#Үөрэхбилиикыһата #Тамалакаан

Тамалакаан нэһилиэгин оскуола-оҕо саадыгар 86 оҕо оскуолаҕа үөрэнэр, оҕо саадыгар 39 оҕо сылдьар.

Оскуолаҕа киириэххиттэн тахсыаххар диэри үөрэнээччи туһугар тутуллубут, оҥоһуллубут оскуоланы сөҕө-махтайа көрөҕүн.

Учууталлар эмиэ үлэлииллэригэр, сынньаналларыгар даҕаны бары усулуобуйа баар. Оскуола толору хааччыллыылаах, хас биирдии учууталга ноутбук, принтер, проектор көрүллэр.

Директор Спиридон Федоров быйыл "Бастыҥ директор" анал ааты сүкпүтэ. Кини оскуоланы кэрийэ сылдьан көрдөрдө, билиһиннэрдэ. Спиридон Ивановичтыын интервьюну хаһыаппыт кэлэр нүөмэригэр ааҕаарыҥ.

@uoheebuluu

#Үөрэхбилиикыһата #Тамалакаан

Тамалакаан оскуола-оҕо саадын минньигэс астаах остолобуойа быйыл өрөспүүбүлүкэ үрдүнэн тыа сирин оскуолаларыгар "Оскуола бастыҥ остолобуойа" ааты чиэстээхтик сүктэ. Минньигэс, тотоойу астарын оҕолор олус сөбүлүүллэр, менюлара оҕолорго сөптөөх гына кичэллээхтик оҥоһуллубут.

Сотору кэминэн остолобуой коллектива остолобуойдар күрэхтэригэр Осетияҕа Владикавказ куоратыгар өрөспүүбүлүкэ чиэһин көмүскүү бараллар.

@uoheebuluu

#Үөрэхбилиикыһата #Тамалакаан

Тамалакаан спортивнай нэһилиэгинэн биллэр. Дьэ, бу саалаттан элбэх маастардар үүнэн-сайдан тахсыахтара диэн эрэл улахан👏🏻👏🏻👏🏻

Холобур, киэн туттар биир дойдулаахпыт Сардаана Трофимова эргэ оскуола көрүдүөрүнэн элбэхтик сүүрбүтэ диэн физкультураҕа учуутала, билигин директор Спиридон Иванович кэпсээтэ.

@uoheebuluu

#Үөрэхбилиикыһата #Тамалакаан

Уолаттары уһанарга үөрэтэр технология учуутала Федор Иванов мастарыскыайыгар ыалдьыттаатыбыт.

Энтузиаст учуутал мастан оҥоһуктары эрэ буолбакка, оҕону сайыннарар, толкуйдатар оонньуулары айан оҥорор эбит. Оҕолор бэрт интэриэһиргээн оонньууллар, биһиги да холонон көрдүбүт. Итиэннэ бу мастарыскыайга уолаттар араас оҥоһуктары оҥорон таһаараллар.

"Уол оҕо тутан-хабан, ыһан-хомуйан үөрэниэхтээх" - диир Федор Петрович.

@uoheebuluu

#Үөрэхбилиикыһата #Тамалакаан

Тамалакаан оскуола-оҕо саадын ааҕар хоһо - библиотека

#Үөрэхбилиикыһата #Тамалакаан

Анал лицензиялаах медицинскэй кылаас койко-миэстэлээх, укуол ылар туспа хостоох.

Гигиениһинэн Елена Матвеевна Гаврильева үлэлиир. Хас сарсыарда аайы оҕолор туруктарын көрөр-истэр, бэлиэтэнэр.

@uoheebuluu

#Үөрэхбилиикыһата #Тамалакаан

Логопед Александра Лазаревна оҕолору биир-биир ыҥыртаан дьарыктыыр кэмигэр түбэстибит.

Маннык дьарыктарга сылдьан оҕолор эбиллэллэрин, эбии сайдалларын бэлиэтээтилэр.

@uoheebuluu

#Үөрэхбилиикыһата #Тамалакаан

Бу кыргыттар мастарыскыайдара, манна технология уруоктара буолаллар. Кыргыттар тигэ үөрэнэллэригэр, астыылларыгар бары усулуобуйа баар.

Хас да иистэнэр массыына кичигэрэһэн турар. Итиэннэ кожаны кытары тигэр сыаналаах улахан иистэнэр массыына баар. Оҕолор тикпит таҥастарын манекеҥҥа туруорбуттар.

Соторутааҕыта кыргыттар бэйэлэрэ торт астаан остолобуой үлэһиттэригэр бэлэхтээн үөрдүбүттэр.

@uoheebului

#Үөрэхбилиикыһата #Тамалакаан

Тамалакаан оскуола-оҕо саадыгар уһуйааҥҥа туспа аанынан киирэллэр. Манна биир саастарыттан саҕалаан барыта 39 оҕо сылдьар.

Оҕолор утуйалларыгар, дьарыктаналларыгар туспа-туспа, киэҥ-куоҥ хостор бааллар. Толору хааччыллыылаах буолан бэйэлэрин саҕа суунар сирдээхтэр, туалеттаахтар.

Оҕолор үөрэ-көтө эһиэхэ, ааҕааччыларбытыгар, ылбаҕай ырыаларын бэлэхтээтилэр.

@uoheebuluu

#Үөрэхбилиикыһата #Тамалакаан

Биология, география учуутала Маргарита Ивановна Иванова уонна химия учуутала Светлана Ивановна Иванова оҕолору кытта араас дьикти көстүүлээх үөннэри-көйүүрдэри, хаамыскалары, кыыллар төбөлөрүн уо.д.а хомуйан коллекциялыыллар, уруоктарга туһаналлар.

"Биһиги кабинеттарбыт толору хааччыланнылар. Эдэр учууталлар кэллэхтэринэ үөрэ-көтө көрсүөхпүт, кинилэр үлэлэрин саҕалыылларыгар кабинеттарбыт толору эппиэттииллэр" - диэн санааларын этэллэр.

@uoheebuluu