🔴 #LIVE

😎 Валюта ва қимматбаҳо металлар, тошларнинг ноқонуний айланмасига қарши тизимли курашиш таъминланади

🔍Фракция аъзолари “Ўзбекистон Республикасининг айрим қонун ҳужжатларига валюта ҳамда қимматбаҳо металлар ва тошлар муомаласини тартибга солиш бўйича ўзгартишлар киритиш тўғрисида”ги қонун лойиҳасини биринчи ўқишда муҳокама қилишди.

🔍Йиғилишда таъкидланганидек, мазкур қонун лойиҳаси суд-тергов амалиётида учраётган ҳуқуқий бўшлиқларни бартараф этиш, валюта ва қимматбаҳо металлар, тошларнинг ноқонуний айланмасига қарши тизимли курашни таъминлаш, жавобгарликни аниқ белгилаш мақсадида ишлаб чиқилган. Қонун лойиҳасида Жиноят кодекси ва Маъмурий жавобгарлик тўғрисидаги кодекска киритилаётган ўзгартишлар орқали ҳуқуқбузарликларнинг олдини олиш механизмлари кучайтирилмоқда.

🔍Фракция аъзолари томонидан қонун нормаларининг аниқ ва бир хилда қўлланилиши, махсус “Қимматбаҳо металлар ва қимматбаҳо тошлар тўғрисида”ги Қонун билан мутаносибликда бўлиши, шунингдек, тадбиркорлик субъектларига қўшимча юклама юкламаслиги ижобий баҳоланди. Айниқса, валюта тушумининг бир қисмини мажбурий сотишдан бўйин товлаш учун белгиланган жавобгарликнинг бекор қилиниши мамлакатдаги эркин иқтисодий муҳитни янада ривожлантиришга хизмат қилиши таъкидланди.

🔍Йиғилишда ЎзЛиДеП фракцияси аъзолари қонун лойиҳасининг муҳимлигини инобатга олган ҳолда биринчи ўқишда қўллаб-қувватлашди.

#uzlidep #fraksiya

🖥 Расмий саҳифаларимизга уланинг

🔴 #LIVE

😎 Аҳолининг ижтимоий ҳимояга муҳтож қатламлари ҳар томонлама қўллаб-қувватланади

🔍Фракция йиғилишида “Ижтимоий иш тўғрисида”ги қонун лойиҳаси ҳам биринчи ўқишда кўриб чиқилди. Лойиҳа аҳолининг ижтимоий ҳимояга муҳтож қатламларини ҳар томонлама қўллаб-қувватлаш, ижтимоий хизматлар сифатини ошириш ва мазкур соҳадаги ҳуқуқий муносабатларни тартибга солиш мақсадида ишлаб чиқилган.

🔍Фракция аъзолари қонун лойиҳасида назарда тутилган ижтимоий хизматлар турлари, ижтимоий ходимнинг мақоми ва ваколатлари, шунингдек, давлат ҳамда нодавлат ташкилотларининг ушбу соҳадаги иштирокига доир қоидаларни қўллаб-қувватладилар. Айниқса, оғир ижтимоий вазиятга тушган шахслар (оила)лар учун мослашувчан ва манзилли ёрдам кўрсатишнинг аниқ механизмларини белгилаб бериши қонун лойиҳасининг долзарблигини намоён этади.

🔍Йиғилишда, шунингдек, ижтимоий ходимларнинг касбий фаолиятини қўллаб-қувватлаш, малака талабларини белгилаш, супервизия тизимини жорий этиш, ижтимоий хизматларни стандартлаштириш орқали сифат ва самарадорликни оширишга доир нормалар ижобий баҳоланди. Қонун ижроси орқали аҳолининг эҳтиёжманд тоифаларига замонавий ёндашув асосида ёрдам кўрсатиш учун ҳуқуқий замин яратилиши таъкидланди.

🔍Фракция аъзолари мазкур ҳужжат ижтимоий адолат, инсон қадрини юксалтириш ва “Инсонга эътибор – жамиятга эътибор” тамойилини ҳаётга татбиқ этишда муҳим қадам бўлишини алоҳида қайд этдилар.

#uzlidep #fraksiya

🖥 Расмий саҳифаларимизга уланинг

😎 Қимматбаҳо металлар ва қимматбаҳо тошлар муомаласи билан боғлиқ муносабатлар такомиллаштирилмоқда

🔍 Батафсил

#uzlidep #fraksiya

🖥 Расмий саҳифаларимизга уланинг

😎 Ноқонуний савдолар билан боғлиқ 99 та ҳолат аниқланган

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Ер участкаларидан самарасиз фойдаланилганлик учун жарималар белгиланади

🔍Фракция йиғилишида “Дала четларида қишлоқ хўжалиги маҳсулотлари етиштириш тизимини такомиллаштириш муносабати билан айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси биринчи ўқишда муҳокама қилинди.

🔍Ушбу қонун лойиҳаси қишлоқ хўжалигига мўлжалланган ер участкаларининг дала четларида жойлашган, одатда фойдаланилмай қолган, каналлар, сув олиш пунктлари, сув оқариш йўллари, коллектор-дренаж тармоқлари ва уларнинг атрофидаги майдонлардан оқилона фойдаланиш имконини яратади. Мазкур ерлар, мавжуд қонунчиликда белгиланмагани сабабли, амалда ишлаб чиқариш жараёнига жалб этилмасдан, самарасиз ҳолда турибди. Қонун лойиҳасида эса бу майдонларни тўғридан-тўғри озиқ-овқат маҳсулотлари етиштириш мақсадида фойдаланиш учун ҳуқуқий асоси белгиланмоқда.

🔍Қонун лойиҳаси билан шунингдек, агар ер участкалари самарасиз фойдаланилаётган бўлса, уларни самарали фойдаланишга йўналтириш, бу мақсадда маъмурий чоралар, шу жумладан жарималар жорий этиш масалалари ҳам назарда тутилган. Мазкур тадбирлар сув ресурслари танқислиги, об-ҳаво ўзгариши шароитида қишлоқ хўжалиги ишлаб чиқаришини муҳофаза қилишда муҳим роль ўйнайди.

🔍Қонун лойиҳасининг қабул қилиниши аҳолини асосий турдаги озиқ-овқат маҳсулотлари билан кафолатли таъминлашга ҳамда қишлоқ хўжалиги маҳсулотлари етиштириш ҳажмларини кўпайтириш орқали мамлакатнинг экспорт кўрсаткичларини яхшилашга хизмат қилади.

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Қора металл ва табиий газ бозорида эркин рақобатга йўл очилади

🔍Фракция йиғилишида “Бозор ислоҳотлари ва Ўзбекистоннинг Жаҳон савдо ташкилотига аъзолиги янада жадаллаштирилиши муносабати билан айрим қонун ҳужжатларига ўзгартириш ва қўшимчалар киритиш тўғрисида”ги қонун лойиҳаси қизғин муҳокамаларга сабаб бўлди.

🔍Таъкидланганидек, мамлакатимизнинг ўрта ва узоқ муддатли стратегияларига мувофиқ Ўзбекистоннинг халқаро иқтисодиётга тўлиқ интеграциясини таъминлаш, миллий қонунчиликни халқаро стандартларга уйғунлаштириш, монопол соҳаларни бозор тамойилларига изчил ўтказиш, иқтисодиётда хусусий сектор улушини ошириш ва тадбиркорларга эркин фаолият юритиши учун энг қулай шароитлар яратиш бўйича кенг кўламли ислоҳотлар амалга оширилмоқда.

🔍Бозор ислоҳотлари ва Ўзбекистоннинг Жаҳон савдо ташкилотига тўлақонли аъзолиги доирасида давлат иштирокидаги айрим йирик корхоналарнинг махсус (эксклюзив) ҳуқуқлари босқичма-босқич бекор қилинмоқда. Ушбу қонун лойиҳаси билан қора ва рангли металл ломи ҳамда чиқиндиларини тайёрлаш (харид қилиш), қайта ишлаш ва реализация қилиш, шунингдек, табиий газнинг улгуржи ва чакана савдосига доир фаолиятни лицензиялашни назарда тутувчи ўзгартириш ва қўшимчалар киритилмоқда.

🔍Ушбу қонун лойиҳасининг қабул қилиниши қора ва рангли металл ломи ҳамда чиқиндилари, табиий газ савдоси соҳасига хусусий сектор ва инновацияни жалб қилиш, рақобат ва очиқ бозор муҳитини яратишга хизмат қилади.

#uzlidep #fraksiya

🖥 Расмий саҳифаларимизга уланинг

😎 O'zLiDeP қора металл ва табиий газ бозорида эркин рақобатга йўл очмоқчи

#uzlidep #fraksiya

🖥 Расмий саҳифаларимизга уланинг

😎 Бош муҳаррирларнинг ҳуқуқий мақоми белгиланмоқда

🔍Йиғилишда “Ноширлик фаолияти тўғрисида”ги Ўзбекистон Республикаси Қонунига қўшимчалар ва ўзгартириш киритиш ҳақида”ги қонун лойиҳаси биринчи ўқишда муҳокама қилинди.

🔍Бош муҳаррирнинг ҳуқуқий мақоми, унга қўйиладиган талаблар ва масъулиятига оид нормаларни белгиланади. Шунингдек, Бош муҳаррир нашрларнинг мавзу йўналишларидан келиб чиқиб, тегишли экспертлар ва олимлар ёки илмий-тадқиқот муассасаларининг тақризларини мустақил олишга ёки муаллифдан (муаллифлардан) тақдим этилишини талаб қилишга оид ҳуқуқлари мустаҳкамланади.

🔍Бош муҳаррир нашрларнинг мавзу йўналишларидан келиб чиқиб, тегишли экспертлар ва олимлар ёки илмий-тадқиқот муассасаларининг тақризларини мустақил олишга ёки муаллифдан (муаллифлардан) тақдим этилишини талаб қилишга оид ҳуқуқларини мустаҳкамланади.

🔍Мазкур Қонуннинг қабул қилиниши китобларни миллий стандартлар асосида чоп этилишига, китобларда қонунчилик ва ижтимоий ахлоққа зид мазмундаги ахборотларнинг тарқатилишини олдини олишга ҳамда жамиятда китобхонлик маданиятини ҳамда нашриётларнинг ижтимоий масъулиятини оширишга хизмат қилади.

🔍Мазкур қонун лойиҳаси муҳокамалардан сўнг депутатлар томонидан маъқулланди.

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Жисмоний ва юридик шахсларнинг ҳуқуқларини самарали ҳимоя қилишга қаратилган қонун лойиҳаси муҳокама қилинди

🔍Кредиторларнинг гаровга қўйилган мол-мулкига нисбатан ҳуқуқлари устуворлигини таъминлаш, кредит ташкилотларининг муаммоли активлар улушини камайтириш, жисмоний ва юридик шахсларнинг ҳуқуқларини самарали ҳимоя қилиш фракция йиғилишида муҳокама қилинган навбатдаги қонун лойиҳасининг асосий моҳиятидир.

🔍“Кредиторларнинг гаров билан таъминланган талабларини қаноатлантириш тизими такомиллаштирилиши муносабати билан Ўзбекистон Республикасининг айрим қонун ҳужжатларига қўшимчалар киритиш тўғрисида”ги мазкур қонун лойиҳаси билан “Суд ҳужжатлари ва бошқа органлар ҳужжатларини ижро этиш тўғрисида”ги қонунига ўзгартириш киритилади.

🔍Хусусан, лойиҳага кўра, мулк ҳуқуқи ва бошқа ашёвий ҳуқуқларни давлат рўйхатидан ўтказувчи идоралар томонидан мол-мулкларга нисбатан қўйилган барча тақиқларни давлат ижрочисининг қарори асосида ечиш, давлат ижрочисининг қарори унда кўрсатилган шахсга мол-мулкка бўлган ҳуқуқни давлат рўйхатидан ўтказиш (ҳисобга қўйиш) учун асос бўлиб ҳисобланади.

🔍Шунингдек, мол-мулк бўйича мавжуд мажбуриятлар унинг собиқ эгаси – қарздор зиммасида қолиши назарда тутилмоқда.

#uzlidep #fraksiya

🖥 Расмий саҳифаларимизга уланинг

😎 Тадбиркорларга енгилликлар берилади

🔍 Батафсил

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Катта ёшдагиларнинг таълим олиш ҳуқуқини мустаҳкамлашга қаратилган қонун лойиҳаси муҳокама қилинди

🔍Фракция йиғилишида “Ўзбекистон Республикасининг айрим қонун ҳужжатларига нодавлат таълим хизматларини кўрсатиш соҳасини такомиллаштиришга қаратилган ўзгартириш ва қўшимчалар киритиш тўғрисида”ги қонун лойиҳаси ҳам муҳокама қилинди. Қонун таълим соҳасидаги ҳуқуқий бўшлиқларни бартараф этиш ва катта ёшдагиларнинг таълим олиш ҳуқуқини мустаҳкамлаш мақсадида ишлаб чиқилган.

🔍Амалиётда катта ёшдаги фуқароларга чет тиллари кадрлар малакасини ошириш ва уларни қайта тайёрлаш фаолияти доирасида ўргатилмоқда. Бироқ, “Таълим тўғрисида”ги Қонуннинг 13-моддасига кўра, кадрларни қайта тайёрлаш таянч мутахассисликлар ва касбларга мувофиқ бўлган йўналишлар бўйича фаолиятини амалга ошириш учун қўшимча касбий билим, малака ва кўникмаларнинг зарур ҳажми эгалланишини таъминлайди.

🔍Кадрлар малакасини ошириш эса касбий билим, малака ва кўникмаларнинг чуқурлаштирилиши ҳамда янгилаб борилишини таъминлайди, кадрларнинг тоифаси, даражаси, разряди ва лавозими ошишига хизмат қилади. Қонунчиликдаги мазкур бўшлиқлар қонун талаблари сунъий равишда бузилишини келтириб чиқармоқда.

🔍Қонунга киритилаётган қўшимча таълим тури ушбу соҳада ҳуқуқни тўғри қўллаш амалиётини таъминлаган ҳолда амалиётдаги тушунмовчилик ва муаммоларни ҳал этишга қаратилган.

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Давлатимиз раҳбарининг тадбиркорлик субъектлари ўртасида соғлом рақобат муҳитини яратишга қаратилган топшириқлар ижросини таъминлашга қаратилган яна бир қонун лойиҳаси муҳокама қилинди

🔍Фракция йиғилишида давлатимиз раҳбарининг тадбиркорлик субъектлари ўртасида соғлом рақобат муҳитини яратишга қаратилган топшириқлари ижросини таъминлаш, молия-хўжалик фаолиятини амалга оширмаётган тадбиркорлик субъектларини тугатиш тартибини соддалаштиришга қаратилган яна бир қонун лойиҳаси муҳокама қилинди.

🔍“Ўзбекистон Республикасининг айрим қонун ҳужжатларига тадбиркорлик субъектларини қўллаб-қувватлаш орқали аҳоли бандлигини таъминлаш ҳамда юқори қўшилган қийматли товарлар ишлаб чиқаришини кенгайтиришга қаратилган ўзгартириш ва қўшимчалар киритиш тўғрисида”ги қонун лойиҳаси қабул қилиниши натижасида тадбиркорлик субъектларига қулай шарт-шароитларни яратишга имкон берадиган солиқ мажбуриятларни бажариш бўйича тегишли ҳуқуқий муносабатлари тартибга солинади.

🔍Шунингдек, фаолият кўрсатмаётган тадбиркорлик субъектларини давлат реестридан чиқариш тартиби соддалаштирилади ва улар сонини кескин камайишига эришилади.

🔍Қонун лойиҳаси билан Фуқаролик кодексининг 2 та, “Тадбиркорлик фаолияти эркинлигининг кафолатлари тўғрисида”ги Қонуннинг 1 та, Солиқ кодексининг 9 та, “Аҳоли бандлиги тўғрисида”ги ва “Солиқ ва бюджет сиёсатининг 2025 йилга мўлжалланган асосий йўналишлари қабул қилинганлиги муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида”ги Қонунларнинг 1 та моддасига ўзгартириш ва қўшимчаларни киритишни назарда тутилмоқда.

#uzlidep #fraksiya

🖥 Расмий саҳифаларимизга уланинг

😎 Фаолият юритмаётган тадбиркорлар реестрдан чиқарилади

#uzlidep #fraksiya

🖥 Расмий саҳифаларимизга уланинг

🔘#LIVE

😎 Базавий ҳисоблаш миқдорининг беш бараваридан кўп бўлмаган миқдордаги ижро ҳужжатлари соддалаштирилган тартибда ижро этилади

🔍Фракция йиғилишида “Ижро ишини юритишнинг соддалаштирилган тартиби янада такомиллаштирилиши муносабати билан Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонунининг 43¹-моддасига ўзгартириш киритиш тўғрисида”ги Ўзбекистон Республикаси қонуни лойиҳаси ҳам кўриб чиқилди.

🔍Қонун лойиҳаси билан “Суд ҳужжатлари ва бошқа органлар ҳужжатларини ижро этиш тўғрисида”ги Ўзбекистон Республикаси Қонунининг 43¹-моддасининг иккинчи қисми янги таҳрирда баён этилмоқда.

🔍Унга кўра, видеоконференцалоқа харажатлари, суд буйруғига асосан коммунал хизматлар ёки алоқа хизматлари тўлови юзасидан қарздорлик, кўп квартирали уйлар мулкдорларининг мажбурий бадаллари ёки тўловлар бўйича қарздорлик, базавий ҳисоблаш миқдорининг беш бараваридан кўп бўлмаган миқдордаги ижро ҳужжатларини (жарима тариқасидаги жиноий жазо ва дарҳол ижро этилиши лозим бўлган ижро ҳужжатлари бундан мустасно) соддалаштирилган тартибда ижро этиш белгиланмоқда.

#uzlidep #fraksiya

🖥 Расмий саҳифаларимизга уланинг

😎 Эндиликда айрим турдаги қарздорликлар масофадан туриб ундирилади

#uzlidep #fraksiya

🖥 Расмий саҳифаларимизга уланинг