#23февраля

⭐️ Аҕа дойду көмүскээччилэрин күнүн көрсө "Үрүйэчээн" уһуйаан иитиллээччилэригэр Үөһээ Бүлүүтээҕи ИДьО сотрудниктара ыалдьыттаатылар.

Ол курдук, полиция капитана участковай боломуочунайа Семен Семенович Протопопов, ДПС инспектора, полиция лейтенана Семен Семенович Артемьев оҕолорго буруйу оҥоруу уонна эппиэтинэстээх, суолга сэрэхтээх буолуу туһунан кэпсээтилэр.

Билигин үлэлии-хамсыы сылдьар полиция сотрудниктара үлэлэлэригэр туһанар тэриллэрин, формаларын туһунан олус интэриэһиргэтэр гына кэпсээтилэр.

Уһуйааммыт оҕолоро бэйэлэрин ырыаларын, хоһооннорун уонна үҥкүүлэрин бэлэх ууннулар.
Оҕолор бу тэрээһинтэн саҥа арыйыылары, олоххо туһалаах сүбэлэри ыллылар.

Түгэнинэн туһанан Үөһээ Бүлүүтээҕи ИДьО начальнигар, подполковник Альберт Павлович Николаевка, полиция участковай болномуочунайдарын начальнигар Петр Петрович Павловка, уонна кадры аттаран туруоруу салаатын салайааччытыгар Ангелина Николаевна Котоконоваҕа хаһан да көрдөһүүбүтүн быһа гыммакка күүс-көмө буоларгытыгар махталбытын тиэрдэбит. Үлэҕитигэр өссө үрдүк ситиһиилэри баҕарабыт.

Сонуннарга анаан Вероника Протопопова

"Үөһээ Бүлүү" хаһыат