#Үбүлүөй #техникум #ссузы

⭐️ СӨ Үөрэҕирии уонна билим миниистирэ Ньургуна Соколова судаарыстыбаннай наҕараадалары туттарда.

Элбэх сыллаах үтүө суобастаах үлэтин, сүҥкэн кылаатын иһин "СӨ Үөрэҕириитин үтүөлээх үлэһитэ " үрдүк ааты дириэктэри үөрэх чааһыгар солбуйааччы Антонина Болтоковаҕа туттарда.

"СӨ Үөрэҕирии систиэмэтин туйгуна" түөскэ кэтэр бэлиэнэн Павел Васильев, Альберт Ильин бэлиэтэннилэр.

"СӨ Үөрэҕирии систиэмэтин бочуоттаах бэтэрээнэ" түөскэ кэтэр бэлиэни преподаватель Айталина Максимова ылла.

"Профессиональнай үөрэхтээһин сайдыытыгар кылаатын иһин" Агния Овчинникова, преподаватель Руслан Былков, сүрүн буҕаалтыр Динара Тоногосова, хаһаайыстыба сэбиэдиссэйэ Татьяна Осипова, асчыт Татьяна Энчина түөскэ кэтэр бэлиэни туттулар.

Үөрэх уонна билим министиэристибэтин Бочуот грамотатынан уопсай дьуһуурунайа Анна Гаврильева, преподаватель Сандра Доргуева, уопсай дьуһуурунайа Светлана Суханов наҕараадаланнылар.

Үөрэх уонна билим министиэристибэтин Махтал суругунан программист Егор Миронов, производственнай үөрэхтээһин маастара Савва Петров бэлиэтэннилэр.

#Үбүлүөй #техникум #ссузы

⭐️ Үөһээ Бүлүү нэһилиэгин баһылыга Максим Силигиянов Техникум дириэктэригэр Матрена Осиповаҕа нэһилиэк дьаһалтатын аатыттан эҕэрдэлээн туран 30 тыһыынча солкуобай суумалаах сертификаты бэлэх уунна.

Ону сэргэ күнүскү уонна кэтэхтэн үөрэхтээһин сэбиэдиссэйигэр Альбина Игнатьеваҕа "Үөһээ Бүлүү сэлиэнньэтин бочуоттаах олохтооҕо" үрдүк ааты иҥэрдэ.

"Үөһээ Бүлүү" хаһыат

#Үбүлүөй #техникум #ссузы

⭐️ СӨ Ил Түмэн судаарыстыбаннай мунньаҕын депутата Федот Филиппов Ыччаты кытта үлэҕэ уонна спорт, физическэй култуура боппуруостарынан дьарыктанар сис кэмитиэт аатыттан Бочуот грамотатын техникум устудьуонугар Гаврил Игнатьевка туттарда.

"Үөһээ Бүлүү" хаһыат

#Үбүлүөй #техникум #ссузы

⭐️ 1982 сылга улуус киинигэр икки этээстээх саҥа дьиэ тутуллан, Нам нэһилиэгиттэн Үөһээ Бүлүүгэ көнөн киирэр.

1983 сылтан уларыйан, Үөһээ Бүлүүтээҕи 10-с нүөмэрдээх СПТУ диэн ааттанар.

Араас сылларга үөрэммит выпускниктар эҕэрдэ тылларын аныыллар.

"Үөһээ Бүлүү" хаһыат

#Үбүлүөй #техникум #ссузы

⭐️ 1995 сыллаахтан ылбыт идэтинэн үлэлээбитэ 30 сыла буолбут, СӨ култууратын туйгуна, Нам нэһилиэгиттэн төрүттээх Уус-Алдан улууһун Төхтүр нэһилиэгин култууратын дьиэтин дириэктэрэ Альберт Васильев эҕэрдэлээн туран бэйэтин ырыатын анаата.

Ытыктыыр дириэктэригэр Константин Соргоевка бэйэтин сэмэй бэлэҕин туттарда.

"Үөһээ Бүлүү" хаһыат

#Үбүлүөй #техникум #ссузы

⭐️ Техникум дириэктэрэ Матрена Осипова "Техникум сайдыытыгар кылаатын иһин" диэн орто үөрэх кыһатын саамай үрдүк наҕараадатын Техникумҥа үлэлээн ааспыт биир идэлээхтэригэр Антонина Овчинниковаҕа, Сардаана Багынановаҕа, Прокопий Тойтоновка, Алена Чуруковаҕа туттартаата.

"Үөһээ Бүлүү" хаһыат

#Үбүлүөй #техникум #ссузы

⭐️ 4 сыл устата Техникум олоҕор, үлэтигэр-хамнаһыгар күүскэ үлэлэспит, күүс-көмө буолбут бастыҥ выпускниктарга эмиэ "Техникум сайдыытыгар кылаатын иһин" бэлиэнэн наҕараадалаата.

"Үөһээ Бүлүү" хаһыат

#Үбүлүөй #техникум #ссузы

⭐️ Үбүлүөйдээх тэрээһин чэрчитинэн ыытыллыбыт "Идэтигэр бастыҥ" күрэх түмүктэрин үрдүк сыанаҕа таһаардылар, кыайыылаахтары наҕараадалаатылар.

"Үөһээ Бүлүү" хаһыат

#Үбүлүөй #техникум #ссузы

⭐️ Драг-рейсинг күрэх кыайыылаахтара

"Үөһээ Бүлүү" хаһыат

#Үбүлүөй #техникум #ссузы

⭐️ Техникуму кытта ыкса сибээстээхтик үлэлиир тэрилтэлэртэн биирдэстэрэ олохтоох ОДьКХ филиала буолар.

Сварщиктар күрэхтэрин түмүгүн таһаардылар.

"Үөһээ Бүлүү" хаһыат

#Үбүлүөй #техникум #ссузы

⭐️ "Защита в чрезвычайных ситуациях" диэн группаҕа үөрэнэр устудьуоннар үбүлүөйү көрсө Бүлүү бөлөх улуустарын быыһааччыларын утары күөн күржстэһэргэ ыҥырбыттара.

Күрэх түмүгүнэн устудьуоннар хамаандалара бастакы миэстэни ыллылар.

"Үөһээ Бүлүү" хаһыат

#Үбүлүөй #техникум #ссузы

⭐️ Техникум үбүлүөйдээх тэрээһинигэр эҕэрдэлии кэллилэр

СӨ Ыксаллаах быһыы-майгы министиэристибэтин сүрүн управлениетын суһал дьаһаныы салаатын салайааччыта, ис сулууспа подполковнига Николай Спиридонов, СӨ баһаары утары охсуһар сулууспа салайааччытын бастакы солбуйааччыта, биир дойдулаахпыт, Ороһу нэһилиэгиттэн төрүттээх Александр Трофимов, ВДПО ХЭТ өрөспүүбүлүкэтээҕи салаатын баһаарынай харабыл салаатын салайааччыта Юрий Кокорин уонна маассабай тэрээһиннэри тэрийэр салаа салайааччыта Юлия Ядрихинская эҕэрдэлии кэллилэр.

Александр Трофимов Техникумҥа баһаарынай байыас идэтигэр үөрэнэ сылдьар устудьуоннары дьарыктыыр, улуус баһаарынай этэрээтигэр көмө буолалларыгар бэлэмниир аналлаах баһаарынай массыына бэриллэрин туһунан сертификаты кытта массыына күлүүһүн бэлэх уунна.

Матрена Осипова тута күлүүһү баһаарынай байыастарын идэлэригэр бэлэмниир преподавателлэргэ туттарда.

"Үөһээ Бүлүү" хаһыат

#Үбүлүөй #техникум #ссузы

⭐️ Юбилейы көрсө полицейскай буолуохтаах устудьуоннар уонна үлэлии сылдьар полиция сотрудниктарын икки ардыларыгар эмиэ олус тыҥааһыннаах күрэх буолан ааспыта.

Бүгүн бииргэ үлэлэһэр партнердара эҕэрдэлии кэллилэр. Ол курдук, СӨ ИДьМ бэтэрээннэрин Сэбиэтин бэрэссэдээтэлэ, отставкаҕа олорор милиция полковнига Эдуард Федоров, Үөһээ Бүлүүтээҕи полиция отделын начальнига, подполковник Альберт Николаев, Үөһээ Бүлүү улууһун Ис дьыала отделын бэтэрээннэрин Сэбиэтин бэрэссэдээтэлэ Иннокентий Хобусаров эҕэрдэлэрин анаатылар. Техникум преподавателэ, полиция подполковнига Леонид Егоров күрэх түмүгүн иһитиннэрдэ.

"Үөһээ Бүлүү" хаһыат

#Үбүлүөй #техникум #ссузы

⭐️ Өрөспүүбүлүкэ улуустарыттан, Дьокуускай куораттан уонна Бүлүү бөлөх улуустарын идэ биэрэр орто үөрэх кыһаларын дириэктэрдэрэ бу күн Үөһээ Бүлүүтээҕи техникуму үйэ аҥардаах үбүлүөйүнэн эҕэрдэлээн тыл кэрэтин, үтүө санаа бастыҥын анаатылар.

"Үөһээ Бүлүү" хаһыат

#Үбүлүөй #техникум #ссузы

⭐️ Үбүлүөйдээх дьоро тэрээһин Харбалаах нэһилиэгин олохтооҕо Дмитрий Кононов тылларыгар, олохтоох мелодист Николай Чуручанов матыыбыгар "Үөһээ Бүлүүтээҕи техникум өрөгөй ырыатын" үлэһит үтүөтэ, иитээччи бастыҥа дьонноох иллээх-эйэлээх коллектив толоруутунан түмүктэннэ👏👏👏

Хас биирдии ыалдьыты үбүлүөйү бэлиэтиир минньигэс тордунан күндүлээтилэр.

"Үөһээ Бүлүү" хаһыат