CHANG VA QUM BO‘RONLARI TA’SIRINI KAMAYTIRISH MASALALARI MUHOKAMA ETILDI

📅 Joriy yilning 13-17-noyabr kunlari Samarqand shahrida bo‘lib o‘tgan forumda Cho‘llanishga qarshi kurashish Konvensiyasining bajarilishini ko‘rib chiqish qo‘mitasining 21-sessiyasi (CRIS-21) doirasida BMTning Oziq-ovqat va qishloq xo‘jaligi tashkiloti (FAO) “Chang va qum bo‘ronlariga qarshi kurashda kuchlarni birlashtirish: birgalikda biz global javobga hissa qo‘shishimiz mumkin” mavzusida fikr almashildi.

196 mamlakatdan 500 dan ortiq delegatsiya vakillari ishtirok etgan ushbu tadbir turli xorijiy davlatlarning ushbu tabiiy hodisaga qarshi kurashish borasidagi sa’y-harakatlarini namoyish etish, milliy, mintaqaviy va mintaqalararo harakatlarga tayangan holda ushbu yo‘nalishdagi global choralarni targ‘ib qilish bo‘yicha fikr almashish maqsadida o‘tkazildi.

Anjuman davomida qishloq xo‘jaligida chang va qum bo‘ronlariga qarshi kurashish bo‘yicha uchta yangi nashr, ya’ni, “Qum va chang bo‘ronlari: yumshatish, moslashish, qishloq xo‘jaligida xatarlarni boshqarish siyosati va choralari bo‘yicha qo‘llanmasi” va “Qum va chang bo‘ronlariga tayyorgarlik, chorvachilik jamoalari ishtirokida favqulodda vaziyatlarni rejalashtirish: Mo‘g‘uliston bo‘yicha amaliy tadqiqotlar” hisoboti va “Eron Islom Respublikasida qishloq xo‘jaligining qum va chang bo‘ronlariga chidamliligini oshirish uchun investitsiyalar va harakatlarni kuchaytirish uchun favqulodda rejalashtirish jarayoni” qo‘llanmalari taqdim etildi.

Forum yakunida qurg‘oqchilikka chidamlilikni oshirish, ayollarning yer huquqlarini targ‘ib qilish hamda chang va qum bo‘ronlariga qarshi kurashish, shuningdek, mamlakatlar qishloq xo‘jaligi yerlarini tiklashda erishayotgan yutuqlarni muhokama qilish uchun yangi platforma yaratishga kelishildi.

#chang #muhokama #fikr_almashinuv

🌐Website💬Telegram💬Facebook📺YouTube📷Instagram

“Muqaddasdir vatan bayrogʻi”

🇺🇿Mana oʻttiz ikki yildirki, jahon ayvonida Oʻzbekistonning yuzi, oʻzbek xalqining iftixori sifatida hilpirab kelayotgan bayrogʻimizda millatimiz gʻururi mujassam.

📌Xususan, 18-noyabr Oʻzbekiston Respublikasi Davlat bayrogʻi qabul qilingan kun munosabati bilan joylarda bayram tadbirlari oʻtkazilmoqda.

✅Jumladan, joriy yilning 17-noyabr kuni Qishloq xoʻjaligi vazirligi huzuridagi Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazida ham “Muqaddasdir vatan bayrogʻi” deb nomlangan madaniy-maʼrifiy tadbiri tashkil etildi.

🟢Tadbirda davlatimiz ramzlari haqida soʻz borar ekan, ozod va obod Vatanimiz — Oʻzbekistonning bayrogʻi ham bizni ulugʻ maqsadlar tomon boshlovchi buyuk mashʼala ekanligi hamda davlat ramzlari har bir xalqning mustaqilligi, ozodligi, tinchligi va barqarorligi timsoli boʻlish bilan birga millat bayrogʻi sifatida yuksak eʼzozlanishi xususida soʻz yuritildi.

📝Aytish kerakki, Vatan bayrogʻini koʻzga surtish, uni toʻtiyo qilish Vatanni sevish, uning uchun jonini fido qilishga tayyor boʻlish deganidir.

🔗Zero, unda ruhiyatimiz, gʻurur va iftixorimiz, Vatanimiz va xalqimizga boʻlgan cheksiz mehr-muhabbatimiz, kelajakka ishonchimiz mujassam.

#bayroq #32yil #iftixor

🌐Website💬Telegram💬Facebook📺YouTube📷Instagram

QISHLOQ XO‘JALIGI EKINLARINI YETISHTIRISH VA PARVARISHLASHDA KORЕYA TAJRIBASI

🇺🇿 Qishloq xo‘jaligi vaziri Ibrohim Abdurahmonov Koreyaning Qishloq xo‘jaligi bo‘yicha xalqaro hamkorlik instituti bosh direktori Professor Li Dong-Jin bilan uchrashdi.

✅ Uchrashuvda qishloq xo‘jaligida ilm-fan yutuqlarining ahamiyati va qishloq xo‘jaligi ekinlarini yetishtirish, parvarishlashda ilg‘or texnologiyalarni amaliyotga joriy etish borasida hamkorlik aloqalari muhokama qilindi.

🤝 Suhbat chog‘ida Davlatimiz rahbarining 2022-yil 14-iyuldagi “Koreya Respublikasi Hukumatining grant mablag‘lari hisobiga O‘zbekiston qishloq xo‘jaligiga ilg‘or texnologiyalarni joriy etish chora-tadbirlari to‘g‘risida”gi qaroriga muvofiq, Toshkent viloyati, Yuqori Chirchiq tumani, Ahmad Yassaviy mahalla fuqarolar yig‘ini hududida “O‘zbekistonda meva-sabzavotchilikda ilg‘or texnologiyalar o‘quv markazi”ning (qiymati 3,7 mln AQSH dollari) 2 qavatli bino-inshootlari to‘liq qurib bitkazilgani va zaruriy jihozlar bilan ta’minlangani haqida fikr almashildi.

🌱 Suhbatda professor Li Dong-Jin tomonidan markazda Koreyadan tashrif buyurgan olimlar ishtirokida Koreya tajribasi asosida qishloq xo‘jaligi ekinlarini yetishtirish, parvarishlash yuzasidan Qishloq xo‘jaligi vazirligi tizimida faoliyat yurituvchi tashkilotlar xodimlari, Ilmiy-tadqiqot va Oliy ta’lim muassasalarining bakalavr, magistr hamda ilmiy izlanuvchilarini malakalarini oshirish, shu bilan bir qatorda fermer va dehqon xo‘jaliklari hamda aholi tomorqalarida meva-sabzavot yetishtiruvchi aholining keng qatlamini seminar-treninglar orqali o‘qitib malaka va ko‘nikmalarini oshirish maqsad qilingani haqida ma’lumot berildi.

Batafsil

#hamkorlik #tajriba_almashinuv #ilmiy_muloqot

🌐Website💬Telegram💬Facebook📺YouTube📷Instagram

Xorij tajribasi kollaboratsiyasi: aniq maqsad va amaliy natija sari

Bugun Qishloq xoʻjaligi vaziri Ibrohim Abdurahmonov hamda Yevropa Ittifoqining Qishloq xoʻjaligini qoʻllab-quvvatlash va soha boʻyicha bilimlarni oshirish (ASK Facility) dasturi rahbari, O'zbekiston Respublikasi Qishloq xo'jaligi vaziri maslahatchisi - Adrian Nil bilan tashkil etilgan uchrashuvda ayni masalalarga eʼtibor qaratildi.

Dastur rahbari vazirga taqdimot oʻtkazar ekan, uni yoʻnalishlar kesimidagi tahlillarini bayon qildi. Dastavval 2024-2026 yillarga moʻljallangan byudjetni qoʻllab-quvvatlash loyixasi boʻyicha kutilayotgan koʻrsatkichlar muhokamasi boʻlib oʻtdi. 

Aytish kerakki, Oʻzbekiston mintaqada agrosalohiyati yetuk mamlakat. Buni koʻz-koʻz qilib emas, soha ertasi, yurt rivoji, aholi maʼmurligi uchun foydalanish manbasiga aylantirish lozim.

Vazir oʻz navbatida mazkur loyihalar taqdimoti bilan tanishar ekan, ulardagi agrotarmoq rivoji uchun naf keltirgani va yoki asoslantirilgan foydali jihatlarini soʻradi. A.Nil bu jarayon uzluksiz tarzda boʻlishi, har bir taqdimot oʻz ichiga aniq hisob-kitoblarni olgani va manfaatli ekanini qayd etdi.

#hamkorlik #tajrib #loyiha

🌐Website💬Telegram💬Facebook📺YouTube📷Instagram

😇🥰 😇🥰🥰🥰😇

🍫SHOKOLADLI UZUM (AKEBIA)

🍇Akebia shokoladli tok, besh bargli shokoladli tok yoki besh bargli akebiya sifatida tanilgan. Vatani — Yaponiya, Xitoy, Koreya. AQSHning sharqiy qismida Jorjiya, Michigan, Massachusetsgacha bo‘lgan hududlarda o‘sadi. Akebia ko‘pincha tepaliklarda, to‘siqlarda, daraxtlarda, o‘rmon chetlari, daryolar bo‘yida va tog‘ yonbag‘irlarida o‘sadi.

Akebia doimiy yashil buta bo‘lib, bo‘yi 10 metrgacha yetadi. Barglari uchida tishli beshta ellips murakkab shaklda joylashgan.

Poyalari yasmiqsimon kulrang-jigarrang rangda. Gullari shokolad hidli. Mevalar kolbasa shaklidagi dukkaklar bo‘lib, meva eti iste’mol qilinadi.

Meva tarkibining shirin yuza qismi mavjud bo‘lib, asosan Yaponiyada iste’mol qilinadi. Biroz achchiq ta’mga ega qobig‘i ziravor sifatida ishlatiladi. Poyalari savat to‘qishda ishlatiladi.

O‘simlik poyasida taxminan 🥰😇 foiz kaliy tuzlari mavjud bo‘lib, diuretik ta’sirga ega

Bu mevalar ta’mi malinanikiga o‘xshab ketadi, ammo yoqimli shokolad aromasiga ega, shuning uchun bu mevalar shokolodli uzum deyiladi.

#bu_qiziq #uzum #shokolodli_uzum

🌐Website💬Telegram💬Facebook📺YouTube📷Instagram