-son Qarori bilan tasdiqlangan "Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida" 1-ilovaning 9-bandiga ko‘ra, pedagog, psixolog va kutubxona xodimlarining bazaviy tarif stavkasiga har oylik ustama belgilash umumta’lim muassasalari xodimlarini mukofotlash va ularga moddiy yordam berish umumta’lim muassasalaridagi tashkil etiladigan ishchi guruh qarori bilan ochiq muhokama orqali hamda umumta’lim muassasasining pedagogik kengashi fikrlarini hisobga olib, Jamg‘armada nazarda tutilgan mablag‘lar doirasida amalga oshiriladi.

Nizomning 29-bandida umumta’lim muassasalari xodimlari, shu jumladan rahbar xodimlari faqat “1-oktabr— O‘qituvchi va murabbiylar kuni” munosabati bilan Jamg‘armaning mavjud mablag‘lari hisobidan mehnatga haq to‘lashning eng kam miqdorining 50 foizigacha miqdorida mukofotlanishi mumkinligi ko‘rsatilgan.

Bundan tashqari, Nizomning 32-bandida Prezident maktablariga tanlov asosida qabul qilingan har bir o‘quvchi uchun tegishli umumta’lim muassasasining mos (tanlov, musobaqa, imtihon fanlari) fan o‘qituvchisi mazkur Nizomning 29-bandidan tashqari Jamg‘arma mablag‘lari hisobidan bazaviy tarif stavkasining ikki baravari miqdorida bir yo‘la mukofot puli to‘lash yo‘li bilan rag‘batlantirilishi mumkin. Umumta’lim muassasasi xodimlarini mukofotlashda adolat va xolislik prinsiplariga amal qilinadi.

Kanalga ulanish👇
https://t.iss.one/uztdi

#savol_javob

Sirtqi taʼlimda oʻqib dars berayotgan pedagoglar ham mukofot puli olishi mumkin

“Men oliy taʼlim dargohlarining birida sirtqi taʼlim asosida oʻqiyman. Shuningdek, maktabda dars ham beraman. Direktorimiz mening ham oʻqib, ham ishlayotganimni sabab qilib mukofot puli bermayapti. Shu qonunan toʻgʻrimi?”

Mazkur savolga Maktabgacha va maktab ta’limi vazirligi Matbuot kotibi javob berdi:

Vazirlar Mahkamasining 2019-yil 30-sentyabrdagi 823-son qarori bilan tasdiqlangan nizomga koʻra umumtaʼlim muassasalarida tashkil etiladigan tegishli ishchi guruh tomonidan direktorlar jamgʻarmasi mablagʻlari hisobidan pedagog, psixolog va kutubxona xodimlarining bazaviy tarif stavkasiga har oylik ustama belgilash, umumtaʼlim muassasalari xodimlarini mukofotlash va ularga moddiy yordam berish belgilangan.

Umumtaʼlim muassasalari xodimlariga mukofot puli mazkur jamgʻarma hisobidan 1-oktyabr “Oʻqituvchi va murabbiylar kuni” munosabati bilan mehnatga haq toʻlashning eng kam miqdorining 50 foizigacha berilishi mumkin. Mazkur nizom talablarida sirtqi taʼlim asosida faoliyat olib borayotgan pedagoglarga mukofot puli belgilanmasligi qayd etilmagan.

Kanalga ulanish👇
https://t.iss.one/uztdi