MAYMUNJON YETISHTIRISH – QISHLOQ XO‘JALIGINING QAYTA TIKLANAYOTGAN SOHASI

Keyingi yillarda qishloq xo‘jaligida ilmiy-tadqiqot ishlariga alohida e'tibor berilishi tufayli xorijdan maymunjonning sara navlari keltirilib, O‘zbekiston iqlim sharoitiga moslashtirish ishlari amalga oshirilmoqda. Buning samarasi o‘laroq, ham xalqimiz dasturxonini bu mazali va foydali mahsulotga to‘ldirish, ham eksportga chiqarish imkoniyati yuzaga keldi.

Maymunjon navlarini ikkiga bo‘lsa bo‘ladi: bir marta hosil beruvchi an'anaviy navlar va remontant – ko‘p bora hosil beruvchi navlar. Reza mevaning remontant turlari asosan issiqxonalarda yetishtirishga mo‘ljallangan.

O‘zbek olimlarining tadqiqotlari samarasi o‘laroq, yaqin kelajakda maymunjon ham mamlakatimizda keng ko‘lamda yetishtiriladigan va eksportga jo‘natiladigan qishloq xo‘jaligi mahsulotlari safidan o‘rin olishiga ishonamiz.

#maymunjon #eksport #remontant

🌐Vebsayt💬Telegram💬Facebook📺YouTube📷Instagram

🌱 O‘simliklar – kislorod va oziq-ovqat ta'minotida bizning ishonchli ko‘makchilarimiz. Hayot davomida tark etmaydigan hamrohimiz. Ammo, ularda bizning xayolimizga ham kelmagan ko‘plab qiziqarli jihatlar yashirin. Quyida o‘simliklar haqida siz bilmagan 3 ta g‘aroyib faktni keltiramiz.

🔴 O‘simliklar tovushlarni “eshitish” qobiliyatiga ega.
Ma'lum bo‘lishicha, o‘simliklar tovush to‘lqinlarini ilg‘ay olar ekan. Tadqiqotchilarga ko‘ra, ovoz kuchaytirgichlar yonida o‘simliklar tezroq o‘sib, poyasi ham baquvvatroq bo‘lar ekan. Bu fenomenni tovush to‘lqinlari havoda muayyan vibratsiyani yuzaga keltirishi va u o‘simliklar o‘sishiga ijobiy ta'sir ko‘rsatishi bilan izohlaydilar.

🔴 O‘simliklar o‘zaro muloqot qila oladi.
O‘simliklar ildizlari orqali muloqot qilishlari haqida eshitgan bo‘lsangiz, ajabmas. Lekin bu hali holvasi! Ular havo orqali ham “suhbat” qurishadi. Masalan, bir ekinga hasharot zarar yetkazadigan bo‘lsa, u o‘zidan kimyoviy modda chiqaradi va bu orqali boshqa o‘simliklarni xavfdan ogohlantiradi. Shu tariqa, o‘simliklar bir-biri bilan muloqot qiladi va o‘zgarishlarga muvaffaqiyatli moslashadi. Qizig‘i shundaki, bunday muloqot boshqa-boshqa turdagi o‘simliklar o‘rtasida ham kuzatiladi.

🔴 O‘simliklar xotiraga ega.
Nabotot olamiga xotira, odat kabi xususiyatlar ham xos. Jumladan, ko‘p sonli tajribalar ko‘rsatishicha, agar o‘simlik bir joyda uzoq qoldirilib, keyin boshqa joyga ko‘chirilsa, quyosh butunlay boshqa tomondan nur sochib tursa ham, u o‘zi odatlanib qolgan tomonga qarab intiladi.

Ha, o‘simliklarda hali insoniyat oxirigacha o‘rganmagan ko‘plab sir-asror mavjud. Ular nafaqat maftunkor go‘zallikka, balki g‘aroyib donolikka ham ega. Va, ehtimol, o‘simliklarni yaxshiroq tushunishni o‘rganib olsak, ularga va umuman, tabiatga munosabatimiz yangi darajaga ko‘tarilar.

🌐Website💬Telegram💬Facebook📺YouTube📷Instagram