#ыччат #дүллүкү

⭐️ Кулун тутар 2 күнүгэр сааскы күммүт улууспут эдэр ыччатын сылааһынан сыламныы көрүстэ.

Дүллүкү нэһилиэгэр Үөһээ Бүлүүттэн төрүттээх устудьуоннар «Ураан» түмсүүлэрин салайааччыта Уйгулаана Гаврильева "Движение Путина" волонтер бырагырааматынан ыалдьыттаата. Кинилэри кытта Дүллүкү нэһилиэгин эдэр ыччатын Сүбэтэ көрсөн, билсэн, эрдэ киирбит сайаапканан нэһилиэк ытык кырдьаҕастарыгар, анал байыаннай дьайыы кыттыылааҕын төрөппүт оҕотун дьиэ кэргэнигэр күүс-көмө буолан хаар күрдьүүтүн, таһыытын үлэтигэр сырыттылар.

Дүллүкү орто оскуолатын үөрэнээччилэрин кытта көрүстүлэр, идэни талыыга көхтөөх кэпсэтиини ыыттылар.

Тыа сиригэр үлэ күөстүү оргуйда, оҕолор үөрэн-көтөн, мичилиһэн, сорунан кэлбит үлэлэрин үмүрүттүлэр. Эдэр ыччаттарга олохтоохтор истиҥ махталларын тиэртилэр, итии чэйинэн, сылаас алаадьынан күндүлээтилэр. Салгыы атын нэһилиэктэргэ айаннарын туттулар.

Дүллүкү нэһилиэгин эдэр ыччатын Сүбэтэ эдэр ыччаты куруук олоххо көхтөөх буоларга ыҥырар.

Дүллүкү эдэр ыччатын Сүбэтэ

"Үөһээ Бүлүү" хаһыат