☑️ Марказий Осиёнинг транзит салоҳиятини юзага чиқарадиган муҳим ташаббус амалга ошмоқда

Президентимиз Хитой – Қирғизистон – Ўзбекистон темир йўли қурилиши бошланишига бағишланган маросим иштирокчиларига мурожаат йўллади. Мазкур темирйўл қурилишига асос солиниши дўст мамлакатлар қарийб 30 йил илгари босиб ўтган тарихий воқеа экани таъкидланди.

Давлатимиз раҳбари Марказий Осиё минтақасини Хитой билан энг қисқа қуруқлик йўли орқали боғлайдиган халқаро аҳамиятга эга янги транспорт артерияси кўп қиррали ҳамкорликни янада кенгайтириш ва уч давлат ўртасидаги стратегик шерикликни мустаҳкамлашга хизмат қилишини билдирди.

Яна бир муҳим жиҳат – ушбу лойиҳа ҳамкорликда барқарор ривожланиш ва фаровонлик йўлида кўплаб мамлакатларни бирлаштириб келаётган “Бир макон, бир йўл” ташаббуси доирасидаги эзгу мақсадларга тўлиқ мос келиши айтилди.

Таъкидланганидек, ушбу йўл орқали йилига 15 миллион тонна юк ташилади. Хитойдан Европа мамлакатларига юкларни етказиб бериш масофаси ва муддати бир неча минг километр ва деярли бир ҳафтага қисқаради. Йўловчиларни мунтазам ташишни йўлга қўйиш имконияти пайдо бўлади.

Келгусида ушбу темир йўл линияси Трансафғон йўлаги билан туташиб, Хитой, Марказий Осиё ва Жанубий Осиё ўртасидаги транспорт-коммуникация тармоқларини самарали бирлаштириш ва кучайтиришга имкон яратади.

Умуман олганда, ушбу магистрал йўлнинг ишга туширилиши минтақавий савдо ва инвестициялар ҳажмини бир неча баробар кўпайтириш, транспорт харажатларини сезиларли даражада қисқартириш, Марказий Осиёнинг улкан транзит салоҳиятини юзага чиқаришга хизмат қилади.

@a_xaitov

Ҳафта давомида партия фаолиятида юз берган энг муҳим янгиликлар

#uzlidep #dayjest

Расмий саҳифаларимизга уланинг

Кириб келаётган янги йил барчамизга муборак бўлсин!

Қадрли дўстлар, партиядошлар!

2024 йил ниҳояланмоқда. 2025 йилнинг остонасида турибмиз. Якунланаётган йил улкан ижтимоий-сиёсий воқеаларга бой бўлди. ЎзЛиДеП тарихий жараёнларда фаол қатнашди. 

Партиямиз Олий Мажлис Қонунчилик палатаси ва маҳаллий Кенгашларга бўлиб ўтган сайловда муваффақиятли иштирок этди. Мазкур жараён халқимизнинг сиёсий етуклигини, халқимиз Янги Ўзбекистонни барпо этиш йўлида Давлатимиз раҳбари олиб бораётган сиёсатни тўла қўллаб-қувватлашини яна бир бор исботлади.

Келгуси йилда бутун куч ва имкониятларимизни давлатимиз раҳбарининг сайловдан кейинги парламент йиғилишида Олий Мажлис олдига қўйган вазифалар ижросига йўналтирамиз.

Халқимизнинг партиямизга билдирган ишончини оқлашга ҳаракат қиламиз. Ҳар бир партиядошимиз, ватанпарвар юртдошимиз олдимизда турган мақсадлар нақадар улканлигини теран ҳис этиб турибди. 2025 йилда фаолларимиз, хайрихоҳларимиз ишга янада каттароқ масъулият билан ёндашишига ишонаман. 

Партиямиз аъзолари, жамики юртдошларимизни яна бир бор яқинлашаётган Янги йил билан табриклаб, самимий тилакларимни изҳор этаман.

2025 йил ўлкамизга қут-барака, бахт ва омад олиб келсин!

@a_xaitov

O’zLiDeP Сиёсий Кенгаши Ижроия қўмитаси раиси, Олий Мажлис Қонунчилик палатасидаги партия фракцияси раҳбари Актам Хаитовнинг Янги йил табриги.

#uzlidep #Xaitov #yangi_yil #tabrik

Расмий саҳифаларимизга уланинг