#иһитиннэрии

✅ Туобуйа сиригэр турбут ойуур баһаарын атырдьах ыйын 6 күнүгэр умуруорбуттара.

Хаартыскаларга: ойуур баһаарыгар үлэ түгэннэрэ

"Үөһээ Бүлүү" хаһыат

#иһитиннэрии

✅ Үөһээ Бүлүү аннынан Бүлүү эбэ мууһа бэҕэһээ киэһэ уһунна

Өрүскэ уу таһыма сарсыарда 8 чааска 1062 см тэҥнэспит (критическэй көрдөрүү 1450 см). 8 чаас иһигэр 63 см эбилиннэ.

Муус этэҥҥэ харгыһа суох бары турар, ол 10 баалга тэҥнэһэр диэн Үөһээ Бүлүүтээҕи Биир кэлим диспетчер сулууспата иһитиннэрэр.

Оттон Хоро нэһилиэгин аннынан гидрологическай пост сарсыарда 8 чааска 725 см көрдөрбүт. Кэнники биир чаас иһигэр 3 см эбиллибит.

Онтон билигин, 9 чаастааҕы көрдөрүүнэн, уу таһыма 6 см көҕүрээн, 719 см тэҥнэспит. Санатар буоллахха, Хоро аннынан критическэй көрдөрүү 935 см тэҥнэһэр.

"Олохтоохтор субуотунньугунан биэрэккэ намыһах өттүнэн кумахтаах кууллары бэлэмнээн харгыс оҥорбуттара. Улуустааҕы ГО уонна ЧС хамыыһыйатын быһаарыытынан көрүллүбүт үбүнэн өрүс суола сабыллыан аҕай иннигэр 6 массыына кумах кутуллубута. Субуотунньук күн нэһилиэк үгүс кэрэ аҥардара баррикада оҥоруутугар тахсан үлэлээбиттэрэ", - диэн Хоро нэһилиэгин баһылыга Альберт Иванов иһитиннэрдэ.

@uohee_buluu

#иһитиннэрии #кчс

✅ Бэс ыйын 29 күнүттэн Үөһээ Бүлүү оройуонугар ойуур баһаарыттан сибээстээн ыксаллаах быһыы-майгы балаһыанньата биллэрилиннэ

Улуус баһылыгын бастакы солбуйааччыта Егор Иванов бэрэссэдээтэллээх улуус ыксаллаах быһыыга хамыыһыйатын быһаарыытынан, маннык балаһыанньа муниципальнай суолталаах ойуурдарга биллэрилиннэ.

Бүгүҥҥү күҥҥэ балаһыанньа хайдаҕын Үөһээ Бүлүүтээҕи ойуур хаһаайыстыбатын лесничейэ Павел Тимофеев иһитиннэрдэ:

- "Кырыкый нэһилиэгиттэн 44 км тэйиччи сиргэ - Түҥҥэ бэс ыйын 24 күнүгэр турбут ойуур уота бүгүҥҥү туругунан иэнэ 832 гектарга тиийдэ. Онтон 62 га верховой. Ойуур баһаарын умуруоруу үлэтигэр уопсайа 105 киһи үлэлии-хамсыы сылдьаллар. Онтон 54 үлэһит Бүлүү, Ньурба улуустарыттан кэлэн көмөҕө тахсыбыттара. Мобилизация көмөтүнэн нэһилиэнньэттэн 23 киһи баҕа өттүнэн уоту умуруорууга үлэлии тахсыбыта. Баһаар соҕуруу өттө күүскэ умайар.

Билигин бу баһаарбытыгар икки критерий киирэн, улууспутугар бэҕэһээ ыксаллаах балаһыанньаны биллэрдибит.
Баһаарбыт иэнэ улаатан уонна ойуур баһаарын умулларар күүстэрбит 50 %-тан элбэх киһи баһаарга үлэлии сылдьалларынан сибээстээн."


✅ Мантан сиэттэрэн, ыксаллаах балаһыанньа биллэриллибитин кэннэ ойуурга тахсыы, уоту оттуу, айылҕаҕа тахсан шашлыктааһын кытаанахтык бобулларын өссө төгүл санатабыт.

Улуус дьаһалтатын уурааҕар олоҕуран, нэһилиэктэр баһылыктара суһал хамсаныынан миэстэлэригэр ыстаап тэринэн, уоту умуруорар тэриллэринэн хааччынан, водоемнары уунан толору хааччыйан, баһаарынай сулууспа үлэһиттэрэ үлэлэрин күүһүрдэн, бэлэмнээх олороллоругар, баһаартан сэрэхтээх буолуу инструктаһын нэһилиэнньэҕэ тириэрдиини күүһүрдэргэ сорудахтанна.

"Үөһээ Бүлүү" хаһыат
@uoheebuluu
@ulusmedia_admin

#иһитиннэрии

✅ Үөһээ Бүлүү аннынан Бүлүү эбэҕэ сэрэтэр өҥнөөх лиэнтэлэринэн бэлиэлэри туруордулар.

Федеральнай суолталаах Ленин уулуссанан эбэҕэ түстэххитинэ маннык бэлиэлэри өйдөөн көрүҥ.

Бэлиэтэммит сирдэргэ киирэр кытаанахтык бобуллар. Улахан тиэхиньикэлэр кумаҕы хаһан, дириҥ чүөмпэлэри үөскэппиттэр. Биир маннык чүөмпэҕэ бэҕэһээ оҕолор былдьана сыспыттара.

Сэрэхтээх, болҕомтолоох буолуҥ! Төрөппүттэр сокуоннай саастарын ситэ туола илик оҕолоргутун көрүүтэ-истиитэ суох өрүскэ киллэримэҥ. Оҕолоргутун сэрэтиҥ.

"Үөһээ Бүлүү" хаһыат

#иһитиннэрии

✅ Үөһээ Бүлүү иһигэр маршрутнай автобус сырыытыгар уларыйыылар киирдилэр.

Ол курдук, автобус маршрута 27 тохтобуллаах:

1 Д/с Теремок
2 Сахатранснефтегазсбыт
3 Дорожный
4 ВВСОШ №1
5 магазин «Дьулуур»
6 рынок «Вилюй»
7 ВВСОШ №4
8 магазин «Перекресток»
9 Андреева
10 Ул. Чиряева
11 ВВСОШ№3
12 ЦРБ
13 Аптека №36
14 Строительная
15 Үөһээ Бүлүү
16 Авиаторов
17 ул. Михаила Алексеева
18 ВВРЛИ
19 Авиаторов
20 ВВСОШ №2
21 Виола
22 Центр занятости
23 РДК
24 Амбулатория
25 пер. 9 мая
26 Мааппа
27 Д/с Теремок.

Күн эргииринэн уонна утары сылдьар икки маршрутнай автобус сүүрэр.

Ону таһынан, сарсыардааҥы уонна киэһээҥи сырыы, ол эбэтэр автобус гаражтан тахсар уонна гаражка киирэр сырыытыгар кылгас быһа сырыынан сылдьар.

Сарсыардааҥы автобус маршрута:
Гараж – Теремок (Озерная – Карла Маркса – Ленина – Намский тракт – ул. Е.А. Борисова)

06:30 – Озерная 
1 автобус (по часовой)

Киэһээҥи автобус маршрута Теремок – Гараж (ул. Е.А. Борисова – Намский тракт – Ленина – Карла Маркса – Озерная)

19:15 - Теремок

2 автобус (по часовой) Вечерний маршрут Теремок – Гараж (ул. Е.А. Борисова – Намский тракт – Ленина – Карла Маркса – Озерная)
19:05 – Теремок 


Автобустар сырыыларын бириэмэтин уонна маршрутун сыһыарыллыбыт карточкаларга көрүҥ.

#МаршрутныйАвтобус

#иһитиннэрии

✅ 1986 сылтан ыла түмүллүбүт докумуоннардаах улуус архыыба дьаһалта дьиэтиттэн көһөн, билигин Советская 8 (Сбербаан) дьиэтигэр иккис этээскэ үлэлии олорор.

"Үөһээ Бүлүү" хаһыат